前 文 再續 啊 書 接上 一回 啊 。
話説 公主 見到 清軍 走咗 ，好奇怪 噉 問 ：
呢個 總兵 明明 已經 見到 我哋 喇 ，點解 話 ，吖 ，佢 仲 送 啲 金 同 銀 畀 你 啊 ？原來 係 你 嘅 朋友 。
韋小寶話 ：我哋 由 後門 走 啦 。噉啊 將 金銀 收入 懷 內 就 行去 後便 嘞 。
一𨂾入院子 ，只見 廊下 有 八九 個 人 坐 響處 。
韋小寶 一 擸眼 不禁 大聲 驚叫 啊 ，轉身 就 走 ，只係 行咗 兩 步 唧 ，後領 一緊 ，已經 畀 人 捉住 扚起身 嘞 。
嗰個人 冷冰冰 話 ：你 仲 走得了 啊 ？
呢個人 正係 洪教主 。
其餘啲人呢 ，係 洪夫人 、肥頭陀 、陸高軒 、青龍使 許雪亭 、赤龍使 無根道人 、黑龍使 張淡月 、黃龍使 殷錦 ，神龍教 嘅 首腦 人物 冚𠾴唥 喺 齊處 。
仲有 一個 少女 ，係 方怡 。
公主 嬲 嘞 ：你 拉住 佢 做 乜嘢 啊 ？飛腳 就 向 洪教主 踢過去 。
洪教主 左手 微微 垂低 ，中指 喺 佢 腳背 上面 一 彈 ，公主 吖 一 聲 就 𢴈咗 喺 地 。
韋小寶 畀 洪教主 扚 離地 ，佢 話 ：
教主 同 夫人 仙福 永享 ，壽 與 天 齊 。
弟子 韋小寶 參見 。
洪教主 冷笑話 ：哼 ，難為 你 仲 記得 呢 兩句 説話 。
嘿 呢 兩句 説話 ，弟子 時刻 記住 喺 心 嚟 㗎 。
嗱， 朝早 起身 嘅 時候 呢 念 一次 ， 洗面 嘅 時候 念 一次 ， 食 早餐 嘅 時候 呢 念 一次 ， 食晏晝 飯 嘅 時候 念 一次 ， 食 晚飯 嘅 時候 ， 又 念 一次 ， 晚上 瞓覺 嘅 時候 ， 再念 一次 。
啊 從來 未 漏過 一次 㗎 。
有時 想起 教主 同 夫人 嘅 恩德 ，仲 時時 加料 ，念 多 幾次 添 。
洪教主 自從 老巢 神龍島 被毀 ，啲 教徒 死 嘅 死 散 嘅 散 ，身邊 呢 只係 剩低 寥寥 幾個 老兄弟 ，喺 江湖 奔波 。
大家 對於 仙福永享壽 與 天齊 嘅 頌詞 呢 ，亦 講得 唔係 點 起勁 嘞 ，一日 之中 ，往往 難得 聽到 一次 。
而家 聽見 韋小寶 阿諛奉承 嘅 説話 ，一句 接住 一句 ，不由得 心中 高興 ，就 將 佢 放翻 落地 。
本來 冷冰冰 嘅 面上 ，都 露出 一絲 笑容 嘞 。
韋小寶 話 ：屬下 今日 見到 教主 周身 有 勁 精神 大振 啊 。
不過 有 一 件 事 ，實在 唔明白 唧 。
洪教主 問 ：咩嘢事 啊 ？
嗰日 同 教主 同 夫人 分別 之後 ，已經 隔咗 好耐 嘅 啦 嘛 ，哈 點解 教主 反而 好似 年輕咗 七八歲 ，夫人 直情 好似 變咗 我 嘅 妹妹 噉 ，真係 奇怪 喇 。
洪夫人 咭咭聲 咁 嬌笑 ，伸手 喺 佢 面珠 上面 搣咗 一下 ，笑住 話 ：
馬騮仔 ，托大腳 嘅 功夫 算係 天下 第一 嘞 。
公主 啊 嬲 到極點 嘞 佢 鬧 佢 話 ：
哈 你 呢個 女人 真係 唔要面 ，點解 逳手逳腳 㗎 ？
洪夫人 笑住 話 ：我 只係 逳手 啫 冇 逳腳 噃 ，好啦 ，又 逳下 腳 啦 。
