015 Comparatio 1

Nemo iustior fuit quam Aristides Atheniensis. Sapiens Sophocles, sapientior Euripides, omnium sapientissimus Socrates apud Athenienses fuit.

Omnia metalla pretiosa sunt; sed pretium varium est; argentum pretiosius est quam ferrum; omnium pretiosissimum est aurum.

Multitudini Romulus gratior fuit quam patribus, longe autem acceptissimus militum animis.

Quid est hominibus carius, iucundius, dulcius quam patria? Sanctiore iure patriam amamus quam amicos et propinquos. Cives multo audaciore animo pugnant quam servi. Memoria graviorum malorum diu vexat homines.

Hieme, vere, autumno dies breviores, noctes longiores sunt quam aestate. Hieme dies brevissimi, noctes longiores sunt. Vehementiorum et ingentiorum ventorum vis est diuturna.

Omnium animalium homini utilissima sunt equi, armenta, oves. Nullus flos iucundiore odore est quam rosa. Itinera per montes molestiora sunt quam per planitiem.

Vincula amicitiae ferro firmiora sunt. Nihil rei publicae discordia civium gravius et perniciosius putamus.

Vilius argentum est auro, virtutibus aurum. (Horatius)