話說 呢一日 魏兵 到嘞 ，姜維 就 帶兵 出去 迎戰 。
魏軍 陣上 為首 嘅 大將 啊 乃係 天水 太守 王頎 。
王頎 一拍 戰馬 ，衝出 幾步 勒馬 企定 ，大聲 噉 喝話 ：
嗨 ！姜維 聽住 ！我 今日 大軍 百萬 ，上將 千員 ，分 二十 路 進兵 ，已經 去到 成都 喇 ！
你唔快快投降呀 ，仲想頑抗到底 ，真係不知天命啊你 ！
姜維 聽咗 嬲 啊 ，乜 都 唔 講 喇 ，挺槍 縱馬 直取 王頎 。
打咗唔到 三個 回合 ，王頎 頂唔住 就 大敗 走人 嘞 。
姜維 就 指揮 人馬 ，一路 追殺 過去 。
大約 追殺咗 二十幾里 啦 ，只 聽見 金鼓 齊 鳴 ，一支 兵馬 當頭 擺開 。
有面 軍旗 上面 寫住 ，隴西 太守 牽弘 噉 。
姜 維根 本 唔 將 佢 放在 眼 內 ， 呢 啲 噉 嘅 區區 鼠輩 算 得 乜嘢 呢 ？
唔係 敵手 啊 ，唔同 佢 打 ！唔理 佢 咁多 就 繼續 帶領 軍隊 向前 猛追 。
又 追咗 十里度 ，就 遇着 鄧艾 帶兵 殺到 嘞 。
兩支 軍隊 一 撞到 啊 立刻 展開 一場 混戰 。
姜維 抖擻 精神 ，同 鄧艾 呀 打咗 十幾個 回合 就 不分 勝敗 。
突然之間 又 聽見 後便 響起 鑼鼓 嘞 。
姜維 呢趟 就 急忙 下令 退兵 ，誰知 又 得到 後軍 嚟 嘅 報告 話 ：
甘松 所有 嘅 營寨 ，都 畀 金城 太壽 楊欣 嘅 軍隊 燒晒 喇 噉 。
嘩嗨 ！弊咯 ！姜維 大吃一驚 啊 。
連忙 叫 一名 副將 打住 自己 嘅 旗號 ，同 鄧艾 打住 先 。
自己呢 ，就 帶 一支 軍隊 漏夜 趕去 救 甘松 嘞 。
行行下就撞正楊欣 。
楊欣 唔敢 同 姜維 交戰 喇 捩轉頭 混 山路 就 逃跑 。
姜維 咬住 尾 窮追 不捨 啊 。
噉啊當佢嚟到一座山岩下便 ，嘩嗨 ！山岩上便猛揋啲擂木砲石落嚟 ，打到姜維就根本冇辦法前進一步 。
唔前進得就要退返轉頭㗎咯喎 ，點知返到半路唧 ，啲蜀兵啊 已經 畀 鄧艾 殺敗 。
魏 兵 嘅 大隊人馬 就 蜂擁 而 嚟 ， 一下 就將 姜維 包圍住 。
姜維 就 拼晒命 喇 ，帶住 幾個 人 就 殺出 重圍 就 趯返去 大營 ，閂實 轅門 一於 堅守 就 等待 救兵 。
呢一日 ，流星馬 嚟到 又 報告咗 一連串 壞消息 。
咩嘢呢 ？嗱 ，鐘會 就 攻陷 咗 陽安關 ，守將 蔣舒 投降 傅僉 戰死 ，漢中 已經 畀 魏軍 佔領 咗 噉 。
樂城 嘅 守將 王 含 ，漢城 嘅 守將 蔣 斌 ，知道 漢中 已經 失咗 ，亦 開門 投降 嘞 。
剩返 胡濟 一個人 孤立無援 頂唔住 ，就 趯咗 返去 成都 請 救兵 喇噉 。
姜維 聽到 呢一 大堆 壞消息 ，嚇到 大吃一驚 啊 ，即時 傳令 拔寨 撤退 。
當晚 ，蜀軍 撤退 嚟到 疆川口 ，遇到 一支 魏軍 攔截 。
