上次 講到 嗰個 黃文炳 啊 對 蔡九 知府 話 ，佢 老豆 蔡太師 寫嚟 嗰封 信 ，提及 嘅 細佬 哥 嗰啲 謠言 啊 ，正 係 應 正 喺 宋江 身上 喇 噉 。
蔡九知府 就 問嘞 ：何以 見得 呢 ？
黃文炳 就 話 喇 ：恩相 你 聽下 。
耗國 因家木 ： 耗散 國家 錢糧 嘅 人 ， 必定 係 個 家 字頭 作個 木 字 嘅 ， 明明 係 個 宋字 嘞 。
第二句 ，刀兵 點水 工 ：
即 係 話 興起 刀兵 嘅 人 ， 係 三點水 旁邊 作個 工字 明明 係 個 江字 啦 嘛 。
呢個人 姓 宋 名 江 ，又 作 咗 反詩 ，仲有 話 唔係 佢 咩
搵到佢出嚟呀 ，哎 ，萬民有福咯 ，恩相 。
噉何謂 縱橫三十六 ，播亂 在 山東 呢 ？
恩相 ， 或者 係 六六 之 年 ， 或者 係 六六 之數 。
嗱 ，播亂 在 山東 ，鄆城縣 就 喺 山東地方 。
呢 四句 謠言 呀 已經 應驗 晒 喇 恩相 。
噉誒唔知道 呢處 有冇 呢個人 呢嚱 ？
小生 尋晚 問過 嗰個 酒保 ，佢 話 呢啲 反詩 係 有 個 人 前日 寫落 嘅 。
呢一層 唔難 ，攞 牢城營 嘅 文冊 一查 就 知道 有冇 嘞 。
啊 ，通判 高見 ，通判 高見 啊 。
蔡九知府 即刻 嗌 人 攞咗 牢城 營 嘅 文冊簿 嚟 睇 ，即刻就 攞咗嚟 喇 ，蔡九知府 親自 查 一下 。
見後 便 果然 係 寫住 有 五月間 ，新 配到 囚徒 一名 ，鄆城 縣 宋江 噉 。
黃文炳 睇咗 就 話 喇 ：佢 就係 應正 謠言 嘅 人 喇 ，非同小可 啊 。
一遲親就唔妥 ，最怕就走漏消息 。
恩相 ，你 要 立即 派人 去 捕獲 ，韞 喺 監牢 裏 便 先至 講 啦 。
嗯 ，冇錯 ，冇錯 。
蔡九知府 就 即刻 升堂 ，叫 兩院 押牢 節級 過嚟 ，戴宗 就 應咗 聲 到喇 。
知府話 ：戴宗 ，你 同 我 帶住 差人 ，快啲 去 牢城 營 裏 便 捉拿 喺 潯陽樓 吟 反詩 嘅 犯人 ，鄆城 縣 宋江 ，不得 延誤 ！
戴宗 一 聽咗 ，嘩 ，吃咗 一驚 ，個 心 就 一味 嗌 苦 啦 。
出咗 衙門 ，點齊 啲 節級 獄卒 ，就 叫 佢哋 返去 屋企 攞齊 兵器 ，然後 呢 ，就 去 城隍廟 裏 便 集合 噉 。
戴宗 吩咐 完 喇 ，叫 佢哋 走 ，自己 即刻 作起 神行法 ，首先 啊 嚟到 牢城 營 啊 ，直 入 抄事房 ，推開 道門 一 睇 下 。
宋江 喺 房裏 便 ，見到 戴宗 入嚟 就 起身 迎接 啦 。
宋江 就 話 喇 ：哈哈哈 ，我 前日 入城 ，到處 都 搵 你 唔到 。
噉 我 一個人 好 無聊 ，自己 走咗 去 潯陽樓 飲咗 一樽 酒 啊 ，呢 兩日 呀 暈陀陀 都 好 唔 精神 ，哈哈哈哈 。
戴宗 就 話 ： 阿哥 ， 你 前日 寫落 啲 乜嘢 說話 喺 樓上 啊 ？
哈哈 ，醉後 狂言 ，唔記得晒咯 。
唉 ，啱先 知府 吩咐 我 ，叫 我 帶 多啲 人 ，捉拿 潯陽樓 上 提反詩 嘅 犯人 鄆城縣 宋江 正身 去 見 官 啊 。
我 吃 咗 一驚 ， 我 就 氹 住 嗰 班 差 人 喺 城隍廟 等 我 ， 我 就 特登先 嚟 通知 阿哥 你 。
而家 點算 好 啊 ， 有 乜 辦法 冇 啊 ？
