前文 再續 啊 書 接 上 一回 。
话说 韋小寶 問 林興珠 ，當年 佢 帶領 藤牌兵 斬 鬼腳 ，唔知 係 點樣 斬法 呢噉 。
林興珠 諗 ：藤牌兵 斬 鬼腳 嘅 事 ，我 早就 講過 畀 你 聽 㗎 啦 。
而家 你 又 嚟 問 ，梗係 唔想 聽 施瑯 平定 台灣 嘅 臭史 ，要 我 講 國姓爺 同 陳軍師 嘅 英雄事蹟 定 嘞 。
我 自己 嘅 事 ，係 唔 能夠 講 咁多 嘅 。
施瑯 個 心 一嬲 ，必定 要 對付 我 ，嗯 ，仲係 捧下 佢 好喇 。
就話 ：施軍 門 兩次 攻 台灣 ，功勞 實在 好大 啊 。
當年 ，國姓爺 會集 各位 將官 ，商議 要 唔要 跨海 東征 。
好多 將官 都 話 ：台灣 天險 難攻 ，海上 風浪 極大 ，紅毛鬼 呢 又 炮火 厲害 ，呢件事 呀 實在 好 危險 㗎 。
但係 陳軍師 同 施將軍 啊 極力 讚成 ，終於 立咗 大功 。
施瑯 聽 佢 噉樣 講 ，就 好得意 嘞 。
林興珠 又 話 ：嗰陣時 ，係 永歷 十五 年 二月 。
施瑯話 ：林都司 ，前明 嘅 年號 ，唔能夠 再 提 喇 ，嗰陣 係 大清 順治 十八 年 喇 。
林興珠 話 ：係 ，係 。
呢年 二月 ，國姓爺 喺 大營 搬咗 去 金門城 。
三月初一 全軍 誓師 祭海 。
初十嗰日呢 ，國姓爺 同 陳軍師 ，統帶 親軍 右武衛 、左右虎衛 、驍騎鎮 、左先鋒 、中衛 、後衞鎮 、宣毅前後鎮 、援剿後鎮 各路 船艦 ，噉 啊 齊集 料 羅灣 準備 出發 。
嗰陣時啊 軍心惶惶 ，好多人 都 怕 出海 嘅 ，國姓爺 同 陳軍師 、施將軍 ，就 分別 去 各 鎮 激勵 軍心 啦 。
一直 等到 廿三 中午 ，好 天 喇 ，於是 大軍 出發 啦 ，廿四 下午 就 到咗 澎湖 。
但係 到咗 澎湖 之後 呢 ，哈 又 試翻 大風 ，海上 風浪 大作 ，好幾日 都 唔 能夠 開船 。
澎湖 各島 啊 冇 晒 糧食 ， 軍中 又 缺糧 ， 噉 大家 只有 食 番薯 度日 ， 噉 軍心 呢 又 試 慌亂 起 嚟 。
等到 三十 ，實在 唔能夠 再 去 等 嘞 ，國姓爺 下令 出發 ，唔理 大風大浪 都 要 東征 。
噉嗰日 半夜 一更 之後 ，國姓爺 嘅 中軍艦 上 便 ，豎起 帥字 大旗 ，響起 三聲 大炮 ，金鼓 齊鳴 ，戰船 出發 喇 。
當時 烏雲 滿天 ，海上 嘅 波浪 啊 ，就 好似 一座 山仔 噉樣 撲 上嚟 船頭 ，風 大 雨 大 ，人人 都 濕晒 身 。
國姓爺 企 喺 船頭 ，手 執 長劍 ，大叫 話 ：盡忠報國 ，不怕 風浪 ！
幾萬 兵將 跟住 齊聲 大叫 ：盡忠報國 ，不怕 風浪 ！
叫喊聲呀 ，幾乎 將 狂風巨浪 嘅 聲音 都 壓咗 落去 啊 。
韋小寶 向 施瑯 話 ：
嗰陣時 ，施將軍 當然 亦 係 噉樣 叫 啦 ？
