前 文 再續 啊 書 接上 一回 啊 。
話 說白 衣尼 、 韋小寶 佢 哋 四個 人 ， 蜎 咗 入 去 麥草 堆 。
韋小寶 啊 忽然 想起 一件 事 ， 連忙 喺 草堆 裏頭 蜎 翻 出 嚟 ， 走入 架 大車 ， 拔出 匕首 ， 將 呼巴音 啊 一刀 㓤 死 。
心念 一動 ， 將 佢 右手 喺 手腕 處割 咗 落 嚟 。
又 喺 騾 仔 嘅 𦣇 柚上 便 刺 咗 一刀 ， 騾仔 一痛 ， 拉 住 大車 狂奔 而 去 啊 。
呢 個 時候 聽見 馬蹄聲 漸漸 近 嘞 ， 連忙 又 蜎 翻入 去 草堆 裏 便 。
佢 將 匕首 插入 靴筒 ， 右手 攞 住 嗰 隻 死 人 手掌 啊 想 去 嚇下 阿 珂 嘅 。
左手 一摸 ， 碰到 一條 鞭 ， 知道 係 鄭克 塽 嘞 。
又 伸手 過去 摸 咯 噃， 呢 次 摸 到 一條 又細 又 柔軟 嘅 腰 ， 噉 梗 係 阿 珂 嘞 。
個心 好 歡喜 ， 出力 噉 捻 咗 幾下 ， 佢 話 ： 鄭公子 ， 你 點解 摸 我 啊 ？
鄭克 塽 話 ： 我 冇 啊 。
哼 ， 你 以 為 我 係 阿 珂 姑娘 呢 係 咪 呢 ？逳 手 逳 腳 咁 冇 禮 嘅 ？
亂講 啦 你 。
韋小寶 左手 喺 阿 珂 心口 啊 出力 一 捻 ， 立即 縮手 ， 大叫 話 ：
喂喂 喂 ， 鄭公子 ， 你 仲 咁 多手 係 嘛 ？
跟 住將 呼巴音 嘅 手掌 ， 放 喺 阿 珂 塊 面 處 摸 嚟 摸 去 ， 跟 住 又 去 摸 佢 心口 。
先頭 佢 摸 阿 珂 條 腰 同 心口 ， 個口 又 大呼小叫 ， 阿珂仲估 真 係 鄭克 塽 喺 草堆 裏 便 就 乘機 搏 懵 噃。
不禁 又醜 又 急 ， 跟 住 又 有 一隻 冷冰冰 嘅 大 手摸 自己 塊面 ， 個心 諗 ：
韋小寶 嘅 手掌 決 冇 咁 大 㗎 ， 噉 梗 係 鄭克 塽 無疑 喇 。
佢 想 話 要 叫 ， 又 覺得 畀 師父 同 韋小寶 聽到 不 雅 ， 就 連忙 擰 轉頭 避開 佢 ， 點 知 嗰 隻 大 手 又 摸 到 自己 心口 。
個心 諗 ： 呢 個 鄭公子 咁 無賴 嘅 。
佢 嬲 嘞 ， 個身 向 右 便 閃開 。
韋小寶 用 左手 捩 手 啪 噉 一巴 ， 出力 噉 樣 摑 咗 鄭克 塽 一下 。
佢 話 ： 阿珂 姑娘 打 得 好 啊 ， 呢 個 鄭公子 啊 ， 係 個 好色之徒 。
喂喂 喂 ， 鄭公子 ， 你 又 嚟 摸 我 嘞 ， 摸錯 人 喇 。
鄭克 塽 以 為 呢 一巴 ， 係 阿 珂 打 嘅 ， 就 發惡話 ： 係 你 去 摸 人 啫 嘛 ， 搞 到 我 ， 嗯 嗯 ， 搞 到 我 。
阿珂個 心 諗 ： 明明 隻 手 咁 大 ， 決 唔 會 係 韋小寶 嘅 。
韋小寶 揸 住 呼巴音 隻 手掌 ， 又 會 摸 阿珂條 後頸 嘞 噃。
就 喺 呢 個 時候 ， 馬蹄聲 跑 到 近 嘞 。
原來 桑結見 到 白衣 尼 等 人 離開 飯店 ， 噉 想 話 去 追 啦 ， 不過 全身 冇 力 。
