حياة عيلتنا: تبديل الأدوار
و بعدين مع هالعادة
كل واحد يوخد شنتته على غرفته
طيب ماشي
شو صار بالنت؟
بابا!
أولاً، راميين أغراضكم على الأرض
ثانياً، كل واحد شابك على النت و فاصل عن الدنيا
يلا أشوف كل واحد على دراسته
بابا، لسا قبل شوي رجعنا من المدرسة
بدنا ترتاح شوي
ترتاحوا من شو؟ شو انتو بتقطعوا خشب بالمدرسة!
ما انتو قاعدين بالصف
على وقتنا...
كنا نمشي ساعتين للمدرسة و كنا درس على ضو القمر
آه مزبوط
لساتكم على نفس القعدة؟
شايفة..لأ و بقولولك تعبانين
شو هالحكي الفاضي!
تعبانين من شو
انتو عمركم مش رح تفهموا علينا
آه صح، أصلاً انتو ما بتفهموا علينا
ما بنفهم عليكم! ليش حضرتك بتحكي فرنسي و أنا بحكي عربي؟
كل اللي منعمله عشانكم و ما نفهم عليكم
بونجور مسيور سند، فاهم علي هيك؟
أصلاً أصلاً، جيلكم غير عن جيلنا
انتو الجيل اللي ما بقدر تعب أهله
انتو بس لو تحطو حالكم محلنا أسبوع، أقلك يوم واحد
ما رح تتحملوا
أشوف إذا يوم انتو بتتحملوا تكونوا محلنا
طيب ماشي أنا بورجيكم مين اللي بتحمل
بما إنه بكرا عطلة، اتفضلوا خدوا محلنا و كونوا انتو الأهل
أشوف شو بدكم تعملوا
على شرط انتو توخدوا محلنا، أوك
يلا يا ولاد الفطور جاهز
صباح الخير
الله يسعد هالصباح
شو عامليتلنا اليوم؟
بيض مقلي
كل هاي الفوضى عشان بيض مقلي
بس أنا ما بحب البيض المقلي
طب قولي شكراً عالقليلة
صارلها ساعتين بتحضر الفطور
ههههههه
سالي، أنا و أبوكم عنا مباركة بعد الظهر عند الجيران
لأ عندكم كثير دراسة
كيف يعني! همه إجوا عنا باركولنا، ما منقدر ما نروح
أنا قلت لأ
ما بزبط! كل الجيران رايحين، ما بصير ما نروح
شو بدهم يحكوا عنا الجيران يعني؟
أنا قلت لأ يعني لأ
مش كلشي صحابكم بعملوه لازم تعملوا زيه
يا ماما، هيك شكلي لما أعصب!
عصام!! تعال شوف
هدول الأولاد ماخدين موضوع تبديل الأدوار جد
ما بصير هيك اتطفي!
لسا المسلسل ما خلص
صلك ساعة بتقلي هلأ بخلص هلأ بخلص هلأ بخلص
ايه!! بعدين معك
طلع المسلسل طويل شو أعمل!
بعدين شو ساعة! مش معقول هالمبالغة
اسكت يا ولد و احترم أبوك
عصام شوف! أهلنا مش قابلين نروح عند الجيران اليوم
شو!!
أكيد مافي روحة!
عندكم واجبات كثير و لسا ما بلشتوا
يلا اتفضلوا عالدراسة
دراسة؟!
هاي واجباتك ست دينا
و هاي واجباتك سيد عصام
كل هادا واجبات!
ليش هالقد؟
ايه كثير هيك! شو احنا مندرس دكتوراه؟
أبو سند، شو يعني الجذر التكعيبي لمقام مشترك، مش فاهمة إشي
آآه هلأعرفت الأولاد لمين طالعين
طب قوليلي أول شو معنى كلمة Photosynthesis ؟
ههههههه
طب روح روح إعرف الفظها أول بعدين بقلك معناها
طلعت شغلة الدراسة هاي مش سهلة يا دينا
الله يعين لولاد
الحمدلله خلصت ترتيب المطبخ
خليني أشيك عالغرف
هيييه يا اولاد شو هاد!!
هيها إجت
أصلاً هاد قلمي، بتتذكري لما أعطيتك اياه؟
أعطيني اياه هلأ هلأ، صرت بادية أكتب فيه واجب العربي
ماما شوفي
مش معطيكي اياه
لسا قبل شوي طلبت محايتها و ما قبلت
ايش فيه ايش فيه!! و بعدين مع المناقرات هاي
كبروا عقلكم يا ولاد
رح يخلص اليوم و انتو لسا ما خلصتوا دراسة
و أنا تعبت أضل الحق وراكم
مين رامي أواعيه و كلساته على الأرض؟
إحنا هيك منعمل بأهلنا، الله يعينهم علينا
شكراً
وصلت فاتورة الكهربا
ممتاز وشو المطلوب؟
إنوو.. عشان تدفعها
إنت ماخذ دور الأب إنت ادفعها
يا حبيبي من وين بدي أجيب المصاري؟
طلعنا منصرف كهربا كثير
ليش الغرفة مضوية وما حدا فيها؟ طفوا الكهربا يا ولاد
شو حبيبي؟ أظن إنه جوعان، صح ما هو صار وقت الغدا
شو طابخين؟
خلص تعبت
هاهاهاهاها
طلعت شغلة إنو الوحدة تكون أم صعبة كثير بترباية ولاد
حل مشاكل، جلي وطبيخ
غير الشغل اللي برا البيت
ماما أنا بحبك كثير وشكراً على تعبك علشاننا
وأنا كنت بصراحة مفكر شغلة الأب هي بس إنو الواحد يعطي أوامر وتعليمات
بس طلعت شغلتكم كثير صعبة
يعطيك العافية بابا إحنا كثير منحبك
واحنا منحبكم كثير يا ولاد أنا وأبوكم فخورين بالجهد اللي عم بتحطوه بدراستكم
طلعت دراستكم مش سهلة أبداً
ومرات إحنا منزيدها عليكم
بعصبيتنا وبأوامرنا بدون ما نعرف بصعوبة اللي بتمروا فيه
دورنا كأهل إنو نربي ونوجه ولادنا صح
خلينا نقوم بدورنا بطريقة ما ندايقهم
ونحط حالنا محلهم عشان نقدر نتواصل معهم صح
ولادنا همهم على قدهم
خلينا كأهل ما نستخف بمشاكلهم ولا بمشاعرهم
وتذكروا تعملوا لنا سبسكرايب
ففوتوسيسيسيف، فوتوسينثيسيس
ففوتوسيسيسيف، فوتوسينثيسيس
