前文 再續 啊 書 接 上 一回 。
話説 韋小寶 畀 公主 用 門戌 兜頭兜腦 咁 打 ，痛到 佢 死死下 ，就 大叫 一 聲 ：我 死喇 。
詐假意 死咗 ，唔逳嘞 。
公主 嬲 嘞 ：你 詐死 ，快啲 醒翻 陪 我 玩 。
韋小寶 仲 係 逳 都 唔 逳 。
公主 輕輕 踢咗 佢 一腳 ，見 佢 唔逳 ，就 好聲好氣 噉 話 ：好喇好喇 ，我 唔打 你 喇 ，你 唔好 死 啦 。
韋小寶 個 心 諗 ：我 死 都 死咗 嘞 ，仲 點 能夠 話 唔 死 呢 ？狗屁不通 。
公主 拔咗 頭髮 上 嘅 寶釵 ，喺 佢 塊 面 同 頸 處 督 咗 幾 下 。
韋小寶 忍住 痛 唔逳 。
公主話 ：唔該 你啦 ，你 ，你唔好嚇我啊 ，我 ，我唔係想打死你㗎 ，我只係 同你 比武 打交 大家 玩下 啫嘛 。
邊個 叫 你 ， 邊個 叫 你 咁 孱 打 唔 過我 呢 ？
突然間 佢 覺察到 韋小寶 個 鼻 有 啲 輕微 嘅 呼吸 聲音 ，佢 歡喜 嘞 ，用 手 去 摸 一 摸 佢 心口 ，只 覺得 佢 個 心 仲 兵嘣兵嘣 喺度 跳緊 。
佢 笑住 話 ：死太監 你 嘩 ，原來 你 冇 死 ，嗱 ，呢次 放過 你 啦 ，快啲 擘開 眼 啦 。
韋小寶 仍然 唔逳 。
公主 就 唔 上 佢 當 喇 喝 佢 話 ：我 挖 咗 你 隻 眼 出嚟 ，等 你 死咗 之後 變 隻 盲鬼 ，搵唔到 我 。
攞起 一把 短刀 ，將 刀尖 指住 佢 右眼皮 。
韋小寶 大吃一驚 啊 將 個 身 一趢 ，即刻 趢開 。
公主 話 ： 你 嘅 死 嘢 又 嚟 嚇 我 ？ 我 ， 我非 㓤 盲 你 眼 不可 。
噗聲 跳過去 ，一腳 猛力 踩住 佢 心口 ，舉起 把 刀 向住 佢 右眼 㓤落去 。
呢一下 就唔係 詐假意 喇 ，佢 全力 猛刺 落去 ，刀勢 勁 急 ，不但 要 㓤 盲 佢 隻 眼 啊 ，勢必 一直 㓤 到 入 腦 。
韋小寶 即刻 彎起 雙腳 ，膝頭哥 向住 佢 心口 猛撞過去 ，嘭 一聲 ，公主 個身 一晃 ，成個人 就 𢴈低 嘞 。
韋小寶 好 歡喜 啊 一彎 個 身 ，伸手 拔出 靴筒 裏 便 把 匕首 ，先 割甩 綁住 雙腳 嘅 衣襟 ，企翻 起身 ；
就喺 公主 頭殼 頂 出力 噉 踢 一腳 ，等 佢 一時半時 唔醒得 ；
然後 將 匕首 插入 枱腳 ，擰轉 身 ，將 綁住 雙手 個 腰帶 喺 刀鋒 上面 輕輕噉 擦 ，擦得 兩擦 ，腰帶 就 斷 嘞 。
佢 長長 唞咗 啖 氣 ，死裏 逃生 啊 講唔出 咁 開心 。
身上 到處 都係 傷 ，痛得 佢 好 厲害 ，哎 一時 都 唔理 咁多 喇 佢 諗 ：
點樣 處置 呢個 衰女 呢 ？乜 聽 佢 口氣 ，似乎 真係 同 我 玩 嘅 啫 。
佢 如果 係 奉咗 太后 之 命 嚟 殺 我 ，噉 點解 見到 我 詐死 又 反而 怕起上嚟 呢 ？
嗯 不過 細佬 哥 玩 ，邊度 有 玩得 咁 勢兇 㗎 ？
