021 Numeralia

Unus est deus. Mundus est opus unius dei. Uni patriae vir bonus obtemperat. Duo amici unus animus in duobus corporibus sunt. Difficile est uno tempore duabus rebus operam dare.

Livius de certamine trium Horatiorum cum tribus Curiatiis narrat. Ex omnibus saeculis vix tria aut quattuor nominantur amicorum paria.

Dies viginti quattuor horarum est. Unam et viginti Latinas litteras numeramus; tres ultimae Graecae originis sunt. Homo viginti annos natus in flore aetatis est; homo septuaginta annorum iam senex est.

Arborum vita est longissima; imprimis quercuum vita quingentorum vel sescentorum vel plurium annorum est.

In pugna apud Marathonem novem milibus Atheniensium mille Plataeenses auxilio fuerunt. In pugna ad Cannas praeter ingentem numerum sociorum quadraginta quinque milia quingenti pedites Romani, duo milia equitum et septingenti necati sunt; in numero necatorum fuerunt alter consul Aemilius Paullus, ambo consulum quaestores et undetriginta tribuni militum.

Xerxis classis mille et ducentarum navium longarum fuit, duorum milium onerariarum; terrestres autem exercitus septingenta milia peditum, equitum quadringenta milia fuerunt.