佢 內功 深湛 啊 ， 飲 咗 蒙汗藥 酒 竟然 冇 暈倒 ， 提 咗 兩口氣 ， 內息 暢通無阻 喇 ， 只 係 頭暈眼花 唧 。
佢 即刻 明白 喇 佢 話 ：攞 冷水 嚟 ， 快 啲 攞 冷水 嚟 。
店小二 啊 攞 咗 一碗 冷水 過 嚟 。
桑結話 ： 淋 我 個頭 。
嗰 個 店小二 點敢 淋 呢 ， 遲遲疑疑 硬 係 唔 逳。
桑結仲以 為 呢 啲 迷藥 啊 係 呢 間 飯店 落 嘅 。
雙手 遞 唔 起 啊 ， 就 深深 吸 啖 氣 ， 將 頭殼 向 住 碗 冷水 撞 過去 ， 成碗 水 都 潑 喺 佢 頭上 ， 頭腦 啊 稍 為 清醒 啲 嘞 。
佢 又 話 ： 冷水 ， 越多越好 ， 快 啲 ， 快 啲 ！
店小二 又 去 𢳂 咗 兩碗 水 嚟 ， 噉 桑 結淋 晒 喺 自己 頭上 。
叫 店小二 挽 咗 一 大桶 水 嚟 ， 救醒 咗 班 喇嘛 。
嗰 個 肥大 喇嘛 呢點 都 唔 醒 嘞 ， 見到 佢 背脊 有血 ， 一 檢查 傷口 ， 先 知道 已經 死 咗 。
噉 六名 喇嘛 嚟 唔 切 放火燒 間 飯店 咯 ， 騎上 馬匹 ， 就 追住 嚟 喇 。
話 説 阿 珂 見到 嗰 隻 大 手 又 摸 到 自己 條頸 ， 再忍 唔 住 喇 ， 佢 話 ： 唔 好 啦 。
韋小寶 反手 一掌 ， 鄭克 塽 喺 草堆 裏 便 雙眼 睇 唔 到 嘢 ， 根本 冇 得 閃避 嘅 ， 又 捱 咗 一巴 ， 佢 話 ： 唔 係 我 啊 ！
呢 兩聲 一出 ， 佢 哋 匿 埋 嘅 地方 ， 即刻 畀 人 發覺 嘞 。
桑結話 ： 喺 呢 處 喇 。
有個 喇嘛 跳 落馬 ， 走 到 草堆 旁邊 ， 見到 鄭克 塽 一隻 腳 暴露 喺 外 便 ， 即刻 揦 住 佢 腳 踭 將 佢 拉 出 草堆 。
因為 怕 佢 反擊 啊 ， 隨手 一 捹， 將 佢 捹 出 幾丈 遠 。
嗰 個 喇嘛 又 伸手 入 草堆 裏 便 摸 咯 噃， 韋小寶 縮成 一 嚿。
呢 個 時候 ， 草堆 已經 畀 嗰 個 喇嘛 掀開 嘞 。
佢 見到 有 隻 大 手 伸入 嚟 亂 咁 搲 ， 就將 呼巴音 嘅 手掌 塞 落 佢 隻 手 處 。
嗰 個 喇嘛 摸 到 隻 手掌 ， 即刻 出力 向外 一拉 ， 想話將 呢 個人 拉 出 草堆 ， 跟 住 呢 亦 係 隨手 一 捹， 點 知道 呢 一拉 ， 竟然 拉個 空 。
佢 用 咗 好 大力 啊 ， 只 係 拉 到 一隻 斷手 ， 當堂 成 個人 扽 低 。
等到 睇 清楚 係 一隻 死人 手掌 嘅 時候 ， 嘩翳 到 佢 死死 下 。
佢 使 呢 下 力 呢 ， 本來 準備 喺 草堆 裏 便 拉 個人 出 嚟 嘅 ， 然後 用力 捹 出去 。
鄭克 塽 有 一百二三十斤 啦 ， 嗰 個 喇嘛 準備 第二個 人 嘅 重量 咁 上下 嘞 ， 所以 呢 一 拉 嘅 力量 至少 亦 有 二百 幾斤 。
何況 呢 次 拉倒 嘅 唔 係 腳 踭噃 係 手掌 ， 怕 使力 唔 夠 啊 ， 反而 畀 對方 拉入 草堆 ， 所以 使力 呢 就 更加 剛猛 。
