حياة عيلتنا: سند المبدع
بابا أنا عارف أنك مشغول بشئ مهم
ممكن بس توقع لي هذه الورقة بسرعة
شو؟ أربعة من عشرة؟
وبالرياضيات كمان؟
بابا كان كثير صعب
وكثير أولاد خبصوا كمان مش بس أنا
شو بدي بكل الأولاد؟
بحياة عائلتنا كلها ولا عمره حد جاب هذه العلامة
أنا لما كنت بعمرك كنت نابغة بالرياضيات
شفت هذا السؤال اللي بيحطوه بآخر الامتحان
وما حدا يقدر يجاوب عليه؟
هذا حطوه عشاني
جدي ألف خمسة كتب بالرياضيات
أقول لك أبو جدي كان الخواريزمي نفسه
سند يابا الرياضيات شئ مهم كثير بالحياة
الرياضيات تتنفسها و تشوفها في كل مكان
لازم تحب الأرقام
تعشق المعادلات
يكون في هيك يعني علاقة بينك وبين الجذر التربيعي
بس بابا الرياضيات صعبة أنا ما بحبها
طالع لخوالك
طبعاً كل شئ منيح طالع لك
وكل شئ مش على مزاجك طالع لخواله
أقول لك ليش ما أنت تصير تدرسه يا نابغة الرياضيات
وليش ما أدرسه؟ أقول لك من يوم وطالع
أنا مسؤول الرياضيات بهذا البيت
يا سلام عليك يا أبو السوس
أي شو هالشطارة هذه
اسمع، بكرا ما بدي ياك تجيب أقل من عشرة من عشرة
مفهوم؟ يلا خذ هذه حلها
وسع على الميدان يابي سند وسع الميدان
لا لا مش هيك
أنا قلت لك مية مرة
لما تضرب الرقم بمية بتحرك الفاصلة مرتين
ليش محركها مرة واحدة؟
رح نضل نحل حتى أتأكد أنك فهمتها
ماشي، ماشي بابا
يلا هي كمان خمس مسائل
سند حبيبي ليش لسا ما نمت؟
بدي أحل كمان مسائل زيادة عشان الامتحان بكرة
لازم أزبط
بدي أكون شاطر بالرياضيات مثل بابا
أنا متأكدة أنك رح تعمل منيح
خلص يلا حبيبي قوم نام
مرحباً حبيبتي
يعطيك العافية
شوي والأكل بيكون جاهزاً
وين سند؟
بعتوا لي المدرسة رسالة أنهم أخذوا علامتهم، سند
بابا في معرض فن أنا مشارك فيه بكرة وأنتم كلكم معزومين
ماشي ماشي، روح جيب ورقة الرياضيات بسرعة
بسرعة حبيبي
خلينا نشوف لما البابا يدرسك شو بصير
ستة من عشرة؟ ليش؟ بدي أفهم
مش هذه درسناها؟ وهذه المفروض تعرف تحلها؟
وهذه مش كثير صعبة
بس بابا أنا درست كثير
صح و هيك جبت علامة أعلا يعني تحسنت كمان
أنا رح احكي مع المديرة
هذا أستاذهم ولا حبة، تعيس
لازم يدرس أي شئ بس مش رياضيات
وين رقمها؟
هيو
يلا أبو سند، سالي تأخرنا على المعرض
يلا يلا
شو هو كاين موعد دكتور؟
كله معرض فن
سند وصاني ألف مرة ما نتأخر
أنا جاهزة
أهلاً وسهلاً بأهالينا الكرام بمعرض الفني السنوي
هذا المعرض اللي بيشتغلوا عليه أولادكم كل السنة
وبيروح بيع اللوحات اللي برسموها لأعمال خيرية
هلا صار وقت نعلن الجائزة الكبرى
لأفضل لوحة لهذه السنة
وهذه الجائزة للطالب
سند
أحلى سند أحلى أحلى بابا سند
أيوى سند
معقول، هذه لوحة سند
تفضلوا أهل سند لنأخذ صورة جماعية
شكراً كثير على جهودكم
ما كنا نعرف أنه عنده الموهبة الحلوة هاي
وأنا أعتذر عن تلفوني قبل كم يوم
كنت شوي معصب
ولا يهمك، سند عم بيتقدم بالرياضيات
المهم أن يعمل كل جهده
وكل واحد يتفوق بطريقته ويبدع بالشيء الذي يحبه
سند أنا فخور فيك يابا