為首嘅 將領 呢 就係 金城 太守 楊欣 喇 。
乜係 你 呀 ？啱喇 ！上次 畀 你 走甩咗 呢趟 就 非 殺 你 不可 喇 。
姜維 怒火沖天 ，縱馬 挺槍 直取 楊欣 。
楊欣 同 佢 打咗 一個 回合 就 頂唔住 ，勒 轉 馬頭 就 走 。
姜維 就 用 箭 射 佢 啊 ，嗨 ！都 唔知 為 咩嘢 事 嘅 。
可能 係 嬲 過頭 啦 火遮眼 ，連 氣 射 三箭 都 冇 支 射得中 。
姜維 一 發火 啪聲 自己 拗斷 張 弓 ，一鞭 匹 馬 就 挺槍 追上去 。
點知 追 咗 冇 幾遠唧 ， 嗰 匹 馬 𠽤𡃈 一聲 馬失前蹄 ， 將姜維 就 成個 𢴈 咗 落地 。
楊欣 聽見 後 便 噼啪噉 就 唔知 咩嘢 事 噃 。
捩轉頭望下啦 ，吖 ，原來 姜維 你𢴈咗喺地嚟啊 ，好機會噃 ，一撥隻馬 就 跑返轉頭 想嚟 殺 姜維 嘞 。
姜維 等 佢 嚟到 身邊 ，突然間 啪聲 咁 跳起身 ，一槍 㨃 過去 ，就 㓤 正 楊欣 匹 馬 嘅 頭殼 。
楊欣眼 睇 住 係 咁 大 喇 呢 趟 ， 吖 好 在 佢 命 大 ， 背後 有 一隊 魏兵 衝到 嚟 ， 將楊欣救 咗 去 。
姜維 換過 一匹 馬 就 正話 想 追 。
探馬 就 㗾㗾聲 趕到嚟 ，報告 話 鄧艾 嘅 大軍 呀 ，喺 背後 殺緊 過嚟 喇噉 。
誒 冇 辦法 喇 ， 噉 就 搞 到 姜維顧 得頭 嚟 就 唔 顧得 尾 ， 噉 啊 就 想 收兵 轉去 搶返 漢中 。
誰知 探馬 又 嚟 報告 話 ，歸路 已經 畀 雍州 刺史 諸葛 緒 啊 ，切斷 咗 喇 噉 。
噉又唔得嘞喎 ，姜維 只有 選擇咗 一個 險要 嘅 山地 ，嚟 扎落 營寨 先 啦 。
之 魏軍 呢 ，又 駐扎 喺 陰平橋頭 一帶 喎 ，慘咯 。
姜維 噉 啊 搞到 進退無路 喇 ，佢 長歎 一 聲 話 ：唉 ！天 注定 要 我 死 啊 ！
姜維 心亂嘞 ，已經 陷於 束手無策 嘅 地步 。
哈好彩佢就有個副將頭腦清醒 ，佢諗咗一諗就建議話喇 ：
將軍 ，而家 魏兵 截斷 咗 陰平橋頭 吖 ，噉 ，喺 雍州 佢哋 必定 兵少 嘅 。
將軍 你 如果 通過 孔函谷 ，直取 雍州 ，諸葛緒 一定 要 撤 陰平 嘅 兵馬 去 救 雍州 。
到其時 ，將軍 你 帶兵 轉去 劍閣 守到 實 ，噉 漢中 就 可以 收服 啦 。
好 ！姜維 聽 佢 嘅 ，立即 就 帶兵 入 孔 函谷 ，詐作 去 奪取 雍州 咯喎 。
魏軍 嘅 偵探 知道咗 ，飛馬 去 報告 諸葛緒 啦 ，就 嚇到 諸葛緒 驚起 上嚟 話 ：
哎呀呀呀 ，雍州 乃係 我 守衛 嘅 地方 啊 ，如果 有 乜嘢 失算 ，朝廷 必定 會 問罪 㗎 。
咪拘喇 ，諸葛緒 就 急忙 撤兵 ，由 南路 去 救 雍州 。
只係 留返 一支 人數 甚少 嘅 軍隊 啊 守住 橋頭 唧 。