施瑯話 ： 嗰 一次 卑職 奉命 駐守 廈門 ， 冇 去 台灣 啊 。
哦 ，噉 真係 可惜 嘞 。
路副將 話 ： 鄭王爺 到 咗 澎湖 ， 遇到 嘅 不過 係 大風大浪 啫 ， 但 係 施軍門 喺 澎湖 呢場 血戰 啊 ， 先至 係 驚心動魄 啊 。
劉國軒 統帶 嘅 水師 喺 澎湖 牛心灣 、雞籠嶼 布防 ，沿岸 二十里 ，都 築 咗 土壘 ，每隔 一個 纍 ，就 有 一門 大炮 。
大清水師 開到 嘅 時候 ，岸上 大炮 齊發 ，又 有 火箭 、噴筒 ，嘩 ，好 厲害 㗎 。
韋小寶 笑住 話 ：嘿嘿 路 副將 ，我 睇 你 嘅 膽量 同 我 都 差唔多 唧 。
不敢 ，卑職 點 及得 爵爺 吖 ？
哦 ，你 仲唔及 我 啊 ？
當然 唔 及 啦 。
吖噉就奇喇 。
我 以為 我 膽小如鼠 ，算係 極之 水皮 㗎喇 ，吖 原來 你 仲 冇 用過 我 喎 ，哈哈哈哈哈哈 奇怪 真係 奇怪 喇 哈哈哈哈 。
路副將 面 都 紅晒 唔敢 出聲 嘞 。
韋小寶 問 林興珠 ：國姓爺 統帶 大軍 出海 之後 ，又 點樣 呢 ？
林興珠 話 ：戰船 喺 大風大浪 裏 便 ，駛咗 兩個 更次 。
到咗 三更 時分 ，忽然間 風平浪靜 ，烏雲 消散 嘞 ，又 過咗 一陣 ，變咗 順風 添 。
啊啲 軍士 呀 歡聲 雷動 啦 ，都 話 天公 保佑 啊 呢次 一定 贏 喇 噉 。
初一 朝頭早 ，戰船 啊 嚟到 鹿耳門 外 便 ，用 竹篙 測 下水 ，哈 誰知 水 淺 ，冇法子 向前 行 。
國姓爺 好 焦急 啦 ，就 擺咗 香案 ，向 天 禱告 。
過咗 冇 幾耐 唧 ，忽然間 潮水 大漲 ，所有 戰船 啊 一齊 湧入 鹿耳門 。
岸上 嘅 紅毛兵 開 大炮 嚟 打 我哋 。
紅毛鬼 喺 嗰度 呀 築咗 兩座 城池 ，一座 呢 ，叫做 熱蘭遮城 ，一座 叫做 普羅民遮城 。
韋小寶 笑住 話 ：哈哈哈 ，啲 番鬼佬 個 地方 名 呢 ，都 改得 古怪 過 人 嘅 。
咩 熱來 遮 ， 冷來 遮 ， 南無 波羅蜜 多 觀世音 菩薩 遮 ， 哎 真 係 得人驚 嘅 。
林興珠 微笑 話 ：當時 國姓爺 用 千里鏡 嚟 睇 ，見到 紅毛鬼 兩隻 主力艦 、兩隻 巡洋艦 、仲有 夾板艦 同埋 小艇 等等 ，幾百隻 。
於是啊下令 ，命令 宣毅 前鎮鎮督 陳澤 率領 船隊 ，喺 鹿耳門島 登陸 ，扼守 北汕尾 ，防備 紅毛艦隊 嚟 援救 ；
派 黃昭 呢 ，帶領 五百 名 銑手 ，連環炮 二十 門 ，分為 三 隊 ，去 鯤 身 尾 列陣 ，擋住 敵軍 南下 ；
派卑職 ，帶 藤牌 手 五百名 ，由 鬼仔埔 後 便 繞過 鯤身 嘅 左便 截殺 ；
又 派 蕭拱辰 帶 快哨 二十 隻 ，一見 紅毛 艦隊 過 七鯤 身 嚟 攻 呢 ，就 詐 假意 登陸 攻城 大聲 吶喊 嚟 牽制 敵人 。
