前文 再續 啊 書 接 上 一回 。
話說 韋小寶 問 王進寶 ，如果 唔 奉旨 回京 ，皇上 會 點樣 對付 佢 啊噉 。
王進寶 話 ：皇上 只係 派 屬下 去 各處 海島 搵 韋都統 。
搵到之後 ，就 由 温公公 宣讀 密旨 。
噉 以後 嘅 事 ，屬下 一切 聽 韋 都 統差遣 。
嘩 ，韋小寶 歡喜 到 乜嘢 噉 就 話 ：
吓 ？皇上 冇 叫 你 捉 我 啊 ？冇 叫 你 殺 我 啊 ？
冇冇冇冇 ，邊度 有 噉嘅 事 吖 ？
皇上 對 韋都統 極之 看重 ， 韋都統 一返 到 北京 呀 ， 一定 有 重用 ， 唔 做 尚書 ， 亦 做 大將軍 啊 。
王三哥 ，唔怕 同 你 講吖 ，皇上 要 我 返去 北京 ，帶 人 去 消滅 天地會 。
我係 天地會 嘅 香主 ，呢啲 殺害 朋友 嘅 事 ，點 都 唔 做得 㗎嘛 。
王進寶 為人 極 講義氣 ，對 韋小寶 嘅 事 亦 早就 十分 清楚 嘞 。
聽佢噉樣講 ，猛咁岌頭 ，佢諗 ：
為佐升官發財而出賣朋友 ，真係 豬狗不如 啊 。
韋小寶 又 話 ：皇上 待 我 恩重如山 ，不過 吩咐 我 做 嘅 事 ，我 偏偏 做唔到 嘅 。
我 唔敢 去見 皇上 啊 ，只有 來世 做 牛 做馬 ，報答 皇上 嘅 大恩 啦 。
你 見到 皇上 ，請 你 將 我 為難 之處 同 皇上 講明白 。
本來呢 ，忠義 不能 兩全 ，做戲 係 應該 自殺 報 主 嘅 。
雖然 割頸 係 好痛 㗎 ，我 無可奈何 ，亦 只有 盡忠 報國 啦 。
哎呀韋都統 ，千祈唔好 行 呢個 下策 啊 ，我哋 慢慢 再 想法子 啦 。
等屬下 將 都統 呢番 苦衷 回稟 皇上 ，張提督 、趙總兵 、孫副將 幾位 ，呢幾個月 都 立 咗 啲 功勞 ，都 得到 皇上 看中 。
我哋 大家 拼住 唔要 前程 ，無論如何 都 要 為 韋 都統 叩頭 求情 㗎喇 。
韋小寶 見 佢 急成噉嘅樣 ，個心 好笑喇 ，佢 諗 ：
要韋小寶自殺 ？嘿 ，真係 日頭 喺 西 便 出嚟 啦 。
咪 講話 自殺 喇 ，就係 要 老子 割 一隻 手指尾 啊 ，老子 都 唔 䎺 啦 嘛 。
再講吖 ，小玄子 要 殺 我 就 殺 ，要 饒恕 我 就 饒恕 。
佢 自己 都 唔知 有 幾多 主意 嘅 ，你哋 幾 個 人 叩 幾 個 頭 ，有 咩 嘢 用 吖 ？
但係 見 佢 義氣 深重 ，個 心 亦 好 感激 ，就 握住 佢 隻 手 話 ：
既然 係噉 ，就 勞煩 王三哥 奏明 皇上 ，話 韋小寶 左右 為難 橫劍 自刎 ，好彩 得 你 搶救 先至 冇 死到 啦噉 。
係 ，係 。
王進寶 諗 ： 温 太監 就 喺 旁邊 ， 一切 都 見到 晒 嘅 ， 噉 樣 欺君 法 ， 實會 穿 煲 啫 。
不由得 露出 為難嘅 表情 。
韋小寶 哈哈大笑 佢 話 ：嘿嘿 王三哥 ，我 講 笑唧 。