噉 姜維 佢哋 混 北路 行吖 ，約莫 行咗 卅里 ，佢 諗住 魏兵 起咗 程 喇 ，就 帶 兵 轉頭 ，後隊 變 前隊 ，就 撲去 橋頭 。
得喇 ，果然 啲 魏兵 呢 大隊 已經 走咗 ，剩返 少數 人 守 橋 唧 。
畀 姜維 一 輪 衝殺 就 趕走 晒 佢哋 ，跟住 就 放火 燒晒 魏軍 嘅 營寨 。
諸葛緒 仲 未 行得 幾 遠 嘅 啫 ，佢 一 聽見 橋頭 火燭 ，喇喇聲 帶 兵 返 轉頭 。
但係呢 ，等佢 帶兵 嚟到 嘅 時候 啊 ，姜維 嘅 兵馬 已經 過咗 去 半日 咁 耐 咯 ，因此 呢 ，佢 就 唔敢 再 去 追 。
而家 講 下 姜維 佢 帶 兵 通過 咗 橋頭 一路 急行軍 。
行行 下 ， 左 將軍 張翼 、 右 將軍 廖化 率領 住 一支 軍隊 迎面 而 嚟 。
姜維 問 佢哋 情況 ，張翼 話 喇 ：
嘿 ！ 氣死 嚟 啊 ， 黃 皓 佢 信 晒 啲 神婆 嘅 說話 唔 肯 發兵 啊 。
我 聽聞 漢中 危急 ，就 自己 起兵 嚟 啦 。
誰知 陽安 關 已經 畀 鐘 會 佔領 咗 咯 。
收尾 聽見 將軍 你 受困 ，就 趕嚟 接應 啫 。
噉 兩隊 人馬 會合 之後 ，姜維 嘅 意思 啊 ，係 去 白水關 。
廖化 認為 ，目前 蜀軍 呢 就 四面 受敵 ，運糧 嘅 道路 唔通 ，所以 就 應該 退守 劍閣 呀 再作 打算 。
姜維 心大 心細 ，揸唔定 主意 。
正喺 呢個 時候 ，有 報告 嚟 話 鐘會 、鄧艾 就 分兵 十幾 路 ，一齊 殺緊 嚟 喇噉 。
姜維誒 想 同 張翼 、廖化 分兵 去 迎戰 。
廖化話喇 ：將軍 ，白水 地窄路多 ，唔係 爭戰 嘅 地方 嚟啊 。
不如 退返 去 救 劍閣 仲好 啦 ， 若果 劍閣 一失 呀 ， 就 絕路 喇 。
廖化 講得 有道理 ，姜維 呢 於是 帶兵 直奔 劍閣 。
當佢哋上下嚟到關口嘞 ，忽然間 鼓角齊鳴 吶喊連天 旌旗招展 。
一支 軍馬 擺開 守住 關口 。
嘿嘿 各位 唔使 驚 ，呢啲 唔係 魏兵 啊 ，原來 係 蜀漢 輔國 大將軍 董厥 喺 處 。
原來 董厥 佢 呢 就 聽 聞蜀兵 十幾路 人馬 ， 大舉 侵犯 ， 就 帶 咗 二萬 兵 嚟 守住 劍閣 。
當日 ，佢 遠遠 望見 煙塵 滾滾 就 以為 係 魏兵 ，故此 就 急忙 帶 兵 嚟 守 硬關口 。
董厥 就 親自 跑到 最前 便 嚟 睇下 ，哦 ，好啊好啊 ，原來 係 姜維 、廖化 、張翼 。
啊好歡喜啦 ，迎接咗佢哋 入關 就 互相 敬過禮 。
講講下 ，董厥 都 忍唔住 就 喊起上嚟 ，將 後主 劉禪 同 黃皓 嗰啲 事 講畀 姜維 聽 。
姜維 聽咗 就 話喇 ：董公 唔使 憂心 ，有 我 姜維 喺處 ，就 唔會 畀 魏國 嚟 併吞 我哋 蜀國 嘅 。
我哋 而家 守住 劍閣 先 ，然後 再 慢慢 嚟 想辦法 打退 敵人 啦 。
