前文 再續 啊 書 接 上 一回 啊 。
話説 淮陽道道台 ，介紹 揚州 一個 姓 何 嘅 鹽商 屋企 ，畀 韋小寶 做 行轅 。
呢個 姓 何 嘅 鹽商 啊 ，家財 豪富 ，韋小寶 細時 呢 ，時常 喺 佢 屋企 嘅 牆 外 便 行過 嘅 。
聽見 墻裏 便 傳嚟 音樂 嘅 聲音 ，非常之 羨慕 ，只係 從來 都 冇 機會 入去 睇 一眼 唧 。
而家 聽道 台 噉樣 講 就 話 ：好啊 ，去 住 幾日 先 啦 ，如果 住得 唔 舒服 咯 ，我哋 再 搬 咪 係囉 。
揚州 嘅 鹽商 咁多 ，我哋 逐家 噉 住 過去 逐家 噉 食 過去 ，點 都 食唔窮 佢哋 嘅 。
嗰 間 何 園 啊 ， 棟宇 連雲 ， 泉石 幽曲 ， 亭舍 雅緻 啊 建構 精美 ， 一睇 就 知道 每 一尺 土地 都 使 咗 唔 少 黃金 白銀 嘅 。
韋小寶 極之 滿意 啊 ，就 吩咐 親兵 隨從 都 住入去 。
張勇 等 四 將 啊 率領 官兵 ，分別 駐扎 喺 附近 官舍 民房 。
當其時 揚州 繁華 就 甲 於 天下 。
唐朝 嘅 時候 ，就 已經 有 十里 珠簾 ，二十四 橋 風月 嘅 講法 嘞 。
到咗 清朝 初期 ，淮鹽 集散 喺 揚州 就 更加 興旺 。
據 史書 記載 ，明末 揚州府 屬 ，總共 係 三十七萬五千餘 丁 。
十六歲 以上 嘅 男子 呢 就 叫做 丁 啊 。
明清之間 ，揚州 畀 清兵 屠殺 ，順治 三年 只係 淨翻 九千三百二十 丁 。
但係 到咗 康熙 六年 ，又 增加 到 三十九萬七千九百餘丁 ，不但 元氣 已經 完全 恢復 啊 ，而且 仲 勝過 往日 添 。
第日一早 ，揚州 城內 大小 官員 ，排班 嚟到 欽差 行轅 參見 。
韋小寶 接見 之後 就 宣讀 聖旨 。
佢 又 唔 識 康熙 上諭 上面 嘅 字 嘅 ， 就 預早 叫 師爺 教 佢 唸到 熟 ， 呢 個 時候 一個 字 一個 字 噉 背 翻出 嚟 。
總算 佢 記性 好 啊 ，一個 字 都 冇 背 錯 。
但係 匆忙之中 呢 ，將 上諭 調轉 嚟 搦 噃 ，不過 旁人 亦 冇 發覺 。
眾官員 聽見 皇帝 下旨 ，豁免 揚州府 所屬 各縣 三年 錢糧 ，仲要 撫恤 開國 嘅 時候 兵災 災户 嘅 孤寡 ，又 興建 忠烈祠 嚟 祭祀 史可法 等 忠臣 ，個個 都 大呼 萬歲 ，叩謝 皇恩 浩蕩 嘞 。
韋小寶 讀完 聖旨 就 話 ：
各位 大人 ， 兄弟 出 京 嘅 時候 ， 皇上 吩咐 ， 江蘇 一省 出產 殷富 ， 不過 近年來 吏治 鬆弛 ， 兵備 亦 唔 整飭 ， 叫 兄弟 好好 查察 整頓 。
皇上 對 揚州 百姓 咁 愛惜 ，我哋 做官 嘅 應該 盡心竭力 ，報答 聖恩 至係 啊 。
