Leciono 6. Kinejo

Leciono 6.

Kinejo

H Petro!

P Jes?

H Ĉu plaĉus al vi viziti la kinejon?

P Ĉu estas bona filmo en la kinejo?

H Mi rigardos la gazeton.

P Kiajn filmojn vi preferas?

H Vi jam scias – plaĉas al mi romantikaj filmoj.

Sed vi preferas detektivajn kaj aventurajn filmojn.

P Kaj ankaŭ ridigajn filmojn.

H Do, mi serĉos romantikan, ridigan, detektivan, aventuran filmon!

P Nun vi ŝercas!

H Sendube.

P Sed serioze – kion vi volas?

Ni vidos filmon laŭ via elekto.

H Ha!

Jen bona filmo – ĝi vere estas komika, detektiva filmo, kaj la ĉefrolulino ĉiam havas romantikan scenon.

P Kaj la nomo de la filmo?

H “La Kadavro kaj la Kato”.

P Ĉu vi rememoras la filmon pri la bela domego, en kiu loĝis multaj fantomoj – “La Mistera Arbarego”?

Mi tre ridis.

H Jes, kaj mi rememoras la viron, kiu loĝis en la aĉa dometo.

Li havis ruĝan nazon.

P Vere, li havis ruĝegan nazegon!

Kaj kiam venis la monstro, li kuregis for!