嫲嫲 個 菜園
嫲嫲 屋企 出面 有 個 菜園 , 佢 鍾意 種 菜 畀 自己 食 。
喺 菜園 度 , 有 好多 好 好食 嘅 嘢 。
嫲嫲 叫 我 幫 佢 手 , 摘 啲 番茄 、 矮瓜 同 豆 返嚟 。
我 拎 住 啲 番茄 、 矮瓜 同 豆 返嚟 畀 嫲嫲 。
嫲嫲 話 : 「 冇錯 , 摘 啱 晒 , 真係 叻仔 ! 」
跟住 , 嫲嫲 叫 我 幫 佢 揾 啲 薯仔 返嚟 。
嫲嫲 叫 我 慢慢 揾 。 佢 話 淨係 用 眼 睇 唔 到 啲 薯仔 㗎 。
我 淨係 摸 到 啲 草 , 揾 唔 到 薯仔 喺 邊 。
我 返去 同 嫲嫲 講 : 「 菜園 入面 冇晒 薯仔 喇 。 」
嫲嫲 話 : 「 有 㗎 。 你 試 下 慢慢 揾 , 一定 揾 到 㗎 ! 」
我 去 多 次 菜園 。 狗仔 小黑 都 同 我 一齊 行 。
突然間 , 小黑 又 跑 又 跳 , 仲 喺度 大叫 。
佢 個 樣 好 開心 。
我 跟住 佢 跑 , 睇 下 有 咩 事 。
小黑 聞 到 啲 薯仔 喺 邊 。 佢 個 鼻 真係 好 犀利 。
「 你 真係 好 叻 啊 ! 係 你 先 揾 到 咋 ! 」 我 摸摸 佢 個 頭 。
原來 啲 薯仔 生 喺 泥 下面 , 唔 似 矮瓜 噉 畀 人 見 到 㗎 。