董厥話嘞 ：呢座 關雖然 可以 守得住 ，之最弊 就係 成都 冇人 啊 。
若果 敵人 偷襲咗 噉 大勢 就 會 土崩瓦解 㗎 喇 。
唔怕嘅 ，成都 嘅 地勢 非常 險峻 ，唔係 咁 容易 攻佔 ，唔使 憂慮 。
正 喺 度 傾 緊 ， 探馬 嚟 到 報告 話 魏 軍 諸葛緒 啊 帶兵 殺到 關下 喇 噉 。
姜維 怒火沖天 ，立即 帶咗 五千 兵 出關 去 廝殺 。
姜維 一馬當先 ，直撞入 魏軍 嘅 兵陣 左衝右突 。
哎 殺到 諸葛緒 啊 大敗 而 走 ，退後 幾十里 扎寨 。
呢一場交鋒 ，魏軍 就 死傷咗 好多人 。
蜀兵 就 繳獲咗 大量 嘅 馬匹 、器械 。
打贏咗咯 ，姜維 就 收兵 入關 。
而家 講 下 鐘會 ，鐘會佢 率領 大軍 ，就 喺 距離 劍閣 二十 里 嘅 地方 安好 營 。
呢一日 諸葛緒 走到嚟 伏罪 認錯 。
鐘 會 好 嬲 噉 鬧 佢 話 ：我 命令 你 守硬 陰平 橋頭 ，截斷 姜維 嘅 歸路 ，點解 會 失手 㗎 ？嗯 ？
又冇得到 我嘅 命令 就 擅自 進兵 ，所以 就 導致 呢場 失敗 。
啟稟將軍 ，姜維 此人 詭計多端 。
佢 詐諦 去 打 雍州 ，我 就 怕 雍州 萬一 失手 ，於是 就 帶 兵 去 救 咯 。
點知噉 就 畀 姜維 乘機 走甩咗 。
我 都 一直 追趕 姜維 ，去到 關下 ，誰知道 ，又 畀 佢 打敗 。
鐘 會 唔 理 咁多 ，喝 刀斧手 拉 諸葛緒 出去 殺頭 。
監軍衛瓘 就 為 諸葛緒 求情 話 喇 ：
將軍 ，諸葛緒 ，冇錯 係 有罪 啊 ，之 佢 係 鄧 征西部 下 嘅 人 ，如果 將軍 殺咗 佢 ，恐怕 有 傷 和氣 喎 。
鄧征 西 係 邊個 啊 ？ 係 鄧艾 啊 。
因為 鄧艾 官封 征西將軍 ，噉 鄧 征西 呢 ，就係 佢 官銜 嘅 簡稱 。
鐘 會 就 封 做 鎮西 將軍 啦 ，所以 啲 人 啊 亦 稱呼 佢 做 鍾 鎮西 。
噉鐘 會 而家 ，佢 見到 衛瓘 向 佢 求情 ，唔聽 ，佢 話 ：
我 奉咗 皇上 聖旨 、晉公 鈞命 ，特意 嚟到 討伐 西蜀 。
即使 係 鄧艾 有罪 ，該 斬 嘅 ，亦 應當 斬佢 ！
當時 大家 都 猛咁 勸 鐘會 唔好 殺 諸葛緒 ，噉 結果 呢 ，鐘會 就 冇 殺 佢 。
只係 將 諸葛緒 啊 ，鎖 喺 架 囚車 裏 便 ，派 人 押 佢 去 洛陽 就 任由 晉 公司 馬昭 發落 。
跟 住 呢 ， 就將 諸葛緒 所 率領 嘅 人馬 ， 全數 收編 入 自己 部下 ， 聽候 調遣 。
呢件事啊 有人 話咗 畀 鄧艾 聽 ，鄧艾 真係 火滾 啊 佢 話 ：
哼 ！我我 同 你 嘅 官階 都 係 一樣 咁 高矮 。
而且 ， 我 我 鎮守 邊疆 咁 耐 ， 對國 國家 有 咁 大 嘅 功勞 ， 你 你 ， 你 你 你 ， 鐘會 有 乜嘢 咁 叻 啊 ， 妄 妄自尊大 ， 哼 ！
