而家 講 下 孫策 。
呢一晚 ，佢 諗起 自己 嘅 身世 ，思前想後 ，唉 想到 父親 孫堅 咁 英雄 ，而 自己 竟然 淪落到 今日 噉 嘅 地步 ，忍唔住 放聲 喊起上嚟 。
忽然間 ，有 一個 人 喺 外便 行 入嚟 ，笑住 噉 話 ：哈哈哈哈哈 ，伯符 ，你 做 乜嘢 啊 ？
令尊 在 生 嘅 時候 ， 時時 都 用 著 我 嘅 ， 而家 你 有 乜嘢 搞 唔 定 嘅 事 呀 吓 ， 點解 唔 問下 我 ， 而 喺 度 喊 呢 ？
孫策 一 睇 ，原來 呢個 人 姓 朱 ，名 治 ，字 君理 ，係 佢 父親 往日 嘅 從事官 。
孫策 抹 乾 眼淚 請 佢 入 去 坐 ， 孫策 話 ：
唉 ，我 之所以 喊起上嚟 ，都係 恨 我自己 唔能夠 繼承 父親 嘅 大志 唧 。
嗯 ， 你 睇 噉 好 唔 好 呢 ？
你 去 搵 袁術 ，問 佢 借 兵 去 江東 ，話 就 話 去 救 你 舅父 吳景 ，實質上 呢 ，去 另 謀 發展 ，噉 就 唔使 長期 困 喺 他人 之下 啦 嘛 。
正喺度 商量緊 ，有 個人 撞入嚟 話 ：你哋 商量 嘅 事 我 知道 晒 嘞 。
我 手下 有 一百 名 精壯 軍士 ，可以 助 伯符 你 一馬之力 啊 。
呢個人 係 邊個 呢 ？原來 係 袁術 嘅 謀士 ，姓 呂 ，名 范 ，字 子衡 。
孫策 非常之 高興 ，請 佢 坐落 一齊 商量 。
呂范 坐落 之後 ，佢 就 話 ：
怕就係怕袁術唔肯借兵噃 。
孫策 話嘞 ：先父 留低 一個 傳國 玉璽 畀 我 ，可以 攞去 做 抵押品 嘅 。
呂范 就 話嘞 ：哦 ，噉 就 得喇 ！袁術 唔知 想 得到 呢件 嘢 幾耐 㗎 喇 ，有 佢 嚟 做 抵押品 ，佢 必定 肯 借 兵 嘅 。
三個人 噉 就 商量 妥嘞 喎 。
第日 ，孫策 就 去 拜見 袁術 ，佢 喊住 對 袁術 講 ：
啟稟袁公 ，我 都 我都 仲 未曾 同 父親 報仇 ，而家 我 舅父 吳景 又 受到 揚州 刺史 劉繇 所逼 。我 母親 同 家眷 都 喺 曲阿 嚟 ，一定 會 受害 嘅 。
我 想 同 袁公 你 借 幾千 雄兵 ，過江 去 探親 救難 啊 。
如果 袁公 你 信唔過 ，我 呢度 有 先父 留下 嘅 玉璽 一件 ，姑且 作為 抵押 啦 。
吓 ？你 畀 我 睇 下 ，你 畀 我 睇 下 ！
袁公 ，呢個 就係 玉璽 嘞 。
哦 ， 哦 ， 好 啊 —— 好 啊 ！
誒 ， 我 唔 係 話 要 你 嘅 玉璽 ， 誒 ， 而家 就 暫時 擠 喺 我 度 先 啦 。 我 借 三千 兵 、 五百匹 馬 畀 你 ， 啊 ， 平定 之後 你 就 快 啲 返 嚟 。
誒 ，你 嘅 職位 卑微 呀 ，難 掌 大權 。我 上個 表 畀 朝廷 ，任命 你 做 折衝校尉 、殄寇將軍 ，擇 咗 日子 ，你 領 齊 兵馬 就 起程 啦 。
多謝 袁公 ！
過咗幾日 ，孫策 率領 軍馬 ，帶埋 朱治 、呂范 ，舊將 程普 、黃蓋 、韓當 等等 就 出發 嘞 。
佢哋 行到 歷陽 呢 笪 地方 ，見到 有 一 支 軍隊 嚟到 。