文武百官 齊聲 話 ，係係係噉 。但 個心 呢 就 發愁 嘞 。
其實 呢 幾句 説話 係 索額圖 教 佢 講 嘅 。
韋小寶 知道 想 賄賂 收得 多 ，第一 ，係 要 對方 有求於己 ，第二 呢 ，係 要 對方 有所 避忌 。
因此 對 江蘇 文武官員 恐嚇 一番 呢 就 勢不可免 嘞 。
只不過 呢番 説話 要 講得 唔 輕 唔 重 ，恰到好處 ，又 要 文縐縐 噉 官腔 十足 ，所以 呢 就 非 請教 索額圖 不可 嘞 。
官樣文章 做完 之後 ，噉 就 當地 官員 去 選擇 地方 興建 忠烈祠 ，編造 應該 撫恤 災户 嘅 名冊 ，噉 派人 去 四鄉 ，宣諭 皇上 豁免 錢糧 決定 等等 。
噉呢啲事情啊 ，就唔係 一朝一夕 做得完 㗎咯 ，呢段時候 ，佢 就 喺 揚州 呢個 銷金窩 裏 便 享福 嘞 。
喺 幾日 之中 ， 總督 、 巡撫 設宴 ， 佈 政使 、 按察使 設宴 ， 噉 啊 諸道 設宴 ， 自然 係 珍饈 百味 極盡 豪奢 不在話下 嘞 。
韋小寶 日日 都 想 去 麗春院 探望 母親 嘅 ，只係 應酬 太多 始終 冇 時間 。
欽差大人 嘅 母親 喺 揚州 做 妓女 ，呢件事 係 千祈 唔能夠 揭穿 嘅 。
丟架出醜事小啊 ，失咗朝廷體統啊 事大嘞 。
何況 韋小寶 做 大官 已經 好耐 ，一直 冇 接 母親 去 北京 享福 ，任由 佢 淪落 風塵 ，確實 係 極之 不孝 。
你 話 畀 御史 參 佢 一本 喇 ， 連皇帝 都 難以 回護 啊 。
佢 諗 ：只有 等 安定 落嚟 喇 ，靜靜 換咗 打扮 ，去 麗春院 睇下 ，然後 叫 親兵 將 母親 送 去 北京 居住 ，務必 啊 要 做到 神不知鬼不覺 。
過咗 幾日 ，噉 呢一日 ，係 揚州府 知府 吳之榮 設宴 為 欽差 洗塵 。
吳之榮 喺 道台 嗰處 聽到 ，欽差 啊 曾經 想過 搵 禪智寺 做 行轅 ，噉 佢 諗 ：
禪智寺 嘅 精華 ，不過 係 寺前 便 一個 芍藥圃 啫 ，欽差大人 鐘意 呢間 寺 ，必定 係 喜歡 賞花 嘞 。
佢 為人 啊 善於 奉迎 ，喺 幾日 之前 ，就 喺 芍藥圃 旁邊 啊 搭咗 一個 花棚 ，係 要 高手 匠人 ，用 唔去皮 嘅 松樹 搭成 嘅 。
樹上 嘅 枝葉 ，原來 係 噉 就 噉 ，棚內 嘅 枱椅 啊 ，都 係 用 天然 樹石 ，棚內 種滿 花木 青草 。
再 用 竹節 引水 喺 棚 四周圍 流轉 ，流水 淙淙 ，認真 係 設計 巧妙 。
噉喺裏便飲宴啊就好似置身山野一樣 ，比起 富貴人家 雕樑玉砌 嘅 華堂 ，又係 別有 一種 風味 。
點 知道 韋小寶 係 個 庸俗 不堪 嘅 人 ， 周身 一條 雅骨 都 冇 嘅 ， 佢 嚟 到 花棚 ， 第一句 就問 嘞 ：