洪夫人 提起 左腳 ， 啪 一聲 ， 喺 公主 𦣇 柚 出力 踢 咗 一腳 ， 公主 啊 痛到 大聲 咁 叫 啊 。
突然間 ，只 聽見 馬蹄聲 響 ，一陣 咁耐 四面八方 都 係 嘞 ，唔知 有 幾多 官兵 ，已經 將 農舍 沊沊𡃈噉 圍住 。
大門 推開 十幾 名 官兵 湧咗入嚟 。
當先 兩個人 行 入 院子 ，向 各人 睇下 ，噉 有 個人 話 ：都係 啲 唔相干 嘅 耕田佬 嚟 嘅 。
韋小寶 聽講 嘢 嘅 聲音 係 王進寶 ，個 心 歡喜 嘞 ，擰轉 頭 一 睇 ，見到 王進寶 身邊 係 孫思克 。
佢 兩個人 打 個 眼色 ，噉 啊 揮手 叫 啲 軍士 出去 。
孫思克 大聲話 ：就得 幾個 老百姓 啫嘛 喂 ，你哋 有冇 見到 逃走 嘅 反賊 啊 ？
冇 啊 ， 好 ， 我 哋 去 第二處 地方 查下 啦 。
韋小寶 心念 一動 ，佢 諗 ：我 呢次 落入 神龍教 手上 ，唔理 點樣 花言巧語 ，最後 終歸 冇命 㗎喇 。
仲係 跟埋 王三哥 佢哋 走 ，擺脱咗 神龍教 毒手 先 ，再 要 佢哋 兩個人 放 我 噉咪得囉 。
見到 王進寶 同 孫思克 正 話 想 轉身 行翻 出去 ，就 大叫 話 ：
王三哥 ，孫四哥 ，我 係 韋小寶 啊 ，你哋 帶 我 去 啦 。
孫思克 話 ：你哋 呢啲 鄉下佬 ，快啲 走到 有 咁遠 得 咁遠喇 。
王進寶 話 ：呢個 鄉下仔 話 冇 錢 使 喎 問 你 身邊 有 冇 啊 。
孫思克 話 ：要 錢 啫嘛 ，有有有 。
喺 懷裏 扲咗 一沓 銀票 出嚟 交畀 韋小寶 ，佢 話 ：
北京城 走咗 反賊 ，皇上 非常之 嬲啊 ，派咗 幾千 兵馬 出嚟 捉佢 ，捉到咗 啊 即刻 就 要 殺頭 。
小兄弟 ，呢笪 地方 好 危險 㗎 ，如果 畀 人哋 冤枉 噉 捉咗 去 ，冇 咗 命 就 唔 抵 啦 嘛 。
韋小寶 ：你哋 捉 我 去 啦 ，我 ，我 寧可 跟住 你哋 去 啊 。
王進寶 話 ：你 想 跟 我哋 去 當兵 食糧 啊 ？唔係 講 玩 㗎 細路 。
外便 有 皇上 親自 派 嘅 火器營 ，帶埋 火槍 ，乒乒嘣嘣 轟起 上嚟 呀 ，任 你 武功 再 高 都係 頂唔住 㗎 。
韋小寶 諗 ：有 火器營 噉 啊 更加 妙 喇 ，睇嚟 洪教主 唔 敢 亂逳 嘅 。
就連忙話 ：我 有 説話 要 回奏 皇上 ，你哋 帶 我 去 啦 。
王進寶 話 ：皇上 一見到 你 啊 ，即刻 就 要 殺 你 嘅 頭 啊 。
皇上 亦 不過 係 兩隻 眼 、一把 嘴 之 嘛 有 乜 好 見唧 ？
嗯 ，我哋 留低 十三 匹 馬 ，派 你哋 十三 個 鄉下佬 ，每 人 看住 一 匹 ，噉 過得 十年 八年 ，送嚟 北京 繳翻 畀 我哋 啦 。
如果 死咗 一匹 ，你 要 賠錢 㗎 ，千祈 要 小心 啊 。
講完 ，就 走嘞 。
韋小寶 急咗極 ，上前 一手 拉住 佢 就 話 ：王三哥 ，你 快啲 帶 我 去 啦 。
突然之間 ，一隻 大手 撳住 佢 頭頂 ，洪教主 話 ：
小兄弟 ，呢位 總爺 一番 好心 ，佢 啱啱 喺 京城 出嚟 ，知道 皇上 嘅 心思 ，你 唔使 胡思亂想 喇 。
孫思克 大聲 話 ：冇錯 我哋 快啲 去 追 反賊 啦 。