噉眾將官 得咗 命令 ，就 分頭 出發 嘞喎 ，船上 嘅 大炮 亦 開炮 還擊 。
嗰一便 ，陳軍師 率領 水師 圍住 紅毛鬼 嗰 兩 隻 主力艦 猛打 。
喊殺連天 ，海面上 呀 ，都 係 硝煙 火焰 。
打咗 個 幾時辰 ，只 聽見 轟 一 聲 ，原來 紅毛鬼 隻 主力艦 ，畀 我哋 打沉咗 。
收尾 先至 知道 嗰隻 係 ，貝克德亞號 ，係 紅毛鬼 水師 嘅 精鋭 嚟 。
噉 另外 一隻 馬利亞號 呢 受咗 重傷 ，向住 東便 大海 走到 不知 去向 。
噉 兩 隻 紅毛鬼 嘅 巡毛艦 呢 ，亦都 退翻 去 嘞 。
嗰陣時 ，陳澤統 帶 嘅 士兵 遇到 紅毛鬼 嘅 陸軍 ，噉 啊 個個 爭先 。
紅毛鬼 嘅 槍械 雖然 係 厲害 啊 ，但係 見到 我軍 衝殺 勇敢 ，嚇到 冇晒 鬥志 ，退翻 入 城 。
噉 我軍 就 喺 赤崁 登陸 ，直搗 普羅民遮城 嘞 。
韋小寶 斟咗 一杯酒 ，雙手 捧畀 林興珠 佢 話 ：林大哥 ，打得好啊 ，我 敬 你 一杯 。
林興珠 企 起身 嚟 接 咗 ，多謝 過 韋小寶 ，一飲而盡 ，繼續 話 ：
我軍 喺 赤崁 登陸 之後 ，當地 嘅 中國人 呀 紛紛 走嚟 歡迎 ，好多人 呀 都 歡喜 到 喊 啊 。
佢 哋 話 ： 我 哋 嘅 救星 到 喇 ， 我 哋 嘅 救星 到 喇 噉 。
韋爵爺 ，國姓爺 嘅 老太爺 鄭太師 ，本來 ，係 喺 海上 做 冇 本錢 生意 嘅 ，台灣 係 佢 老人家 嘅 老巢 。
收尾佢老人家 帶咗 手下 弟兄 返到 中原 ，噉 台灣 呢 ，就 分別 畀 荷蘭鬼 同 西班牙鬼 啊 派兵 佔據 。
荷蘭 鬼 喺 南 便 ， 西班牙 鬼 就 喺 北 便 。
噉佢哋鬼打鬼 ，西班牙鬼 就 打咗 敗仗 ，台灣 全境 ，都 畀 荷蘭鬼 佔據 咗 。
喺 島 上 ，唉 ，我哋 中國人 呀 ，受 荷蘭 紅毛鬼 虐待 殺戮 都 唔 知 幾 慘 。
鄭太師 嘅 舊部 有 位 兄弟 ，叫做 郭懷一 ，係 個 英雄好漢 嚟 ，佢 留 喺 島 上 唔 走 。
見到 中國 人 畀 紅毛鬼 欺負 得 咁 慘 ， 就 暗中 約 齊 兄弟 ， 通知 各地 中國 人 ， 定 喺 八月 十五 中秋 一齊 起事 ， 殺 晒 全島 紅毛鬼 。
誰知 有 個 漢奸 叫做 普仔 ，竟然 去 同 紅毛鬼 告密 。
韋小寶 拍枱 咁 鬧 ：死人頭 佢 嘩 ，中國人 嘅 事 呀 ，就係 畀 漢奸 扠𢰸 晒 嘅 。
林興珠 話 ：噉唔係 。
郭懷一 大哥 一見到 普仔 逃走 就 知道 弊喇 ，立即 率領 一萬六千幾 名 中國人 ，攻入 普羅民遮城 ，將 紅毛鬼 嘅 官署 ，同 鋪頭 都 放火 燒晒 。
紅毛鬼 啊 調集 大軍 反攻 啦 ， 炮火 好 厲害 啊 。