宋江聽 咗 ， 嗨 ， 真 係 撓 穿 頭皮 都 諗 唔 到 好計 ， 一味 叫苦 話 哎呀 我 呢 次 實死 無疑 喇 呢 次 實死 無疑 喇 。
戴宗 就 話 ：我 教 仁兄 你 一個 計仔 啦 ，都 唔知 得唔得 嘅 。
嗱 ，而家 小弟 就 唔敢 耽擱 喇 ，返去 我 就 帶 人 嚟 捉 你 。
你就 披頭散發 ，將 啲 屎尿 潑晒 喺 地下 嚟 ，你就 碌 喺 處 ，詐癲 扮 傻 啦 。
我 帶 人 嚟 嘅 時候 ，你 就 胡言亂語 ，整成 神經 噉 就 得喇 。
我 同 你 回覆 知府 啦 。
宋江 就 話 喇 ： 哎呀 感謝 賢弟 指教 ， 你 千 祈要 幫手 至 好 啊 ， 千祈要 幫手 啊 。
戴宗 就 慌忙 告別 咗 宋江 ，返到 入城 ，就 去 城隍廟 就 嗌 齊 啲 差人 ，一直 趕到 牢城 營 咯 喎 。
佢 詐 假意 喝話 ：邊個 係 新充軍 嚟 嘅 宋江 啊 ？
個牌頭 帶住 大家 去到 抄事房 ，呵 ，只見 宋江 披頭散發 ，碌 喺 地下 啲 屎尿 處 嚟 典 喎 。
見到 戴宗同 埋 啲 差人 嚟 到 喇 佢 就 話 喇 ：嚱， 誒 誒 ， 誒 誒 ， 你 哋 係 呢 班 係 咩 嘢 衰神 啊 ？
戴宗 詐 假意 大喝 一聲 話 ：捉住 呢個 傢伙 ！
宋江 坦起 雙眼 ，舞手舞腳 噉 亂打過嚟 ，把 口裏 便 呢 就 亂噏 一通 咯 喎 ：
嚱 誒 誒 ， 誒 ， 誒 誒 我 係 玉皇大帝 嘅 女婿 ， 誒 ， 外父 要 我 誒 帶領 十萬天 兵 嚟 殺 你 哋 江州 人 ， 嘿嘿 。
誒閻羅大王 做 先鋒 ，五道 將軍 就 做 殿後 ，交畀 我 一個 金印 ，八百幾斤 重 。
殺晒 你哋 班 衰神 ，嘿嘿嘿嘿嘿嘿嘿 。
嗰啲 差人 就 話 喇 ：哎 原來 係 個 神經佬 嚟 嘅 ，捉 佢 返 去 有 乜 用 吖 ？
戴宗 就 話 喇 ：冇錯喇 ，我哋 返去 報告 先 啦 ，要 捉 佢 嘅 時候 再 返嚟 啦 。
噉嗰班差人呢 ，就 跟住 戴宗 返到去 衙門 。
蔡九知府 啊 都 唔知 幾 緊張 啊 ，佢 已經 坐定 喺 公堂 嚟 專 等 回報 㗎 喇 。
戴宗 同埋 嗰班 差人 就 稟告 知府 話 喇 ：
大人 ，原來 呢個 宋江 係 個 神經佬 嚟 ，屎尿 污穢 冚𠾴 唥唔理 嘅 。
個口啊胡言亂語 ，周身就臭崩崩唔埋得鼻 ，因此就冇捉佢返嚟 。
蔡九知府 正話 想問清楚 ，黃文炳 啊 已經 喺 屏風 後 便 轉咗 出嚟 佢 對 知府 話 ：唔好 信 佢哋 講 。
佢 本人 作 嘅 詩詞 ，寫嘅 筆跡 ，唔係 有 神經病 嘅 人 ，其中 必定 有 詐 。
唔理 點 都 好 ，即管 捉 佢 嚟 啦 恩相 ，行唔逳 就 抬 都 抬 佢 嚟 。
嗯 ，通判 講得 啱 。
戴宗 ，你哋 唔好 理 咁多 ，即管 同 我 捉 佢 返嚟 啦 。
戴宗 得咗 命令 ，冇 辦法 啦 ，去 就 去 係 啦 。
佢 再 帶 嗰 班 差人 去到 牢城 營 ，就 對 宋江 話 喇 ：
仁兄啊 ，弊傢伙喇 ，仁兄 只有 跟住 去行 一趟 啦 。
就攞個大竹籮 ，抬咗 宋江 ，一直 抬到 去 江州 府衙門 就 去到 公堂 放低 。
知府 就 話 喇 ：將 嗰個 傢伙 押 過嚟 ！
嗰班 差人 就 將 宋江 押 到 喺 台階 下 便 。
宋江 啊 唔 肯 跪低 噃 ，瞪大 雙眼 ，見到 蔡九 知府 就 話 喇 ：