韋小寶 知道 而家 條命 呢 ，已經 喺 洪教主 手上 ，佢 只要 內勁 一 吐 ，自己 當堂 就 會 腦漿 迸裂 。
但係 而家 唔死 呢 ，過咗 冇 幾 耐 總之 仲係 非死不可 嘅 ，就 大聲 噉 話 ：
你哋 快啲 捉咗 我 去 啦 我就係 韋小寶 啊 。
眾人 打個 特 都 停住 腳步 嘞 。
孫思克 哈哈大笑 佢 話 ：哈哈哈哈哈哈 ，韋小寶 係 個 十幾歲 嘅 少年 ，你 呢位 伯爺公 就嚟 八十歲 嘞 ，挾起 把聲 嚟 開玩笑 ，笑甩 人哋 嘅 大牙 啦 。
一 拉住 王進寶 衫袖 ，兩個人 大踏步 出去 。
只聽見 呼喝 傳令 嘅 聲音 話 ：留低 十三 匹 馬 喺 呢處 ，同 後便 嘅 追兵 通 消息 。
將 兩間 茅屋 燒咗 佢 ，以免 反賊 喺 處 匿埋 。
眾軍士 應 話 ：得令 ！
就 有人 放火 燒屋 ，跟住 馬蹄 響起 ，大隊 人馬 向北 便 奔馳 嘞 。
韋小寶 歎 一口氣 佢 諗 ：
唉 ，呢一趟 死實 啦 。
王三哥 孫四哥 怕 我 逗留 唔走 ，再 有 追兵 追到嚟 呢 就 唔會 畀 面 㗎 嘞 。
只見 屋角 嘅 茅草 已經 着火 焚燒 ，火焰 慢慢 逼近 。
洪教主 冷笑話 ：你 嘅 朋友 好夠 義氣 啊 ，畀咗 銀 你 又 畀 馬匹 。
大家 走啦 。
沐劍屏 扶起 公主 ，噉 眾人 喺 後門 出去 ，行翻 去 屋前 便 ，果然 見到 大樹 下 便 綁住 十三 匹 駿馬 。
其中 兩匹 ，鞍轡 鮮明 ，梗係 王進寶 、孫思克 兩個人 嘅 坐騎 嘞 。
各人 上馬 向 東 便 飛跑 ，韋小寶 等 四個人 呢 ，挾住 喺 中間 嚟 。
韋小寶 只係 希望 有 追兵 追嚟 將 自己 捉翻去 。
小皇帝 對 自己 呢 ，情意深厚 ，呢次 雖然 係 得罪咗 佢 啊 ，未必 就 非 斬頭 不可 嘅 。
洪教主 啊 陰險 毒辣 ，落咗 入 佢 嘅 手 呀 ，都 唔知 有 幾多 苦 要 捱 啊 。
但係 一路 噉行 ，再 聽唔到 追兵 嘅 蹄聲 。
眾人 所 騎 嘅 馬 都 係 王進寶 選定 嘅 良 駒 ， 奔跑 如飛 ， 後 便 就算 有 追兵 ， 亦 冇 法子 追 得到 嘅 。
何況 趙 、王 、孫 三個 總兵 ，早就 將 追兵 引 到 去 北 便 行 嘞 。
一路上 除咗 公主 嘅 叫罵 之外 ，邊個 都 唔 出聲 。
收尾 殷錦 點咗 公主 嘅 啞穴 ，佢 雖然 有 滿腔 怒氣 啊 ，不過 都 鬧唔出聲 嘞 。
洪教主 率領 眾人 ，一味 喺 荒野 之中 向 東南面 跑 ，夜晚 亦 喺 荒野 歇宿 。
韋小寶 幾次 用計仔 想要 逃跑 ，但係 洪教主 機智 嘞 一啲 都 唔 輸蝕 畀佢 。
每次 都 不過 使 韋小寶 身上 捱 多 幾拳 ，點 都 唔能夠 走得甩 。
幾日 之後 嚟到 海邊 ，陸高軒 喺 韋小寶 身邊 就 扲 一錠 白銀 ，去 請咗 一隻 大海船 。
韋小寶 個 心 啊 一味 叫苦 啦 ，想起 請 海船 嘅 銀 都 要 自己 出 喎 ，更加 唔忿 嘞 。
上咗 船 之後 ，海船 扯起 堂里 向 東 便 行駛 。
韋小寶 諗 ：呢 一次 梗係 又 去 神龍島 啦 ，老烏龜 實要 將 老子 攞 去 餵 蛇 定 嘞 。