皇上 好 知道 韋小寶 個 為人 ，自殺 我 係 最 怕 痛 嘅 ，點 會 自殺 吖 ？你 一切 都 據實 回報 啦 。
王進寶 噉 先至 放心 。
韋小寶 噉 至 放寬 心事 ，噉啊 同 大家 擲骰仔 。
韋小寶 一 來 興高采烈 ，二 來 呢 ，又 出 老千 ，一個人 就 贏晒 。
賭完喇 ，佢 將 贏 嗰 幾千 兩 銀 嚟 賞 畀 啲 官兵 ，嗨 於是 皆大歡喜 。
王進寶 吩咐 啲 兵將 ， 將 船上 嘅 米糧 、 豬 、 羊 、 靚酒 、 碗筷 、枱 椅 ， 鑊 啊 煲 啊 藥物 等等 ， 一艇 艇 就 搬 上島 。
又 吩咐 兵丁 喺 樹林 裏 便 ，搭 幾 間 茅屋 。
人多 好辦事 啊 ，幾百 名 官兵 ，幾日 之間 就 做妥晒 嘞 。
噉 王進寶 、 温有方 等 人 ， 帶齊 人馬 同 韋小寶 分別 之後 ， 坐船 返扯 嘞 。
過咗 十幾日 ，阿珂 生咗 個 仔 。
第日 ，蘇荃 又 生咗 個 仔 。
公主 呢 ， 隔 咗 個 幾月 ， 先生 咗 個 女 。
佢 見 人哋 都 生 嘅 都係 仔 ，自己 啊 偏偏 生 個 女 個心 好 激氣 ，連 氣 喊 咗 幾日 。
韋小寶 又 安慰 佢 ， 話 自己 啊 ， 淨 係 鐘意 個 女 㗎 咋 ， 唔 鐘意 啲 仔 㗎 噉 ， 噉 就 氹 到 佢 破涕 為 笑 嘞 。
三個 蘇蝦 有 七個 母親 ，雖然 ，人人 都 冇 湊 蘇蝦 嘅 經驗 啊 ，七手八腳 啊 不免 笑話 百出 。
但係 三個 蘇蝦 呢 ，非常 壯健 活潑 。
有一日 ，韋小寶 班夫人 就 恭請 佢 同 蘇蝦 改名 。
韋小寶 笑住 話 ：呵 ，我 雞乸 咁 大隻 字 唔識 夠 一籮 ，要 我 同 仔女 改名 啊 真係 難為 我 喇 。
噉樣啦 ，我哋 嚟 擲骰仔 ，擲到 乜嘢 就 叫做 乜嘢名 啦 。
於是就攞起兩粒骰仔 ，口中念念有詞話 ：
賭神菩薩 保佑 ，改 三個 好聽啲 嘅 名 ，第一個 ！
一擲落去 ，一粒六點 ，一粒五點 ，係 隻 虎頭 。
韋小寶 笑住 話 ：哈 ，阿大 個 名 唔 錯 噃 叫做 韋虎頭 。
噉 第二次 擲咗 一點 同 六點 ，湊成 銅錘 幺六 ，噉 老二 呢 叫做 韋 銅錘 嘞 。
第三次 擲落去 ，第一粒 骰仔 轆出 兩點 ，第二粒 骰仔 呢 猛咁 轉轉轉 ，一停 ，亦係 兩點 ，夾成 一副 板凳 。
韋小寶 初時 打個 特 ，跟住 哈哈大笑話 ：
哈哈哈哈 ， 我 哋 大姑娘 個名 啊 真 係 古怪 喇 ， 叫做 韋 板凳 啊 。
班夫人 個個 都 愕然 。
公主 話 ：難聽到 死 啊 ！我哋 嘅 女仔 ，點 能夠 叫做 咩 板凳 板凳 嘅 呢 ？快啲 另外 擲 一個 。
韋小寶 話 ：賭神菩薩 幫 佢 改 嘅 名 ，點能夠 隨便 亂咁 改 㗎 ？
將 蘇蝦女 抱過嚟 ，喺 佢 塊 面珠 處 啜 一 聲 吻咗 一下 ，佢 笑住 話 ：