嘿嘿嘿 ，嘿嘿 ，嘿你 ，你你 係咩嘢 衰神 啊 ，哎哎哎 ，敢嚟 問 我 啊 ？
嗯 我 係 玉皇大帝 嘅 女婿 喎 ，誒 外父 呀 誒 叫 我 帶 十萬 天兵 ，誒 殺 你哋 江州 人 ，誒 ，閻羅大王 啊 做 先鋒 ，五道 將軍 啊 做 殿後 。
我 有 個 大 金 印 ，八百 幾 斤 重 。
你 仲唔快啲 避開 我 呀 ，唔係 我 就 叫 你哋 個個 都 死 ，誒 。
蔡九知府 睇咗 ，冇 佢 修噃 。
黃文炳 又 對 知府 話 喇 ：
可以 去 叫 牢城營 嘅 差撥 同 埋牌頭 嚟 問 下 ，睇下 呢個 人 嚟嘅 時候 已經 係 癲咗 個 呢 ，定係 近日 先至 係 癲 嘅 。
如果 嚟 嘅 時候 已經 係 癲 㗎 喇 ，噉 就 係 真 病 ；
如果 係 近日 先至 癲 㗎 ，噉 啊 必定 係 假 嘅 。
冇錯 ，一啲 都 冇錯 。
於是 蔡九 知府 就 派 人 去 叫 管營 差撥 嚟 喇 ，問 佢哋 兩個 個 時候 就 唔 敢 隱瞞 定 㗎 啦 ，就 只有 照直 講 咯 ：
大人 ，呢個 人 嚟 嘅 時候 ，唔見 有 神經病 嘅 ，怕 係 近日 先至 發作 個 啫 。
知府 聽咗 就 嬲 喇 ，叫 嗰啲 差人 獄卒 ，將 宋江 綁實 ，連 氣 打咗 佢 五十 大板 。
打到 宋江 呀 一 佛 出世 就 二 佛 涅槃 ，皮開肉綻 就 鮮血 淋漓 啊 。
戴宗 睇咗 個 心 一味 叫苦 啦 ，之 冇 辦法 救 佢 㗎 。
宋江 初時 仲 死頂 喎 ，一味 喺度 胡言亂語 。
哎呀 收尾 打得 多 痛過 頭頂 唔住 喇 ，就 只有 招供 話 ：不合 一時 酒後 ，誤寫 反詩 ，並 冇 其他 意思 嘅 噉 。
蔡九知府 即刻 錄咗 佢 口供 ，將 一面 二十五斤重 嘅 死囚 枷 嚟 枷咗 佢 。
宋江 啊 畀 佢哋 打到 兩 隻 腳 行唔逳 ，就 嗌 人 抬咗 佢 出去 ，韞 喺 死囚 牢 裏 便 。
喺 監牢 裏 便 就 好彩 得 戴宗 一力 維持 ，吩咐 晒 所有 啲 獄卒 ，要 好好 噉 關照 宋江 。
噉戴宗 就 去 安排 飯食 嚟 照料 宋江 ，噉 呢啲 不在 話下 喇 。
而家 再 講下 蔡九 知府 退咗 堂 啊 ，就 請 黃文炳 去 後堂 裏 便 多謝 佢 話 ：
如果唔係 通判 高明 遠見 ，下官 爭啲 畀 嗰個 傢伙 呃咗 啊 。
黃文炳 就 話 喇 ：相公 ，呢件事 唔好 遲 啊 。
最好就急急寫一封信 ，派個人趕去京師 ，報告畀尊府恩相知道 ，顯得相公做咗呢件國家大事喇 。
去嘅時候 就 稟報 話 ：
如果 要 生 嘅 ，就 用 架 囚車 解 佢 上 京 ；
如果唔要生㗎喇 ，就怕 喺 路途 上 走失 喇 ，就 喺 本處 斬首 號令 以 除 大害 。
噉樣呢 ，當今 皇上 知道 實 歡喜 㗎 。
蔡九知府 就 話 喇 ：通判 言之 有理 啊 。
下官 即日 就 要 派人 返去 屋企 ，喺 封信 上 便 我 就 舉薦 通判 你 嘅 功勞 。
請家尊 面奏 天子 ， 早日 委派 個 官職 畀 你 ， 搵 笪 好 嘅 地方 去 享受 榮華富貴 啊 。
黃文炳 就 拜謝 話 喇 ：小生 終身 都 依託 門下 ，以後 一定 要 報答 大恩大德 嘅 。
黃文炳 就 慫恿 蔡九 知府 寫好 家信 ，扱 返 上個 圖章 。
黃文炳 又 問 喇 ：相公 你 派 邊個 心腹人 去 呢 ？