誰知 呢 一股 氣力 ， 竟然 用 嚟 拉 一隻 只有 幾兩重 嘅 手掌 ， 梗 係 冚𠾴唥 返 嚟 自己 嗰 度 ， 直情 同受 咗 二百 幾斤 嘅 掌 力 ， 推 咗 一下 一樣 。
韋小寶 見 佢 扽 低 好 歡喜 啦 ， 將 一把 麥草 啊 掉 埋 佢 嘅 面 處 。
嗰 個 喇嘛 伸手 撥開 ， 突然 間 心口 一痛 ， 個 身體 扭 咗 幾扭 ， 就 唔 逳 得 嘞 。
原來 係 韋小寶 趁 佢 雙眼 畀 麥草 遮住 ， 急急 跳過去 ， 用 匕首 刺入 佢 嘅 心口 。
佢 啱 啱 拔 翻 把 匕首 出 嚟 ， 就 聽見 周圍 有 幾個 人用 西藏 話 大聲 呼喝 。
哎呀 死喇死 喇死 喇 ， 估計 呢 次 冇 路 走 嘞 ， 只有 將 匕首 收入 衫袖 慢慢 企 起身 。
一抬頭 ， 就 見到 桑結同 剩 低 嗰 四名 喇嘛 企 喺 麥田 裏 便 ， 噉 離開 草堆 呢 ， 有 三丈 咁 遠 。
因 為 嗰 個 喇嘛 屍體 上 便 就 堆滿 咗 麥稈 ， 噉 佢 點樣 死法 呢 ， 桑 結 佢 哋 係 唔 知道 嘅 。
估計 又 係 白衣 尼 施展 神功 將 佢 打死 啦 ， 所以 都 離 得 佢 遠遠 唔 敢過 嚟 。
桑結話 ： 師姑 ， 你 連氣 殺 咗 我 八名 師弟 ， 我同 你 仇深似 海 啊 。
你 匿 喺 草堆 裏 便 唔 敢 出 嚟 ， 算 係 咩 嘢 英雄 啊 ？
韋小寶 個心 諗 ： 乜 殺 咗 佢 八名 師弟 咩 ？
一計 果然 係 八個 喎 ， 其中 呢 只有 一個 係 白衣 尼 殺 嘅 啫 。
佢 睇 住 桑 結 講完 呢 句 説 話 之後 ， 又 向 後 褪 咗 兩步 ， 顯然 係 有 啲 怕 嘅 ， 就 忍 唔 住 大聲 話 ：
我 師父 嘅 武功 出神入化 ， 天下 冇 第二個 人及 得 上 㗎 喇 。
不過 佢 老人家 慈悲 為懷 ， 有 好生之德 ， 唔 想 再 殺人 喇 。
你 哋 五個 喇嘛 呢 ， 佢 老人家 話 放生 你 哋 ， 快 啲 扯 啦 。
桑結話 ： 邊度 有 咁 容易 啊 ？
師姑 ， 你 將 嗰 部 四十二章 經 乖乖 地 交出 嚟 ， 佛爺 就 放 你 哋 行路 。
否則 ， 就算 係 趯 到 天涯海角 ， 佛爺 亦 決 唔 罷休 ！
韋小寶 話 ： 你 哋 要 四十二章 經啊 ？ 呢 部 經書 到處 寺廟 裏頭 都 有 㗎 ， 有 咩 稀罕 唧 ？
桑結話 ： 我 哋 就 係 要 師姑 身上 嗰 部 唧 。
韋小寶 指住 鄭克 塽 話 ： 呢 部 經書 我 師父 早就 送 咗 畀 佢 喇 ， 你 哋 問 佢 要 啦 。
呢 個 時候 ， 鄭克 塽 啱 啱 喺 地下 躝 翻 起身 ， 都 仲未 企穩 。
一個 喇嘛 撲 過去 捉住 佢 雙手 ， 另外 一個 喇嘛 呢 撕 佢 衣服 ， 嗤 嗤 幾聲 ， 外衫 內衣 ， 即刻 就 撕爛 咗 ， 衫 袋 裏 便 嗰 啲 金銀珠寶 啊 跌 到 成地 都 係 ， 但 係 就 冇 經書 。