噉 我哋 中國人 呢 ，除咗 有 幾支 火龍槍 之外 ，都係 用 大刀 、鐵槍 、鋤頭 、木棍 做 武器 嘅 。
喺 赤崁 一直 打咗 十五日 ，郭懷 一 大哥 啊 不幸 畀 紅毛鬼 嘅 大炮 打死 咗 。
韋小寶 話 ：哎呀 ，噉 就 弊 喇 。
林興珠 話 ：係啊 。
郭大哥 一 死 ，蛇 無 頭 不 行 㗎 嘛 。
中國人 就 畀 紅毛鬼 趕出 城 咯 ，喺 大湖 邊 血戰 咗 七日 七夜 。
中國 人 喺 大 湖邊 呀 ， 畀 打死 嘅 總共 有 四千 幾人 ， 女人 細佬哥 亦 寧死不屈 啊 ， 殺 咗 五百 幾人 。
凡係 畀 紅毛鬼 捉咗 去 嘅 ，女人 就 被迫 做 營妓 ，男人 唔係 五馬分屍 ，就係 用 烙鐵 慢慢 噉 焫死 。
韋小寶 嬲 到 極 啊 大聲 噉 話 ：
紅毛鬼 咁 殘忍 ，仲 狠過 大清兵 喺 我哋 揚州 屠城 啊 。
施瑯 同路 副將 你 睇 我 我 睇 你 啊 唯有 苦笑 嘞 ，都 諗 ：
呢個 後生仔 講嘢 啊 ，真係 不知 輕重 啊 。
林興珠 繼續 話 ：嗰陣 ，係 永歷 六年 ，八月 間 嘅 事 。
洪朝數住手指話 ：永歷 六年 就係 大清 順治 ，七、八、九 ，順治九年 。
林興珠 話 ：哦 ，係咩 ？
自從 嗰一場 大慘殺 之後 ，台灣 嘅 中國人 同 紅毛鬼 勢 不 兩立 。
紅毛鬼 只要 有 啲 咁多 藉口 唧 ，就 亂咁 殺 中國人 。
因此 大家 一見到 國姓爺 大軍 ，啊 真係 救命 菩薩 嚟喇 ，男女老幼 紛紛 向 我哋 訴苦 。
就喺嗰一晚 ，紅毛鬼 嘅 太守 揆一 ，大敗 之後 ，搵 中國人 嚟 出氣 咯噃 ，將 住 喺 一鯤 身 嘅 中國人 ，不論 男女 老幼 ，通通 捉嚟 殺晒 ，總共 殺 咗 五百幾 人 。
第日 ，國姓爺 派兵 攻 普羅民遮城 。
陳軍師 啊 定咗 計策 ，練咗 藤牌兵 轆地 過去 斬 鬼子兵 嘅 腳 ，噉 啊 將 普羅民 遮城 攻 咗 落嚟 喇 。
韋小寶 話 ：呢啲 就係 老兄 嘅 功勞 喇 。
林興珠 話 ：嗰啲 完全 係 陳軍師 嘅 妙計 ，卑職 冇 咩 功勞 。
國姓爺 跟住 指揮 兵馬 ，進攻 紅毛 太守 揆一 駐守 嘅 熱來遮城 。
城上 炮火 好 猛烈 ，我軍 傷亡 好 重 啊 。
但係 馬信 將軍 ，同 劉國軒 將軍 仲 係 奮勇 攻 落 咗 一 鯤 身 。
國姓爺 見 兄弟們 陣亡 嘅 太多 嘞 ，於是 喺 熱羅遮城 外 便 ，用 泥土 築起 長圍 ，喺 圍 上 架起 大炮 向住 城 裏 便 猛咁 轟 。
冇幾耐 ，我軍 第二路 水師 左沖 、前沖 、智武 、英兵 、游兵 、殿兵 各 鎮 嘅 船艦 亦都 開到嚟喇 ，聲勢 更加 厲害 啦 。
國姓爺 一面 派兵 開墾 種田 ， 一面 加緊 圍城 。
圍到 五月間 ，忽然間 ，紅毛鬼 嘅 援兵 ，喺 巴達維亞 嚟到 ，城裏 便 紅毛鬼 出嚟 夾攻 嘞噃 。
