Et mūnere fungentem et domī manentem, Karenam taedet.
Cotīdiē idem agit.
Novum oblectāmentum cupit.
Prīmum coquere cōnātur.
Sed cibus ejus nōn bene sapit.
Deinde natāre cōnātur.
Sed aquam timet.
Karena domum ambulat et tabernam dēliciārum videt.
In tabernā dēliciārum fēlem videt!
Karena fēlem emit, et jam est laetissima.
Haec est eadem fābula ā Karenā nārrāta.
Et mūnere fungentem et domī manentem, mē taedet.
Cotīdiē idem agō.
Novum oblectāmentum cupiō.
Prīmum coquere cōnor.
Sed cibus meus nōn bene sapit.
Deinde natāre cōnor.
Sed aquam timeō.
Domum ambulō et tabernam dēliciārum videō.
In tabernā dēliciārum fēlem videō!
Fēlem emō, et jam laetissima sum.
Quaestiōnēs.
1) Et mūnere fungentem et domī manentem, Karenam taedet. Laetāturne Karena mūnere fungēns? Nōn, Karena mūnere fungēns nōn laetātur. Et mūnere fungentem et domī manentem, eam taedet.
2) Cotīdiē Karena idem agit. Agitne Karena multa nova? Nōn, cotīdiē Karena idem agit.
3) Karena novum oblectāmentum cupit. Cupitne Karena novum oblectāmentum? Ita, Karena novum oblectāmentum cupit.
4) Cibus Karenae nōn bene sapit. Estne Karena bona coqua? Nōn, Karena nōn est bona coqua. Cibus ejus nōn bene sapit.
5) Karena aquam timet. Dēlectatne natāre Karenam? Nōn, natāre Karenam nōn dēlectat. Aquam timet.
6) Karena fēlem in tabernā dēliciārum videt. Videtne Karena fēlem in tabernā? Ita, Karena fēlem in tabernā dēliciārum videt.
7) Karena in tabernā dēliciārum fēlem emit. Emitne Karena fēlem? Ita, Karena in tabernā dēliciārum fēlem emit.
8) Karena jam laetissima est quod fēlem habet. Taedetne jam Karenam? Nōn, Karenam nōn taedet. Jam laetissima est quod fēlem habet.