韋小寶 話 ： 鄭公子 ， 你 將部 經書 收埋 喺 邊度 啊 ？ 講 畀 佢 哋 聽 啦 又 唔 係 咩 貴重 嘅 嘢 。
鄭克 塽 嬲 到極 啊 大聲 話 ： 我 冇 啊 ！
一個 喇嘛 啪 噉 一掌 ， 打 到 佢 爭 啲 暈 咁 滯 喝 佢 話 ： 你講 唔 講 啊 ？ 跟 住 又 一巴 。
韋小寶 見 佢 兩邊 面珠 啊 當堂 腫起 嚟 ， 嘿 ， 個心 啊 ， 真 係 講唔 出 咁 過癮 ， 佢 話 ：
鄭公子 ， 你 帶 呢 幾位 佛爺 去 攞 經書 啦 。
我 見到 你 喺 嗰 便 客店 地下 挖 窿 嘅 ， 係 咪 收埋 部 經書 呢 ？
桑結 好 歡喜 噉 話 ： 冇 錯 喇 ， 細佬哥 講 嘅 必定 係 真 嘅 ， 押 佢 返 去 客店 攞。
個 喇嘛 應 咗 ， 又 摑 咗 鄭克 塽 一巴 。
阿珂點 都 忍 唔 住 嘞 ， 喺 草堆 裏頭 蜎 出 嚟 ， 佢 話 ：
呢 個 細佬哥 專門 講 大話 㗎 ， 你 哋 唔 好 信 佢 啊 。
呢 位 鄭公子 從來 冇 見過 咩 經書 嘅 。
韋小寶 捩 轉頭 低聲 話 ： 我 係 要 救師 太同 你 啊 ， 等 鄭公子 引開 佢 哋 㗎 嘛 。
阿珂話 ： 我 唔 要 你 救 ， 你 冤枉 鄭公子 你 噉 會 害死 佢 㗎 。
韋小寶 話 ： 師太同 你 條命 啊 ， 比 鄭公子 緊要 過 萬萬 倍 啊 。
桑結 向 捉住 鄭克 塽 嘅 喇嘛 話 ： 唔 好 打死 佢 。
又 擰 轉頭 話 ： 師姑 ， 你 出 嚟 ， 仲有 兩個 細路 添 ， 今日 我 哋 一齊 去 攞 經書 。
阿珂 對 韋小寶 話 ： 你 自己 怕死 就 話 救 師父 ， 你 有種 ， 就 去 同 啲 喇嘛 打 翻場 吖 。
嘩 ， 韋小寶 個心 啊 ，㷫 晒 啊 ， 佢 諗 ：
你 噉 樣 睇 唔 起 我 ， 我 就 係 畀 啲 惡 喇嘛 打死 咗 又 算 得 乜嘢 吖 ？
佢 話 ： 打咪 打 ， 我 死 咗 就罷 㗎 啫 ， 只不過 係 救 你 同埋 師太 唔 到 。
噉 如果 我贏 咗 又點 啊 ？
阿珂話 ： 哼 ， 你 第二 世投過 胎都贏 唔 到 啊 。
你 打得贏 一個 喇嘛 我 永遠 服 咗 你 。
咩 打贏 一個 啊 ？ 我 唔 係 已經 殺 咗 七個 喇嘛 咩 ？
你 使 詭計 殺 嘅 ， 唔 算數 。
嗱， 我 打贏 一個 喇嘛 ， 你 就 嫁 畀 我 做 老婆 。
亂 噏 ， 你 係 和尚 仔 又 係 太監 ， 點 ， 點會 。
和尚 仔 可以 還俗 ， 太監 可以 唔 做 太監 啫 嘛 ， 總而言之 我 非 娶 你 做 老婆 不可 。
師父 ， 你 聽 下 你 聽 下 ， 喺 噉 嘅 時候 ， 佢 仲 喺 度 亂 咁 講 嘢 嘅 。
白衣 尼 歎 一口氣 ， 佢 嘅 心 諗 ：
真 係 形勢危急 嘅 時候 ， 只好 自絕 經脈 而 死 ， 免致 受 喇嘛 嘅 凌辱 喇 。
佢 低聲 話 ： 小寶 ， 你 伸 隻 手入 嚟 草堆 啦 。