當先 一個人 ，資質 風流 ，儀容 秀麗 。
呢個人 一見到 孫策 ，佢 落馬 就 拜 。
呢個人 係 邊個 呢 ？佢 就係 廬江 舒城 人 ，姓 周 ，名 瑜 ，字 公瑾 。
原來 當年 孫堅 去 討伐 董卓 嘅 時候 ，就 將 屋企 搬咗 去 舒城 。
周瑜 同 孫策 係 同年 ，交情 就 非常之 密切 ，因此 呢 就 結拜 做 兄弟 。
孫策啊大過周瑜兩個月 ，所以 孫策就係阿哥 ，周瑜係細佬 。
周瑜 有 個 叔父 叫做 周尚 ，而 家 做緊 丹陽 太守 。
周瑜 呢 一次 呢 ，係 去 丹陽 探親 嘅 ，喺 半路 嚟到 歷陽 就 撞見 咗 孫策 。
噉 孫策 見到 周瑜 就 歡喜 到 極 啦 ，就 將 啲 心事 講晒 畀 佢 聽 。
周瑜 話嘞 ：小弟 願 效 犬馬之力 ，同 兄長 你 共 圖 大事 。
哦 ，我 得到 你 幫手 呀 ，大事 成功 喇 ！
孫策 跟住 介紹 周瑜 同 朱治 、呂范 佢哋 相識 。周瑜 對 孫策 話 ：
兄長 你 想 做成 一番 大 事業 ， 你 知 唔 知 江東 有 二張 啊 ？
邊 二 張 呢 ？
一個 係 彭城 張昭 ， 字子布 ； 一個 係 廣陵 張 紘 ， 字子綱 。
佢 兩個人 都有 經天緯地之才 ，極 有 本事 嘅 。因為 兵荒馬亂 ，為咗 避難 ，所以 隱居 喺 呢處 。
兄長 你 去 聘請 佢哋 嚟 就 啱嘞 。
孫策 好 歡喜 ，即刻 叫 人 帶咗 禮物 去 聘請 佢哋 兩個 。
但係 ，佢 兩個 都 推辭 ，唔肯 出嚟 做事 啊 。
於是 孫策 就 親自 去 佢哋 屋企 ，同 佢哋 一 傾談 起 上嚟 ，哎呀 更加 認識到 佢哋 係 個 難得 嘅 人才 ，就 極力 噉 請 佢 。
呢次 佢哋 兩個 就 應承 喇 。
孫策 就 任命 張昭 做 長史 ，兼 撫軍 中郎將 ；張紘 做 參謀 正議 校尉 。
噉啊 大家 一齊 商量 點樣 攻打 劉繇 嘞 。
而家 講 下 劉繇 啊 。
佢 亦 係 漢室 宗親 嚟 ，太尉 劉寵 就 係 佢 叔父 ，兗州 刺史 劉岱 呢 係 佢 兄長 。
劉繇 本來 係 揚州 刺史 ，就 駐扎 喺 壽春 嚟 嘅 ，收尾 畀 袁術 趕咗 佢 過 江東 ，因此 就 嚟到 曲阿 。
當其時 劉繇 聽聞 話 孫策 帶兵 打嚟 嘞 ，就 急急 召集 啲 將領 商量 啦 。
有個 軍官 叫 張英 ，佢 話 ：
等 我 帶 一支 部隊 守住 牛渚 呢 個 險要 地方 ， 縱使 佢 有 百萬 人馬 ， 想行 近 半步 都 唔 得 啊 。
說話 未 完 ， 只 聽見 有 個人 大聲 高叫 話 ： 小將 願 做 前部 先鋒 ！
大家 一 睇 ，原來 係 太史慈 。
太史慈 啊 佢 自從 幫 北海 解 咗 圍 之後 呢 ， 就 嚟 見 劉繇 吖 ， 劉繇 就 收 咗 佢 喺 部下 嚟 。
當時 佢 聽見 話 孫策 打嚟 唄 ，就 話 要 做 先鋒 。
劉繇話 ：你 仲係 年輕 ，未 做得 大將 ，你 就 喺 我 身邊 聽候 命令 啦 。
係 。太史慈 好唔高興啊 。
