Jāna et Frederīcus nocte fessī sunt.
Septimā hōrā cēnam ūnā edunt.
Fīlius eōrum cum iīs cēnam ēst.
ōtiō fruuntur et tēlevīsiōnem ūnā spectant.
Fīlius eōrum quoque tēlevīsiōnem spectat.
Octāvā hōrā fīlium suum cubitum īre jubent.
Jāna in balneō sē aquā calidā lavat.
Frederīcus in balneō pluviō sē lavat, et dentēs purgat.
Jāna librum legit, sed dormītat.
Frederīcus quoque mox dormītat.
Haec est eadem fābula ā Jānā nārrāta.
Ego et Frederīcus nocte fessī sumus.
Septimā hōrā cēnam ūnā edimus.
Fīlius noster nōbīscum cēnam ēst.
ōtiō fruimur et tēlevīsiōnem ūnā spectāmus.
Fīlius quoque tēlevīsiōnem spectat.
Octāvā hōrā fīlium cubitum īre jubēmus.
In balneō mē aquā calidā lavō.
Frederīcus in balneō pluviō sē lavat, et dentēs purgat.
Librum legō, sed dormītō.
Frederīcus quoque mox dormītat.
Quaestiōnēs.
1) Jāna et Frederīcus fessī sunt. Suntne Jāna et Frederīcus fessī? Ita, fessī sunt.
2) Septimā hōrā cēnam edunt. Sextāne hōrā cēnam edunt? Nōn, sextā hōrā cēnam nōn edunt. Septimā hōrā edunt.
3) Fīlium habent. Fīliamne habent? Immō, nōn fīliam, sed fīlium habent.
4) Fīlius ūnā cum iīs tēlevīsiōnem spectat. Spectatne fīlius tēlevīsiōnem? Ita, fīlius ūnā cum iīs tēlevīsiōnem spectat.
5) Octāvā hōrā cubitum it. Nōnāne hōrā fīlius cubitum it? Nōn, octāvā hōrā cubitum it.
6) Jāna in balneō sē aquā calidā lavat. Lavatne sē in balneō pluviō? Immō, Jāna nōn in balneō pluviō sē lavat. In balneō sē aquā calidā lavat.
7) Frederīcus in balneō pluviō sē lavat, et dentēs purgat. Purgatne Frederīcus dentēs? Ita, Frederīcus in balneō pluviō sē lavat, et dentēs purgat.
8) Jāna librum legit. Legitne Jāna librum? Ita, librum legit.