想到 島上面 一條條 毒蛇 纏上身 ，擘大個口 一齊 咬 自己 ，哎呀 不由得 全身 發抖 ，佢 諗 ：
想 個 法子 喺 船底 鑿 個 大窿 ，大家 同歸於盡 罷 啦 。
不過 神龍教 各人 啊 知道 佢 詭計多端 ，看得 佢 好 緊 ，又 點 有 機會 呢 ？
韋小寶 想起 以前 去過 神龍島 兩次 ，第一次 ，同方怡 喺 隻 船 處 卿卿我我 就 享盡 温柔 ；
第二次 係 率領 大軍 ，威風八面 ；
呢 一次 呢 ，哈 ，卻 係 畀 人 拳打腳踢 ，條 命 凍過 水 ，噉 其中 嘅 苦樂 ，真係 爭 天 共 地 嘞 。
自從 喺 北京 郊外 農舍 裏頭 同 方怡 相會 ，無論 係 陸地 騎馬 海上 坐船 ，佢 始終 都係 冇 喜 冇 嬲 ，木木獨獨 唔 出聲 。
雖然 佢 冇 嚟 折磨 自己 啊 ，但係 一直 都 唔 睇 自己 一眼 。
有時諗住 ，佢 喺 洪教主 淫威 之下 ，就算 對 自己 一片 深情 ，但係 啲 多嘢 都 唔敢 表示出嚟 嘅 啫噉 。
有時 又 諗 ：多次 上咗 佢 嘅 當 ，嗰啲 陰險狡猾法 呀 ，天下 女子 ，以 佢 為 最 厲害 喇 ，又 不禁 嬲 到 佢 死死下 。
海船 行咗 好多 日 ，果然 係 去到 神龍島 。
陸高軒 同 肥頭陀 押住 韋小寶 、公主 、沐劍屏 、曾柔 四個人 上岸 。
殷錦啊 叫 啲 船夫 一齊 上岸 。
一名 船夫 唔 肯 ，殷錦 啊 一刀 就 殺咗 佢 。
其餘 班 船夫 啊 嚇到 魂飛天外 ，邊度 仲 敢 出聲 吖 ？唯有 乖乖地 跟埋 佢哋 上岸 嘞 。
上到去 ，只見 島上 樹木 枯焦 ，瓦礫 遍地 ，到處 係 當日 炮轟 嘅 遺蹟 。
樹林 裏 便 啊 腐臭 攻鼻 啊 ， 路上 一條條 都 係 死 蛇 骸骨 。
嚟到 大堂 前 便 只見 墻 倒 竹 斷 ，幾十 座 竹屋 ，已經 蕩然無存 嘞 。
洪教主 企定 唔出聲 。
殷錦 等人 嘅 表情 都 好 憤怒 。
有啲 就 惡屎 騰騰 噉 睩住 韋小寶 。
張淡月 放聲 大叫 ：洪教主 返嚟 神龍島 喇 ！各路 教徒 ，快啲 出嚟 參拜 教主 ！
佢 中氣 充沛 ，提氣 大聲 咁 嗌 呢 ，幾里 之外 都 聽得見 嘅 。
一陣間 ，佢 又 叫咗 兩次 。
只聽見 山谷 之間 回聲 隱隱約約 傳翻嚟 ：返嚟 神龍島 喇 ！參拜 教主 ！參拜教主 ！
過咗 好耐 ，四面 寂靜 無聲 ，不但 唔見 教徒 蜂擁而嚟 啊 ，連 一個 人 嘅 回音 都 冇 。
洪教主 擰轉頭 ，對 韋小寶 冷冰冰噉 話 ：
你 炮轟 本島 ，打到 咁 大 一個 神龍教 ，瓦解 冰消 ，你 稱心如意 啦嘛 ？
韋小寶 見到 佢 神情 怨毒 ， 不由得 毛管 眼棟 篤 企 佢 聲 震震 噉 話 ：
誒 ，舊嘅 唔去 ，新嘅 就 ，唔嚟 吖嘛 。
洪 教主 重振雄風 ， 誒 大 ， 嗯 大展 鴻圖 ， 再創 新教 ， 開張 發財 。
呢啲 叫做 越燒越發 ，越轟越旺 ，誒 教主 同 夫人 仙福 永享 。
洪教主 話 ：好極喇 。
一腳 將 佢 踢到 成個 飛起 ，噼啪 一聲 𢴈咗 喺 地下 ，周身 嘅 骨 啊 ，都 想 斷 咁滯 ，爬唔翻 起身 。