而家 講 下 張 英 。佢 帶 兵 嚟到 牛渚 ，喺 倉庫 呀 儲備 咗 十萬 糧食 ，準備 同 孫策 鬥 頂 㗎 喇 佢 。
呢一日 ，孫策 兵馬 嚟到 咯 ，張英 又 出去 迎戰 啦 ，噉 兩支 軍隊 喺 牛渚 灘頭 就 擺開 陣勢 。
黃蓋 首先 出馬 嚟 同 張英 對敵 。
都冇 打咗 幾個 回合 唧 ，忽然間 ，張英 嘅 軍隊 亂起上嚟 ，咦 ，咩事 呢噉 ？
原來 有人 嚟 報告 話 ：營寨 裏頭 有人 放火 嘩 ！
張英 一 聽 ，得了 ！即刻 收兵 啦 。
孫策 就 乘機 帶兵 衝過去 掩殺 。
張英 頂唔住 嘞 ，就 唯有 放棄咗 牛渚 ，趯咗 入去 深山 。
究竟 喺 營寨 裏頭 放火 嘅 係 乜嘢 人 呢吓 ？
原來啊 係 兩員 健將 嚟 。一個 係 九江 壽春 人 ，姓 蔣 ，名 欽 ，字 公奕 ；另一個 呢 係 九江 下蔡 人 ，姓 周 ，名 泰 ，字 幼平 。
佢 兩個人 都 係 遇啱 時勢 大亂 ，就 聚集咗 一班人 喺 洋子江 上 以 搶劫 為 生 。
佢哋 一向 都 聽講 喇 ，話 孫策 呀 係 江東 豪傑 ，十分 重視 人才 嘅 ，所以 呢次 就 帶埋 三百幾 名 黨羽 走嚟 投奔 孫策 。
孫策 好高興 ，任命 佢哋 做 軍前校尉 。
呢一仗 奪取到 牛渚 倉庫 嘅 糧食 、軍器 ，仲有 幾千 名 投降 過嚟 嘅 士卒 ，戰果 就 唔 細 呀 。
跟住 孫策 就 向 神亭 進兵 嘞 。
嗰個 張英 打敗咗 仗 就 趯 咗 入 深山 啦 ，佢 混路 逃跑 返去 見 劉繇 。
劉繇 可惱 也 要 殺咗 佢 。嗨 ，好彩 得到 謀士 薛禮 同 笮融 兩個 人 求情 ，噉 先 免咗 佢 一死 ，叫 佢 帶 兵 去 零陵 布防 抵禦 敵兵 。
噉劉繇 自己 呢 就 率領 兵馬 ，喺 神亭 南 便 山腳 扎營 。
孫策 兵馬 到嘞 ，就 喺 北便山腳 扎營 ，就 隔住 個 大山 。
呢一日 ，孫策 就 問 當地 嘅 老百姓 話 ：附近 嘅 山 上 有 冇 漢光武廟 啊 ？
誒誒誒 有 ，有啊 ，有有啊 ，係 有 間 廟 喺 嶺 上 便 嚟 啊 。
我 尋晚 發夢 見到 光武帝 召 我 去 見面 ，我 要 去 拜 下 佢 至得 。
張昭 就 勸佢 話嘞 ：唔去得啊 ！嶺 嘅 南便 就 係 劉繇 嘅 營寨 喇 ，如果 有 伏兵 就 危險喇 。
有 神靈 保佑 我 ， 我怕 乜嘢 呢 ？
孫策 於是 着 好 盔甲 ，提 槍 上 馬 ，帶住 程普 、黃蓋 、韓當 、蔣欽 、周泰 佢哋 總共 十三 個 人 就 跑 馬 上 山 ，搵到 間 光武廟 就 焚香 拜神 。
參拜完 ，孫策 跪喺度 稟告 話 ：
如果 我 孫策 能夠 喺 江東 建功立業 ，復興 先父 嘅 根基 ，就 一定 重修 廟宇 ，四時 祭祀 。
禱告 完 ， 行出 間 廟 ， 上 返馬 ， 孫策 突然 間 對 大家 話 嘞 ： 誒 ， 我想 過嶺 去 睇 一 睇 劉 繇 嘅 營寨 啊 。
嗰班 將領 梗係 唔同意 佢 去 啦 ，之 孫策 唔聽 ，係 要 去 ，噉 就 唯有 大家 一齊 跟住 去 嘞 。
一齊 上到去 山頂 ，觀察 南便 嘅 地勢 。