哎 ，點解 有 個 涼棚 嘅 ？
啊冇錯喇 ，實係 廟 裏頭 啲 和尚 嚟 打齋 嘅 ，燒完 衣紙 就 喺 呢處 派 飯 畀 餓鬼 食 嘅 。
嘿 ，吳之榮 一番 心血 ，冚𠾴 唥嘥晒 ，不由得 面色 十分 尷尬 ，噉 仲 以為 欽差大臣 有意 諷刺 添 。
只有陪笑話 ：卑職 見識 淺漏 ，呢處 佈置 唔合 大人 嘅 意思 ，實在 該死 啊 。
韋小寶 見到 成班 賓客 早就 肅立 恭候 嘞 ，噉 打個 招呼 ，就 埋位 坐落 。
嗰個 兩江 總督 同 韋小寶 應酬 咗 幾 日 ，已經 返咗 去 江寧 嘞 。
江蘇省 巡撫 、布政司 等等 嘅 衙門 喺 蘇州 ，呢陣時 ，都 留 喺 揚州 陪伴 欽差 大臣 。
其餘 嘅 賓客 唔係 名士 就係 有 功名 頂戴 嘅 鹽商 。
揚州 嘅 筵席 係 十分 考究 嘅 ，淨係 酒席 之前 嘅 茶果 點心 啊 就 有 幾十 種 咁多 。
韋小寶 雖然 係 本地 土生土長 啊 ，都 唔識得晒 。
噉 飲咗 一陣 茶 ，日影 漸漸 西斜 嘞 。
啲 日光 照 喺 花棚 外 便 幾 千樖 芍藥 上 便 ，璀璨 華美 ，直情 係 好似 織錦 一樣 啊 。
不過 韋小寶 就 越 睇 越 嬲 ，想起 當年 畀 寺 裏 便 啲 和尚 打罵 嘅 仇恨 ，宜得啊 將 所有 芍藥 冚𠾴 唥 掹起嚟 燒 咗 佢 ，不過 要 搵 個 藉口 先至 能夠 逳手 㗎 噃 。
噉正喺度諗緊 ，巡撫 馬佑 笑住 話 ：
韋大人 ，聽 大人 口音 ，似乎 亦 喺 淮陽 一帶 住過 嘅 。
淮陽 水土 厚 啊 ，因此 既 出 人才 ，種 啲 花 亦 好 靚 。
嗰班 官員 只知 欽差 係 正黃旗 滿洲人 ，而 嗰個 巡撫 呢 幾日 聽 佢 講説話 ，頗 有 揚州 鄉音 嘅 ，於是 就 乘機 捧一捧 佢 。
韋小寶 正喺度 諗緊 禪智寺 啲 和尚 可惡 ，衝口而出 話 ：揚州 就係 和尚 唔好 啊 。
巡撫 打個特 ，唔明白 佢 真實 嘅 意思 係 指 乜嘢 。
佈政使 慕天顏 係 個 乖覺 而 有學識 嘅 人 ，就 接口 話 喇 ：
韋大人 講得 好啱 啊 ，揚州 嘅 和尚 極之 勢利 ，奉承 官府 ，欺侮 窮人 ，嗰啲 都係 自古 已然 㗎喇 。
韋小寶 歡喜 喇 ，笑住 話 ：冇錯啦 。
慕大人 係 讀書人 ，知道 書上 便 都 寫住 嘅 。
慕天顏話 ：唐朝 王 播 碧紗籠 嘅 故事 ，唔係 就係 出喺 揚州 嘅囉 。
韋小寶 最鐘意 聽 古仔 嘞 ，就連 忙 問 ：誒 點㗎 點㗎 ，講嚟 聽下 。
呢個 故事 啊 ，就 出喺 揚州 石塔寺 嘅 。
唐朝 乾元 年間 嗰座 石塔寺 啊 叫做 木蘭院 ，當時 有 個 詩人 叫做 王播 。
佢 年輕 嘅 時候 屋企 好 窮 嘅 ，就 喺 木蘭院 寄居 。