啊 ，係喇係喇 ，佢 係 公主 ，根本 就 唔 將 我哋 太監 宮女 當 做人 ，人 哋 死 又 好 生 又 好 ，佢 只係 當 係 捻 死 一隻 蟻唧 。
佢 越 想 越 嬲 ，對住 佢 心口 又 一 腳 。
哈 ，誰知 呢一腳啊 ，踢到 佢 閉住 嘅 氣息 順翻 ，公主 一聲 呻吟 醒翻 嘞 。
佢 慢慢 支撐住 企起身 ，鬧 佢 話 ：你 嘅 死太監 ，你 。
韋小寶 啊 正 喺度 嬲緊 ，一伸手 啪啪 兩巴 ，當胸 一拳 ，右腳 打橫 一掃 ，公主 又 即刻 跌倒 嘞 。
韋小寶 跳上去 ，調轉頭 騎喺 佢 背脊 ，兩隻拳頭 好似 擂鼓 噉 喺 佢 大髀 啊 背脊 啦 𦣇柚 啦 出力 咁 打 ，佢 話 ：
死女 ，臭女 ，你 老舉 生 嘅 臭妹釘 ，老子 打死 你 ，打死 你 ！
公主 大叫 話 ： 唔 好 打 ， 唔 好 打 ！ 咁 冇 規矩 ， 我 叫 太后 殺 咗 你 ， 叫 ， 叫 皇帝 殺 咗 你 ， 凌遲 處死 。
韋小寶 心中 一寒 ，即刻 就 停咗 手 ，佢 轉念 又 諗嘞 ：
唔打 都 打咗 咯 ，索性 打 個 痛快 啦 。
噉啊揮拳又打 ，鬧佢話 ：打死你個衰女 ，你個衰女 ！仲咪咪 媽媽 鬧 佢 祖宗十八代 。
打得 幾下 ，嗰個 公主 忽然間 咭笑 起上嚟 。
韋小寶 奇怪 喇 佢 諗 ：我 咁 出力 打 佢 ，點解 佢 唔 喊 反而 笑 呢 ？
佢 喺 枱腳 掹出 把 匕首 ，指住 佢 條 頸 ，左手 將 佢 個 身 翻過嚟 喝 佢 話 ：你 笑咩 你 ！
只見佢 眉眼如絲 滿面笑容 ，似乎 真係 十分 歡暢 唔係 做作 噃 。
公主 好和氣噉 話 ：唔好 打 咁重 ，不過 呢 亦 唔好 打得 太 輕 噃 。
韋小寶 摸唔着 頭腦 嘞 。
嗯 ，至怕 佢 又 出 咩 詭計 唧 ，右腳 出力 噉 踩住 佢 心口 喝 佢 話 ：
你 搞 乜鬼 啊 你 ，老子 真係 唔 上 你 當 啊 。
公主 將 個 身 一逳 ，似乎 要 跳起身嚟 ，韋小寶 喝佢話 ：唔準 逳 ！
喺 佢 額頭 出力 一 推 ，公主 又 試 跌 翻 落地 嘞 。
韋小寶 只 覺得 傷口 一陣陣 咁 痛 ，嬲 起 上嚟 啪啪啪啪 四下 ，左右 開弓 連 打 佢 四巴 。
公主 又 嗯嗯聲 ，佢 心口 起伏 ，面上 嘅 神情 卻 係 講唔出 咁 舒服 。
佢 低聲 話 ：死太監 ，唔好 打 我 個 面 啊 ，打傷咗 ，太后 問起 上嚟 ，就 呃 佢 唔到 㗎 喇 。
韋小寶 鬧 佢 話 ：衰女 ，你 呢個 賤貨 ，越係 捱打 越 開心 係咪 啊 ？
就喺 佢 左手 出力 噉 擰 佢 兩下 ，公主 哎吖哎吖 噉 叫咗 幾 聲 ，皺起 眉頭 ，不過 雙眼 呢 ，就 有咗 笑意 。
韋小寶 話 ：你 阿爺 吖 ，舒唔舒服 啊 ？
公主 唔答 佢 ，慢慢 噉 眯埋 雙眼 ，突然間 飛起 一腳 ，踢中 韋小寶 大髀 ，正係 一笪刀傷 嘅 傷口 。
嘩韋小寶 痛起上嚟 ，撲上去 撳住 佢 膊頭 ，喺 佢 隻手 、膊頭 、心口 、小腹 出力 咁 擰 。