佢 個 仔 鄧忠 就 話嘞 ：父親 ，俗語 有 話 小 不忍 則 亂 大 謀 。
父親 若果 同 鐘 會 不和 ，就 必定 會 誤咗 國家 大事 ，請 父親 忍住 下 先 。
係 ，好啦 。
鄧艾 勉勉強強 聽從 他個 仔 嘅 說話 ， 不過 呢 ， 個心 啊 確係 嬲 啊 。
於是 佢 就 帶住 十幾個 人 一齊 騎馬 去 見 鐘會 。
鐘 會 聽 講 鄧艾 嚟 ，就 問 左右 啲 人 話 ：鄧艾 帶 咗 幾多 人馬 嚟 啊 ？
稟告 將軍 ，只有 十幾個 人 唧 。
嗯 ，好 ！
於是 鐘會 就 吩咐 喺 帳上 帳下 ，排列好 一隊 武士 ，總數 有 成 幾百 人 嘅 ，一於 顯示 下 軍威 先 。
鄧艾 嚟到 喇 ，佢 落咗 馬 ，入去 見 鐘 會 。
鐘 會 請 佢 入去 中軍 帳 坐 ，彼此 敬過 禮 。
鄧艾 入嚟 嗰陣 見到 軍容 非常 嚴肅 ，個心 啊 有 啲 唔安樂 ，就 用 說話 嚟 挑下 佢 ：
將將軍 得咗 漢中 ，真係 朝朝廷 之 大幸 啊 。
噉啊 要 快啲 諗 條 好好 計策 ，早早日 去 佔領 劍閣 啊 。
鄧將軍 你 高見 如何 呢 ？
嗯 嗯 我 我邊 邊度 有 噉 嘅 本事 呢 ？
鄧將軍 ，請 你 唔好 太 謙虛 ，請 你 指教 。
誒以以我嚟諗呢 ，最好就係帶一一支軍隊 ，由陰平小路出 漢漢中德陽亭 ，用奇兵直直取成都 ，噉姜姜維就必必定撤兵嚟救 。
將軍 到到時 乘虛而奪取 劍閣 ，必定 大獲全勝 ！
哦！ 鄧將軍 呢條 計策 妙極 喇 ，請 鄧將軍 即刻 帶兵 去 ，我 喺 呢度 ，就 等 將軍 你 嘅 捷報 喇 。
噉 兩個人 飲咗 一輪 酒 就 分別 啦 。
鐘 會 送咗 鄧艾 出 轅門 ，返到 中軍 帳 同 部下 啲 將官 話 ：
嘻嘻嘻嘻嘻嘻嘻嘻 ，人人 都 話 鄧艾 極 有 本事 ，係 個 能人 。
照 今日 噉睇 佢 ，不過 係 個 庸才 啫 。
請問將軍 ，何以見得 鄧艾 係 個 庸才 呢 ？
哼 ！陰平 嘅 小路 ，都 係 盤旋 喺 啲 高山峻嶺 之 上 。
若果 蜀兵 用 百零人 扼守 險要 ，切斷 佢 個 歸路 ，噉 鄧艾 嘅 人馬 ，冚𠾴唥 都 要 餓死 晒 。
而我呢 ，就係 跟住 正道 而行 ，使 憂 攻 唔破 蜀軍 嘅 關隘 咩 ！
哼哼哼哼哼哼哼哼哼哼哼哼哼 。
於是 鐘會 就 準備好 雲梯炮架 ，要 攻打 劍閣關 。
而家 返轉頭 講下 鄧艾 ，佢 告別 咗 鐘會 行 出 轅門 ，騎 上 馬 。
佢 一路 行 一路 同 啲 隨從 傾 ，佢 問 ：
你哋 話 ，鐘 會 佢 待 我 係 點 呢 ？
誒睇佢嘅神氣 ，係 好唔同意 將軍 你 講嘅 說話嘅 ，不過 佢 把口 誒 勉強 話 好好好噉 嘅啫 。
