話說邵悌呢就靜靜對司馬昭講 ，鐘會此人啊就志大心高 ，唔應該畀佢獨掌大權㗎噉 。
司馬昭 話 喇 ：嗯 ？哼哼哼哼哼哼哼哼哼哼哼哼 ，你 以為 我 唔 知道 咩 ？
既然 主公 已經 知道 喇 ，點解 唔 搵 人 同 佢 一齊 擔任 呢個 職務 吖 ？
哼 ，朝上 嘅 大臣 ，個個 都 話 唔 能夠 去 攻打 西蜀 。
噉即係表明 ，佢哋 個個 都 心怯 。
若果 夾硬 要 佢哋 去 打仗 ，就 實 打敗仗 。
而家 ，唯獨 鐘會 ，能夠 提出 攻打 西蜀 嘅 策略 ，噉 就 說明 佢 冇心怯 。
個 心 唔 怯 ，就 必定 能夠 攻破 西蜀 嘅 。
西蜀 一 破 ，噉 西蜀啲 人 就 已經 心驚膽裂 。
正所謂 敗軍 之 將 就 不 可以 言 勇 ；亡國 之 大夫 ，不 可以 圖存 。
到嗰陣時 ，鐘 會 即使 想作反 啊 ，西蜀 嘅 人 又 點 能夠 幫助 佢 呢 ？
嗯 ，至於 我哋 魏國 嘅 人 呢 ，打勝咗 就 想 回國 咯 ，必定 唔肯 跟埋 鐘會 作反 嘅 ，所以 ，就 更加 唔使 擔心 喇 。
誒 ，呢番 說話 ，我 只係 同 你 一個人 講 ，千祈 唔好 洩漏 出去 。
聽咗 司馬昭 呢一番 說話 ，邵悌 唔服 都 唔得 喇 。
好喇 ，而家 講 下 鐘會 。
呢一日 已經 安好 營 嘞 ，佢 就 召集 全體 將官 嚟 發佈 命令 。
當時 佢 部下 ，有 監軍 衛瓘 ，護軍 胡烈 ，大將 田續 、龐會 、田章 、爰𩇕 、丘建 、夏侯鹹 、王買 、皇甫闓 、句安 等等 啊 總共 八十幾名 。
鐘 會話 喇 ：攻打 西蜀 ，必須 一位 大將 嚟 做 先鋒 ，逢山 開路 遇水 搭橋 ，邊個 敢 擔當 呢個 職位 啊 ？
許儀 應聲 而 出話 ：我 願意 ！
許儀 係 邊個 啊 ？
許儀 乃 係 虎將 許褚 個 仔 。
佢 一開 聲 ， 所有 嘅 將官 都 贊成 啊 ， 都 話 呢 個 先鋒 印呀 非 佢 嚟 掛 不可 啊 ！
噉鐘會就話喇 ：你 係 勇將 嘅 後代 ，父子 都 出名 。
而家 眾 將官 亦 贊成 你 ，噉 就 由 你 掛 先鋒印 ，率領 五千 馬軍 、一千 步軍 直取 漢中 。
你 兵分 三路 ，由 你 率領 中路 ，出 斜谷 ，左軍 ，出 駱谷 ，右軍 出 子午谷 。
呢啲 地方 都係 崎嶇險要 ，你 要 命令 軍隊 填平 道路 ，修理 橋樑 ，鑿山 破石 ，排除 障礙 。
違反 命令 就 按 軍法 處置 ！
小將 得令 ！許儀 接受咗 命令 ，立即 帶兵 前進 。
鐘 會 隨後 呢 ，率領 十萬 大軍 ，星夜 起程 啊 。
而家 講 下 鄧艾 嘞 。
當 佢 一 接到 命令 佢 帶兵 討伐 蜀國 嘅 詔書 之後 呢 ， 佢 一方面 ， 叫 司馬望 去 壓制 羌人 。
另一方面 呢 ， 又 發 檄文 通知 雍州 刺史 諸葛緒 ， 天水 太守 王頎 ， 隴西 太守 牽弘 ， 金城 太守 楊欣 ， 各帶 本部 軍兵 就 前 嚟 聽候 調遣 。
等到 人馬 到齊 之後 喇 ，有 一 晚 ，鄧艾 就 發咗 個 夢 噃 。
他 夢見 自己 啊 ，行 上 一座 高山 ，就 望住 漢中 。