公主 又 咭 咭 聲 咁 笑 ， 佢 叫 話 ： 死 太監 ， 小太監 ， 好 公公 ， 好 哥哥 ， 你 ， 你 放過 我 啦 ， 我 ， 哎呀 ， 哎 吖 ， 哎 吖 我 ， 我頂 唔 順 喇 。
佢 噉樣 叫法 ，聽到 韋小寶 個 心 都 逳晒 ，佢 諗 ：
佢 噉樣 叫 ，真係 似 方姑娘 喺 大船 裏 便 同 我 談情 噉 。
當堂 就 冇 咁 嬲 嘞 。
不過 公主 到底 喺度 打 咩 主意 呢 ，實在 估唔到 ，於是 依樣 畫 葫蘆 ，解咗 佢 條 腰帶 ，將 佢 雙腳 雙手 綁住 。
公主 笑住 話 ：死人頭 ，你 做 乜嘢 啊 ？
等 你 唔好 害人 咯 。
韋小寶 企 翻 起身 猛咁 喘氣 ，唉 佢 全身 疼痛 又 想 暈 嘞 。
公主 笑住 話 ：小桂子 今日 玩得 真係 開心 嘞 ，你 仲 打唔打 我 啊 ？
你 唔 打 我 我 又 點 敢 打 你 唧 ？
我 唔 逳 得 喇 ， 你 就算 再 打 我 我 都 冇 法子 嘞 。
韋小寶 吐噉 𦧲㞘 口水 話 ：你 唔係 公主 你 係 賤貨 ！喺 佢 𦣇 柚 處 又 踢咗 一 腳 。
公主 哎吖 一聲 佢 話 ：我哋 仲 玩唔玩 唧 ？
韋小寶 話 ：老子 條命 都 畀 你 玩咗 半條 去嘞 仲 玩 ，我而家 扮 諸葛亮 ，亦 要 火燒 藤甲兵 ，將 你 頭髮 同 衣服 都 燒晒 去 。
哎吖 ，頭髮 唔能夠 燒 㗎 。
嘿 ，你 燒 我 件 衫 啦 ，全身 都 燒到 起泡 我 都 唔 怕 嘅 。
哼 ，你 唔怕死 ，老子 真係 唔陪 你 發癲 嘞 。
我要 醫 下啲 傷 先 ，傷口 啊 都 係 鹽 ，你 估 真係 好玩 㗎 ？
呢陣時 佢 先至 相信 公主 並 冇 殺害 自己 嘅 意思 ，就 將 佢 手腳 綁住 嘅 腰帶 解 翻開 嘞 。
公主 話 ：真係 唔玩 喇 ？噉 聽日 再 嚟 啦 好唔好 ？
如果 太后 同 皇上 知道咗 我 仲有 命 㗎 ？
公主 慢慢 企起身 話 ：只要 我 唔講 ，太后 同 皇上 點 會 知道 唧 ？
聽日 你 唔好 打 我 塊 面 ，身上 嘅 傷痕 再 多 都 唔 緊要 㗎 。
聽日 唔能夠 嚟 啊 ，我 畀 你 打 到 咁 厲害 ，一兩個月 啲 傷 都 唔 好得 啊 。
哼 ，你 聽日 唔 嚟 ？
我問 你 ， 你 先頭 鬧 我 咩 嘢 啊 ？
你 鬧 我 嘅 十八代 祖宗 。
我 十八代 祖宗 呢 ， 就 係 皇帝 哥哥 嘅 十八代 祖宗 喇 ， 就 係 皇 阿爸 嘅 十七 代 祖宗 ， 太宗皇帝 嘅 十六代 祖宗 ， 太祖 皇帝 嘅 十五 代 祖宗 。
韋小寶 目瞪口呆 ，暗暗 叫苦 嘞 突然間 靈機一動 佢 話 ：
你唔係老皇爺生嘅 ，我鬧你祖宗 ，同 皇上 老皇爺 咩 太祖皇帝 啊 太宗皇帝 完全 冇 關係 嘅 。
公主 發惡 喇佢 話 ：我 點解 唔係 老皇爺 生 㗎 ？你 個 死 太監 亂 咁 噏 。
我話你聽啊 ，聽日 晏晝 我 喺 呢處 等 你 ，你呢個死太監 如果 唔嚟 呢 ，我 就 去 稟告 太后 ，話 你 打 我 。