我呢處 有 個 兩院 節級 ，叫做 戴宗 ，會 使 神行法 嘅 ，一日 能夠 行 八百 里 路程 。
聽 朝早 就 派 呢個 人 去 京師 ，只要 十日 就 可以 來回 㗎喇 。
黃文炳 又 話 ：如果 能夠 咁快 就 最好 咯 ，最好咯 。
蔡九知府 就 喺 後堂 擺 酒 ，款待 咗 黃文炳 。
第日 ，黃文炳 就 辭別咗 知府 自己 返去 無為軍 嘞 。
而家 講 下 蔡九 知府 啊 佢 準備 好 兩個 禮盒 ，裝滿 晒 啲 金珠寶貝 上面 就 貼 咗 封皮 。
第朝早 ，嗌 戴宗 到 後堂 囑咐 佢 話 ：
我 有 啲 禮物 ，同 一 封 家信 ，要 送 上 東京 太師府 ，慶賀 我 父親 六月 十五 生日 嘅 。
日期 就 好 近 㗎喇 ，只有 你 先至 能夠 趕得到 去 啫 。
你 就 唔好 怕 辛苦 ，啊 ，同 我 趕住 去 一趟 ，攞咗 回信 就 返嚟 ，到時 我 會 重重噉 打賞 你 。
你個路程 我個心 都 同 你 計住 㗎喇 。
亦已經 預計好 你 神行 嘅 日期 喇 ，就係 等 你 回報 ；
你 一路 唔好 耽擱 ，唔好 誤事 啊 ，啊 。
戴宗 聽咗 又 唔敢 唔去 㗎 ，就 只有 領咗 封 家信 、禮盒 ，拜別咗 知府 擔 返 自己 住 嘅 地方 放好 。
噉就 走嚟 監牢 對 宋江 話 喇 ：
大哥 你 放心 啦 ，知府 派 我 去 京師 ，十日 之內 我 就 返嚟 。
我 去到 太師府 託 下人情 ，嚟 救 阿哥 你 啦 。
誒 每日 嘅 伙食 ，我 已經 吩咐 落 李逵 叫 佢 日日 送嚟 㗎 喇 。
仁兄 你 寬心 等 多 幾 日 啦吓 。
宋江 就 話 ：哎呀 ，勞煩 賢弟 救下 我 至好 啊 。
戴宗 又 嗌 李逵 嚟 當面 吩咐 佢 話 ：
你 阿哥 唔 題咗 反詩 ，喺 呢處 坐監 吃官司 ，都 未知 點 嘅 。
我 而家 又 要 出差 去 東京 ，過得 十日 八日 先至 返嚟 。
噉 阿哥 啲 伙食 ，一早 一晚 就 全 靠 你 照顧 㗎喇 。
李逵 就 話 喇 ：其實 吟咗 反詩 有 屁 緊要 咩 ！咁多個 謀反 嘅 都 咪 做咗 大官 ？
你 放心 去 東京 啦 ，喺 監 裏頭 有 邊個 敢 逳 佢 啊 ？
好就好 ，唔好呀 ，我 用 把 大斧頭 斬 鬼 佢 。
戴宗臨行又吩咐話 ：
兄弟 要 小心 啊 ，唔好 貪 飲酒 ，誤咗 阿哥 飯餐 就 唔好喇 。
千祈唔好出去飲醉咗 ，餓親阿哥啊 。
阿哥 ，你 放心 去 啦 。
如果 你 咁 疑心 我 ，嗱 ，噉 我 從 今日 起 就 戒咗 酒 ，等 你 返嚟 先至 開戒 。
我 成日 都 喺 監牢 裏 便服 侍 宋江 大哥 ，有 何 不可 吖 ！
啊 ，兄弟 ，有 噉嘅 決心 嚟到 伺候 宋江 大哥 就 好喇 。
當時 ，戴宗 同 佢哋 分別咗 就 去 東京 啦 。
李逵啊真係唔飲酒 ，成日都喺監牢嚟服侍 宋江啊 寸步不離啊 。
噉 戴宗 返到去 住宿 嘅 地方 ，換咗 腳繃 、護膝 、八答麻鞋 ，着 上件 杏黃 衫 ，束好 條 腰帶 ，喺 條 腰 處 呢 又 插咗 個 宣牌 。
咩 叫 宣牌 呀 ？
宣牌 呢 就係 一個 木牌仔 ，上面 就 寫住 本人 嘅 姓名 同 職務 。
出差 嘅 時候 呢 ，就 帶住 喺 身邊 嚟 ，就 有 啲 類似 今日 嗰啲 工作證 咁上下 嘢 啦 。