韋板凳小寶貝 ，呢個 名 好好 啊 。
公主 話 ：唔得唔得 ，點 都 唔能夠 叫做 板凳 。
蘇蝦 女 係 我 生 嘅 ， 咁 難聽 嘅 名 ， 我 唔 䎺 啊 。
啊 ？蘇蝦女 係 你 生 㗎 ？你 一個人 生得出 咩 ？
公主 搶咗 骰仔 喺 手 佢 話 ：我 嚟 擲 ，擲到 乜嘢 就 叫 乜嘢 。
好啦好啦好啦 ，呢次啊 唔准 反悔 㗎喇 。
嗱 如果 又 係 擲到 虎頭銅錘 又 點啊 ？
唔係 同佢 阿哥 一樣 ，亦 叫做 虎頭銅錘 囉 。
公主 揸住 骰仔 猛咁 搖 ，佢 話 ：
賭神菩薩 ，你 如果 唔 幫 我 個 蘇蝦女 起 個 好聽 嘅 名 呢 ，我 𢱕 爛 你 呢 兩 粒 臭 骰仔 。
一擲落去 ，兩粒骰仔 轆咗 幾轆 ，一停 ，哈 ！天下事 啊 竟然 咁巧嘅 ，居然 都係 兩點 ，仍然 係 一張 板凳 。
公主 啊 眼 都 光 晒 ， 跟 住 放聲大哭 啊 。
噉 大家 又 驚訝 又 好笑 。
蘇荃 笑住 話 ：妹妹 你 唔使 急 嘅 ，兩點 係 雙 吖 嘛 ，噉 兩個 兩點 呢 ，係 雙雙 。
我哋 嘅 蘇蝦 女 叫做 韋雙雙 呢 你 話 好唔好 啊 ？
公主 破涕為笑 喇 ，當堂 歡喜 翻 。
噉通食島上面 多咗 三個 蘇蝦 ，日子 過得 更加 熱鬧 嘞 。
初時 ，大家 仲 擔心 康熙 召 韋小寶 返去 佢 唔去 ，天威 不測 ，可能 有 後患 噃 。
但係 過咗 幾個 月 ，都 冇 到 消息 ，就 漸漸 冇 將 呢件事 呢 放 喺 心上 嘞 。
到咗 呢年 夏天 ，王進寶 忽然 又 率領 幾隻 大船 嚟到 ，宣讀 聖旨 。
呢次嘅聖旨 呢卻係 平四釐六 ，文辭 深奧 ，韋小寶 啊 一句 都 唔懂 ，全靠 蘇荃 解畀佢 聽唧 。
原來 康熙 對於 以前 嘅 事情 啊 一句 都 冇 提 ，只係 派咗 一 名 參將 ，帶咗 五百 名 士兵 ，嚟 海島 保護 公主 。
仲有 十六 名 男僕 、八 名 女僕 、八 名 丫鬟 ，各種 用具 、食物 ，滿滿噉 裝咗 三 大 船 。
韋小寶 諗 ：小玄子 賞賜 我 咁多 嘢 ，唉 怕係 要 我 喺 呢個 通食島 長住 一世 咯 。
佢 係 生性 好動 ，島上 嘅 歲月 雖然 無憂無慮 啊 ，噉 又 有 七個 如花似玉 嘅 夫人 陪住 自己 。
不過 太平 日子 過得 耐 呢 ，實在 乏味 無聊 。
有時 回憶 往事 ，反而 覺得 喺 麗春院 裏頭 畀 人哋 掹住 條 辮仔 又 打 又 鬧 ，仲 嚟得 精神 爽利 啊 。
呢 年 嘅 十二月 間 ， 康熙 派 趙良棟 嚟 到 宣讀 聖旨 。
皇帝 立 次子 允礽 為 皇太子 ，噉 啊 大赦 天下 ，韋小寶 晉爵 一級 ，封 為 二等 通食伯 。
韋小寶 設宴 啊 請 趙良棟 飲酒 。
喺 筵席上 ，趙良棟 講起 討伐 吳三桂 嘅 戰事 ，話 吳 三桂 啊 兵將 厲害 ，王師 喺 各地 失利 啊 噉 。