講完 捋起 衫袖 ，只見 一隻 雪白 粉嫩 嘅 手臂 上 便 青一笪 黑一笪 ，冚𠾴唥 都係 畀 佢 擰 成 噉 嘅 。
韋小寶 暗暗 心驚 喇 ：哎呀 ，先頭 我 下手 點解 咁 重 嘅 ？
公主 話 ：哼 ，你 聽日 唔 嚟 睇 你 仲 要 命 唔 要 ？
到咗 噉嘅 田地 韋小寶 想 唔屈服 都唔得嘞 ，只好 岌頭 話 ：
噉 我 聽日 嚟 陪 你 玩 就係 喇 ，不過 你 唔 能夠 再 打 我 㗎 。
公主 好 歡喜 啊 話 ： 你 嚟 就 好 喇 ， 我 再 打 你 ， 你 咪 打翻 我 囉 ， 我 哋 江湖 上 好漢 ， 講究 恩怨分明 㗎 嘛 。
呵呵 ，我 再 畀 你 打 一 餐 啊 ，我 呢條 好漢 就 變成 惡鬼 喇 。
你 放心 啦 ，我 唔會 真係 打死 你 嘅 ，至多 呢 ，打到 你 半生不死 唧 。
小桂子啊 ，宮 裏頭 咁多 太監 、侍衞 ，我 就 只係 鐘意 你 一個 唧 。
嗰班嘢 真係 冇骨氣 㗎喇 ，就算 畀 我 打死 啊 都 唔敢 鬧 我 一句 衰女 、賤貨 、老舉生 嘅 臭妹釘 。
哈哈 ，哎呀 從來 都 冇 人 噉樣 鬧過 我 嘅 。
韋小寶 真係 又 好嬲 又 好笑 咯 佢 話 ：你 鐘意 畀人 鬧 啊 ？
公主 笑住 話 ：呢 好似 你 噉樣 鬧 我 就 好咯 。
太后 板起 塊面 嚟到 訓斥 我 ，要 我 守 規矩 ，嗰啲 我 就 唔 鐘意 聽 喇 。
噉呢 你 最好 就 去 麗春院 嘞 。
佢 個 心 諗 ：你 去 做 老舉 啦 ，鬧 到 你 臭 嘅 人 就 多 喇 。
嗱， 龜婆 打 你 、 鬧 你 ， 啲 嫖客 發起 火 嚟 ， 亦 會 打 你 鬧 你 嘅 。
公主 精神嘞 ，佢 問 ：麗春院 係 咩 地方 啊 好唔好玩 㗎 ？
韋小寶 偷笑 喇 佢 話 ：哦 ，好玩 到 極 啦 ，不過 喺 江南 你 唔 能夠 去 唧 。
你 只要 喺 麗春院 住 三個月 啊 ，包 你 開心 到 死 啊 ，公主 都 唔 想 做 喇 。
公主 歎咗 口氣 佢 話 ：唉 ，等 我 第日 大個 一定 去 。
好啊 ，將來 我 一定 帶 你 去 ，大丈夫 一言既出 ，死馬難追 。
佢 呢句 駟馬 難追 呢 總係 記唔住 ，乜嘢 馬 難追 呢 就 唔 講 嘞 ，就 講 成 係 死馬 難追 。
公主 握住 佢 隻手 話 ：我 同 嗰啲 侍衞 太監 打交 ，邊個 都 係 故意 讓 我 ，一啲 都 唔好 玩 嘅 。
呢 ，只有 尋日 皇帝 哥哥 同 我 比武 ，先至 有 三分 係 真打 㗎啫 。
不過 佢 都 唔肯 打痛 擰痛 我 㗎 ，小桂子 啊 ，只有 你 一個 先至 真係 打 我 個 啫 。
你 放心 啦 ，我 決 唔 捨得 殺 你 嘅 。
突然間 哄 個嘴 埋去 ，喺 佢 嘴唇 上 錫 咗 一啖 ，個面 啊 紅 一紅 ，飛奔 出 房 。
啊韋小寶 霎時間 只覺得 天旋地轉 ，成個 扽喺地 ，佢 諗 ：