忽然間 喺 佢 腳下 ，迸發出 一股 泉水 ，嗰啲 水 呀 猛咁 湧出嚟 。
噉 一陣間 呢 鄧艾 就 扎醒咗 ，通身 流汗 唔 瞓得着 喇 ，噉咪 索性 坐起身 等到 天光 。
天光 之後 ，佢 叫 個 護衛 爰邵 嚟 問 下 佢 。
噉啊事關 爰邵 此人 啊 ，就 好 識 占卦 嘅 。
鄧艾 將 個 夢 一五一十 噉 講畀 爰邵 聽 。
爰邵 就 回答 話 ：易經 有 講 ，山上 有 水 曰 蹇 ，噉 呢個 乃 係 蹇卦 。
根據 卦象 係 利 西南 ，不利 東北 。
因為 孔子 講 ：蹇利西南 ，往 有功 也 ；不利 東北 ，其 道 窮 也 。
將軍 呢次 出發 ，必定 征服 西蜀 嘅 。
不過 ，就係 可惜 蹇滯 唔能夠 返嚟 啫 。
鄧艾 聽 佢 噉樣 講法 ，哎 個 心 呀 好 唔 安樂 啊 。
冇幾耐 ，鐘 會 嘅 檄文 到喇 ，就 約 鄧艾 起兵 ，喺 漢中 會合 。
於是 鄧艾 就 調兵遣將 咯 喎 ：
佢 派 雍州 刺史 諸葛緒 ，帶 一萬五千 兵馬 ，就 先 去 切斷 姜維 嘅 歸路 。
跟住呢 ，就 派 天水 太守 王頎 啊 ，帶 一萬五千 兵 ，從 左方 攻 沓中 ；
派隴西太守牽弘 ，帶 一萬五千兵 ，從 右方 攻 沓中 ；
再派 金城 太守 楊欣 ，帶 一萬五千 人 ，喺 甘松 攻 姜維 嘅 背後 。
鄧艾 自己 呢 ，就 帶兵 三萬 往來 接應 。
係喇 ，而家 呢 再 講返 下 轉頭 先 ，就 講下 當 鐘 會 出師 嗰 日 啊 。
噉嗰日 就 威風咯吓 ，有 文武百官 就 送到 出去 城外 ，連 司馬昭 都 親自 出嚟 送行 嘅 。
只見 旌旗 蔽 天日 就 鎧甲 閃 寒光 ，人 強 馬 壯 威風 凜凜 ，人人 都 讚羨 啊 。
吖就唯有 相國 參軍 劉寔 ，一味 係 瞇瞇笑 就 冇 開聲 噃 。
太尉 王祥 見到 劉寔 噉樣 嘅 表情 ，就 拉住 劉寔 隻手 問 佢 嘞 ：
鐘 會 同 鄧艾 兩個人 ，呢次 出師 可唔可以 平定 西蜀 呢嚱 ？
劉寔話 ：西蜀 啊 必定 攻破 佢 嘅 。
不過 ，哎不過 恐怕 佢哋 都 返唔嚟 京都 㗎 喇 。
啊 ？誒 何以 見得 呢 ？
嘿嘿嘿嘿嘿嘿嘿嘿嘿嘿 ，劉寔 一味 笑 冇 回答 。
噉 王祥 呢 亦 唔 再 問 落去 喇 。
好而家 講返下 姜維 ，姜維喺 沓中 接到 報告 ，話 魏兵 要 嚟 侵犯 喇 。
即刻 就 寫好 份 表章 就 派 人 日夜 兼程 ，飛馬 送 去 成都 就 向 劉禪 稟奏 。
姜維 喺 表章 裏 便 ，請求 劉禪 下一道 詔書 ：
派左車騎將軍張翼 ，帶兵去守衛陽安關 ；
派 右 車 騎 將軍 廖化 ，帶 兵 去 守 陰平橋 。
因為 呢 兩 笪 地方 啊 最 緊要 ，一失咗 呢 兩 笪 地方 呢 漢中 就 保唔住 。
同時 請 劉禪 啊 派遣 使者 ，去 東吳 求救 。
並且 話 自己 立即 啊 出動 沓中 嘅 兵馬 去 迎敵 噉 。
呢個 時候 係 咩嘢 年份 呢 ？當時 乃 係 蜀漢 景耀 六 年 。
噉啊 後主 劉禪 呢 又 改過 年號 ，改作 炎興元年 ，即係 公元 二六三 年 。