韋小寶 就 話 ： 趙二哥 ， 請 你 返去 稟奏 皇上 ， 話 我 喺 呢 度 呀 實在 好悶 啊 好 無聊 啊 ， 仲 係 請 皇上 派 我 去 打 吳三桂 嗰 個 老 嘢 罷 啦 。
趙良棟 話 ：皇上 早就 估到 爵爺 忠君 愛國 ，你 一 知道 吳逆 猖獗 ，一定 要 請纓 上陣 嘅 。
皇上 話 ：韋小寶 想 去 打 吳三桂 呢 ，噉 都 可以 嘅 ，不過 佢 要 同 我 滅 咗 天地會 先 。
否則 ，佢 就 喺 通食島 去 釣魚 捉 烏龜 罷啦 噉 。
韋小寶 眼圈 都 紅咗 ，爭啲 喊 咁滯 。
趙良棟 話 ：皇上 話 ，從前 漢朝 漢光武 年輕 嘅 時候 啊 ，有 個 好 朋友 ，叫做 嚴子陵 。
漢光武 做咗 皇帝 之後 ，嚴子陵 就 唔肯 做 大官 ，喺 富春江 上面 釣魚 。
皇上 又 講 ，從前 周武王 嘅 大臣 姜太公 ，亦 喺 渭水河 邊 釣魚 嘅 。
周武王 、漢光武 都係 古時候 嘅 好 皇帝 ，可見 凡係 好皇帝 ，總要 有 個 大官 釣魚 嘅 噉 。
皇上 話 ： 皇上 要 做 腰 腎 魚湯 ， 如果 韋爵爺 唔 同 佢 釣魚 咯 ， 皇上 點 能夠 做得成 腰 腎 魚湯 呢 噉 。
韋爵爺啊 ，屬下 係 粗人 ，點解 皇上 要 派 爵爺 喺 呢度 釣魚 噉 啊 實在 不大明白 。
不過 皇上 英明 到 極 嘅 ，睇嚟 其中 必 有 極大 嘅 道理 嘅 。
係嘅 ，係嘅 。
韋小寶 只有 苦笑 嘞 。
明知 康熙 開 自己 玩笑 ，睇嚟 ，自己 如果 唔 應承 去 消滅 天地會 ，皇帝 要 自己 喺 呢處 釣 一世 魚 咯 。
呢 五百 名 官兵 ，話 就 話 係 嚟 保護 公主 ，哼 ，其實 呀 係 獄官 獄卒 ，嚴加 監視 ，唔准 自己 離開 海島 一步 。
佢 越 想 就 越 淒涼 ，一圍 酒席 啊 草草 收場 ，竟然 連 酒後 賭錢 都 唔 賭 嘞 ，返到 房間 ，定晒神 噉 流起 眼淚 。
七位 夫人 見到 韋小寶 喊唄 ，好 驚奇 啦 ，一齊 嚟 慰問 佢 。
佢 將 康熙 呢番 説話 講咗 畀 佢哋 聽 ，公主 就 嬲 喇 ：
哼 ，皇帝 哥哥 真係 要 升 你 嘅 官爵 ，由 三等伯 升到 二等伯 咪 就係 囉 ，邊度 有 咩 二等 通食 伯 㗎 ？
我哋 大清 只有 昭信伯 、威毅伯 ，一係 就係 襄勤伯 、承恩伯 啫嘛 ，你 本來 係 三等 忠勇伯 嘅 ，噉 就 好好 咯 。
通食伯 呢 三個 字 呀 ，明明 係 笑 你 嘅 啫 嘛 ，佢 ，嘿 ，佢 一啲 都 唔 將 我 放 喺 心上 嘅 。
韋小寶話 ：通食伯 倒係 冇乜嘢 啊 ，呢個 通食島 嘅 名 係 我 改 嘅 ，亦 唔能夠 怪 皇上 。
我係通食島島主 ，噉自不然係通食伯咯 ，噉啊總比通賠伯好得多嘅係唔係 ？