曾柔 見到 洪教主 咁 兇惡 ，雖然 係 害怕 ，仲係 過去 將 韋小寶 扶起身 。
殷錦 上前 躬身 話 ：
啟稟 教主 ，呢個 賊仔 罪該萬死 ，等 屬下 一刀一刀 ，將 佢 一件肉 一件肉噉 割死佢 啦 。
洪教主 哼咗 一 聲 就 話 ：
唔使 咁快 。
呢個 嘢 嘅 心裏 便 ，仲有 一個 重大 機密 。
本教 興復 ，需要 依靠 呢件 大事 ，暫時 唔能夠 殺佢 。
殷錦話 ： 係 ， 係 ， 教主 高瞻遠矚 ， 屬下 愚魯 ， 難明 其中 奧妙 啊 。
洪教主 喺 一嚿 大石 上面 坐低 ，諗咗 一陣 佢 又 話 ：
從來 成就 大事 ，必定 係 多災多難 嘅 。
本教 一時 受到 挫折 ，亦 不足為患 。
眼下 教徒 星散 ，我哋 應該 如何 重整 旗鼓 ，大家 不妨 各抒所見 啊 。
殷錦話 ： 教主 英明 智慧 ， 我 哋 就 係 諗 十日 十夜 ， 亦 不及 教主 靈機一動 啦 ， 仲 係 請教 主 指示 良策 ， 大家 奉命 辦理 好 喇 。
洪教主 岌一岌頭 佢 話 ：
眼前 首要 嘅 任務 ，係 重聚 教徒 。
上次 官兵 炮轟 本島 ，教徒 傷亡 雖然 唔少 ，不過 亦係 三成 之中 ，去咗 一成 唧 ，其餘 嗰 兩成 ，一定 係 四圍 流散 咗 。
而家 我 命令 陸高軒 升任 白龍使 ，嚟 補足 五龍使 嘅 數目 。
陸高軒 躬身 多謝 。
洪教主 又 話 ：青 、黃 、赤 、白 、黑 五 龍 使 ，即日 分赴 各地 ，招集 舊部 ，如果 見到 資質 可取 嘅 少年 男女 ，就 收 歸屬 下 ，招 舊 納 新 ，重興 神教 。
殷錦 、張淡月 、陸高軒 三個人 躬身 話 ：謹遵 教主 號令 。
赤龍使 無根 道人 同 青龍使 許雪亭 就 唔 出聲 噃 。
洪教主 睇下 佢 兩個 就 話 ：
赤龍 使 、 青龍 使 ， 你 哋 兩個 有 咩 嘢 説 話 講 啊 ？
許雪亭 話 ：啟稟 教主 ，屬下 有 兩件 事情 ，希望 教主 允准 。
哼 ，咩嘢 事 啊 ？
屬下 等 向來 忠於 本教同 教主 ， 但 係 教主 卻 係 始終 信 唔 過眾 兄弟 ， 未免 令人 心灰 。
第一件事 ，懇請 教主 恩賜 豹胎 易筋丸 解藥 ，等到 眾兄弟 心無牽掛 ，全心全意 為 教主 效勞 。
如果 我 唔 畀 解藥 ，你哋 辦事 就 唔 全心全意 喇 係嘛 ？
屬下 不敢 。
第二件事 ，嗰啲 少年男女 成事 不足 ，敗事 有餘 ，一遇到 大事 個個 走到 乾乾淨淨 。
本教 呢次 遭逢 患難 ，自始自終 追隨 喺 教主 同 夫人 身邊 嘅 ，只係 我哋 幾個 老兄弟 唧 。
嗰啲 少年弟子 ，平日 滿嘴 忠心不二 ，咩 赴湯蹈火 萬死不辭 ，事到臨頭 ，有 邊 一個 真係 能夠 出力 嘅 呢 ？
屬下 愚見 ，我哋 重興 本教 ，應該 招 羅肯 擔帶 、有骨氣 嘅 男子漢 大丈夫 。
嗰啲 口是心非 亂噏 廿四 嘅 少年 男女 ，就 好似 叛徒 韋小寶 呢類 賊仔 ，就 唔使 再 招 嘞 。
佢 講 一句 ，洪教主 塊面 啲 黑氣 就 深 一層 。