嗰個 劉禪 啊 ，哎 ，日日 只係 知道 同埋 太監 黃皓 ，喺 宮內 遊耍 玩樂 。
哦 ，呢日 佢 突然 接到 姜維 嘅 表章 就 問 黃皓 話 喇 ：
而家 魏國 派 咗 鐘會 、鄧艾 ，出動 龐大 嘅 軍隊 ，分路 嚟 進攻 噃 ，如之奈何 吖 ？
黃皓話喇 ：陛下 ，呢啲 不過 係 姜維 佢 想 建立 功名 ，故此 特登 上 啲 噉嘅 表章 啫 。
陛下 放寬 龍心 啦 ，唔使 疑慮 嘅 。
誒 ，臣 聽聞 城裏 便 有 一個 師婆 ，佢 供奉 一位 神靈 啊 ，係 能夠 知道 吉凶 禍福 嘅 。
誒陛下 不如 召佢嚟 問下 啦 ，好唔好啊 ？
好啊好啊 ，快啲 叫佢嚟 問下 啦 。
劉禪 聽黃皓話 ， 真 係 喺 後 殿 擺起 晒香 花點 起 香燭 ， 與 及 拜神 嘅 禮物 ， 吩咐 黃 皓 用 架 小車 接 咗 嗰 個 神婆 入宮 ， 仲 請 佢 坐 喺 龍 床上 便 喎 。
劉禪 上完 香 ，稟過 神 。
哈嗰個 神婆 啊 ，突然間 ，打散晒 頭髮 ，除 大赤腳 喎 ，喺 個 殿 裏頭 呢 就 跳嚟跳去 ，跳咗 幾十次 ，仲 擒咗 上 張 枱 ，拜下拜下 。
黃皓話喇 ：神仙 下降 喇 神仙 下降 呀 。
誒陛下 ，你 叫 啲 左右 嘅 人 行開 ，親自 向 神仙 禱告 啦 。
劉禪 真係 叫 晒啲 侍臣 出去 ，自己 就 拜咗 幾 拜 就 向住 神婆 禱告 嘞 。
嗰個 神婆 就 大聲 噉 話 ：我 係 西川 土神 啊 。
陛下 歡樂 太平 ，仲 使 乜 問 咁多 事 呢 ？
幾年之後 ，魏國 嘅 疆土 都 要 歸晒 陛下 㗎 喇 。
陛下 唔使 憂心 嘅 。
講完 ，嗰個 神婆 啪聲 啊 跌返 落地 ，暈咗 ，好耐 先至 醒返 。
嘩劉禪就高興到加零一啊 ，重重噉打賞嗰個神婆 。
從此之後啊 ，佢 就 信晒 神婆 嘅 說話 ，冚𠾴 唥唔聽 姜維 嘅 意見 。
噉啊 日日 都 一味 喺 宮中 飲宴 歡樂 。
姜維 就 連 氣 就 好多 次 送嚟 嘅 告急 表章 啊 ，全部 就 畀 黃皓 收埋 壓住 ，因此 呢 就 誤晒 大事 咯 。
而家 呢 就 講 下 鐘 會 佢 統率 大軍 ，浩浩蕩蕩 向住 漢中 進發 。
前軍 先鋒 許儀 啊 ，就 想要 立個 頭功 。
佢 帶兵 去到 南鄭關 嘅 時候 ，佢 就 對 部下 啲 將官 話 喇 ：過咗 呢個 關 就係 漢中 。
關上便冇 幾多人馬 嘅啫 ，我哋 奮勇 搶關 啦 ！
噉啊眾將官 接受咗 命令 ，指揮 兵士 衝鋒 要 搶佔 南鄭關 嘞喎 。
防守 南鄭關 嘅 蜀軍 將領 叫做 盧遜 。
佢 早就 聽講 話 魏軍 就 會 到 㗎喇噉 ，就 預先 喺 關前 嘅 一道 木橋 左右 兩 邊 啊 ，埋伏 定 軍士 ，裝起 諸葛亮 所 教落 嘅 十矢 連弩 。
好喇 ，等到 而家 許儀 帶 兵 嚟 搶 關 嘅 時候 ，㩧噉 一 聲 梆子 響 ，嗰啲 箭 啊 石 啊 ，𠻘𠻘 聲 就 好似 落 大雨 噉 飛過去 。
許儀 急忙 叫 人 後退 ，嘿 ，就 已經 畀 蜀軍 呀 射 低咗 幾十個 馬軍 嘞 。
魏兵 呢 仗 打敗 咗 啦 ，許儀 就 即刻 返去 報告 畀 鐘 會 聽 。