嗰便啲 伏路 小軍 就 喇喇聲 飛噉 跑返去 報告 劉繇 。
劉繇話 ：嗯 ，呢啲 實係 孫策 誘敵 嘅 詭計 ，誒 ，唔好 去 追佢 ，唔好 去 追佢 。
太史慈 拔聲 跳起嚟 話 ：哼 ！呢個時候 仲唔去 捉 孫策 ，仲等 幾時 呀 ！
佢 都 唔 等 劉繇 嘅 命令 啊 ，自己 就 披掛上馬 ，提槍 出 營 。佢 大聲 噉 話 ：有膽 嘅 跟 我 嚟 ！
所有 嘅 將領 冇 個 逳 身 ， 只 係 有 一名 小將 話 ： 太史慈 真 係 猛將 啊 ， 我 嚟 幫 你 ！ 於是 拍馬 上前 就 同 太史慈 一齊 去 。
嘻嘻 ！嗰班 將領 都 喺度 笑 啊 ：唉 ，都 不知 天高地厚 啊 ！
孫策 喺 山頂 觀察 咗 一輪 ，就 回馬 返 扯嘞 。
正在 落緊 山 ，只 聽見 山上 有人 大叫 話 ：孫策 你 咪 走 ！
孫策 擰轉頭 一 睇 ，只見 兩個人 騎住 馬 ，飛噉 衝緊 落嚟 。
孫策 十三個 人一字 咁 擺開 ， 孫策 橫槍 立馬 ， 喺 山腳 等 佢 。
太史慈 一衝到落嚟 ，高聲噉問 ：邊個 係 孫策 ？
孫策 問 ：你 係 邊個 ？
我就係 東萊 太史慈 ，特登嚟 捉 孫策 嘅 ！
哈哈哈 哈哈哈 ， 我 就 係 嘞 。 你 兩個 人 一齊 嚟 打 我 ， 我 亦 唔 怕 你 ！ 我 如果 怕 你 嘅 ， 就 唔 係 孫伯符 嘞 ！
哼哼 ，你 十幾個 人 一齊 嚟 我 都 唔 驚 你 啊 ！
太史慈 說話 一完 ，縱馬 挺槍 ，直取 孫策 。
孫策 銀槍 一舞 ，上前嚟 迎戰 。
兩個人 大戰 五十個 回合 ，不分 勝負 。
程普 佢哋 一班人 喺 旁邊 睇住 呀 ，個 心 都 暗暗 讚 好嘢 啊 。
太史慈 見 孫策 打咗 咁耐 ，槍法 半點 破綻 都 冇 噃 ，佢 就 虛晃 一槍 ，詐諦 打輸 引 孫策 嚟 追 佢 。
佢 又 唔 由 舊路 上山 ，一轉 就 轉咗 過 山背後 。
孫策 快馬 追上嚟 ，大聲 喝話 ：你咪 走啦 ，走嘅 就 唔算 好漢 ！
太史慈 個 心 諗 ：嚱 ！呢個 傢伙 有 十二 個 人 跟 佢 ，我 只係 得 一個 ，就算 我 生擒 咗 佢 ，實 畀 嗰班 人 搶 返 轉頭 𠿪 。
咪喇 ，等 我 再 引佢 追 一陣 添 ，等 嗰班 人 冇 埞 搵 喇 ，然後 再 下手 都 唔 遲 。
於是 打下 走下 ，走下又 打下 ，孫策 邊度 捨得 話 唔 追𠿪 ，一路 追到去 一 笪 平地 。
太史慈 呃聲 勒住 隻 馬 轉頭 ，又 打咗 五十 個 回合 。
孫策 一槍 㨃過去 ，太史慈 一閃 ，嘿 ！將 支槍 挾住 ，跟手 一槍 插返過去 。
孫策 亦 一閃 ，咪逳 ！同樣 將 支 槍 挾住 。
兩個人 出盡力 一拉 ，噼啪 ！嘿 ！一齊 轆咗 落 馬 。嘿嘿 ，嗰 兩匹 馬 𠽤𠽤 𡃈𡃈 就 唔知 跑咗 去 邊 嘞 。
噉 兩個 人掉 低 支槍 ， 你 揪住 我 ， 我攬實 你 ， 打 拳頭 交 嘞 喎 。
嘩 ，兩個人 呀 ，兩個人啲 戰袍 都 撕到 爛晒 。
孫策 手急眼快 ，將 太史慈 背上 插住 個 短戟 掹咗 喺 手 。
