Andrēās amīcam novam habet.
nōmen amīcae novae Sāra est.
Andrēās Sārae cēnam coquere vult.
ad macellum it.
Andrēās corbem et plaustrum sūmit.
praeter trānsitum holerum ambulat.
piscēs in congelātōriō intuētur.
prope mēnsam acētāriōrum stat.
postrēmō ā macellō discēdit.
Andrēās domum redit et pittam arcessit.
haec est eadem fābula ab Andrēā nārrāta.
novam amīcam habeō.
nōmen eī Sāra est.
Sārae cēnam coquere volō.
ad macellum eō.
corbem et plaustrum sūmō.
praeter trānsitum holerum ambulō.
piscēs in congelātōriō intueor.
prope mēnsam acētāriōrum stō.
postrēmō ā macellō discēdō.
domum redeō et pittam arcessō.
Quaestiōnēs.
1) Andrēās habet novam amīcam, nōmine ‘Sāra'. habetne Andrēās novam amīcam? habet, Andrēās habet novam amīcam. nōmen eī est Sāra.
2) Andrēās Sārae cēnam coquere vult. vultne Andrēās prandium Sārae coquere? nōn vult, Andrēās nōn prandium Sārae coquere vult. cēnam illī coquere vult.
3) Andrēās ad macellum it cibum ēmptum. itne Andrēās ad macellum? it, Andrēās it ad macellum cibum ēmptum.
4) Andrēās praeter trānsitum holerum ambulat. emitne Andrēās holera? nōn, Andrēās nōn emit holera. praeter trānsitum holerum ambulat.
5) intuētur piscēs in congelātōriō sed nūllum emit. intuēturne piscēs? intuētur, Andrēās intuētur piscēs in congelātōriō, sed nūllum emit.
6) postrēmō discēdit ā macellō et domum it. manetne Andrēās in macellō? nōn manet, postrēmō Andrēās ā macellō discēdit et domum redit.
7) Andrēās pittam arcessit. coquitne Andrēās cēnam? nōn coquit, Andrēās nōn coquit cēnam. pittam arcessit.