吖呢個 公主 吖 ，怕 有 啲 癲癲地 喇 ，我 越係 打佢 鬧佢 佢 就 越 開心 噃 。
佢 阿爺 吖 呢個 老 舉 乸 生 嘅 死妹 釘 ，唔通 真係 鐘意 我 呢個 假 太監 ？
想起 佢 嗰個 秀麗 嘅 樣 ，個 心 迷迷懵懵 ，慢慢 企起身 ，勉強 返到 去 自己 間 房 。
嗰陣時 筋疲力竭 啊 一趢 低落 床 就 噘噘聲 瞓着 嘞 。
呢一覺 ，一直 瞓咗 五個 幾時辰 ，醒嘅 時候 天 已經 黑嘞 ，只覺得 全身 到處 都 痛 ，忍唔住 呀呀聲 。
噉啊起身 想去 洗咗 傷口 嘅 鹽末 啦 ，點知 一解 衣服 ，傷口啲 血 就 擎咗 ，傷口 同 衣服 啊 都 黐住 晒 ，一扯 唧 ，痛到 不得了 。
不免 又 試 衰女 、死女 噉 亂 咁 鬧 ，噉 終歸 洗 咗 啲 鹽末 ，敷 上 金瘡藥 。
第日 ，佢 去 見 小皇帝 ，康熙 一 見到 佢 鼻青眼腫 ，頭髮 眼眉 都 燒到 七零八落 ，大吃一驚 。
估到 係 嗰個 寶貝 御妹 嘅 傑作 嘞 就 問 ：係 公主 打 你 㗎 ？受傷 唔 重 吖 嘛 ？
韋小寶 苦笑話 ：唉 ，麻麻地 啦 。
師父 ，你 徒弟 丟晒 你 老人家 嘅 架 嘞 ，唯有 苦練 三年 ，再 去 打贏 翻 佢 為 你 老人家 爭光 啦 。
康熙 本來 擔心 佢 怒氣沖天 ，要求 自己 幫佢 出頭 嘅 。
御妹 雖然 係 冇 道理 ，不過 做 主子 嘅 打 奴才 ，都 係 理所當然 嘅 事 。
但係 如果 唔理 呢 ，又 怕 佢 去到 五台山 服侍 父皇 唔肯 盡心 。
噉啊 正在 為難 嘅 時候 ，聽 佢 噉樣 講 ，竟然 對 呢件事 完全 唔 埋怨 ，只係 當成 係 玩唧 。
不由得 極之 歡喜 嘞 笑 住 話 ： 啊 小桂子 你 真 係 好 喇 ， 我 一定 要 好好 賞賜 你 ， 你 想要 咩 嘢 吖 ？
韋小寶 話 ：師父 你 唔怪責 弟子 學藝 不精 ，弟子 啊 已經 好 感激 咯 咩嘢 賞賜 都 唔使 嘞 。
誒 ，噉啦 ，師父 教 弟子 幾招 高招 ，以後 遇到 危險 唔會 再 畀 人 欺負 噉 就 好嘞 。
康熙 哈哈大笑 佢 話 ： 哈哈哈 哈哈哈 ， 好 ， 好 ！
於是 將 太后 教 佢 嘅 武功 ，揀咗 幾 招 精妙 嘅 招數 傳授 畀 佢 。
呢幾招擒拿手法啊 雖然 都 唔錯 ，但係 比起 洪教主 夫婦 所傳 嘅 六招 就 差得遠 嘞 。
韋小寶 以前 同 佢 比武 ，呢 幾招 亦 見 佢 用過 嘅 ，而家 一經 指點 ，冇 幾耐 就 學會 嘞 。
韋小寶 諗 ：以前 同 佢 摔跤 就 好似 朋友 一樣 。
但係 佢 係 皇帝 我 係 奴才 ，嗯 ，呢個 朋友 總係 做唔得 耐 嘅 。
呢次 返嚟 北京 ，見 佢 個人 就 冇 大得 幾多 啊 ，威風 就 大得 多 喇 。
小玄子 三個 字 都 叫唔出口 㗎 嘞 ，不如 改咗 稱呼 ，亦係 托大腳 嘅 妙法 啦 。
就 當時 跪低 ，轟轟轟 叩咗 八個 響頭 ，佢 話 ：師父 在上 ，弟子 韋小寶 係 你 老人家 嘅 開山大弟子 。
