小明 嘅 夢想 魔毯

小明 係 一 個 夢想家 。 佢 鍾 意 去 唔 同 嘅 地方 旅行 ， 但 係 佢 偏偏 唔 鍾 意 等 車 。 佢 覺得 ，喺 火車站 、的士站 或者 巴士站 等 車 好 嘥 時間 。 佢 心諗 ：「如果 有 一 張 魔氈 ，噉 我 就 可以 好似 阿拉丁 噉 飛 嚟 飛 去 ，隨時 去 唔同 嘅 地方 。」

人類 最初 係 點樣 由 一 個 地方 ，去到 另 一 個 地方 嘅 呢 ？ 一 開始 佢哋 係 靠 步行 ，到 學識 馴服 動物 之後 ，佢哋 就 騎 馬 、驢 、駱駝 同 大象 。 再 後來 ，人類 發明 咗 車轆 ，就 用 馬車 或者 牛車 去 載 人 四圍 去 。

幾 個 世紀 之前 ，人類 唔單止 改良 蒸汽機 嚟 發明 火車 ，仲 發明 咗 用 引擎 推動 嘅 汽車 ，令 大家 可以 更 快 到達 目的地 。 就 喺 百 幾 年 前 ，美國 嘅 發明家 萊特 兄弟 ，更加 發明 咗 可以 喺 天空 飛翔 嘅 飛機 。 之後 科學家 仲 設計 埋 火箭 ，帶 人類 上 太空 、月球 ……

「但係 點解 我哋 仍然 係 慢 過 阿拉丁 嗰 張 飛氈 嘅 ？」 小明 想 知道 答案 。 佢 問 過 爸爸 、媽媽 ，又 問 過 老師 ，但係 都 得 唔 到 一 個 滿意 嘅 答案 。

老師 話 ：「其實 我哋 已經 快 過 以前 好多 —— 日本 嘅 子彈火車 ，可以 喺 短短 幾 個 鐘 之內 ，將 我哋 由 一 個 島嶼 帶 到 另 一 個 島嶼 。 我哋 甚至 唔使 兩 個 鐘 ，就 可以 由 香港 搭 飛機 飛 到 台灣 ，更加 可以 喺 16 個 鐘 之內 由 香港 飛 到 美國 紐約 。」

「佢哋 根本 唔 明白 我 個 問題 。」 小明 同 朋友 小剛 抱怨 。 佢 最 希望 嘅 ，係 每 次 旅行 嘅 時候 ，都 可以 有 種 方便 、瞬間 去 任何 地方 嘅 神奇 力量 。

有 一 日 ，小明 睇到 報紙 上面 一 則 新聞報道 ，令 佢 非常 興奮 ，上面 寫住 ：「超級 高鐵 ：現代 魔氈 」。

小明 興沖沖 跑 去 同 小剛 講 ： 「 小剛 你 睇 ， 係 超級 高鐵 ！ 佢 仲 會 快 過 火車 同 飛機 添 呀 ！ 」小剛 嘅 妹妹 喺 隔籬 聽到 ，都 好 感興趣 ，仲 問 小明 咩 係 超級 高鐵 。

「超級 高鐵 係 一 種 超級 、超級 、超級 快 嘅 交通 工具 ！ 報道 話 ，佢 係 利用 磁浮 技術 ，將 列車 放 喺 一 條 又 長 又 大 嘅 真空 管道 入面 。 呢 條 真空 管道 可以 起 喺 地下 或者 地面 ，然後 就 可以 載 住 我哋 四圍 去 。」 小明 同 佢哋 解釋 ，仲 越 講 越 興奮 。

「超級 高鐵 點 郁 㗎 ？ 安 唔 安全 㗎 ？」 小剛 問 。 小明 話 ：「依家 超級 高鐵 仲 測試 緊 ，但係 報道 話 坐 上去 好 舒服 ，唔會 好似 坐 過山車 噉 。 科學家 嘅 目標 係 希望 佢 可以 接近 音速 ，用 每 個 鐘 1224 公里 嘅 速度 行駛 。」

小剛 問 ：「即係 我哋 可以 用 搭 飛機 嘅 速度 ，十幾 分鐘 就 可以 由 灣仔 去到 屯門 ？ 平時 我哋 搭 港鐵 或者 巴士 都 要 一 個 鐘 ！ 咁 犀利 ，佢 點 做 到 㗎 ？」

小明 解釋 ：「佢 嘅 原理 係 噉 嘅 ：真空 管道 入面 係 幾乎 冇 任何 空氣 阻力 或 摩擦力 ，冇 咗 呢啲 阻力 影響 ，列車 就 唔會 減慢 速度 ，可以 好快 噉 穿過 管道 。」

實在 太 厲害 喇 ！ 佢哋 越 諗 越 開心 。

「但係 我 聽日 都 仲係 要 搭 一 個 鐘 巴士 返學 ……」小明 唔開心 噉 講 。 雖然 係 噉 ，至少 佢 可以 寄望 有 一 日 搭 到 超級 高鐵 ——佢 夢寐以求 嘅 交通 工具 ！

因為 人類 唔 同 嘅 夢想 同 無限 嘅 想像 ， 至 會 有 唔 同 嘅 偉大 發明 問世 。 小明 細細個 就 已經 對 科技 有 好多 唔同 嘅 憧憬 ，你 又 點 睇 未來 嘅 科技 發展 呢 ？