噉佢 換咗 頭巾 ，便袋 裏 便 就 裝好咗 書信 同埋 旅費 ，擔起 兩個 禮盒 ；
出到 城外 ，喺 個 袋 處 攞 咗 四個 馬甲 出嚟 ，喺 兩 隻 腳 上 便 ，每 隻 腳 綁 兩 個 ，口 裏 便 一 念 起 神行法 咒語 。
嘩嗨 ，只見 戴宗 行起 上嚟 呀 ，快 到 好似 騰雲 駕霧 飛噉 㗎 。
當日 戴宗 離開咗 江州 ，從 朝 行 到 晚 ，就 搵 間 客店 過夜 ，除低 甲馬 燒 幾沓 溪錢 送 神 。
過咗一晚 ，第二朝早 起身 食咗酒飯 ，離開咗 客店 又 綁上 四個 甲馬 ，擔起 禮盒 ，放開 腳步 就 行啊 。
確實係 耳邊 風雨之聲 ，腳不點地 。
一路上 稍為 食啲 齋飯 、素酒 、點心 ，噉 又 行 。
行到挨晚 ，戴宗 停腳 唔行喇 ，又 搵 間 客店 住咗 一 晚 。
第 日 五更 就 起身 ， 趕住 朝頭 早 涼爽 好行 啊 ， 佢 綁 上 甲 馬 ， 擔起 禮盒 又行 。
約莫 行咗 三二百里 ，已經 係 巳牌 時分 ，都 仲 唔見 一間 乾淨 企理 嘅 酒店 。
呢個 時候 正 係 六月初 ，熱到 戴宗 呀 大汗淋漓 周身 濕立立 ，又 怕 中暑 喎 。
正係又飢又渴嘅時候 ，望見 前面 樹林 側 跟 ，有 一座 傍水 臨湖 嘅 酒店 。
嘿 ，好嘢喇 ，真係 眨下眼啫 ，戴宗 就 行到去 。
睇一睇 ，裏便 乾乾淨淨 有 二十幾 張 枱 ，都係 紅油 枱凳 ，一迾 都係 窗門 。
戴宗 入到 去 裏 便 ，搵 張 枱 就 放低 禮盒 ，解咗 條 腰帶 ，除咗 杏黃 衫 ，噴啖水 晾 喺 窗口 個 欄杆 上 便 。
戴宗 坐落 ， 有個 酒保 就 行過 嚟 問喇 ： 差官 ， 打 幾 多角 酒 啊 ？
要咩嘢肉食嚟送酒呢 ？豬羊牛肉都有喎 。
戴宗 就 話 喇 ：酒 唔 使 好多 ，有 冇 飯 啊 ？
有 ，我哋 呢處 賣 飯 賣 酒 ，又 有 肉包 粉湯 啊 。
我 唔 食 葷腥 ， 有 咩 嘢 齋 湯好 送飯 啊 ？
噉誒 要 碗 加料 麻辣豆腐 呢 ？
誒啱喇啱喇 。
酒保 去咗 冇 幾耐 ，攞咗 一碗 豆腐 ，仲有 兩碟 蔬菜 ，斟咗 三大碗 酒 嚟 。
戴宗正 係 又 飢 又 渴 ，三扒兩撥 就 將 啲 酒 同 豆腐 食 清光 。
佢 仲 想要 啲 飯 嚟 ，哈 ，只 覺得 天旋地轉 ，頭暈眼花 ，喺 凳邊 噼啪聲 就 𢴈低 。
酒保 就 嗌 喇 ： 碌 低 喇 ， 碌 低 喇 。
只見 有 個人 喺 裏 便 行出嚟 。
邊個呢 ？原來 係 梁山 好漢 ，旱地 忽律 朱貴 。
朱貴 喺 裏 便 行出嚟 話 ：
將 對 禮盒 擔 入去 ，抄下 佢 個 身 先 ，睇下 有 乜嘢 。
於是 兩個 夥記 就 去 抄 佢 身 ，喺 便袋 裏頭 呢 抄出 個 紙包 ，包住 一 封 信 ，佢 攞過嚟 遞 畀 朱 頭領 。
朱貴 撕開 一 睇 ，原來 係 封 家信 。
信封 上面 寫住 ：平安 家信 ，百拜 奉上 父親 大人 膝下 ，男 蔡德章 謹 封噉 。
朱貴 就 拆開 佢 ，從頭 睇落去 ，見到 上面 寫住 ：現今 拿得 應 謠言 題 反詩 ，山東 宋江 ，監收 在 牢 一節 ，聽候 施行 。
朱貴 睇咗 嚇到 傻哂 ，好耐 都 唔會 出聲 。
嗰 兩個 夥記 呢 ，正話 將 戴宗 就 抬起嚟 ，抬咗 入去 殺人作坊 裏 便 準備 開剝 ，咦 ？喺 凳邊 就 瀡咗 條 腰帶 落嚟 噃 ，上面 就 掛住 個 朱紅 綠 漆 宣牌 。
