My Life - Lesson 9
مرحبا وأهلا وسهلا فيكم في حلقة جديدة من The Arabic We Speak. اليوم, رح أعرفكم أنا وليليان على بعض العبارات الحوارية اللي بتقدرو تستخدموها عشان تطلبو مشروبات وإشي حلو في قهوة. أنا ودلال بنحب نروح على ديميتريز بعمان, لإنها قهوتنا المفضلة, ورح نحكيلكم شو بنحب نطلب لما نروح عليها.
أماني: مرحبا, والله يعطيكي العافية.
ليليان: الله يعافيكي, كيف بقدر أساعدك؟
أماني: عصير البرتقان عندكم معصور فريش ولا معلّب؟
ليليان: اليوم بس عنا معلّب.
أماني: طيب, ممكن واحد لاتيه لو سمحتي؟
ليليان: وسط ولا كبير؟
أماني: قديش حجم الكبير؟
ليليان: هذا الحجم الكبير. وهادا الحجم الوسط.
أماني: إزا هيك رح اطلب وسط لو سمحتي.
ليليان: أوكي, رح تجهز بسرعة. أنا بجيبلك إياها.
أماني: عندكم بلوبيري تشيزكيك؟
ليليان: بس أيام السبت.
أماني: بقدر اَخد كمان قطعة من كيكة التمر؟
ليليان: طبعاً, أكيد.
أماني: بس هيك, كم بطلعو؟
ليليان: خمسة دنانير وربع (٥,٢٥) لو سمحتي.
أماني: تفضلي, وخلي الباقي إلك.
ليليان: شكرا.