鐘 會 親自 帶埋 帳 下 百幾個 鐵甲衛士 ，騎馬 趕到 南鄭關 就 想 話 去 睇真下 ，摸清楚 情形 。
一去到 嘩嗨 ！果然 見到 啲 箭 呀 猛 咁 射落嚟 啊 ，鐘會 就 撥 馬 就 返回 轉頭 走人 。
關上便 ，盧遜 就 帶住 五百人 殺落嚟 。
鐘 會 一 鞭 隻 馬 就 想 快啲 衝過 道橋 啦 ，哈 誰知 橋 上 便 啲 泥 係 鬆 嘅 。
嗰隻 馬 就 踩啱 個 氹 喎 ，啲 鬆泥 就 啜住 馬蹄 ，爭啲 將 鐘 會 拋咗 落地 。
好在 鐘會 就 醒定啲 雙手 攬住 條 馬 頸 噉 先至 就冇事 咋 。
噉但係隻馬呢就掹唔返隻腳出嚟 。
鐘 會 連 馬 都 唔 要 咯 ，靠 自己 雙腳 好過 喇 ，噔噔聲 飛跑 落 橋 。
盧遜 就 追到嚟 喇 ，正話 出 衡力 ，想 一槍 㓤過去 。
哎吖 ！咦咩事 啊喂 ？
原來 鐘 會 手下 一名 將官 叫做 荀愷 ，佢 回身 一箭 就 正正 射中 盧遜 就 當堂 攞咗 佢 條命 。
噉 形勢 突然 急轉直下 喇 ，鐘 會 把握 戰機 啊 ，立即 指揮 人馬 趁勢 搶關 。
關上啲兵呢 ，見到 有 蜀兵 喺 關前 便係 自己人 嚟㗎嘛 ，就唔敢 放箭 。
於是就 畀 鐘會 殺散咗 ，佔領咗 呢座 南鄭關 。
因為 荀愷 有 功 啊 ，鐘會 就 升 佢 做 護軍 ，賞 佢 一 副 盔甲 ，一 匹 連埋 全套 鞍具 嘅 戰馬 。
有功 就 獎 ，有罪 就 要 罰 咯 。
鐘 會 跟住 叫 許儀 嚟 ，斥責 佢 話 ：
你 係 先鋒 ，應該 逢山開路 ，遇水搭橋 ，要 認認真真 修理 橋樑 道路 ，使到 行軍 方便 至 係 。
我 先頭 行過 嗰道 橋 ，連 馬蹄 都 陷 喺 啲 泥處 ，幾乎 跌咗 我 落地 。
如果 唔係 荀愷 啊 ，我 已經 畀人 殺死 喇 。
你 違反 軍令 ，就要 按照 軍法 處置 ！
鐘 會 即刻 命令 刀斧手 拉許儀 出去 斬首 。
嘩 所有 個 將官 都 出嚟 同 佢 求饒 ，大家 話 喇 ：
請 都督 念 在 佢 父親 許褚 有 功 於 朝廷 ，希望 都督 饒恕 佢 一趟 啦 。
鐘 會 好 嬲 啊 ，佢 話 ：軍法 如果 唔 得 嚴明 ，噉 靠 乜嘢 嚟 使 大家 執行 命令 啊 ？
人 嚟 ！將 佢 推出去 ，斬 ！
即刻 下令 殺咗 許儀 ，將 佢 嘅 首級 ，掛 喺 轅門 示眾 。
嘩 連 大功臣 許褚 個仔 都 照 斬 呀 ，全體 將士 人人 震動 啊 。
當時 蜀 軍 將領 王含 就 把守 樂城 ， 蔣斌 就 把守 漢城 ， 佢 哋 見到 魏 軍 咁 強大 就 唔 敢 出 嚟 打 ， 只 係 閂 實 城門 死守 。
鐘會 認為 兵貴神速 ， 一陣 都 唔 好 停 哦 ， 就 打 咗 南鄭 關 之後 呢 ， 馬不停蹄 ， 命令 前軍 李輔 去 圍攻 樂城 ， 護軍荀愷 去 圍攻 漢城 ， 自己 就 率領 大軍 去 攻打 陽安關 。
陽安關 嘅 守將 係 傅僉 同 蔣舒 兩個 。
呢一日 ，佢 兩個 正喺度 研究緊 抵擋 魏軍 嘅 策略 。
蔣舒話 喇 ： 傅 將軍 ， 魏兵 人 多 勢眾 ， 唔 能夠 同 佢 硬打 㗎 ， 仲 係 以 堅守 為 上 啊 。