太史慈 一手 搶咗 孫策 戴住 嗰 頂 頭盔 。
孫策 用支 短 戟 嚟 㓤 太史慈 ， 太史慈 用 個頭 盔 嚟 擋 。
正打得燦爛 乒乒乓乓 嘅 時候 ，忽然間 ，喎嗬 ！殺啊 ！噉 吶喊 連聲 。
原來 係 劉繇 嘅 兵馬 趕到嚟 接應 ，有 成千多人 喎 。
孫策 慌喇 ，誒 ，唔使 怕 ！程普 佢哋 十二 個 人 亦 飛馬 趕到嚟 。
喺 噉嘅 情況 之下 ，孫策 同 太史慈 噉 先至 互相 鬆開 手 。
太史慈 喺 支援部隊 裏頭 就 攞 咗 匹 馬 ，攞起 支 槍 ，上 咗 馬 又 殺 過嚟 。
孫策 嘅 馬 呢 ，係 程普 喺 中途 攔住 收到 ，而家 交返 畀 孫策 ，孫策 亦都 攞 槍 上 馬 。
噉劉繇 千幾 軍兵 同 程普 佢哋 十二 個 人 就 混戰 一場 ，一路 殺到 去 神亭嶺 下 。
呢個 時候 ，周瑜 帶 兵 嚟到 喇 。
劉繇 一 馬 當先 ，帶兵 殺 過去 ，點 知道 呼噉 狂風 一起 啊 ，跟住 大雨 傾盆 。
噉 兩便 都 冇 辦法 打嘞 ，就 唯有 收兵 返去 。
到咗 第二日 ，孫策 帶兵 嚟到 劉繇 嘅 軍營 前 便 挑戰 ，劉繇 帶兵 出嚟 迎敵 嘞 。
兩陣 對 圓 ，孫策 用 槍 挑起 太史慈 嘅 短戟 ，叫 啲 軍士 大聲 噉 嗌 ：太史慈 如果 唔係 走得快 呀 ，早就 㓤死 咗 咯 ！
太史慈 亦都 喺 陣前 將 孫策 頭盔 挑起嚟 ，亦 叫 軍士 大聲 噉 嗌話 ：孫策 嘅 人頭 呀 喺 呢度 嚟 啊 ！
嘩嘿 ！熱鬧 咯 方 嘅 軍隊 大聲 噉 吶喊 ，呢便 讚 自己 叻 ，嗰便 話 自己 勁 ，大家 就 嘈 咗 一 輪 。
太史慈 出馬 ，要 同 孫策 決 個 勝負 。
孫策 想 出去 迎戰 ，程普 話 ：唔使 勞煩 主公 出馬 ，等 我 去 捉 佢 ！
程普 出到 陣前 ，太史慈 就 話嘞 ：你 唔係 我 嘅 敵手 ，快啲 返去 叫 孫策 出馬 嚟 啦 ！
程普 嬲嘞 ，你 咁 狂妄 ！挺槍 直取 太史慈 。
兩馬 相交 ，打到 三十個 回合 ，劉繇 就 急急 鳴金 收兵 。
太史慈 一 返到去 就 問 ：我 正係 要 捉 嗰個 敵將 ，點解 要 收兵 呢 ？
劉繇話 嘞 ： 我 得到 報告 啊 ， 話 周瑜 帶兵 去 偷襲 曲 阿 ， 有個 廬江 人陳武 做 內應 ， 曲 阿 已經 失守 嘞 ， 我 嘅 基業 已經 冇 咗 咯 ， 所以 呢 處 唔 留得 呀 。
我哋 快啲 去 秣陵 ，去 同 薛禮 、笮融 嘅 軍馬 會合 啦 。
噉 太史慈 就 跟住 劉繇 撤退 ，孫策 亦 收住 人馬 ，冇 去 追 佢哋 。
張昭 對 孫策 話 嘞 ：劉繇 嘅 軍隊 因為 畀 周瑜 奪取 咗 曲阿 ，所以 都 無心 作戰 㗎 喇 ，今晚 去 劫 佢哋 營 就 好 喇 。
孫策 同意 。
當晚 ，兵分 五路 ，長驅直進 ，打到 劉繇 嘅 兵馬 零丁 賴敗 ，四紛五落 。
太史慈 獨力 難當 啦 ，只有 帶住 十幾個 馬軍 漏夜 投奔 去 涇縣 。
因為 周瑜 奪取 咗 曲柯 ，孫策 呀 得到 一員 健將 陳武 。