荃姐啊 ，你 想 個 法子 出嚟 ，我哋 趯 返 去 中原 ，我啊 ，我實在 好 掛住 我 媽媽啊 。
蘇荃 擰擰頭 話 ：呢件事 實在 難辦 ，只有 慢慢 等 機會 係啦 。
韋小寶 搦起 茶杯 ，乒乓 一聲 掟 喺 地下 跌到 粉碎 ，佢 好 嬲 噉 話 ：你 就係 唔肯 想法子 ！
好 ，我 將來 一個人 靜靜 走咗 ，大家 就 唔好 怪 我 。
我 ，我寧可 去 麗春院 揸 水煲 、做 龜仔 ，都 唔 做 呢乜鬼嘢 通食伯 ，呢處 啊 將 人 悶 都 悶死 啊 。
蘇荃 亦 唔嬲 ，微笑 話 ：小寶 ，你 唔使 心急 嘅 ，總有一日 ，皇上 會 派 你 辦事 嘅 。
韋小寶 好 歡喜 喇 ，企起嚟 對 蘇荃 深深 作 個 揖 佢 話 ：
好姐姐 ，我 同 你 認錯 喇 ，唔該 你 快啲 講 我 聽 皇上 會 派 我 去 辦 咩 嘢 事 啊 。
只要 唔係 打 天地會 ，我啊 ，我 乜嘢 事 都 做 。
公主 話 ：皇帝 哥哥 如果 派 你 去 倒尿壺 、洗屎塔 你 去 唔去 啊 ？
韋小寶 好惡噉 話 ：我 都 做 ，不過 日日 派 你 代 我 做 。
公主 見 佢 脾氣 咁 大 就 唔敢 再 講 嘞 。
沐劍屏 話 ：荃姐 啊 ，你 快啲 講 啦 ，小寶 真係 好 着急 㗎 。
蘇荃 沉吟 一下 佢 話 ：做乜嘢 我 係 唔 知道 嘅 。
但係 估計 皇帝 嘅 意思 呢 ，總 有 一日 ，會 叫 你 去 北京 嘅 。
佢 而家 逼 你 投降 ，要 你 應承 去 消滅 天地會 。
你 一日 唔 應承 ，佢 就 同 你 耗 一日 。
小寶 ，你 要 做 英雄好漢 ，要顧全 朋友 義氣 ，呢一點 苦頭 總係 要 捱 㗎喇 。
又要做英雄 ，又想 聽 妓女 唱 十八摸 ，呢啲 英雄 呀 ，就 太過 容易 做 喇 。
韋小寶 諗 一諗 ，吖 亦 有 道理 。
就企起身嚟笑住話 ：我又做英雄 ，自己又唱 十八摸 噉得嘞啩 ？
跟住 就 唱起嚟 喇 ，一便 唱 一便 就 摸 蘇荃 個 頭 。
喺 眾人 嬉笑聲 中 啊 ，一場 小風波 就 平息 嘞 。
就係噉樣 ，日復一日 ，年復一年 ，韋小寶 同 七位 夫人 就 喺 通食島 住落嘞 。
每年 十二月 ，康熙 例必 派 人 前嚟 頒賞 ，賞賜 韋小寶 嘅 水晶 骰仔 、翡翠 牌九 ，各種 鑲金 嵌玉 嘅 賭具 啊 不計其數 。
好在 通食島 上面 多咗 五百 名 官兵 ，噉 韋小寶 想 賭錢 呢 就 唔 憂 冇 對手 。
呢 一年 ，係 孫思克 嚟到 頒賞 。
韋小寶 見 佢 頭戴 紅寶石 頂子 ，着 嘅 係 從 一品 武官 服飾 ，知道 係 升咗 提督 嘞 ，連忙 向 佢 恭喜 話 ：
孫四哥 ，恭喜 你 又 升咗 官 喇 。
孫思克 滿面 笑容 ，向 韋小寶 請安 行禮 佢 話 ：
嗰啲 都係 皇上 恩典 ，韋爵爺 嘅 栽培 提拔 啊 。
