紙船 的 秘密

新年 之後 嘅 第 一 個 節日 到 喇 ！ 唔 少 人 屋企 都 準備 咗 花燈 同 湯圓 ，而 小明 同 大鼻 就 準備 咗 紙船 慶祝 。

佢 哋 喺 河邊 放 紙船 ，睇 住 紙船 喺 水 上面 浮 下 浮 下 。

「點解 紙船 可以 浮 喺 水 度 嘅 ？」 小明 問 。

「係咪 因為 我 有 頭髮 呢 ？」 大 鼻 都 唔 知 紙船 點解 識 浮 。

不過 小明 知道 一定 唔 關 頭髮 事 ，佢 摸 住 自己 嘅 光頭 噉 諗 。

佢 哋 決定 返去 問 公公 。

「公公 ，點解 紙船 識 浮 嘅 ？」 小明 問 。

平時 乜 都 識 嘅 公公 俾 小明 問 到 𢯎 晒 頭 。

佢 決定 帶 小明 同 大鼻 去 揾 花姨姨 。 花 姨姨 係 公公 個 女 ，又 係 科學 老師 ，一定 會 知 點解 。

「爸爸 。」 花 姨姨 見到 公公 ，就 放低 手上 本 書 。

「花花 ，你 知 唔知 點解 紙船 識 浮 ？」

花 姨姨 見到 小明 同 大鼻 個 好奇 樣 ，就 知道 條 問題 一定 係 呢 兩 個 小朋友 問 嘅 。

佢 笑笑 口 ，請 公公 入 房 坐 ，又 叫 小明 同 大鼻 出去 拎 一 桶 水 同 一 個 盤 返 嚟 。

等 咗 冇 幾耐 ，小明 同 大鼻 就 好 辛苦 噉 搬 咗 一 大 桶 水 入 嚟 。

花 姨姨 將 準備 好 嘅 蘋果 同 匙羹 放 喺 檯面 ，跟住 叫 大鼻 將 啲 水 倒 落 個 盤 度 。

「爸爸 ，你 試下 將 個 蘋果 放 落 水 度 ，再 輕輕 撳 佢 落 去 。」 花姨姨 同 公公 講 。

公公 將 蘋果 放 落 水 ，再 用 尾指 推 佢 落 去 。

哎呀 ！ 好多 水 倒 咗 出 嚟 啊 ！

公公 一 鬆手 ，粒 蘋果 就 浮 返 上 水面 。

「小明 ，呢度 有 幾多 水 倒咗 出嚟 啊 ？」 花姨姨 問 。

小明 望望 檯面 ，又 望望 地下 嘅 水 ，話 ：「應該 有 一 杯 水 。」

「冇 錯 。」 花 姨姨 點頭 ，繼續 講 ：「蘋果 放 落 水 之後 ，有 一 杯 左右 嘅 水 倒 咗 出 嚟 ，而 蘋果 就 浮 緊 。」

花 姨姨 望 下 桶 水 ，又 問 ：「大鼻 ，你 可唔可以 幫 我 倒 滿 個 盤 ？」

「今次 你哋 試下 放 匙羹 。」

小明 一 放 匙羹 落 水 ，匙羹 就 即刻 沉 落 水底 ，得 少少 水 倒 咗 出 嚟 。

「你哋 見到 啦 ，蘋果 放 落 水 嗰 陣 ，推 咗 好多 水 出 嚟 ，然後 佢 就 浮 咗 起身 。」

「即係 同 瀉出嚟 嘅 水 有關 ？」 大鼻 問 。

「 冇 錯 ， 如果 將 瀉 出 嚟 嘅 水 同 蘋果 一齊 磅重 ， 就 會 發現 蘋果 比 推 出去 嘅 水 更加 輕 ， 即 係 話 蘋果 將 重 過 自己 重量 嘅 水 推 咗 出去 ， 所以 佢 就 浮 到 。 」

「 但 係 匙 羹 推 出去 嘅 水 少 咁 多 ， 即 係 話 ……」公公 話 。

「即係話 匙羹 推 出去 啲 水 仲 輕過 佢 自己 嘅 重量 ，所以 佢 就 沉 喇 ！」

「噉 海 上面 啲 船 呢 ？ 佢 哋 重過 匙羹 咁 多 ，點解 又 浮到 ？」 小明 問 。

「就 好似 蘋果 噉 ，海 上面 嘅 船 大 到 可以 將 重 過 自己 嘅 水 推 出去 。 而且 海洋 嘅 水 多 好多 㗎 ！ 噉 佢 咪 可以 浮 囉 ！」

「原來 係 噉 ，我 明白 啦 ！」 小明 話 。

「 噉 我 哋 可以 出去 放 紙船 未 啊 ？」 大鼻 已經 好 心急 要 去 玩 喇 。

「可以 ，不過 玩完 記得 帶走 啲 紙船 ，如果 唔 係 會 整 污糟 條 河 㗎 ！」 花 姨姨 分 咗 啲 顏色 紙 畀 佢 哋 。

「死 喇 ！」 小明 諗 起 今朝 放 嘅 紙船 。

「係咪 唔 記得 收返 啲 船 呢 ？」 公公 拎 咗 幾 隻 白色 紙船 出 嚟 ——係 佢 哋 今朝 放 嘅 紙船 呀 ！

小明 同 大鼻 笑 咗 笑 ， 就 同 公公 一齊 出去 放 紙船 啦 ！