陳武 呢個人 呀 生得 身長 七尺 ，面 如 黃紙 ，眼睛 火赤 ，形容 古怪 。
孫策 好 敬愛 佢 ，任命 佢 做 校尉 ，叫 佢 做 先鋒 去 攻打 薛禮 。
哈！ 陳武 真係 果然 厲害 ，佢 就係 帶住 十幾個 馬軍 突入 敵陣 ，斬 首級 五十幾個 ，打到 薛禮 緊閉 城門 ，唔敢 出嚟 。
孫策 正在 指揮 部隊 攻城 ，忽然間 得到 消息 話 劉繇 會合 埋 笮融 嘅 兵馬 去 咗 攻打 牛渚 啊噉 。
孫策 嬲 到 不得了 ，親自 率領 大軍 就 直奔 牛渚 。
兩軍 對陣 嘞 ，劉繇 、笮融 兩個 出馬 迎敵 。
孫策 話 ：我 而家 已經 嚟到 ，你 仲 唔 投降 ？
劉繇 嘅 背後 有 個 軍官 叫做 於糜 啊 ，佢 挺 槍 出 馬 ，同 孫策 打 咗 唔到 三個 回合 ，就 畀 孫策 生擒 咗 過去 。
孫策 挾住 於 糜 ，撥馬 回 陣 啦 。
劉繇 另外 有 員 軍官 叫做 樊能 ，佢 見於 糜 被 擒 唄 ，就 挺 槍 縱馬 嚟 追 嘞 喎 。
追到嚟嘞 ，佢 一槍 對住 孫策 個 背梅 刺過去 。
孫策 陣上 個 軍士 見到 ，咦 ！牙 都 煙晒 ，大聲 噉 叫 ：後便 有人 暗算 ！
孫策 一擰轉頭 ，睇住 樊能 馬到 就 大喝 一聲 ：嘿 ！嘩 ，好似 平地 起咗 個 大雷 噉 。
嚇到 樊能 一窒 ，翻昂罩 跌咗 落馬 ，撞穿 個頭 當堂 死咗 。
孫策 跑馬 返到 門旗 之下 ，掉低 於 糜 喺 地 ，咦 ？乜 唔會 逳 嘅 喂 ？一睇 ，原來 已經 挾死 咗 嘞 。
嘩 嗨 ！ 眨眼 之間 ， 挾死 一個 軍官 ， 喝死 一個 軍官 ， 犀利 啊 ！ 從此 人人 都 稱呼 孫策 做 小霸王 啊 。
當日 ，劉繇 大敗 啦 ，佢 嘅 人馬 有成 大半 投降 咗 孫策 。
孫策 個 軍隊 啊 仲 斬 首級 萬 幾 。
劉繇噉就 同 佢 個 謀士 笮融 走咗去 豫章郡 ，即係 今日 江西省 南昌 啊 ，去 投奔 劉表 嘞 。
孫策 趕走咗 劉繇 ，即刻 就 回兵 再次 攻打 秣陵 。
佢 親自 去到 護城河 邊 ，對 城 上 喊話 ，叫 薛禮 投降 。
點知 城 上 有人 暗放 冷箭 ，孫策 一時 冇 防備到 ，就 畀 箭 射中 咗 左腳 ，噼啪 噉 跌咗 落馬 。
嗰班 將官 就 急急 救返 起 佢 ，返到 營寨 ，掹出 支 箭 ，同 佢 敷 咗 金瘡藥 。
孫策 將 計 就 計 ，佢 傳令 落去 ，詐 諦 話 主將 已經 中箭 死咗 咯 ，全軍 戴孝 舉哀 ，拔寨 走人 喎 。
薛禮 聽聞 孫策 已經 受傷 死咗 ，漏夜 就 點 齊 城內 嘅 軍兵 ，同埋 張英 、陳橫 兩員 勇將 就 殺出 城 嚟 追趕 咯 喎 。
點知 追咗 冇 幾遠 ，突然間 ，啲 伏兵 喎 嗬噉 大聲 吶喊 ，喺 四面八方 衝出嚟 。
孫策 當 先 出馬 ，高聲 大叫 ：孫郎 喺 處 ！
哎呀 ！嚇到 薛禮 啲 兵卒 呀 驚到 岌岌震 ，掉低晒 啲 槍刀 ，跪 喺 地 嚟 猛 咁 叩頭 啊 。
見到啲兵 肯 投降 ，孫策 就 下令 一個 都 唔准 殺 。