水陸 大戰 ， 我軍 奮勇 衝殺 ， 海水 呀 都 畀 血染 到 紅晒 啊 。
韋小寶 拍枱 讚歎 話 ：嘩 ，真係 厲害 啊 ！
施大人 ，可惜 你 嗰陣 呢 喺 廈門 。
如果唔係呀 ，能夠 趕上 呢 幾場 大戰 ，殺 佢 幾百 名 紅毛鬼 ，噉 先至 算係 真正 嘅 英雄 好漢 吖嘛 。
施瑯 冇 聲 出 嘞 。
韋小寶 問 洪朝話 ：洪大哥 ，嗰陣時 你 打 嘅 係 邊 一路 啊 ？
洪朝話 ：卑職 嗰陣時 ，係 喺 劉國軒 劉將軍 麾下 ，同 陳澤 陳將軍 統帶 嘅 水師 合兵 ，圍攻 紅毛 援兵 ，喺 北汕尾 一帶 大戰 。
紅毛鬼 嘅 兵艦 好 大 ，槍炮 又 犀利 。
我哋 槍炮 嘅 子彈 打到 紅毛鬼 嘅 兵艦 上 便 呀 ，都 畀 鐵甲 彈 翻落嚟 ，佢 一啲 都 冇事 。
宣毅 前鎮 嘅 林進紳 林將軍 ，眼見 支持 唔住 嘞 ，親身 率領 二百 名 敢死隊 ，身上 啊 帶住 火藥包 ，冒死 跳上 紅毛鬼 嘅 兵艦 ，炸壞咗 艦上 嘅 大炮 。
紅毛鬼 見 我哋 咁 唔怕死 噉 猛攻 ，都 亂 起嚟 喇 。
我哋 打死 紅毛鬼 一名 艦長 ，俘獲 兩隻 主力艦 ，噉 紅毛鬼 水師 就 潰不成軍 嘞 。
喺 陸上 ，陳 軍師 帶 兵 大戰 ，亦 大獲全勝 。
噉 收尾 ， 喺 陳 軍師 嘅 身上 呀 ， 總共 挖出 七粒 紅毛 鉛彈 啊 。
韋小寶 話 ：嘿 ，我 師父 啊 冇 畀 紅毛鬼 嘅 槍炮 打死 ，卻係 畀 鄭克塽 呢個 衰仔 㓤 死 。
施將軍 ，男子漢 大丈夫 ，打 外國鬼 先至 係 了不起 ，中國人 殺 中國人 ，殺得 再多 亦 唔算 係 好漢 你話 係唔係 吖 ？
施瑯 哼咗 一 聲 ，冇 回答 。
林興珠 話 ： 紅毛鬼 連氣 打 幾個 敗仗 ， 就 想 嚟 燒 我軍 嘅 糧食 ， 不過 每次 都 畀 陳 軍師 識穿 咗 ， 總 係 偷 雞 唔 到 蝕 揸 米 嘅 。
紅毛 太守 揆 一 就 困守 孤城 ，束手無策 ，就 派 人 渡海 ，去 同 大清 閩 浙 總督 李 率泰 聯絡 ，請 佢 派 兵 嚟 救噃 。
哈嗰個 李大人 啊 真係 有趣 嘞 。
佢 覆信 ，請 紅毛鬼 派兵 去 福建 先 ，掃平 咗 國姓爺 喺 金門 、廈門 一帶 嘅 駐軍 ，大清 兵 就 去 台灣 內外 夾攻 嘞噉 。
嗰陣時 紅毛鬼 自身 難保 ，好似 縮頭 烏龜 噉 縮 喺 熱來遮城 裏 便 ，點樣 派兵 去 打 金門 廈門 吖 ？
韋小寶 話 ：紅毛鬼 講嘢 呀 ，好似 放屁 噉 。
佢哋 始終 冇 嚟 攻打 金門 廈門 係咪 呢 ？
我哋 大清 講過 嘅 説話 呢 ，就 總係 算數嘅 ，收尾 唔係 派兵 打 台灣 嘞 咩 ？
不過 係 遲咗 二三十年 啫嘛 ，噉 亦 唔 緊要 啊 。
