027 Pronomina - hic, ille, iste

Varia sunt studia hominum; hic divitias amat, ille gloriam; hunc bellum delectat, illum agricultura; huic magistratus et honores cordi sunt, illi litterarum studia; hic poetis scriptoribusque favet, ille gladiatoribus. Stulti modo hoc, modo illud laudant amantque. Melior est certa pax quam incerta victoria: haec in deorum manu est, illa in tua. Maxima laus Achillis et Ulixis est; huius prudentia, illius fortitudo carminibus Homeri celebratur. Hoc praeceptum observa, puer: Ora et labora!

Omnibus notum est illud: Per aspera ad astra! Graeci et Romani nobilissimi populi antiquitatis sunt; illi in artibus et litteris, hi in bellica laude egregii fuerunt. Hae res nobis placent, illae vobis. Haec studia iuvenes amant, illa senes. Pristina tempora laudare, haec vituperare solemus. Facta ista, amice, mihi displicent. Amicitiam ad tuum fructum revocas: istius generis societas neque firma neque honesta est.