張英 即刻 撥轉 馬頭 向 後 走 ，畀 陳武 追上 兩 步 ，一 槍 㓤 死咗 佢 。
陳橫 呢 亦都 畀 蔣欽 一箭 射死 咗 。而 薛禮 呢 就 死 喺 亂軍 之中 。
孫策 呢次 大獲全勝 啊 進入 秣陵城 ，出榜 安民 ，叫 老百姓 啊 依舊 安居樂業 。
噉 休整咗 幾日 之後 啊 ，孫策 馬上 又 帶兵 去 涇縣 ，嚟 捉 太史慈 嘞 。
太史慈 佢 喺 涇縣 ，招募 咗 二千幾 名 壯丁 ，就 加埋 佢 本來 帶嚟 嘅 軍兵 啊 ，正係 想 去 同 劉繇 報仇 嘅 。
而 呢個 時候 呢 ，孫策 同 周瑜 已經 定落 活捉 太史慈 嘅 辦法 嘞 。
點呢 ？周游 就 下令 三面 攻城 ，淨係 留返 東門 放人走 。
喺 離城 四五十里 嘅 地方 ，三條路 都 埋伏 咗 軍隊 。
等 太史慈 走 到 嗰度 ，人 困 馬 乏 ，就 實 捉到 佢 嘅 。
因為 太史慈 佢 招返嚟 嗰啲 兵 啊 ，都 係 啲 鄉下佬 嚟 ，未曾經過 咩 訓練 ，所以 冇 咩 紀律 。
涇縣 嘅 城頭 又 係 好 矮 嘅 。
當晚 ，孫策 叫 陳武 着 套 短打 ，揸 把 刀 ，首先 係 擒 上 城頭 去 放火 。
咦 ？太史慈 見 城 上 火 起 就 知道 弊 喇 ，立即 上馬 ，就 混 東門 走 出去 。
孫策 跟住 尾 就 帶兵 猛追 ，追追追追 咗 卅里 到 啦 ，唔追嘞 。
噉 太史慈 鬆 返 啖 氣 ，繼續 向前 行 。
大約 行咗 五十里 左右 ，行到 個人 困 馬 乏 ，突然間 ，嘩噉 大聲 吶喊 。
弊 ！太史慈 急急 想 走 。
兩便 嗰啲 絆馬索 一齊 拉起 ，棘 低 隻 馬 。
嗰啲 兵 湧晒出嚟 七手八腳 撳住 太史慈 ，用 繩 嚟 紮起 佢 ，將 佢 解返去 大本營 。
孫策 聽見 話 捉 到 太史慈 返 嚟 喇 噉 ， 即刻 就行 出去 營門口 ， 喝散 啲 士卒 ， 親自 同 太史慈 解開 啲 繩 ， 除 咗 自己 件 錦袍 畀 佢 著 ， 請 佢 入 去 大營 。
孫策 話 ：我 知道 你 係 個 大丈夫 。可惜 劉繇 呢個 蠢材 ，唔會 用 你 做 大將 所以 打敗 啫 。
太史慈 見 孫策 一片 真心 待 佢 ，嚱 ，好啦 ，於是 就 投降 。
孫策 執住 太史慈 隻手 笑住 話 ：哈哈哈哈 ，喺 神亭 同 你 打 嘅 時候 ，如果 你 捉到 我 ，會唔會 殺 我 呢 ？
噉好難講啊 ，啊 。
嗯 ？哈哈哈哈哈哈哈 ，呵呵呵呵呵呵呵呵 。
孫策 大笑 起 嚟 ， 十分高興 。 請 太史慈 入去 自己 嘅 帳幕 ， 坐 喺 上位 ， 然後 擺酒 款待 佢 。
太史慈 話嘞 ：劉繇 啱啱 被擊敗 ，士卒 離心 。
我呀 想 去 招 嗰啲 流散 嘅 軍士 返嚟 ，充實 將軍 你 嘅 兵力 ，唔 知道 信 唔信得過 我 呢 ？
噉就最好啦 ！嗱 ，我哋 約定 聽日 中午 等 你 返嚟 。
太史慈 應承 咗 就 走 嘞 喎 。
當時 所有 嘅 軍官 都 話 嘞 ：太史慈 呢次 一 走 ，梗唔 返嚟 㗎 喇 。
孫策 話嘞 ：佢 係 個 守信義 嘅 人 ，一定 唔會 呃 我 嘅 。
