生日 快樂

昌仔 今日 生日 ，佢 七 歲 喇 ！

佢 哥哥 家姐 想 送 一 條 金魚 畀 佢 。

佢 哋 一齊 坐 小巴 去 金魚 街 。

條 街 好 熱 ，上 到 小巴 好 凍 。

有 個 伯伯 話 ：「喂 ，唔該 郁 一郁 ，畀 我 坐 一坐 。」

到 喇 ！ 到 喇 ！

佢 哋 落 咗 小巴 ，條 街 好 熱 。

「嘩 ！ 有 好多 金魚 ！」

昌仔 拍手 大叫 。

昌仔 見到 一 條 魚 喺 水 度 游 嚟 游 去 。

條 魚 個 口 又 喺 度 郁 下 郁下 。

昌仔 問 佢 哥哥 家姐 ：

「條 魚 係 唔 係 口渴 ？ 條 魚 係 唔 係 喺 度 飲 緊 水 ？」

哥哥 答 ：「唔係 。」

昌仔 又 問 ：

「噉 條 魚 係 唔 係 肚餓 ？ 條 魚 係 唔 係 喺 度 食 緊 嘢 ？」

家姐 答 ：「 唔 係 。」

有 個 叔叔 行過嚟 ，佢 話 條 魚 喺 度 呼吸 緊 。

叔叔 又 問 ：「細路 ，有冇 邊 條 魚 你 想要 ？」

昌仔 見到 有 一 條 魚 ，條 尾 又 長 又 靚 ，

佢 同 叔叔 講 佢 想要 嗰 條 魚 。

「呢 條 ？ 好 ！ 噉 不如 要 埋 啲 魚糧 啦 ？ 細細粒 ，啲 魚 好 鍾意 食 㗎 。」

條 街 好 熱 ，昌仔 搦 住 一 袋 二 袋 ，

跟住 哥哥 家姐 一齊 上 小巴 ，小巴 好 凍 。

條 魚 喺 個 袋 度 游 嚟 游 去 ，佢 個 口 又 喺 度 郁 下 郁 下 。