韋小寶 應 咗 佢 ， 噉 啊 左手 反手 伸入 草堆 ， 只 覺得 手掌 裏頭 多 咗 個 小 紙包 。
聽見 白衣 尼 低聲 話 ：
呢 啲 係 經書 裏 便 收埋 嘅 地圖 ， 你 唔 使理 我 自己 逃走 啦 。
將來 如果 能夠 得到 另外 七部 經書 ， 我 大漢 山河 ， 講唔 定 就 有 光復 嘅 希望 喇 ， 噉 就 比 我 一個 人 嘅 生死 緊要 得 多 啦 。
韋小寶 見 佢 對 自己 咁 睇 得 起 ， 呢 件 緊要 嘅 物件 唔 交 畀 徒弟 反而 交 畀 自己 喎 ， 當堂 精神 一振 。
突然 間 ， 個心 有 啲 主意 喇 ， 就 大聲 話 ：
我 師父 係 當世高人 ， 唔 願同 你 哋 打 啊 。
你 哋 派 個人 出 嚟 ， 同 我 打 過 先 ， 如果 打得贏 我 ， 我 師姐 先至會 出手 。
哼 ， 我估 你 哋 都 唔 敢 㗎 喇 ， 驚 嘅 ， 就 快 啲 挾埋條 尾 走 啦 。
一便講 ， 一便 將 嗰 個 紙包 擠入 袋 。
五個 喇嘛 放聲 大笑 啊 。
佢 哋 對 白衣 尼 雖然 嚟 有 啲 怕 ， 不過 呢 個 細路 根本 就 唔 放在心上 。
有個 喇嘛 笑 住 話 ： 我 只要 一拳 咋 就 打 到 你 啊 氣咳 喇 ， 打個 屁 咩 同 你 ？
韋小寶 行前 一步 高聲 話 ： 好 ， 就 係 你 同 我 嚟 打 啦 。
回頭 對 阿珂話 ：嗱， 我 打贏 之後 你 就 係 我 老婆 㗎 喇 ， 唔 准逃賴 㗎 。
阿珂話 ： 你 打 唔 贏 嘅 ， 點都 打 唔 贏 嘅 。
韋小寶 話 ： 一夫 拼命 萬夫莫當 ， 為 咗 要 娶 你 做 老婆 啊 ， 只有 拼命 喇 。
嗰 個 喇嘛 行上 幾步 笑 住 話 ： 你 真 係 要 同 我 打 啊 ？
韋小寶 話 ： 吖 仲 有假 嘅 咩 ？
嗱， 我 哋 兩個 人 一對一 噉 打 ， 你 放心 ， 我 師父 決 唔 出手 嘅 。
你 嗰 四個 師兄弟 會 唔 會 幫 你 㗎 ？
桑結 哈哈大笑 話 ： 哈哈哈哈 哈哈哈哈 ， 我 哋 當然 唔 幫 啦 。
韋小寶 話 ： 如果 我 一拳 打死 咗 佢 ， 你 哋 會 唔 會 一擁而上 倚 多 為勝 㗎 ？
嗱， 講定 先喇 ， 如果 你 哋 一齊 嚟 我 就 打 唔 過喇 ， 我 師父 亦 唯有 出手 喇 。
桑結 亦 真 係 怕 白衣 尼 出手 ， 佢 個 心 諗 ：
幾個 師弟 都 死 得 不明不白 ， 唔 知 呢 個 師姑 使 嘅 係 咩 武功 ， 等 我 師弟 先 同 呢 個 細路 單打獨鬥 ， 睇 清楚 呢 個師 姑 嘅 武功 家數 ， 確實 係 非常 有利 啊 。
佢 話 ： 就 係 你 哋 兩個 人 單打獨鬥 ， 雙方 邊個 都 唔 准 幫手 。
韋小寶 話 ： 有人 幫手 ， 就 係 龜 仔 王八蛋 。
桑結話 ： 冇 錯 ， 有人 幫手 ， 就 係 龜 女 王八蛋 。
桑 結 嘅 為 人 武功 又 高 又 十分 機靈 啊 。