傅僉 唔同意 啊 ，佢 話 ：唔係 ，魏兵 由 咁 遠 嚟到 ，必定 係 非常 疲乏 嘅 。
雖然 係 人 多唧 ，唔使 怕 佢 嘅 。
我哋 如果 唔 落 關 同 魏軍 交戰 呀 ，噉 漢城 、樂城 就 冇 㗎 喇 。
蔣 舒唔 出聲 。
過咗幾日 ，魏軍 兵 臨 城下 喇 。
傅僉 、蔣舒一 接到 報告 ，就 行 上個 關 上面 睇下 。
鐘 會 騎住 馬 ，就 喺 關下 便 拂住 條 馬鞭 ，高聲 大叫 話 ：
我而家 帶咗 十萬 大軍 嚟到 ，你哋 如果 早早 歸降 ，就 升官 賜爵 ，有 你哋嘅 好處 。
若果 執迷不悟 ，唔肯 投降 ，等 聽日 打破 關隘 之後 ，就要 你哋 玉石俱焚 喇 ！
傅僉 好嬲啊 ，忍唔住喇 。
佢 叫 蔣舒 把關 ，自己 啊 帶咗 三千 兵 殺 出去 。
傅僉一 出 ，鐘會 就 走 。
魏兵 亦 全部 跟住 退走 噃 。
傅僉 拍馬 就 追 。
誰知 魏兵 啊 ，包抄 返轉嚟 噃 咦 唔妥 唔妥 ，傅僉 想 退 返 入 關 ，哎 弊喇 ，關上 便 呀 已經 豎起 咗 魏軍 嘅 旗號 。
只見 蔣舒 喺 城頭 大聲 噉 嗌 ：我 已經 投降 咗 魏國 喇 ！
嗯吖吖呸 ！蔣舒 你 個 忘恩負義 嘅 奸賊 ，你 仲 有 乜嘢 面見人 ！
傅僉 冇 退路 喇 ，就 撥轉 馬 再 嚟 同 魏軍 交戰 。
呢個 時候 呀 ，魏軍 喺 四面八方 包圍 過嚟 ，將 佢 困 喺 戰陣 中心 。
傅僉啊 左衝右突 死打爛打 冇辦法 甩得身 。
佢 所帶領 嗰班 蜀兵 呢 ，已經 係 十傷八九 。
傅僉 仰天 長歎 話 ：啊 ！我 生為 蜀國 之 臣 ，死 亦 做 蜀國 之 鬼 啊 ！
一踢匹馬 ，直衝入 魏軍 陣內 搏命 衝殺 。
可憐佢 身上 畀 魏軍 㓤咗 幾槍 ，成件 鐵甲 都 畀 啲 血 染到 紅晒 。
再打幾下 ，佢 匹 戰馬 冇力 嘞 ，成隻 僂 低 。
傅僉 身負重傷 ，打到 筋疲力盡 ，結果 呢 ，自刎 而 死 。
而家 講 下 鐘會 ，佢 佔領 咗 陽安關 啦 。
吖 原來 關內 儲備 嘅 糧草 啊 軍器 啊 極多 嘅 ，哎 高興 啊 ，就 劏 牛 殺 馬 犒賞 三軍 嘞 。
當晚 ，魏兵 就 喺 陽安城 內 宿營 。
瞓瞓下 ，忽然 聽聞 西南方 吶喊 連天 。
咦咩事啊 ？
鐘 會 慌忙 起身 走出 中軍 帳 外 睇下 ，吖 又 絕無 動靜 嘞噃 。
呢一晚呀 ，搞到 魏軍 成晚 都 唔敢 瞓 。
到咗 第二晚 ，三更時分 ，西南方 嘅 吶喊聲 又 起喇 。
鐘 會 覺得 好奇怪 啦 。
第日一早 ，鐘會 就 使人 去 探聽 下 究竟 係 咩嘢事 。
啲 人 返嚟 回報 話 ，一直 去到 十幾里 以外 偵察 ，一個 人 都 唔見 啊噉 。
鐘會個 心 始終 係 好 思疑 ， 於是 親自 帶 咗 幾百人 ， 全副武裝 向 住 西南方 巡查 過去 。
行下行下 ，就 前便 行到 一座 大山 。
嘩嗨 ！只見 四便 突然 一片 殺氣 ，愁雲 翻滾 就 霧 鎖 山頭 。
鐘會勒定 馬 就 問下個 嚮導 官話 喇 ： 呢 個 係 乜嘢 山 ？