廟裏 便 和尚 食飯 嘅 時候 撞鐘 為 號 ，噉 王播 聽見 打鐘聲 咯 ，噉就 去 飯堂 食飯啦 。
啲 和尚 啊 討厭 佢 ，有 一次 ，大家 就 食咗 飯 先 ，食完 飯 先至 撞鐘 。
王 播 聽見 鐘聲 就 去 飯堂 咯 喎 ，只 見 啲 和尚 啊 早 就 散 咗 去 咯 ，飯菜 食 到 乾乾淨淨 。
韋小寶 嬲 起上嚟 ，出力 一拍 張 枱 話 ：啲 死人 和尚 真係 可惡 嘞 ！
慕天顏話 ：噉唔係 ，食 一餐飯 啫嘛 使 幾多 錢 唧 ？
當時 王 播 個 心 啊 好 慚愧 ，就 喺 埲墻 上面 題 詩 ：
上堂 已了 各 西東 ，慚愧 闍黎 飯後 鐘 。
闍黎 係 咩嘢 傢伙 啊 ？
嗰班 官員 ，同 韋小寶 相處 咁多日 ，知道 呢位 欽差 大人 唔係 讀書人 。
旗人 嘅 功名 富貴 ，多數 都 唔係 由 讀書 得嚟 嘅 ，噉 亦 不以為奇 嘞 。
慕天顏 話 ： 誒 闍 黎 就 係 和尚 啊 。
哦 ，原來 就係 賊禿 ，誒噉 收尾 點 啊 ？
收尾王 播 做咗 大官 ，朝廷 啊 派 佢 鎮守 揚州 ，噉 佢 又 去 木蘭院 嘞 。
嗰啲 和尚 自不然 對 佢 大為 奉承 啦 ，噉 佢 又 去 睇 下 當年 牆 上 所 題 嘅 詩 仲 喺 唔 喺 處 。
只見牆上 啊 黐咗 一塊 名貴 嘅 碧紗 ，將 佢 提 嗰 兩句 詩 啊 罩住 ，以免 損壞 。
王播 非常 感慨 啦 ，喺 後 便 又 續 咗 兩 句 詩 ：
三十 年前 塵土 面 啊 ，如今 始得 碧紗籠 。
哼 ，佢 一定 將 嗰班 賊禿 捉嚟 打 佢 一 餐 𦣇柚 啫 。
王播 係 風雅 之士 ，噉嚟 題 翻 兩 句 詩 表示 下 譏諷 就算 喇 。
韋小寶 個 心 諗 ：哼 ，如果 係 我 啊 ，邊度 有 咁 容易 就 收手 啊 ？
噉 講咗 一陣 故事 ，收咗 茶杯 就 飲酒 嘞 。
韋小寶 四圍 望下 ，見到 隔籬 嗰 圍 王進寶 一啖一杯 ，飲得 極之 爽快 ，佢 心念 一動 就 話 ：
王將軍 啊 ， 你 講過 戰馬 食 咗 芍藥 ， 就 會 特別 雄壯 嘅 係 唔 係 啊 ？
一面 講 ，一面 向 佢 猛打 眼色 。
王進寶 唔明 佢 意思 嘞 就 話 ：誒噉誒 ，啊 ，噉啊 。
皇帝 選用 啲 名種 好馬 ，咩 蒙古馬 、西域馬 、川馬 、滇馬 ，皇上 都 吩咐 我哋 要 小心 飼養 嘅 係 唔係 啊 ？
康熙 着意 於 養馬 ，王進寶 係 知道 嘅 ，就 話 ：係 ，大人 講得 啱 。
你啊 熟悉 馬性 吖 ，喺 北京 嘅 時候 ，你 講過 如果 畀 啲 芍藥 過 戰馬 食 ，奔跑 起 上嚟 ，就 會 快 成倍 嘅 。
皇上 咁 鐘意 馬匹 ，我哋 做 奴才 嘅 就 應該 上仰 聖意 吖 。