開讀 聖旨 ，卻 原來 係 朝廷 平定 咗 三藩 ，雲南 平 西王 吳 三桂 、廣東 平 南王 尚 之 信 、福建 靖 南王 耿 精忠 先後 削平 嘞 。
康熙 論功行賞 ，因為 二等 通食 伯 韋 小寶 舉薦 大將 ，建立 殊勛 ，甚 可嘉尚 ，特 晉爵 為 一等 通食 伯 ，蔭 長子 韋 虎頭 為 雲騎尉 。
韋小寶 謝完 恩 ，收咗 康熙 賞賜 嘅 各種 物件 。
其中 ，竟然 有 一座 大理石 屏風 ，就係 當年 喺 吳三桂 五華宮 嘅 書房 裏 便 見到 嘅 ，係 吳三桂 嘅 三寶 之一 。
張勇 、趙良棟 、王進寶 、孫思克 ，亦 各 有 厚禮 啊 。
噉 當晚 喺 筵席 之上 ，孫思克 講起 平定 吳三桂 嘅 經過 。
原來 張勇 喺 甘肅 、寧夏 一帶 大破 吳三桂 大軍 ，噉 屢 立 大功 ，而家 已經 封咗 一等侯 ，加 少傅 ，兼 太子太保 ，官爵 已經 高過 韋小寶 好多 嘞 。
孫思克 話 張侯爺 當年 畀 歸辛樹 打咗 一掌 之後 啊 ，始終 唔能夠 復原 ，唔騎得 馬 ，亦 唔能夠 企 ，打仗 嘅 時候 呢 ，係 坐 喺 轎 裏頭 指揮 大軍 嘅 噉 。
韋小寶 話 ：嘩嗨 ，噉 抬轎 嘅 轎夫 啊 ，要 勇士 至 得 噃 ，否則 張老哥 大叫 衝鋒 ，噉 四名 轎夫 啊 同 佢 嚟 個 向後 轉 ，噉 咪 弊弊 冇 咁 弊 ？
孫思克 話 ：係 定啦 。
張侯爺 臨陣 嘅 時候 ， 頂 轎後便 啊 一定 跟 住 刀斧手 嘅 ， 轎夫 如果 要 向後轉 ， 大刀 斧頭 就 斬落 嚟 喇 。
孫思克 又 講到 趙良棟 點樣 取 陽平關 、 定 漢中 、 克 成都 、 攻下 昆明 ， 功勞 極大 ， 噉 皇上 封 佢 為 勇 略 將軍 ， 兼 雲貴 總督 ， 加 兵部 尚書 銜 。
王進寶 同 佢 自己 ，都 因為 力戰 而 升為 提督 。
韋小寶 見 佢 講到 眉飛色舞 ，自己 唔能夠 躬逢其盛 梗係 好冇癮 定啦 ，但係 想到 四個 好朋友 都 立 咗 大功 封 咗 大官 ，亦都 戥 佢哋 高興 。
孫思克 話 ：我哋 幾個人 經常 講 咯 ，呢 幾年 打仗 ，真係 打得 十分 痛快 。
飲水思源 ，都係 全靠 皇上 知遇之恩 ，韋爵爺 舉薦之德 。
如果 韋爵爺 做 平西 大元帥 ，帶住 我哋 四個人 打 吳三桂 呀 ，啊 真係 十全十美 咯 。
趙二哥 同 王三哥 時時 嘈交 ，一直 嘈 到 皇上 面前 ，連 張大哥 都 壓 佢哋 唔住 。
皇上 幾次 提到 韋爵爺 ，話噉樣 嘈交法 ，點 對得住 你 啊噉 ，佢哋 兩個 啊噉 先至 唔敢 再 嘈 咋 。
韋小寶 話 ：佢 兩個人 本來 一見面 就 嘈交 嘅 ，點解 做咗 大將軍 之後 ，呢個 脾氣 仲 冇 改 啊 ？
孫思克話 ：噉唔係 ，兩個人 啊 分別 上奏章 ，你話 我唔啱 我話 你唔啱 。