回覆 將軍 ，呢個 乃係 定軍山 。
往日 ，夏侯淵 就 死 喺 呢處 㗎喇 。
夏侯淵 死 喺 呢處 ？
鐘 會 聽咗 個 心 突然 覺得 好唔高興 ，就 勒馬 返轉頭 。
一轉過咗山坡 ，忽然間 呼呼聲 翻起 一浸 狂風 ，後便 有 幾千 馬軍 突然 出現 ，跟住 啲 大風 殺過嚟 。
嘩弊喇不得了啊！ 嚇到 鐘 會 大吃一驚 ，帶住 大家 就 拍衡馬 狂奔 。
嗰啲 將官 跑跑下 跌落 馬 嘅 就 不計其數 咁多 咯 。
哈！ 之 趯到 陽安關 嘅 時候 呢 ，一 人 一 馬 都 冇 損失到 噃 。
只係扻損塊面啊 ，跌穿個頭啊 ，失咗頭盔啊噉就有 。
人人 都 話 喇 ：哎呀 先頭 就係 見到 喺 陰雲 裏 便 ，好多人 馬 殺過嚟 ，之 行 到 埋身 又 唔會 傷人 嘅 ，只係 一陣 旋風 噉 㗎啫 。
奇怪喇 ，鐘會 就 問 投降 過嚟 嘅 蔣舒 話 ：定軍山 有 冇 神廟 啊 吓 ？
回覆 將軍 ，神廟 就 冇 ，只係 有 座 諸葛武侯 嘅 墳墓 啫 。
啊 ！ 實 係 武侯 顯聖 啊 ， 我 應該 親自 去 祭 佢 。
第日 ，鐘 會 就 吩咐 殺咗 豬 牛 羊 ，準備好 祭禮 ，親自 去 諸葛亮 嘅 墳墓 啊 ，恭恭敬敬 再 拜 致祭 。
哈一祭完唧 ，狂風 立即 就 停止 。
愁雲 四散 啊 霎時間 清風 陣陣 ，細雨 紛紛 。
過咗一陣 ，天色 晴朗 ，遍地 陽光 嘞 。
哎呀啲 魏兵 歡喜 到 極 咯 ，個個 都 再三 拜謝 噉 就 回營 嘞 。
當晚 ，鐘 會 喺 中軍 帳 就 伏 喺 張 枱 處 瞌着咗 。
忽然 一浸 清風 吹過 ，只見 有 個人 羽扇 綸巾 ，身披 鶴氅 ，腳穿 白鞋 就 腰攬 黑帶 。
生得 面 如 冠玉 ，脣 若 塗 朱 ，眉 清 目 朗 啊 身長 八尺 ，飄飄然 有 神仙 噉 嘅 氣概 。
呢個人 行 入 中軍帳 ，鐘會 就 企起身 迎接 佢 話 ：先生 係 邊位 啊 ？
嗰 個人 話 喇 ： 今朝 早 承蒙 你 嚟 睇 我 ， 我 有 幾句 說話 要講 你 聽 。
雖然 而家 漢朝 嘅 運數 已經 衰敗 ，天命 難以 違抗 。
不過 兩川 嘅 人民 百姓 ，橫遭 兵災 實在 係 可憐 。
你 入境 之後 ，千萬 唔好 亂 殺人 啊 ！
講完 ，衫袖 一拂 就 行咗 出去 。
鐘 會 正話 想 挽留 佢 ，忽然 一下 就 扎醒咗 ，哦 ，原來 係 發咗 個 夢 。
鐘 會 知道 係 諸葛 武侯 嘅 神靈 。
第日 ，佢 就 下令 前軍 ，豎起 面 大白旗 ，上面 寫住 保國安民 四個字 。
所到之處啊 ，如果 有 邊個 亂殺人嘅 ，殺一個 都 要 填命 ！
紀律 咁 嚴明 就 得 民心 咯 。
於是 漢中 嘅 人民 啊 ，都 出城 嚟到 跪拜 歡迎 啊 。
而家 講下 姜維 佢 喺 沓中 ，聽聞 魏兵 含含聲 噉 嚟緊 嘞 ，一方面 就 派 人 通知 廖化 、張翼 、董厥 ，就 叫 佢哋 帶 兵 嚟 接應 。
一方面 就 親自 率領 軍隊 ，嚴陣以待 。
呢一日 ，魏兵 到喇 ，姜維 就 帶兵 出去 迎戰 。
噉 啊 究竟 誰 勝誰負 啊 ， 且 聽 下回分解 。
