حياة عيلتنا: اسمعوا لأولادكم
سند
ماما بليز حبيبي روح جيب ربطة خبز من المخبز اللي تحتنا
خذ، هاي خمسة ، ما معي فراطة
خمسة عمرة !! أنا جاهز
شو هالنشاط هذا! ما عرفتك
ما تتأخر ، هلأ بيجي أبوك جوعان
صاروخ
اممم ماما... بدي أقولك إشي
هاي أنا رجعت
أوف
و هَي الخبز و هَي باقي الفلوس كلهم
يسلموا سنود حبيبي
ما..ماما....بدي أقولك
بعرف بعرف
من قال لك؟
ما هيني شايفة
هاد تبع المخبز ضحك عليه و رجعله بس دينادين من الخمسة
هلأ رح أحكي مع أبوكي يروحله
شو هالناس اللي بلا ضمير
بس ماما
سند!!
شو في ؟ شو مالك بتصرخ؟
قولتيلي ضحك عليه آه؟
غشيمة ! وين هذا ابنك سند
سند!!
نعم بابا
الله ينعم عليك يا حبيبي
ناوي تعترف وِلا لأ؟
بِشو أعترف؟
فضحتني مع الزلمة، بعد ما بهدلته و ما خليتله
طلع مرجعلك المصاري آه؟
أنا بس يعني... كنت بدي أجمّع
عشان أشتري طابة جديدة بدل اللي ضيعتها
مافي بس
و من يوم و طالع مافي طابات ولا ألعاب
ولا كرة قدم ولا مصروف ولا أصحاب
وين المصاري اللي رجعلك اياهم الزلمة؟
هيهم معاي
يا خسارة تربايتي فيك يا سند، هيك هيك بتسرق
و أنا بقول هاد سند رح يرفع راسنا بس يكبر
ابنك رح يطلع حرامي!! حرامي يا أم سند
إذا من هلأ بمد يده و يأخذ مصاري بدون أن يسأل
شو بده يصير بس يكبر ، هاه؟!
بس أنا
بلا بس و بلا بطيخ
ولا كلمة ولا حرف ولا نفس
روح أشوف على غرفتك
محروم شهر من كل إشي
من الآيباد و الأصحاب و كرة لقدم
و هذا البلاي بوكس تبعك ممنوع تلعب فيه
روح على غرفتك، بديش أشوف خلقتك
سالي، لسا ما صحيتي؟
رح نتأخر عن المدرسة
آخ آخ آخ
شو مالك؟ شو بيوجعك؟
بطني و راسي و حلقي و إصبع رجلي
حاسة حالي دايخة و مش قادرة أروح على المدرسة
قلتلك امبارح ما تطلعي بدون فانيلا ما رديتي
بس لو بتردوا علي
خلص... خليكي و أنا بوَصل إخوانك و برجعلك بسرعة
سالي ...شوي و بتجهز شوربة الشعيرية
ألو
أهلا ً مس جمانة
بدي أخبرك إنو سالي بتقدر تيجي إتداوم بكرا
أكيد بتقدر إتداوم بس إذا تحسنت صحتها
يعني.. مش رح أقدر أخليها إتداوم إذا كانت تعبانة، وِلا لأ؟
بس هي مش معطلة لأنها مريضة
إحنا امبارح وجدنا معها علبة سجائر في الصف
و انفصلت لمدة ثلاثة أيام
شو!!!!! دخان!!!!
طولي بالك يا أم سالي
الموضوع إنو فكرناه لسالي و فصلناها ثلاثة أيام
بس رجعنا على الكاميرات، وجدنا إنو سالي لقته على الأرض
و وضعته بحقيبتها
و إجت عندي أكثر من مرة عشان تعطيني إياه و ما لقتني
و طلع الدخان لولد ثاني بالمدرسة
إحنا حكينا مع أهله و أخذنا الإجراء اللازم
و إحنا منعتذر منكم و من سالي كثير
هيك يعني... خلص فهمت عليكي
سالي ، ليش ما خبرتيني باللي صار؟
ما انتي عارفة حالك إنك مش غلطانة
و لو غلطانة انتي بتعرفي إنك لازم تحكيلي كل إشي
حاولت، بس انتي ما كنت فاضيتلي
انتي دايماً مشغولة عني
و الصراحة، لما شفت ردة فعلكم عاللي عمله سند
قلت مستحيل أحكيلكم
لأنه أكيد رح تعملوا دراما أكبر
اسمعوا يا اولاد...
قعدنا انا و أمكم و تحدثنا بالموضوع
إحنا انزعجنا كثير إنك يا سند أخذت الفلوس بدون ما تسألنا
و خبيتهم بدون علمنا
السرقة و الكذب خط أحمر
مرة ثانية إذا بحاجة لإشي بتطلبوا منا مباشرة
و إحنا المزبوط بالغنا بردة فعلنا
و معلش منعتذر منكم
و منوعدكم مرة ثانية إنو نسمعكم و نلاقي حلول مع بعض
سالي حبيبتي، بدنا اياكم دائماً تشعروا بالأمان
إنكم تقدروا تحكوا معانا بأي موضوع أو أي مشكلة بتمروا فيها
إذا عجبكم الفيديو إعملولنا لايك و سبسكرايب
يلا هيني بستنى