嘿嘿嘿嘿嘿 ，嘿嘿 ，佢佢 估計 我 奪取 唔到 成都 ，嗯 我 偏要 攞到 佢 ！
鄧艾 返到 本寨 ，師纂 啊 、鄧忠 啊 等等 一班 將領 啊 迎接 佢 入咗 中軍 帳 ，都 問 佢 話嘞 ：
今日 見面 ，鍾鎮西 有 乜嘢 高論 ？
哼 ！ 我 我 誒 將心比心 ， 將 自己 實實在 嘅 諗 法 講 佢 聽 ， 點 知 佢 將 我 睇 成 係 個 月容 才
哼哼 ，佢佢 而家 得咗 漢中 ，就 以為 唔知 幾幾 大 嘅 功勞 嘞 。
佢佢佢 都 唔知 啊 ，如果 唔係 我 喺 沓中 纏纏住 姜維 ，佢 點 能夠 成功 啊 ？
我 呢趟 若果 奪取到 成都 ，就 勝勝過 奪取 漢中 多多 喇 。
當晚 鄧艾 就 下令 ，全軍 拔寨 起程 ，向住 陰平 小路 進兵 ，就 喺 離開 劍閣 七百里 嘅 地方 呀 扎落 營寨 。
噉啊 有人 去 報告 鐘會 ，話 鄧艾 要 去 攻打 成都 喇噉 。
鐘 會 一味 笑 鄧艾 呢個 人 蠢 啦 。
有一日 ，鄧艾 寫 一封 密信 派 個 使者 帶住 信 啊 ，飛馬 去 向 司馬昭 報告 。
然後 佢 就 召集 全體 將領 嚟到 中軍帳 ，就 問 佢哋 話 喇 ：
我而家 要 乘虛 去 奪 奪取 成都 ， 同 各 各位 一齊 去 建立 不朽 嘅 功名 ， 你 你 你 你 哋 肯肯 唔 肯 跟 從 我 呢 ？
願 從軍 令 ，萬死 不得 辭 ！
好 ！噉 鄧艾 就 命令 個仔 鄧忠 ，帶 五千 名 精兵 行先 ，就 吩咐 佢哋 呢 只係 着 一般 嘅 衣服 ，唔 着盔甲 。
人人 都 帶齊 斧頭 啊 鑿 啊 等等 嘅 各種 工具 ，凡係 遇着 危險 嘅 地方 ，就 鑿山 開路 ，搭好 啲 橋樑 等 軍隊 順利 通過 。
然後啊 ，鄧艾 挑選 咗 三萬 名 兵士 ，各 帶 乾糧 繩索 出發 。
約莫 行咗 百幾里 啦 ，佢 就 留低 三千 兵 ，就 喺度 扎寨 。
又行咗百幾里 ，又留低三千兵 喺度扎寨 。
就係噉樣 ，喺 當年 十月 嘅 時候 啊 ，由 陰平 進兵 ，一直 喺 啲 懸崖峭壁 行 咗 二十幾 日 。
總共 七百 幾 里 ，都 係 啲 只見 樹木 不見 人倫 嘅 地方 。
魏兵 沿路 扎咗 幾個 營寨 ，噉啊 只係 剩落 二千 人馬 唧 。
呢一日 ，佢哋 行到 一座 大山 叫做 摩天嶺 啊 ，連 馬 都 行唔上去 嘅 。
鄧艾 就 唔 騎馬 嘞 ，就噉 步行 上 嶺 。
行行下 ，就只見 鄧忠 同 一班 開路 個 壯士 都 喺度 喊噃 。
點解 呢 ？ 鄧艾 就 問 佢 哋 為 咩 事 要 喊 得 咁 淒涼 呢 ？
鄧忠話嘞 ：呢座 摩天嶺 嘅 西便 ，都係 啲 懸崖峭壁 ，冇法子 鑿得開 。
噉 ， 噉 ， 嘿 噉 啊 以前 嘅 辛勞 ，冚𠾴唥 都 變 咗 冇 用 喇 ， 故此 大家 就 喺 度 喊 起 上 嚟 唧 。