係咯 ，施將軍 ，帶兵 打到 台灣 嘅 時候 ，噉 有冇 紅毛鬼 裏應內合 呢嚱 ？
施瑯 點都 忍唔住 喇 ，噗聲 企起身 ，好嬲 噉 話 ：
韋爵爺 ，兄弟 同 你 一殿 為 臣 ，做嘅 都係 大清 嘅 官 ，為咩事 你 冷言冷語 ，總係 諷刺 兄弟 呢 ？
韋小寶 話 ：咦 ？吖噉 就 奇噃 ，我 幾時 敢 諷刺 施將軍 唧 ？
施將軍 冇 裏通 外國 ，噉 就 好到 極 啦 。
但係 如果 要 裏通 外國 ，我 睇 仲 嚟得切 嘅 。
施將軍 手握 重兵 ，紅毛鬼 、西班牙鬼 、葡萄牙鬼 、羅剎鬼 都 鐘意 同 你 結交 嘅 。
施瑯 個 心 一震 ，佢 諗 ：弊 ！佢 如果 向 皇上 告 我 一 狀 ，誣陷 我 裏通外國 ，我 一生 就 衰 喺 佢 手上 。
覺得 先頭 一時 火起 出口 無禮 ，不由得 非常 悔恨 嘞 連忙 賠 笑話 ：
兄弟 飲多咗 幾杯 ，衝撞咗 韋爵爺 ，請 韋爵爺 恕罪 啊 。
韋小寶 見 佢 發嬲 ，本來 都有啲 驚驚地 嘅 ，而家 見 佢 改變咗 態度 ，知道 佢 忌憚 自己 ，就 笑住 話 :
施將軍 如果 真 係 想 喺 台 灣 自立 為 王 ， 仲 係 先 殺 咗 兄弟 嚟 滅口 好 ， 免致 我 向 皇上 告密 啊 。
如果 只不過 係 大聲 嘈下 ，發下脾氣 ，噉 兄弟 嘅 膽 雖然 好 細 啊 ，不過 亦 係 唔怕 嘅 。
施瑯 面色 慘白 ，離開 筵席 ，深深噉 作個揖 佢 話 :
韋爵爺 ，大人 不記 小人 過 ，卑職 荒唐 ，甘 領 責罰 。
不過 自立為王 ，裏通外國 啊噉 ，卑職 決 無 此意 。
卑職 一心一意 為 皇上 出力 ，忠字 當頭 決無 二心 。
韋小寶 笑 住 話 ： 請 坐 請 坐 ， 我 哋 慢慢 睇 啦 。
轉頭 對 林興珠 話 ：你 講得 仲 好聽過 講古 先生 啊 ，呢一回 ，國姓爺 血戰 台灣 ，紅毛鬼 屁滾尿流 噉 收尾 點 啊 ？
林興珠 話 ：呢個 時候 ，國姓爺 率領 大軍 打到 台灣 嘅 消息 傳到 內地 ，黃梧 黃大人 就 向 朝廷 獻議 ，提出咗 所謂 堅壁清野 平海 五策 喇 。
吖 ？嗰個 黃梧 係 邊個 啊 ？
林興珠 睇咗 施瑯 一眼 ，咳咗 幾聲 冇 立時 回答 。
施瑯話 ：呢位 黃大人 ，本來 亦係 國姓爺 麾下 嘅 ，職居 總兵 。
佢 歸順 朝廷 之後 ，官運 亨通 ，逝世 嘅 時候 ，已經 封到 一等 海澄 公 嘞 。
韋小寶 話 ：嘿 ，原來 亦係 個 大漢 。
最後 嗰個 奸字 ，終於 夾硬 吞翻 落 肚 冇 講 。
施瑯塊面一紅 ，佢 諗 ：你 鬧 我 係 漢奸 ，我 睇 你 呢個 滿洲人 亦 係 假冒 嘅 ，大家 唔係 彼此彼此 。