之 大 家 都 唔 信 喎 。
到咗 第二日 ，喺 營門口 啊 豎咗 條 竹竿 ，愛嚟 睇住 個 日影 。
啊 ，啱啱 中午 ，太史慈 帶住 千幾人 返到嚟 營寨 嘞 。
孫策 歡喜 非常 啊 。而 大家 對 孫策 呢 亦 都 服晒 ，真係 認真 識 睇人 吖嘛 。
從此 之後 ， 孫策 率領 住 幾萬 人馬 喺 江東 一帶 保境安 民 。 投奔 佢 嘅 人 呀 都 唔 知 幾多 啊 。
江東 個 老百姓 呀 個個 都 叫 孫策 做 孫郎 嘅 。
初時 啊 ， 啲 人 都 未曾 認識 孫策 ， 但凡 一 聽到 話孫 郎 嘅 人馬 嚟 喇 噉 ， 走夾 冇 唞 ， 趯 到 失魂 嘅 嘞 。
誒 ？ 及至 孫策 嘅 大軍 到 嘞 ， 紀律 十分 之 好 嘅 ， 邊個 都 唔 准 搶 嘢 ， 哎 真 係 秋毫無犯 雞犬不驚 。
噉樣 一嚟 ，啲 老百姓 就 高興 喇 ，擔住 牛酒 去到 兵營 勞軍 添 啊 。
孫策 呢 總 係 送 返 啲 金銀 布匹 嚟 做 答禮 嘅 ， 啲 老百姓 噉 就 更加 高興 啦 真 係 歡聲 遍野 啊 。
噉啊 至於 劉繇 往日 嘅 軍隊 嘅 兵 呢 ，願意 從軍 嘅 ，就 嚟 當兵 ，唔 願 嘅 就 畀 一筆 錢 等 佢哋 返 鄉 耕田 。
所以 江南 嘅 人民 對 孫策 都 好 尊敬 。
因此 孫策 嘅 兵勢 就 大為 興盛 。
有咗 咁好 個 基礎 嘞 ，孫策 就 接 佢 母親 、叔父 同埋 成班 細佬 返嚟 曲阿 住 。
就叫佢 細佬 孫權 同 周泰 守住 宣城 ，孫策 自己 呢 就 帶兵 向 南 進軍 ，要 奪取 南郡 。
南郡 即係 而家 江蘇省 吳縣 、蘇州 一帶 。
當其時 有 個人 叫做 嚴白虎 ，自己 稱為 東吳德王 ，就 佔據住 吳郡 。
佢 嘅 部下 呢 就 守住 烏程 、嘉興 。
呢一日 ，嚴白虎 聽 講話 孫策 嘅 人馬 到嘞 ，就 叫 佢 細佬 嚴輿 出兵 去 迎戰 。
兩支 軍隊 喺 楓橋 嗰 笪 地方 相遇 。
嚴輿 係 威 係 勢 噉 橫刀立馬 企 喺 橋 上 。
孫策 聽到 報告 話 有 敵將 攔路 唄 ，就 想 親自 出馬 嘞 噃 。
張紘勸佢話嘞 ：主將 乃係 三軍 嘅 首腦 ，唔應該 隨隨便便 去 同 啲 小賊 對敵 ，請 將軍 自重 啊 ！
係 。先生 所講 嘅 真係 金石良言 啊 ，我 只係 怕 如果 唔 身先士卒 ，親 冒 矢石 ，啲 將士 就 唔 勇敢 作戰 唧 。
於是 孫策 自己 就 唔 出去 ，派 咗 韓當 出馬 。
及至 韓 當 嚟到 橋上 嘅 時候 ，蔣欽 同 陳武 呀 早就 用 船 撐 過去 ，亂箭 射 低 晒 對岸 嘅 兵卒 ，佢 兩個 就 飛身 上岸 ，大斬大殺 。
嚴輿 頂唔住 ，就 已經 撤走咗 嘞 。
韓 當即刻 就 帶住 人馬 掩殺 過去 ，一直 衝 到 去 城門 下 便 。
嗰班 賊兵 就 縮晒 入 城 ，唔敢 出嚟 。
孫策 見到 旗開得勝 ，就 分兵 水陸 並進 ，就 圍住 吳郡 城 。
一困就三日 ，哈 ，冇人 出城 嚟 打噃 。