康熙 打個 特 ，跟住 就 明白 佢 個 用意 嘞 。
佢 一來 覺得 好好玩 ，二來 呢 確實 唔 鐘意 佢 再 用 小玄子 嚟 稱呼 自己 ，佢 笑住 話 ：
君 無 戲言 。 我 講過 話 係 你 師父 ， 噉 啊 只有 收 咗 你 做 徒弟 啦 。
諗咗 一諗 就 叫 ：嚟人 啊 。
兩名太監 兩名侍衞 就 行入 書房 ，康熙 話 ：擰轉 個 身 。
係 。
但係 規矩 臣子 啊 唔 能夠 用 背脊 向住 皇帝 㗎 ，否則 極為 不敬 。
噉 四個人 都 唔明白 康熙 嘅 用意 ，就 微微 打側 個 身 ，唔敢 轉身 。
康熙 喺 書枱 攞起 一把 金鉸剪 ，行到 去 四個人 後 便 。
四個人 又 稍為 側側身 。
康熙 睇下 四個人 條辮 ，見到 其中 一名 太監 條辮 呢 最 油光烏亮 嘞 ，左手 揸住 咔 一聲 ，成條辮 剪咗 落嚟 。
嗰個 太監 嚇到 魂飛天外 ，即時 跪低 猛咁 叩頭 話 ：誒 奴才 該死 ，奴才 該死 。
康熙 笑住 話 ：唔使 怕 ，賞 你 十 兩 銀 。大家 出翻去 啦 ！
四個人 莫名其妙 ，哎呀 ，只覺得 天威 難測 ，就 倒退 行翻 出去 。
康熙 將 條 辮 交 畀 韋小寶 笑住 話 ：
你 就要 去 做 和尚 嘞 ，公主 燒咗 你 嘅 頭髮 ，睇嚟 亦係 天意 。
上天 假 公主 之 手 ，吩咐 你 落髮 為 僧 。
嗱 ，你 將 呢條 假辮 綁 喺 頭殼 ，否則 就 有失 觀瞻 嘞 。
韋小寶 跪低 話 ：係 ，師父 愛錫 徒弟 真係 體貼 之至 喇 。
你 拜 我 為 師 ，不過 唔准 同人哋 講 啊 。
我知 你 口緊 又 謹慎 小心 ，所以 先至 應承 你 唧 。
你 如果 喺 外 便 招招 搖搖 ， 我 掌門人 ， 即時 就 廢 咗 你 嘅 武功 ， 將你逐 出門 墻 。
係 ， 係 ， 弟子 唔 敢 。
康熙 同 佢 比武 摔跤 ，除咗 太后 同 海大富 之外 呢 ，宮內 始終 冇 第二 個 人 知道 嘅 。
而家 佢 諗住 貪玩 收 佢 做 徒弟 ，只要 佢 唔 外傳 ，亦 唔會 失去 皇帝 嘅 體面 。
但係 佢 生性 謹慎 嘞 ，所以 特意 叮囑 一番 。
康熙 坐 翻低 佢 諗 ：太后 陰險 毒辣 ，教 我 武功 亦 決 唔會 係 真係 盡心 嘅 。
否則 ，佢 將 人 打 到 骨折 斷晒 嗰啲 厲害 功夫 ，點解 半招 都 唔 教 畀 我 呢 ？
我 而家 雖然 做咗 師父 啊 ，其實 比起 小桂子 嚟 ，啲 功夫 都 唔 叻得 佢 幾多 㗎 啫 ，冇 咩 高明 武功 傳 畀 佢 。
少林寺 嘅 和尚 武功 極高 ，呢次 父皇 有難 亦係 佢哋 幫手 搭救 嘅 。
諗到 呢處 ，個心 有 主意 嘞 佢 就 話 ：
你 去 休息 啦 ，聽日 再 嚟 見 我 。
話說 韋小寶 返到去 住地 ，噉啊 叫 手下 太監 去 請 御醫 嚟 敷藥 醫 傷 。
噉好在啲傷口 呢 雖然 係 痛 ，不過 都係 皮肉之傷 ，並冇 傷到 筋骨 。