佢 見到 白衣 尼同 阿 珂 都 係 女子 ， 所以 將龜 仔 王八蛋 講成 係 龜 女 王八蛋 ， 免致 對方 橫掂都 唔 會 做 龜 仔 嘅 ， 就 出手 嚟 幫 佢 。
韋小寶 笑 住 話 ： 哈哈 使得 ， 你 大喇嘛 非常 精明 ， 在 下 佩服 之 至 啊 。
桑結話 ： 你 再行 前 幾步 添 。
佢 見 韋小寶 距離 草堆 仍然 係 近 ， 怕 白衣 尼 貼住 佢 背心 ， 暗傳 功力 ， 噉 師弟 就 抵擋 唔 住 嘞 。
韋小寶 話 ： 我 哋 啲 漢人 係 光明正大 ， 贏要 贏得 夠威 ， 輸要 輸 得 好 睇 ， 點會 作弊 㗎 ？
白衣 尼 低聲 話 ： 小寶 ， 你贏 唔 到 㗎 ， 詐 假意 比武 ， 快 啲 搶匹馬 逃走 啦 。
韋小寶 話 ： 哦 哦 ， 我知 嘞 我會 做 喇 。
行 前三步 ， 距離 草堆 已經 有丈 幾遠 嘞 。
桑結見 到 白衣 尼點 都 冇 法子 暗中 幫 佢 嘞 ， 就 岌一岌頭 。
嗰 個 喇嘛 亦 行上 幾步 ， 同 佢 打 對面 企響 處 笑 住 話 ： 點樣 比法 啊 ？
韋小寶 話 ： 文比 亦 可以 ， 武比 亦 可以 。
文比 又 點樣 ， 武比 又 點樣 啊 ？
文比 呢 ， 係 我 打 你 一拳 ， 你 又 打翻 我 一拳 。
我 再 打 你 一拳 ， 你 又 打 我 一拳 。
一路打 到 七八十拳 ， 打 到 有 個人 跌倒 為止 。
你 打 我 個 時候 呢 ， 我 唔 能夠 躲避 閃開 嘅 ， 亦 唔 能夠 逳 手 招架 嘅 ， 只能 筆直 噉 企 喺 處 ， 運 起 內功 ， 硬頂 你 一拳 。
我 打 你 嘅 時候 呢 ， 你 亦 都 一樣 。
如果 係 武比 ， 噉 啊 比 兵器 又 得 ， 比 拳腳 又 得 ， 噉 武比 呢 就 可以 閃避 招架 、 奔跑 跳躍 嘅 。
桑 結 嘅 心 諗 ： 呢 個 頑童 身體 靈活 ， 如果 跳 嚟 跳 去 ， 怕 師弟 一時 打 佢 唔 低 。
佢 有恃無恐 ， 必定 有 詭計 ， 多數 佢 會 跳 到 草堆 旁邊 ， 引 師弟 追過去 ， 噉 嗰 個 師 姑 就 喺 草堆 裏頭 突然 間 暗算 。
如果 係 文比 ， 佢 嗰 個 拳頭 仔 ， 就算 喺 師弟 個 身處 打 七八十拳 ， 直情 係 當 佢 撓 痕 啦 。
佢 用 藏語 話 ： 同 佢 文 比 ， 唔 好 打傷 佢 ， 同 佢 打 得 越 耐 越 好 ， 我要 睇 清楚 佢 嘅 武功 家數 。
韋小寶 話 ： 你 師兄 怕 啊 呢 ？ 怕 你 打 唔 過我 叫 你 投降 呢 係 咪 呢 ？
嗰 個 喇嘛 笑 住 話 ： 你 個 僆 仔 吖 亂 噏 無為 。
師哥 見 你 咁 可憐 ， 叫 我 唔 好 一拳 就 打死 你 。
諒 你 小小年紀 ， 兵器 拳腳 嘅 功夫 有限 我 亦 唔 佔 呢 個 便宜 喇 ， 我 哋 就 文比 啦 。
好 。
韋小寶 挺起 胸膛 ， 雙手 擠 喺 後 便 話 ：
你 打 我 一拳 先 啦 ， 我 如果 閃避 招架 ， 就 唔 算 英雄好漢 。
