الفصل السادس وعشرين - الدرس التالت - حوار ١ Κεφάλαιο εικοστό έκτο - Μάθημα Τρίτο - Διάλογος 1 Chapter Twenty Six - Lesson Three - Dialogue 1 Hoofdstuk zesentwintig – Les drie – Dialoog 1 Capítulo Vinte e Seis - Lição Três - Diálogo 1

إحنا هنا طبعاً سعيد بوجودي معاكم النهاردة إحنا هنا في مقر المؤسسة عندنا مؤسسة مصر للصحة والتنمية المستدامة، يمكن عندنا فيه كذا محور مهتميين بيه جداً محور للسيدات المرأة ومطلعين حملة كبيرة ليه اسمها " إنتي الأهم" مهتمين بالأطفال ومطلعين لهم كامبين اسمها "وعي طفلك". وعندنا محور تالت اللي هي بنزود بيه الوعي بالأرقام المهمة في حياتنا والصحة العامة، اللي هي فكرة رقم حياتك أو الرقم الحياتي، كنا أبتدينا الفكرة حتى ببساطتها لما أبتدينا في الأول أبتدينا من كنا ندوات توعية في أماكن ثقافية، كنا عاوزين نوصل للناس في الشارع، فأبتدينا إن إحنا ننزل نعمل توعية على الأرض يعني مثلاً توعية ضد سرطان الثدي فيبقى فريق التوعية بتاعنا ينزل ينتشر وسط الناس ويبدأوا إن هو يوزعوا على الناس كلها كتيبات للتوعية . بعد شوية قلنا لأ لازم نروح للناس الأكثر احتياجاً فأبتدينا إن إحنا ننظم قوافل رحنا الفيوم سيوة جنوب سينا .