朱貴 攞起嚟 一睇 ，上面 刻住 兩行 銀字 ：江州 兩院 押牢 節級 戴宗 。
朱貴 睇咗 就 話 喇 ：誒 ，咪 逳 手住 。
我 時時 聽見 軍師 講 ，話 江州 有 個 神行太保 戴宗 ，係 佢 個 好朋友 嚟 ，唔通 就係 呢個 人 ？
之點解佢又會送信去害宋江呢 ？哎呀 ，呢一件事呀 好彩 撞正 喺我手嚟唧 。
喂 ，你哋 同 我 用 啲 解藥 救醒 佢 ，問 清楚 佢 至 得 。
當時 個 夥記 就 用 啲 水 開咗 解藥 ，扶 戴宗 起身 就 灌佢 飲 。
一陣間 咁耐 ，只見 戴宗 舒眉展眼 就 爬返 起身 。
哎吖 ，見到 朱貴 拆開 知府 封家信 就 搦 喺 手 嚟 睇 喎 ，戴宗 就 喝 佢 話 喇 ：
你係咩嘢人啊 ？咁大膽 ，用 蒙汗藥 麻醉咗 我 ？
而家 又 將 太師府 書信 擅自 拆開 嚟 睇 ，撕爛 咗 封皮 該當 何罪 啊 你 ？
朱貴 就 笑喇 ：哈哈哈 ，呢 封 噉 嘅 信 有 咩 嘢 咁 緊要 啊 ？
咪 講話 拆開 太師 府 嘅 書信 啊 ， 我 呢 處 啊 仲要 同大 宋皇帝 做個 對頭 添 啊 。
戴宗 聽咗 大吃一驚 就 問嘞 ：好漢 ，你 係 邊個 ？高姓 大名 啊 ？
我 行 不 更名 坐 不 改 姓 ，梁山泊 好漢 ，旱地 忽律 朱貴 就係 我 。
哦 ，你既然係 梁山泊 頭領 ，一定 認得 吳學究 先生 㗎 ？
吳學究 係 我哋 山寨 裏頭 軍師 ，執掌 兵權 。
兄長 你 點 識得 佢 呢 ？
佢 同 小人 係 好 朋友 。
哦 ，兄長 莫非 就係 軍師 時常 講 嘅 ，江州 神行太保 戴院長 係嘛 ？
冇錯 ，就係 小人 喇 。
噉 前 嗰排 宋公明 充軍 去 江州 ，經過 山寨 ，吳 軍師 曾經 託 佢 帶 一 封 信 畀 兄長 嘅 ，點解 而家 兄長 反而 要 去 害 宋 三郎 條 性命 呢 ？
哎呀 ，乜噉講啊 ？宋公明 同 我 係 至好 嘅 兄弟 ，佢 而家 因為 吟咗 反詩 韞 喺 監牢 嚟 。
我而家正係要去京師搵門路救佢 ，點會話去害佢條性命呢 ？
朱貴 話 你 唔信 呀 ，請 你 睇下 蔡九 知府 封信 就 知 嘞 。
戴宗 攞過嚟 一 睇 大吃一驚 。
於是 就 將吳 學究 當初 寄信 去 畀 佢 ， 又 點樣 同 宋公明 相會 ， 收尾 ， 宋江 喺 潯 陽 樓 酒醉 之後 誤題 反詩 等等 嘅 事情 啊 ， 詳詳細細 講 咗 一次 。
朱貴 就 話 喇 ：既然 係 噉樣 ，就 請 院長 你 親自 去 山寨 ，同 眾 頭領 商量 好 個 計策 ，去 救 宋公明 條 命 啦 。
講完 ，朱貴 就 連忙 吩咐 準備好 酒菜 ，款待 戴宗 ，然後 喺 水亭 嗰處 啊 ，向住 對面 河港 放咗 支 號箭 。
響箭 一 到 啫 ，小嘍啰 就 棹 船 過嚟 。
朱貴 就 同 戴宗 帶埋 禮盒 落 船 ，去到 金沙灘 上咗 岸 ，帶到 佢 去 山寨 。
吳用得到報告咯 ，就 連忙 落關嚟 迎接 ，見到 戴宗 行過 禮 就 話 ：
唔見 好耐 咯 ，今日 咩嘢 風吹 你 嚟 啊 ？
跟住 又 請 戴宗 去到 山寨 上 便 ，同 眾 頭領 相見 。
朱貴 就 講起 戴宗 嚟 嘅 緣故 話 ：宋公明 呀 ，而家 仲 喺 江州 韞 喺 監牢 裏 便 啊 噉 。