嗰 個 喇嘛 笑 住 話 ： 哈哈哈 ， 你 係 細路 ， 梗 係 你 打 先 啦 。
講完 學 佢 個 樣 ， 亦 係 雙手 擠 喺 背後 ， 挺起 胸膛 。
佢 係 高 過 韋小寶 足足 成 個頭 有 多 嘅 ， 笑 騎騎 噉 完全 唔 將呢 個 小 頑童 放在 眼 內 。
韋小寶 左手 拳頭 一伸 ， 啱 啱 可以 打 到 佢 小腹 ， 噉 度 咗 一度 。
五個 喇嘛 見到 佢 嗰 個 拳頭 仔都 哈哈大笑 。
韋小寶 話 ： 好 ， 我 打 喇 ！
嗰 個 喇嘛 亦 唔 敢 太過 大意 噃， 怕 佢 得 異人 傳授 ， 內力 有 獨到之處 ， 噉 佢 將 一股 內力 都 運 咗 落 去 小腹 。
韋小寶 右手 衫袖 突然 間 拂 出去 ， 拳頭 收埋 喺 衫袖 裏 便 ， 無聲無息 喺 佢 左 便 心口 打 咗 一拳 。
桑結 等 人 見到 呢 一拳 咁 冇 力 ， 又試 大笑 起 嚟 嘞 噃。
誰知 笑聲 未停 ， 見 嗰 個 喇嘛 嘅 身體 岌 咗 一 岌 。
韋小寶 話 ： 而家 你 打 我 喇 。
嗰 個 喇嘛 突然 間 一跤 啪 噉 跌 低 ， 哈 噉 就 完全 唔 逳 得 喇 。
桑結 等 人 大吃一驚 ， 一齊 衝上 嚟 。
韋小寶 退翻 去 草堆 佢 話 ： 企響 處 ！ 邊個 過 嚟 就 係 龜 仔 喇嘛 王八蛋 。
四個 喇嘛 即刻 停步 。
只見 嗰 個 喇嘛 仍然 唔 逳， 唔 係 閉氣 重傷 就 係 死 咗 咯 。
四個 人擘 大個 嘴驚到 不得了 ， 講唔 出 説 話 。
韋小寶 高高 舉起 兩個 拳頭 ， 佢 話 ：
我 師父 教 我 呢門 功夫 ， 叫做 隔山 打 牛神拳 ， 大牛 牯 一拳 就 打死 喇 ， 何況 一個 小小 喇嘛 吖 ？
邊個 唔 服 ， 再 嚟 試下 滋味 。
佢 又 低聲 話 ： 阿珂 老婆 ， 你 逃賴 唔 到 嘞 啩？
阿珂 見 佢 輕描淡寫 噉 一拳 ， 居然 就將 呢 個 武功 高強 身材 魁梧 嘅 喇嘛 打 到 趴 喺 地 唔 逳 得 ， 都 唔 知生定 死 ， 亦 都 係 驚奇 到極 啊 ， 聽到 佢 嘅 説 話 竟然 間 唔 記得 鬧 佢 。
韋小寶 笑 住 話 ： 哈哈哈 ， 你 應承 喇乖 老婆 。
阿珂話 ： 冇 應承 啊 。
你 又 耍賴 囉 ， 唔 係 英雄好漢 。
唔 係 咪 就 唔 係 ， 點啊 ？
白衣 尼 見到 韋小寶 喺 嗰 個 喇嘛 心口 打 咗 一拳 之後 ， 嗰 個 喇嘛 胸前 就 滲出 鮮血 ， 個人 岌 咗 幾岌就 趴 喺 地 嚟 。
佢 一 諗 ， 知道 韋小寶 衫袖 裏 便 係 收埋 把 匕首 ， 其實 唔 係 打 咗 一拳 ， 而 係 對準 對方 嘅 心臟 㓤 咗 一劍 。
韋小寶 先不先用 左手 拳頭 度 一度 ， 使人 睇 見 佢 係 使用 拳頭 。
使 咗 匕首 之後 呢 ， 即時 收翻 埋 ， 就 舉起 雙拳 ， 噉 旁人 當然 係 絕 冇 懷疑 嘞 。
嗱 各位 ， 欲知 後事 如何 ， 且 聽 下回分解 。
