004 Doctrina et disciplina

Doctrīna et disciplīna

Non vi corporis, sed ingenii gloria paratur Magna est vīs nōn sōlum ingeniī et nātūrae, sed etiam doctrīnae et disciplīnae. Doctrīna et disciplīna vim nātūrae et ingeniī corrōborant. Mediocris indolēs industria et exercitātiōne firmātur. Etiam ēgregiae et praeclārae vīrēs ingeniī sine doctrīnā et disciplīnā vānae sunt. Adsidua igitur exercitātiō vīrium ingeniī necessāria est.

Exempla:

Augustus prīmus imperātor Rōmānōrum est. Diāna fīlia Lātōnae et soror Apollinis est. Homō hominī saepe amīcus, saepe etiam inimīcus est. Adōrātē Iūnōnem, uxōrem et sorōrem summī deōrum! Magna est potentia tua, Iūnō! Ovidius poēta pulchram fābulam dē Proserpinā virgine nārrat. Līctōrēs ministrī dictātōrum, cōnsulum, praetōrum sunt. Lupī hominibus perīculōsī sunt. Bonōs imperātōrēs cum bonīs gubernātōribus comparāmus. Cicerō cēterōs ōrātōrēs Rōmānōs ēloquentia longē superat.

Lībrīs clārōrum poētārum animī nostrī ad amōrem patriae īnflammantur. Odōrē rosae magnopere dēlector. Ā bonīs laudārī magnō honōrī est. Variīs colōribus flōrum pulchrōrum magnopere dēlector. Meritō mōs patrius ā bonīs hominibus servātur. Magnopere, flōrēs, rōre recreāminī! Nimius sōl flōribus tenerīs perniciōsus est. Sāl multīs cibīs necessārius est. Clāmōre ānserum saepe fūrēs fugantur. Castra altō aggere firmantur. Cum ōtiōsī sumus, ex oppidō quasi ē carcere ēvolāmus et per campōs silvāsque ambulāmus. Ventō saepe pulvis molestus excitātur. Cinerem cārum uxor Germānicī ex Asiā in patriam reportāvit.