حياة عيلتنا: يومك حلو أو لا؟ مين بيقرر؟؟
"و قد عبّر مسؤولٌ رفيع المستوى عن"
" أخاصمك آه"
"أسيبك لا"
و مع مواليدِ برج الأسد
ايه!! برجي ...هات نشوف
على الصعيد المهني
القلق و التوتر الذي تعاني منه
هو نتيجة طبيعية لكثرة ضغوط العمل
لا تأخذ أي قرار مصيري في عملك
فأنت لست مستعداً لذلك الآن
هي عمرها بتنتهي ضغوطات العمل
توقعات علماء لفلك لمواليد برج الأسد للفترة المقبلة
أموالٌ كثيرة ستجدها في طريقك
فلا تتردد في أن تأخذها
ألو
هلا هلا أبو عمر
الشيك جاهز!!
شكراً شكراً
و أخيراً...ربع ساعة و بكون عندك
اوف! هاي زبطت
أمّا على الصعيد العاطفي
علاقتك بالشريك سيئةٌ اليوم
و يشوبها توترٌ و أجواءٌ تسبب انفعالات كبيرة
حاول تجنبها
أصلاً آنا شو بيجيني من وراها غير النكد
هاي بلشنا
هاي الأبراج طلعت قصة
هذا العطاء مهم كثير و اشتغلنا عليه منيح
انشالله يكون من نصيبنا
مالك يا أبو سند؟ مبين عليك تعبان
في إشي؟
لا لا لا مافي شي
"مش قلتلك اليوم ما توخد قرار مصيري بالعمل"
"انت وضعك مش مستقر وبتعاني من القلق والتوتر"
"حتى الناس لاحظت عليك"
" ما توقّع"
يلا يا أبو سند، وقّع!
أنا؟ أنا تعبان اليوم
مش قادر آخذ أي قرار مصيري
عن إذنكم، ما رح أوقّع
أبو سند منخسر العطاء
وين رايح الزلمة؟ معقول اللي عم بعمله
شو حلو حبيبي شو حلو
هالقمر هم هممم هممم هممم
يي يي نسيت القلاية
خليهم يزعلوا، شو اعملهم...هيك برجي بقول
بدينا! اتأخرت، وين صرت، جِبِت
ايه شو هالعيشة هاي
رح تكون مفاجئة حلوة
دير بالك يا أبو سند، مثل ما فهمتك
علاقتك بالشريك زي الزفت
ايه ما هي طول عمرها زي الزفت
مش عارف هو الواحد من وين ولا من وين بِدو يتلقاها
ييي هيو هيو إجا!!
يقبر قلبي عهالمشية
ما بدي اسمع ولا كلمة
شو في؟!
شو في آه! لسا بتسألي شو في
من الصبح و انتي مسِجات مسِجات مسِجات
جيب و ودّي و تعال و روح
كلهم مسجتين اللي بعثتهم
يعني اليوم اقل يوم ببعث مسجات
لأني كنت مشغولة
و بشو مشغولة يا ست هاه؟
و شو هاد للي عاملتيه بحالك؟
تفضل! تفضل شوف بِشو مشغولة
قلاية! أصلاً أنا ما بحب القلاية
ما بتحب القلاية؟!
وين الاولاد؟
زي اليوم قبل خمسة عشر سنة
إذا متذكر يعني إذا متذكر
قلتلي إنو بِدك تتزوجني
و كنت حابّة اعملك مفاجئة
وديت الاولاد عند جدتهم
الحق علي
عند جدتهم!
الف مرة قلتلك ما توديهم كلهم مع بعض
أمي صارت كبيرة، ما بتقدر عليهم
هاي لا بتفهم ولا بتستفهم
هيه شو صارله!
هيو صار بالزبط زي ما قال برجي
مش قادرة أصدق مش قادرة أستوعب
إنو خسر العطاء لأنه ما وقع العقد
عشان إشي سمعه بالأبراج
لأ مش مهم مش مهم إنو عجّب علي عادي عادي
إنو عشان عالصعيد العاطفي زي ما سمع
رح يكون زي الزفت
بس اللي مجنني إنو بقلّي ما بحب القلاية
عنجد!! عنجد صدقتوا إنو ما بحب القلاية؟
على كلٍ
ما تنسوا تعملوا لايك و سبسكرايب