我我嘅 ，軍隊 嚟到 呢處 ，已經 行咗 七百幾里 ，過咗 呢度 就係 江油 ，點能夠 退退返 轉頭 呢 ？
跟住 鄧艾 召集 全體 將士 對 佢哋 講 ：
俗語 話 ，不不入 虎穴 ，焉得 虎子 。
我而家 同 你哋 嚟嚟到 呢處 ，如果 獲得 成功 ，就 同 大家 ，共享 富貴 。
係 ，願 從 將軍 之 命 ！
鄧艾 真係 搏命 ，佢 叫 大家 將 啲 軍器 啊 ，丟咗 落 山 先 。
然後 佢 自己 帶頭 ，攞咗 張 氈包 冚 個 身 ，碌碌碌碌碌 ，就噉 碌 落 山 。
噉嗰班 副將 有啲 厚毛衫 嘅 呢 ，就 攞嚟 包住 個 身 照 碌 落去 。
冇 厚毛衫 嘅 呢 ，就 用 繩索 扎住 條 腰 ，掹 藤 掛 樹 ，一個 跟 一個 噉 擒落去 。
就係噉樣 ，鄧艾 、鄧忠 帶住 二千人 啊 以及 一隊 開山壯士 ，全部 過咗 摩天嶺 。
唞過氣喇 ，整頓 好 盔甲 兵器 又 前進 咯喎 。
行行下 ，見到 喺 路邊 有 個 石碑 ，上 便 刻住 ，丞相 諸葛 武侯 題噉 。
仲刻住幾行字嘅 ：二火初興 ，有人越此 。二士爭衡 ，不久自死 。
鄧艾 睇咗 十分 驚奇 ，佢 即刻 對住 個 石碑 恭恭敬敬 噉 拜咗 幾 拜 話 ：
武侯 ，真真係 神人 啊 ！
我 鄧艾 唔能夠 拜拜 佢 為 師 ，真係 可可惜 咯 。
噉 鄧艾 佢哋 又 繼續 向前 行 嘞 。
有一日 ，佢哋 行到 一笪 地方 ，又 見到 一個 空蕩蕩 嘅 大 營寨 ，噉咪 左右 講 畀 鄧艾 聽 ：
將軍 ，聽講 諸葛丞相 在生 嘅 時候 ，曾經 撥 一千 兵 守住 呢個 險要隘口 嘅 ，後嚟 後主 劉禪 就 撤消咗 佢 。
鄧艾 非常 感慨啊 ，佢 於是 同 大家 話嘞 ：
我哋 而家 ，係 有 來路 而 冇 冇 歸路 㗎 喇 。
前便 ，就係 江江油城 ，糧食 充足 ，你哋 前進 就 有命 ，後退 就就 死 ！
務必 齊心合力 ，去 攻攻城 啊 ！
大家 就 齊聲 回答 話喇 ：我哋 決心 死戰 到底 ！
大家 咁 齊心 ，噉 就 得喇 。
於是 鄧艾 帶住 二千 兵士 ，就噉 靠 兩隻腳 ，日夜 急行軍 ，就去 搶攻 江油城 嘞 。
江油城 嘅 蜀軍 守將 叫做 馬邈 。
佢 聽聞 話 東川 已經 失咗 嘞 ，噉 就 作好 準備 啦 。
不過 呢 ，佢 只係 提防 大路 呢一便 嘅 啫 。
事關佢恃住有姜維全軍守住劍閣關 ，佢呢處仲係好安全嘅 。
所以 佢 對於 軍情 啊 就 唔係 點着緊 嘅 。
呢一日 ，佢 操練完 人馬 返 屋企 就 換過 衣服 ，同埋 老婆 一齊 圍住 個 火爐 飲酒 嘆 其 世界 咯喎 。
唉 各位 ， 用 啲 噉 樣 嘅 人 嚟 到 守城 ， 就 梗 係 冇 行 啦 。
噉啊究竟啊 ，江油城 係 點 失 嘅 呢 ？如果 大家 想 知道 啊 ，請 聽日 聽 落去 啦 。
