حياة عيلتنا: عيلة ابو سند والنت - الجزء الثالث
ماما ماما!
شو في شو في؟
اليوم...عيد ميلادي
قبل خمس ثواني بالزبط، صرت ثلاثة عشر
كل سنة و انتي سالمة حبيبتي يلا روحي روحي نامي
ماما ماما
هلأ بقدر اعمل اكاونت على السوشال ميديا صح؟
أنا صار عمري ثلاثة عشر هلأ
وبالزبط و دقيقة و نص
يعني أكثر من ثلاثة عشر سنة
اوك اوك
يس يس يس!!
رح يصير عندي اكاونت على السوشال ميديا
صباح الخير سلسولة
كل سنة و انتي سالمة حبيبتي
صباح الخير أم عيد
يلا اصحي!
اه نعسانة كثير
طبعاً، ما هي قالت رح تسهر لل١٢
تعمل اكاونتات و تجمع فولورز
أشوف
واااال!!
صار عندها الف فولور
سند اعطيني هلأ موبايلي بسرعة
شايفين كيف بقدر افيقها بسهولة ههههههه
واااال!
الف فولور؟
من وين جبتيهم هدول؟
شكلك سهرانة طول الليل تجمعي فيهم
بابا شو مالك؟
بتحب هلأ لما انزّل أول بوست يجيني ٥٠-٦٠ لايك بس
ماما ليش أنا لازم أستنى حتى أصير ١٣
حماية إلك ماما
و كمان عمر ١٣ هو العمر القانوني
إنك تفتح أكاونت سوشال ميديا
و لو علَي حبيبي ما بتفتحه قبل ال٢٠
أقُلك ولا حتى عل ٢٠
هاه!
سالي يلا يلا قومي
بدنا نطلع نفطر برا و نحتفل بعيدك
ماما اليوم بدي أروح أشوف صحبيتي نتالي
مين هاي نتالي؟
صاحبة تعرفت عليها عالنت
يا سلام
هيك تعرفتي عليها عالنت وبدك تشوفيها!
ماما حبيبتي
في صحاب مشتركين بيني وبينها
غادة وتاليا بتعرفيهم
عشان هيك ضفتها
وبعدين بتصدقي ماما عندها أخ صغير اسمه تامر
قد سامر
و عندها كلب كثير كيوت يمكن تجيبه معها
و كمان طلعت ساكنة جمبنا
ساكنة جمبنا!
يعني حضرتك قلتيلها وين انتي ساكنة؟
آه ورح نتقابل بالحديقة اللي جنب بيتنا
مش معقول الصدفة!
بالحديقة كمان! طبعاً ما إلك روحة
شو! ماما أنا صرت وعدتها
و بعدين أنا صرت كبيرة لازم تثقوا فيي
ليش كلشي لازم تعملوا منه قصة
ايه! شو في؟
ليه صوتكم طالع؟
بابا شوف ماما
وعدت صحبيتي نتلاقى بالحديقة
و الماما عم تعمل دراما
هيه! أنا بعمل دراما
طبعاً انتي ما قلتي لأبوكي
إنه صاحبتك هاي متعرفة عليها عالنت
يا ست سالي
شو! وحدة متعرفة عليها عالنت
صارت صاحبتك و بدك تطلعي معها؟!
يا منيجي معك يا فش روحة
ماشي عادي تعالوا
بس ما بدي حدا يشوفكم، ما تفضحوني مع البنت
ماشي يا سالي
أبو سند واحد لأُم سند اثنين
هل تسمعني ؟ أجب
أم سند اثنين لأبو سند واحد
أسمعك بوضوح أرسل
آخ مش قادرة دراما
تفضلي وينها صاحبتك اللي بتحكي عنها؟
هي حكت ما رح تتأخر، هلأ هلأ ببعتلها
معقول!
شايفتيه اللي عم ببعتلك الميسج
هاد هو نتالي
أبو سند! إحكي مع الشرطة بسرعة
يلا قوليلهم، بلاش أنا اعمل دراما هههه
لما تفتحوا أكاونت على السوشال ميديا
خلوه أكاونت خاص مش عام
ما تشاركوا أي معلومات عنكم خاصة
زي وين ساكنين أو بأي مدرسة أو رقم التلفون
و أبداً ما تضيفوا أي شخص غريب
حتى لو في أصدقاء مشتركين
أي إشي بِتشكّوا فيه لازم تخبروا أهلكم عنه
همه موجودين عشان يحموكم
و إذا بتفكروا إنه هاد الفيديو رح يفيد أصحابكم
إعملوا لايك و شير
و ما تنسوا تعملوا سبسكرايب كمان