許雪亭 嘅 心 啊 越 講 越 驚 ，不過 佢 呢 ，仲 係 硬住 頭皮 ，將 呢番 説話 講完 。
洪教主 又 望 實無根道人 ，冷冰冰 噉 話 ：你 又 點 講 啊 ？
無根道人 退 咗 兩步 佢 話 ：
屬下 以為 青龍 使 嘅 説話 有 道理 。
前車 覆轍 ，呢條路 唔能夠 再 走 嘞 。
不經一事 ，不長一智 ，既然 係 犯過咗 毛病 ，教主 大智大慧 ，當然 會 明白 呢啲 少年男女 既 唔 頂用 又 靠唔住 ，就好似 ，就好似 。
向 沐劍屏 一 指 ，佢 話 ：
就好似 呢個 姑娘仔 ，本來 係 我 赤龍門 屬下 ，教主 待 佢 恩德 非 淺 ，但係 一 遇到 患難 ，即時 就 叛教 降 敵 。
呢種人 ，務須 一個個 追尋返嚟 ，千刀萬剮 ，為 叛教者 戒 。
洪教主 嘅 眼光 向住 陸高軒 等人 一個個 掃過去 ，佢 問 ：
呢啲 係 你哋 大家 商量 好 嘅 意思 嘛 ？
眾人 唔 出聲 。
過咗 好耐 ，肥頭陀 話 ：
啟 稟 教主 ， 我 哋 冇 商量 過 ， 不過 ， 不過 屬下 以為 青龍 使 、 赤龍 使 兩位 嘅 説 話 ， 係 好 有 道理 嘅 。
洪教主 望住 張淡月 ，等 佢 出聲 。
張淡月 戰戰兢兢 噉 話 ：
本教 呢次 險 遭 覆滅 之 禍 ，罪魁禍首 當然 係 韋小寶 呢個 賊仔 啦 。
屬下 對 呢種 人 ，係 非常 信唔過 嘅 。
洪教主 岌一岌頭 ：好極 ，你 同 佢哋 係 一夥 。
陸高軒 ，你 呢 ？
陸高軒 話 ：屬下 得蒙 教主 大恩 提拔 ，升任 白龍使 咁 重要 嘅 職務 ，應該 出力 為 教主 盡忠效勞 。
赤龍 使 佢哋 呢番 心意 ，亦 係 為咗 本教 同 教主 着想 ，決 無 他意 。
殷錦 大聲話 ：你哋 呢番 説話 ，錯到 極 喇 。
教主 智慧 啊 高過 我哋 成 百倍 ，大家 何必 講 咁多 說話 呢 ？
只要 聽從 教主 同 夫人 嘅 指揮 就係 嘞 。
前次 官兵 炮轟 本島 ，係 幫 本教 蕩垢 去污 ，所有 不忠於 教主 嘅 叛徒 ，從此 都 轟晒 出嚟 嘞 。
如果 唔係 噉樣 啊 ，又 點 知道 邊個 忠 邊個 奸 啊 ？
我哋 屬下 都 係 井底之蛙 ，眼光 短淺 ，只見 一時 嘅 得失 ，噉 點 能夠 學似 教主 咁 洞燭 百世 呢 ？
許雪亭 好嬲 噉話 ：本教所 以 一敗塗地 ，大半 就係 畀 你 呢啲 托大腳 嘅 人 搞壞 嘅 。
你 亂咁 托大腳 ，對於 本教 有 咩嘢 好處 ？對 教主 又 有 乜嘢 好處 ？
殷錦話 ： 哎 吖 吖 吖 ， 咩 嘢 托 大腳 啊 ？ 你 你 ， 你 ， 你 你 噉 唔 係 造反 嘞 咩 ？
許雪亭 話 ：你 呢個 無恥 小人 ，敗壞 本教 ，你 先至 係 造反 啊 。
講完 ，用 手 撳住 劍柄 。
殷錦 退咗 一步 佢 話 ：
當日 你 犯上 作亂 ，背叛 教主 ，好彩 教主 同 夫人 寬洪大量 噉 先至 不咎既往 ，今日 ，今日 你 又 要 造反 喇 ？
許雪亭 、無根道人 、張淡月 、陸高軒 、胖頭陀 五個人 ，一齊 睩實 教主 ，嬲嬲噉 唔出聲 。
嗱 各位 ，欲知 後事 如何 ，且 聽 下回 分解 。
