Aralin 17 - Ang Pang-araw-araw kong Buhay

Dayalogo: Ano Ang Ginagawa Mo Tuwing Sabado?

PEDRO: Puwede bang makausap si Maria?

MARIA: Si Maria nga ito.

PEDRO: Gusto mo bang pumunta sa konsiyerto sa Sabado ng gabi?

MARIA: Anong oras?

PEDRO: Alas-sais.

MARIA: Naku, hindi ako puwede. Dumadalo ako ng pulong ng Philippine Studies Forum tuwing Sabado.

PEDRO: Anong oras natatapos ang pulong?

MARIA: Nagsisimula ang pulong nang alas-kuwatro at natatapos nang alas-singko. Saan ang konsiyerto?

PEDRO: Sa Abelardo Hall.

MARIA: Anong oras ka pupunta?

PEDRO: Mga alas-singko kwarenta. Nagbabasa ako sa library nang Sabado ng hapon.

MARIA: Sige. Pumunta ka sa Vinzon's Hall. Doon ang meeting namin.

PEDRO: Sige. Dadaanan kita. Magkita tayo sa Sabado.