如果 將 呢處 嘅 芍藥花 掘起嚟 送去 京師 ，交畀 兵部 車駕 司 餵 馬 ，皇上 知道 啊 ，必定 龍顏 大悅 啫 。
眾人 一聽 ，個個 都 奇怪 嘞 ：芍藥花 能夠 令 馬匹 雄壯 係 第一次 聽見 唧 。
睇下 王進寶 唯唯否否 個 樣 ，顯然 係 不以為然 ，只係 唔敢 公然 駁 佢 唧 。
但係 韋小寶 開口 皇上 閉口 皇上 ，抬出 皇帝 呢 頂 大帽 ，又 有 邊個 敢 稍有 異議 喎 ？
眼見 呢 千 幾 樖 名 種 芍藥 要 畀 佢 整 到 冇 晒 ， 揚州 從此 啊 少 咗 個 名勝 嘞 ， 哈 唔 知 呢 位 韋大人 點解 咁 痛恨 呢 啲 芍藥 呢 ？
人人 你 望 我 我望 你講 唔 出 説 話 。
知府 吳之榮 話 ：韋大人 學識 淵博 ，真係 令人 佩服 啊 。
芍藥根 就 叫做 赤芍 ，本草綱目 裏頭 係 有 記載 嘅 ，話 功能 去瘀 活血 。
芍藥 嘅 名稱 裏 便 有 個 藥 字 ，可見 古人 呢 就 知道 佢 係 良藥 嘞 。
馬匹 食 咗 芍藥 ， 血脈 暢通 ， 當然 係 奔跑 如飛 啦 。
大人 返去 北京 嘅 時候 ，卑職 派 人 將 呢度 嘅 芍藥花 都 掘晒 ，請 大人 帶翻去 京城 嘞 。
眾官 一聽 ，個心 都 喺度 鬧 吳之榮 卑鄙無恥 ，為咗 奉迎 上官 ，竟然 要 毀滅 揚州 嘅 美景 。
韋小寶 笑住 話 ：吳大人 辦事 幹練 好極嘞 ，好到極啊 ！
吳之榮 大感榮幸 ，連忙 下座 請安 佢 話 ：謝大人 誇獎 。
佈政 使 慕天顏 行 出去 外便 ，嚟到 芍藥 叢 中 ，摘咗 一 朵 碗口 咁 大 嘅 芍藥花 ，就 返嚟 筵席 ，雙手 呈畀 韋小寶 ，佢 話 ：
請 大人 將 呢朵 花 插 喺 帽 上 便 ，卑職 有 隻 古仔 講 畀 大人 聽 啊 。
韋小寶 一 聽 又 有 古仔 聽唄 ，就 接過 朵 花 ，只見 呢 朵 芍藥 啊 ，係 深紅色 嘅 ，每 一瓣 花瓣 攔腰 有 一條 黃線 ，極之 嬌豔 ，就 插 喺 頂 帽 處 。
慕之顏話 ：恭喜 大人 ，呢種 芍藥 有個 名 ，叫做 金帶圍 啊 ，乃係 十分 罕見 嘅 名種 噃 。
古書上 便 有 記載 嘅 ，話 見到 呢啲 金帶圍 嘅 呢 ，日後 會 做到 宰相 㗎 。
韋小寶 笑住 話 ：係唔係 有 咁 準 㗎 ？
係 ，嗱 呢隻 古仔 呢 係 講 北宋 年間 ，當時 ，韓魏公 韓琦 啊 鎮守 揚州 吖 。
就喺 呢間 禪智寺 前面 嘅 芍藥圃 裏 便 啊 ，忽然 有 一樖 芍藥 ，開咗 四朵 大 花 。
花瓣 係 深紅色 ，攔腰 有 條 金線 嘅 ，呢 ，就係 呢種 金帶 圍 嘞 。
呢種 芍藥 啊 從來 都 未 見過 嘅 ，極之 珍貴 。