太醫 話 休息 佢 十日 八日 呢 就 會 好 㗎 嘞 ，唔使 擔心 噉 。
佢 食完 飯 之後 ，就 去 赴 公主 嘅 約 咯噃 。
佢 個 心 啊 十五十六 ，一方面 怕 佢 再 打 自己 ，而 另一方面 呢 ，又 鐘意 見 佢 。
去到喇 ，一推開 道門 ，公主 一聲 大叫 就 撲上嚟 。
韋小寶啊 早有準備嘞 ，左臂 一格 右腳 一勾 ，右手 已經 揸住 公主 嘅 後領 ，將 佢 扤到 成身 都 彎低 。
公主 笑住 鬧 佢 ：死太監 ，今日 你 點解 咁 厲害 呢 ？
韋小寶 揸 住 佢 左手 反扭 ， 低聲 話 ： 你 唔 叫聲 我 好桂子 好 哥哥 ， 我 就將 你 隻 手 扭斷 佢 。
公主 鬧 佢 話 ：呸 ！你 嘅 死 奴才 。
韋小寶 將 公主 隻 手 出力 一扭 ， 喝 佢 話 ： 叫 唔 叫 啊 你 ？ 你 唔 叫 呢 我 扭斷 你 隻 手 。
我 偏偏 唔 叫 。
韋小寶 諗 ： 個 衰 女真 係 賤格 嘅 ， 我 越 打 佢 佢 越 鐘意 。
左手 啪 一聲 ，喺 佢 𦣇 柚 上面 出力 打咗 一拳 。
公主 成 個人 跳 一跳 ，不過 呢 咭咭聲 咁 笑起嚟 。
韋小寶 話 ：你 阿爺 吖 ，原來 你 鐘意 捱打 。就 出力 猛咁 抌佢 幾拳 。
公主 就 痛到 縮喺 地下 唔 企得起身 嘞 。
韋小寶 噉 先至 停手 。
公主 猛咁 喘氣 話 ：
好喇好喇 ，而家 輪到 我 打 你 喇 。
韋小寶 擰擰頭 話 ：我 真係 唔䎺 啊 我 唔畀 你 打 。
佢 諗住 呢個 妹 釘下 手 咁 毒辣 嘅 ，畀 佢 打 起 上嚟 隨時隨刻 都有 性命 危險 。
公主 好聲好氣 噉 猛𠼮 佢 ，韋小寶 啊 一味 唔肯 。
公主 又 發脾氣 嘞噃 撲 上嚟 又 打 又 咬 ，畀 韋小寶 摑 咗 佢 幾 巴 ，推倒 喺 地 ，揪住 佢 頭髮 又 打 咗 輪𦣇柚 。
佢 諗 ：𦣇柚 都 打咗 咯 ，唔使 客氣 喇 。就 將 佢 全身 到處 咁 擰 。
公主 就 趴 喺 佢 腳邊 ，攬住 佢 兩隻腳 ，佢 又 嬌 又 嗲 噉 話 ：
好桂子 ，好哥哥 ，你 畀 我 打 一次 啦 ，我 唔 打痛 你 係 啦 。
韋小寶 見到 佢 好似 小鳥 依人 一樣 ，又 聽 佢 叫得 咁 親熱 ，就 想 應承 佢 咯喎 。
誰知 公主 又 話 ：好哥哥 ，我 見到 你 身上 一啲 血 啊 ，真係 見到 乜嘢 都 冇 咁 歡喜 啊 。
嘩！ 嚇到 韋小寶 一 跳 ，佢 話 ：唔得唔得 ！一腳 就 踢落 佢 嘅 頭處 。
放開手 ，我 要 返去 喇 。
同埋 你 喺 埋一齊 啊 ，終之 有日 會 死 喺 你 手上 嘅 。
你 唔同 我 玩 喇 ？
太過 危險 啊 時時刻刻 都 會 冇命 嘅 。
公主 咭噉 一笑 ，企起身嚟 話 ：好啦 ，噉 你 扶 我 返去 房 啦 ，我 畀 你 打 到 啊 路 都 唔 行得 嘞 。
嗱 各位 ，欲知 後事 如何 ，且 聽 下回 分解 。