晁蓋 聽咗 就 慌忙 請 戴宗 坐落 ，問 佢 宋江 為咩事 又 要 坐監 啊噉 。
戴宗 就 將 宋江 吟 反詩 嘅 事 一五一十 噉 講咗 喇 。
晁蓋 聽完 就 大吃一驚 啦 ，即刻 就 要 眾 頭領 點起 人馬 落山 去 打 江州 ，救 宋三郎 上山 咯噃 。
吳用 就 勸 佢 話 喇 ：阿哥 你 唔好 魯莽 啊 。
江州 離 呢度 條 路 遠 ，我哋 啲 兵馬 一去 ，恐怕 仲 會 惹出 禍 嚟 ，打草驚蛇 ，反而 害咗 宋公明 條 命 添 。
呢一件事 不可 力敵 ，只可 智取 。
我 吳 用 雖然 冇乜 本事 ，之 略 施 小計 ，就 用 戴 院長 一個 人 ，就 一定 救返 宋 三郎 條 性命 喇 。
晁蓋 就 話 ：請 軍師 將 你 嘅 妙計 講出嚟 。
吳學究 話 ：嗱 ，而家 蔡九 知府 派 院長 送 信 去 東京 ，去 請示 太師 吖 ；
我哋 就 利用 呢一封信 將 計就計 ，寫 一封 假 回信 ，叫 院長 帶返去 。
喺 封信 上面 講 呢 ，犯人 宋江 啊 切不可 就地 處決 ；
要 秘密 噉 ，派 適當 嘅 人員 押解 嚟 東京 審問 清楚 ，然後 處決 示眾 ，斷絕 童謠 噉 。
以後呢 就 等 佢 解嚟 經過 呢度 嘅 時候 ，我哋 就 派 人 落山 去 搶 佢 。
點啊 ？呢條 計策 點吖 ？
晁蓋 就 話 喇 ：噉 如果 佢 唔 喺 呢處 經過 咪 誤咗 大事 ？
公孫勝 就 話 ：呢層 唔緊要 。
我哋 派 人 四周圍 咁 去 探聽 ，唔理 佢 混 邊度 經過 ，務必 等着 佢 ，點都 搶 佢 返嚟 就 得啦 。
就係 怕 佢 唔解嚟 啫 。
晁蓋 就 話 喇 ：好 就 好啊 ，之 冇 人 會 寫 蔡京 筆跡 噃 。
吳學究 話 喇 ：我 個 心 已經 諗好晒 喇 。
而家 天下 盛行 四家 字體 ， 就 係 蘇東坡 、 黃魯直 、 米元章 、 蔡京 四家 字體 四家 字體 。
所謂 蘇 、黃 、米 、蔡 我哋 宋朝 四絕 吖 。
小生 識得 濟州城 有 個 秀才 ，嗰個人 姓 蕭 名 讓 。
因為 佢 會 寫 各家 嘅 字體 ，人人 都 嗌 佢 做 聖手 書生 ，佢 又 會 使 槍 弄 棒 ，舞 劍 揮 刀 。
我 知道 佢 寫得 一手 蔡京 嘅 字跡 。
我哋 可以 請 戴院長 去 佢 屋企 氹 佢 話 ，泰安州嶽廟 裏 便 要 寫 道碑文 ，就 送 五十 兩 銀 畀 佢 安家 先 ，一定 要 請 佢 嚟 ；
隨後呢 ，就 使人 氹埋 佢 老婆 上山 ，叫 佢 入埋 我哋 夥 點 吖 ？
晁蓋 就 話 喇 ：嘿 有 佢 嚟 寫信 就 好喇 ，不過 仲要 有 個 圖章 至 得 㗎 噃 。
吳學究 又 話 喇 ：小生 仲有 個 朋友 ，我 亦 諗 好晒 㗎 喇 。
呢個人 亦 係 中原 一絕 啊 ，而家 喺 濟州城 居住 。
佢 姓 金 叫做 大堅 ，好 會 刻 石碑 嘅 ，挑 圖章 呀 認真 叻 ，亦 會 槍棒 武藝 。
因為 佢 挑 玉石 挑得 好 ，人人 都 叫 佢 做 玉臂匠 。
我哋 亦係 攞 五十 兩 銀 去 ，氹佢 嚟到 刻碑文 ；
去到 半路 ，又係 照板 煮碗 就得喇 。
呢 兩個 人 ，我哋 山寨 裏 便 亦 有 用得着 佢哋 嘅 地方 嘅 。
晁蓋 就 話 ：嘿 ，噉 就 妙哉 喇 ！