噉下屬即刻稟報上去啦 ，韓魏公就駕臨觀賞喇 ，嘩 ，佢十分歡喜啊 ，噉見到有四朵花 ，就想再請三位客人一齊嚟賞花嘞 。
聽到 呢處 ，韋小寶 喺 帽 上 便 將 朵 花 攞落嚟 再 睇下 ，見到 佢 紅 黃 相映 分外 燦爛 。
嗰條 金色 橫紋 啊 ，更加 係 百花 所 冇 嘅 。
慕天顏 繼續 話 ：嗰陣時 ，喺 揚州 有 兩位 出名 人物 ，一位 係 王珪 ，一位 係 王安石 ，都 係 大 有 才學 見識 嘅 人 咯 。
韓魏公 諗 ：花 有 四 朵 ，人 啊 只有 三 個 ，未免 美中不足 吖 ，噉 另外 再 請 個 人 啦 ，但係 名望 又 配唔上 啊 。
正喺度躊躇緊 ，忽然 有 個人 嚟 拜訪 ，係 陳升之 啊 ，噉 亦都 係 一位 大名士 。
韓魏公 啊 非常 歡喜 嘞 ，噉 第日 ，喺 芍藥圃 前 便 啊 舉行 宴會 ，將 呢 四 朵 金帶 圍 啊 摘咗 落嚟 ，喺 每人 頭上 啊 簪咗 一 朵 。
呢 隻 古仔 呢 ， 就 叫做 四相 簪花 宴 ， 呢 四個 人 啊 ， 收尾 都 做 咗 宰相 啊 。
韋小寶 笑住 話 ：好 ，好得意啊 ，呢 四位 仁兄 都 係 有名 嘅 讀書人 ，會 作詩 會 做 文章 ，兄弟 比 唔上 佢哋 。
慕天顏話 ：噉又唔係咯 ，北宋 年間 ，講究 讀書人 做 宰相 。
我 大清 以 馬上 得 天下 ，皇上 最 睇得上 嘅 ，係 有勇有謀 嘅 英雄 好漢 啊 。
韋小寶 聽到 有勇有謀 嘅 英雄好漢 呢句 評語 ，不由得 大為 歡喜 啊 猛咁 岌頭 。
慕天顏話 ：韓魏公 封 為 魏國公 噉 就 唔使 講 啦 。
王安石 封 荊國公 ，王珪 就 封 歧國公 ，陳升之 封 秀國公 。
四位 名臣 不但 都 做 宰相 啊 ， 而且 都 封國公 添 ， 個個 既 富貴 又 壽考 。
韋大人 少年 早達 ， 目前 ， 已經 封 咗 伯爵 咯 ， 噉 再 升 一級 呢 就 係 侯爵 ， 再 升上去 就 係 公爵 咯 。
就算 封王 、封親王 ，都係 話 咁快 啫 。
聽到 韋小寶 哈哈大笑 啊 佢 話 ：哈哈哈哈哈哈哈哈 ，誒 但願 好似 慕大人 金口 噉 ，呢度 每一位 都 升官發財 啊 ，哈哈哈哈哈哈 。
班 官員 一齊 企 起身 ，揸住 酒杯 話 ：
恭祝 韋大人 加官進爵 ，公侯 萬代 。
韋小寶 企起身 ，同班 官 乾咗 一杯 ，佢 諗 ：
呢個 官 既 有 學問 ，又 有 口才 ，會 講 古仔 ，得人 歡喜 。
如果 叫佢 去 北京 辦事 ，時時 聽佢 講下 古仔 ，唔係 叻過 講古 先生 ？
呢個人啊 天生 係 托大腳大王 ，改個名 做 慕天顏 ，噉 擺明咗 係 想 朝見 皇上 啦 。
慕天顏 又 話 ：韓魏公 後來 帶兵 ，鎮守 西疆 。