韋小寶話 ：呢個 黃梧 有 咩 托 皇上 大腳 嘅 妙策 噉 叻 ，一下 就 封到 公爵 啊 吓 真係 本事 喇 ，吖 要 學下 至 得 。
林興珠 話 ：呢個 黃梧 ，當年 國姓爺 派 佢 防守 海澄 ，佢 就 將 海澄 攞 去 投降 朝廷 ，唔肯 投降 嘅 將士 都 畀 佢 殺咗 。
當時 ，朝廷 對 國姓爺 冇晒修 ，忽然間 有 對方 噉樣 一員 大將 率領 軍隊 連埋 城市 一齊 歸降 喎 ，噉 朝廷 當然 十分 歡喜 嘞 ，因此 封賞 啊 特別 從優 。
韋小寶 話 ：哦 ，原來 噉嘅 。
佢 獻 嘅 又 係 咩 計策 呢 ？
林興珠 歎 一口氣 話 ： 唉 ， 呢 位 黃大人 ， 害到 百姓 真 係 苦不堪言 啊 。
佢 呢 平海 五策 ，第一條 ，係 將 沿海 所有 百姓 一概 遷入 內地 ，噉樣 金門 、廈門 ，同 台灣 就 得唔到 接濟 嘞 。
第二條 ，係 將 沿海 所有 船隻 一概 燒毀 ，今後 一寸 木板 亦 唔准 落海 。
第三條 ，係 殺咗 國姓爺 嘅 父親 鄭太師 。
第四條 ，係 挖掘 國姓爺 祖宗 嘅 墳墓 ，破壞 咗 佢 個 風水 。
第五條 ， 係 將 國姓爺 舊部 投城 嘅 官兵 ， 所有 都 遷去 內地 各 省 墾荒 ， 以免 又 生 後患 啊 。
韋小寶話 ：嘩啊 ，呢個 嘢 條計策 ，真係 好 毒辣 噃 。
林興珠 話 ：噉唔係 。
嗰陣時 順治皇帝 啱啱 駕崩 ，皇上 接位 ，皇上年紀細 ，鰲拜 啊 大權 獨攬 。
鰲拜 呢個 奸賊 見到 黃梧 嘅 平海 五策 ，認為 十分 有道理 ，下令 從 遼東 經 直隸 、江蘇 、浙江 、福建 ，以及 廣東 ，沿海 三十里 之內 唔准 有人 居住 ，所有 嘅 船隻 冚𠾴 唥 燒毀 。
嗰陣時 沿海 千千萬萬 百姓 ，人人 流離失所 ，苦不堪言 啊 。
施瑯 擰頭 話 ：黃梧 呢 條 計策 ，實在 過分 咗 啲 。
直到 今上 親政 ，韋大人 捉咗 鰲拜 ，禁海令 先至 取消 。
不過 沿海 七 省 嘅 百姓 ，已經 受盡 荼毒 。
當時 朝廷 嚴令 ，凡係 犯界 嘅 百姓 ，捉到咗 ，立刻 殺頭 。
好多 貧民 實在 頂唔住 喇 ，去 海邊 捉 魚 都 唔知 被 殺 咗 幾多 。
鄭太師 亦 係 嗰陣時 被殺 嘅 。
鰲拜特登派遣兵部尚書蘇納海 ，去 福建 泉州 南安縣 ，挖咗 鄭家 嘅 祖墳 啊 。
韋小寶話 ：鰲拜 自稱 係 勇士 ，噉樣 做法 直情 係 無聊 到 極 嘞 。
有本事嘅 ，就 同 國姓爺 真刀真槍 去 打一仗 吖 。
將 沿海 百姓 遷入 內地 ，唔係 擺明 怕咗 人哋 咩 ？
皇上 咁 愛惜 百姓 嘅 ， 黃 梧 嘅 計策 如果 呈 到 去 皇帝 嗰 處 呀 ， 非殺 咗 佢 個頭 不可 。
施瑯話 ：係 ，黃梧 死得早 ，算係 佢 夠運 啊 。
各位 ，欲知 後事 如何 ，且 聽 下回 分解 。