當日 ，安排好 筵席 ，款待 戴宗 ，晚頭 黑 就 喺度 過夜 。
第日 朝頭早 食完 早飯 ，就 請 戴 院長 啊 打扮 成個 廟祝 公 噉 樣 ，帶 咗 百幾 兩 銀 ；
綁上甲馬 就 落山 ，用 船 渡過 咗 金沙灘 上岸 ，放開 腳步 ，飛噉 就 奔去 濟州 。
唔 使 兩個 時辰 入到 城 ， 就 搵 聖手 書生 蕭讓 間 屋企 喺 邊 處 咯 噃。
有個人 指住 話 喇 呢 ，就 喺 州衙 東頭 文廟 前面 住 啫噉 。
戴宗 一直 嚟到 門口 ，嗯嗯噉 咳咗 一聲 就 問 喇 ：蕭 先生 喺唔喺 屋企 啊 ？
只見 一個 秀才 喺 裏 便 行出嚟 ，佢 見到 戴宗 又 唔識 㗎 就 問 喇 ：誒 廟祝 公 ，你 喺 邊處 嚟 㗎 有 咩 見教 啊 ？
戴宗 行完 禮 就 話 喇 ：小人 係 泰安州 嶽廟 裏頭 嘅 廟祝 。
而家 本廟 因為 要 重修 五嶽樓 ，本州 嘅 上戶 要 刻 道碑文 ，特登 叫 小人 送 白銀 五十 兩 嚟 畀 你 作 安家 嘅 費用 ，請 秀才 你 勞煩 貴 步 ，去 我哋 嶽廟 作 篇 文章 。
日期 已經 選定 咗 喇 ，請 秀才 唔好 遲滯 啊 。
蕭讓 就 話 喇 ：小生 只係 會 作文 同 寫字 ，其他 就 唔識 㗎 噃 。
如果 要 立碑 ，我 要 搵 個 刻石匠 至 得 。
戴宗 就 話 喇 ：小人 仲有 五十兩 白銀 ，就係 要 請 玉臂匠 金大堅 刻 石 。
已經 擇咗 好日 ，萬望 指引 搵埋 佢 一齊 去 啦 。
誒 ，噉 好吖 ，好吖 。
蕭 讓 得咗 五 啊 兩 銀 ，就 同 戴宗 一齊 去 搵 金 大堅 嘞 。
啱啱 行過 文廟 ，蕭讓 就 將 手 向前 一指 就話 呢 ，前便 嚟 嗰個 就係 玉臂匠 金大堅 嘞 。
當時 蕭讓 嗌 住 金大堅 ， 介紹 佢 同 戴 宗 相識 ， 就 將刻 石碑 嘅 事 講 佢 聽 。
金大堅 聽 佢 話 有 銀 唄 個 心 就 歡喜 啦 ，一 講 就 妥喇 。
噉 兩個 就 請 戴宗 上 酒樓 ，飲返 幾杯 ，就 招待 一番 。
戴宗 就 交咗 五 啊 兩 銀 畀 金大堅 作 安家 嘅 費用 佢 又 話 ：
占卦 先生 已經 擇好 日期 ，請 兩位 今日 就 起程 呢 。
蕭讓 就 話 喇 ：天口 咁 熱 ，今日 就算 起程 亦 行唔得 幾多 路 ，前便 就 趕唔到 去 住客店 。
不如 聽 朝早 五更 起身 ，早啲 行噉 仲 好啦 。
金大堅 就 話 ：係咯係咯 ，噉 就 啱喇 。
兩個 都 約定咗 聽朝 早早啲 起身 ，就 各自 返去 屋企 收拾 工具 衣服 。
蕭讓 呢 ，就 留 戴宗 喺 屋企 過夜 。
第日五更 ，金大堅 就 攞住 包袱 行頭 ，嚟 搵埋 蕭讓 、戴宗 ，噉 啊 三個人 一齊 起程 。
離開咗濟州城 ，行咗 十零里路 ，戴宗 就 話喇 ：
兩位 先生 慢慢 行 啦 ，小人 要 行快 一步 ，去 告知 眾位 上戶 嚟 迎接 兩位 啊 。
戴宗 就 放開 大步 ，喇喇聲 行先 喇 ，噉 呢 兩個 人 呢 就 孭住 包袱 就 慢慢 行 咯 喎 。
一路行 到 未牌 時候 ， 即 係 下午 兩三點 啦 。
約莫 亦 行咗 七八十 里 路 咯 ，忽然間 ，聽見 前便 一 聲 哨子 響 ，喺 山坡 上 跳出 一班 好漢 。
弊喇咩嘢事呢喂 ？噉就下次再講嘞 。