好在 皇上 寬洪大量 概不追究 唧 ，否則 啊 ，怕 兩個人 都 要 受 處分 喇 。
吳三桂 嗰個 嘢 點樣 啊 ？
你 有冇 揦住 佢 條 辮 踢 鬼 佢 幾 腳 啊 ？
呢個 老嘢 運氣 亦 真係 好喇 。
吓 ？畀佢 逃跑咗 啊 ？
噉就唔係 。
佢 到處 打敗仗 ，佔翻嚟 嘅 地方 呢 一處處 失翻 ，噉 眼睇住 支持唔住 喇 ，就 想 喺 臨死之前 過 一過 皇帝 癮 。
於是 着起 黃袍 ，新 登 大寶 ，就 定都 衡州 。
我哋 聽見 佢 做咗 皇帝 ，就 更加 猛打 啦 ，佢 連 氣 打 咗 幾個 大敗仗 ，又 驚 又 激氣 就 嗚呼哀哉 喇 。
哦 ，原來 噉嘅 ，真係 便宜咗 嗰個 老嘢 啊 。
吳 逆 死咗 之後 ，佢 部下 嘅 將領 ，擁戴 佢 個 孫 吳 世璠 繼位 ，啊 退 到 昆明 。
趙二哥啊 打到 昆明 ，將 吳逆 嘅 大將 夏國相 、馬寶 佢哋 都 捉咗嚟 斬咗 。
吳世璠 就 自殺 ，天下 就 太平 嘞 。
孫四哥啊 ，昆明 有 一件 國寶 ，而家 唔知 點樣 呢嚱 ？
咩 國寶 啊 ？屬下 冇 聽講過 喎 。
嗰件 係 活國寶 嚟 ，就係 天下 第一 美人 陳圓圓 喇 。
哦 ，原來 係 陳圓圓 ，冇 聽到 佢 下落 噃 。
唔知 係 喺 亂軍 之中 死咗 呢 ，抑或 係 逃跑 咗 喇 ？
唉 ，噉 真係 可惜 喇 真係 可惜 喇 。
宴會 散咗 席 之後 ，返到去 內堂 ，噉 韋小寶 同 七位 夫人 講起 。
阿珂 聽講 母親 不知 所 蹤 ， 噉 雖然 佢 自 細 畀 九難 偷 咗 去 ， 唔 喺 母親 身邊 ， 但 係 母女 親情 ， 不免 亦 感到 傷心 。
韋小寶 勸 阿珂 唔使 擔心 嘅 ，話 佢 母親 無論 去到 咩 地方 ，嗰個 百勝刀王 胡逸之 一定 跟住 佢 ，寸步不離 嘅 。
佢 話 ：阿珂 啊 ，呢個 胡大哥 嘅 武功 啊 高 到 不得了 ，你 係 親眼 見過 㗎 喇 ，要 保護 你 母親 一個人 啊 ，直情 係 易如反掌 啦 。
阿珂 諗 噉 又 係 噃 ，於是 就 冇 咁 擔心 嘞 。
韋小寶 升為 一等 通食 伯 之後 ，島上 嘅 廚師 、僕人 、丫鬟 又 多咗 幾十 人 。
韋虎頭 身在 襁褓 之中 ，就 有咗 雲騎尉 嘅 封爵 。
荒島 生涯 ，竟然 亦 係 錦衣玉食 、榮華富貴 。
不過啊 太過 安逸 無聊 喇 ，韋小寶 千方百計 想 惹 是生非 ，搞 啲 古怪 出嚟 。
須知 不作 荒唐之事 啊 ，何以 遣 有涯之生 呢 ？
可惜 七位 夫人 個個 一本正經 ，日日夜夜 看到 佢 好 緊 。
連 公主 噉樣 鐘意 胡鬧 嘅 人 啊 ，亦 唔 肯 跟住 佢 興風作浪 。
呢位 一等 通食 伯 綁手綁腳 ，只有 對 天 長歎 係啦 。
嗱 各位 ，欲知 後事 如何 ，且 聽 下回 分解 。