西夏人 見到 佢 啊 怕到 要死 ，唔敢 興兵 侵犯 。
噉 西夏人 當時 最 怕 宋朝 兩位 大臣 啊 ，一位 就係 韓魏公 韓琦 ，另一位 係 范文正公 范仲淹 。
當時 有 兩句 説話 ：軍中 有 一 韓 ，西賊 聞之 心膽寒 ，軍中 有 一 范 ，西賊 聞之 驚破膽 。
將來 韋大人 帶兵 鎮守 西疆 ，噉 啊 軍中 有 一 韋 ，西賊 見之 忙 下跪 喇 。
韋小寶 歡喜 到 乜嘢 噉 佢 話 ：
西賊 呢 兩個 字 妙到極 啊 ，平西王 呢個 西 。
忽然間諗起 ，吳三桂 仲未 起兵 造反 就 唔能夠 叫佢 做 西賊 噃 。
即刻 改口 話 ：平西王 鎮守 西疆 ，都 仲 太平 冇事 好 有功勞 嘅 。
吳之榮 話 ：平西王 智勇雙全 ，勞苦功高 ，爵封 親王 ，世子 做咗 額駙 。
將來 韋大人 大富大貴 ，壽比 南山 ，必定 亦 同 平西王 一樣 啊 。
韋小寶 喺 個 心處 啊 猛 咁 鬧 吳之榮 ：
死啦你 ，你 要 我 同 吳三桂 呢個 大 漢奸 一樣 啊 ？
呢隻 老烏龜 ，話 咁快 就要 人頭 落地 喇 ，你 叫 我 同 佢 一樣 ，哼 ！
慕天顏 平日 啊 用心 揣摩 朝廷 動向 嘅 ，日前 見到 邸報 ，皇上 下咗 撤藩 嘅 聖旨 ，就 估到 吳三桂 要 撞板 嘞 。
呢個 時候 見到 韋小寶 面色 變咗 一變 ，更加 係 心中 雪亮 ，佢 話 ：
韋大人 係 皇上 親手 提拔 嘅 大臣 ， 乃 係 聖上 嘅 心腹 ， 朝廷 柱石 ， 國家 棟樑 。
平西王 目前 雖然 係 官爵 高 ，終歸 係 唔能夠 同 韋大人 比 嘅 。
吳府 尊 呢個 比喻 ，有啲 唔係 點 啱 嘞 。
韋大人 嘅 祖先 ， 唐朝 嘅 忠武王 韋皋 啊 ， 大破 吐蕃 兵 四十八 萬 ， 威震 西陲 。
當年 朱泚 造反 啦 ，噉 啊 派 人 請 韋忠武王 一齊 起兵 。
忠武王 對 皇帝 忠心不二 ，邊處 肯 做 呢啲 大逆不道 嘅 事 呢 ？
噉啊 立刻 斬咗 反賊 嘅 使者 ，仲 發兵 幫 朝廷 打平 反賊 ，立咗 大功 。
韋大人 相貌堂堂 ， 福氣 之大 無與倫比 ， 睇 嚟 啊 ， 實 係 韋忠武 王傳落 嚟 嘅 福澤 啊 。
韋小寶 微微 笑 岌 下 個 頭 。
其實 佢 連 自己 姓 咩嘢 都 唔 知道 嘅 ，皆因 母親 叫做 韋春芳 ，就 跟咗 老母 姓 。
噉 想唔到 姓韋 嘅 ，仲有 一位 咁 有 來頭 嘅 人物 。
呢個 布政使 啊 夾硬 話 佢 係 自己 嘅 祖先 喎 ，噉 即係 喺 自己 塊 面 上 貼金 啫 。
聽佢 言外之音 ，居然 揣摩到 吳三桂 要 造反 ，呢個人 嘅 才智 啊 真係 了不起 啊 。
嗱 各位 ，欲知 後事 如何 ，且 聽 下回 分解 。
