حياة عيلتنا: شِدّة وبتزول
أم سند العزيزة بدي أخبرك إنو خلال الأسبوعين الجايين من فترة الحجر
أنا شخصياً رح أكون مسؤول عن المطبخ
شو يعني؟
يعني بصراحة بدنا شوية تنوع من الأكل التقليدي
رح أفرجيكم الإبداع لما أستلم المطبخ
خلص خلص وصلت
الطبخة اليوم عليك أنا أصلاً رايحة عندي اجتماع
اجتماع شو وإحنا بالحجر؟
اجتماع عن بعد
ماما النت كثير ضعيفة شو هادا
بكفي محبوسين كمان مافي نت زي الناس
معلش ماما ماهو كلنا شابكين نفس الوقت وعليه ضغط كثير
بعد شوي رح نعمل رياضة نغير جو
وبعدين منحضر فلم كثير حلو حسب البرنامج اللي اتفقنا عليه
ماما بليز ساعديني بالواجب مش عارف أحله
أوكي حبيبي بس أخلص عندي اجتماع مهم كثير
ما حدا يدخل على الغرفة وسامر ديروا بالكم عليه
ما بدي أسمع صوته سامعين سالي وسند
سامعين
إه؟ شو هادا النت؟
أكيد سيد شادي أنا والفريق رح نشتغل على هاي النقطة بالسرعة القصوى
وبالنسبة للتقارير الأسبوعية إحنا أكيد كلها رح نقدمها بنفس الوقت
أكيد طبعاً هذا الموضوع على رأس أولويتنا
ماما في بيبي
ولك سامر
قلت لك أمسكه رح يروح عند الماما ما رديت
ليش ما تمسكيه إنتي؟
آسفة سيد شادي آسفة كثير هههه
أوكي سيد إنشاء الله نضل على تواصل
كلكم إطلعوا برا هلأ
انطلاقاً من مسؤوليتي كأب وحرصاً على إدارة الموارد الشحيحة في هذه الأزمة
وعشان أفرجيكم إبداعاتي رح أعمل أحلا طبخة اليوم
أم سند، وين الخضار؟
ووين البندورة؟
وين الطناجر؟ وين الملح؟
هيك حليتها صح برافو عليك سند
يلا هلأ بما إنو خلصنا شغل ودراسة صار وقت التمارين الرياضية
شو دينا حبيبتي شكله ما ضل عنا خضار للطبيخ
لأ ما ضل ههه
دبر حالك يا مدير المطبخ
أكيد رح أدبرها هلأ رح أوصل أقرب خضرجي
وأجيب كل اللي لازم
شو رأيك أبو سند نسأل الجيران إذا بدهم إشي
ما دامك طالع طالع بدل ما الكل يطلع بهالحظر
منساعد بعض، شو رأيك؟
فكرة ممتازة رح أعمل جروب اسمه الجيران النشامى
وأسئلهم إذا محتاجين إشي
مرحبا صبايا وصلني هلأ من دكتور كثير مشهور
اكتشاف علاج لفيروس كورونا
ركزوا معي مكونات العلاج بصلة حمرا متوسطة الحجم
عصرة ليمون، ثلاث نقط خل أبيض
ورشة كمون
وبعدين مع هالقصص يا أم إنصاف وبعدين
يا أم إنصاف، إنتي كلشي بوصلك بتصدقيه؟
ليش لأ، يعني إنتي جربتيها وما زبطط
طب حكولك إشي بالوصفة إنو تحطي الخلطة على صحن فول
يا حبيبتي يا أم إنصاف هاي تتبيلة فول
مش علاج لفيروس الكورونا
يوه أي شو بيعرفني هيك بعتوا لي
هاي بيت أبو يزن بدهم كيلو ليمون وكيلو كوسا
أم إنصاف بدها ضمة حصل بان، شو الحصل بان؟
بس أم خليل ما شافت المسج، شو رأيك ترني عليها وتتطمني؟
وتسأليها إذا بتحتاج إشي
يلا هلأ برن عليها
خطها مشغول
أنا بخير يمة ما تخاف كل شي متوفر
ربك بدبرها
آه هيني هلأ قايمة أتغدا
مع السلامة يا حبيبي
أهم شي إنتوا ديروا بالكم ما تروحوا ولا تيجوا
وغسلولي إيديكوا منيح وخليكوا بالبيت يمة يا حبيبي
الله معك مع السلامة
نشكر الله على كل إشي زي ما بيقولوا
خبزة حاف بتعرض الكتاف
ستنى ستنى إشلح من رجلك برا وخلي الكياس كلهم برا
بدي أعقم كلشي قبل ما يدخل على البيت
كب الكفوف وكب الكمامة وغسل إيديك كثير كثير منيح
وحط أواعيك بالغسالة
عقم عقم كمان إيديك بعد الغسيل أحسن
ولا يهمك أنا ملتزم بالتعليمات أعطيت الكل كياسه من الباب
وهاي كياس أم خليل جبت لها تشكيلة
شوية أجبان وألبان وشوية خضار وفواكة وخبز
الله يعطيك العافية
هلأ بنظفهم بسرعة وبعقمهم
وبوديلها إياهم على باب البيت
قال شو أم إنصاف بتقترح إنو كل الجارات نروح نزور أم خليل نسليها
أنا مش فاهمة الناس ما عم تنتبه
ولا عم تسمع للتعليمات
لأ أكيد مش مناسب مش مفروض حد يزور حد هالأيام
هيك قلت لها بالزبط
إييه أبو سند؟ ههه شو بالنسبة للطبيخ
شو رح تطبخ لنا بصراحة جوعنا كثير كثير جوعنا
فكرت بإشي كرياتف وخارج الصندوق
وما طلع معي أحسن من القلاية رح أعملكم قلاية
فيري كرياتف
هههههههه
أنا هيك جاهزة
يلا يا أم سند الجيران على وصول
يزن يابا مش تفضحني قدام الجيران زبطلي إياه بسرعة
حاضر حاضر بابا ما تخاف رح تزبط
سلام يا جماعة اشتقنالكم يا أحلا جيران
بالمعلي بالمعلي يا أبو سند
شو؟ وين الضيافة؟ ههههههه
ألو؟ ألو؟
سامعينك سامعينك يا أم خليل
اكبسي عكبسة الفيديو خلينا نشوفك
كيفك أم خليل كيف أخبارك؟ طمنينا عنك
أنا ممتازة الله يرضى عليكم يا ولاد
الأكل اللي جبتوا بيكفيني شهر
واجبنا يا بركتنا
شو عطا كيف الأحوال؟
بتعرفوا؟ أنا رزقتي يوم بيوم
وبسبب هالظروف أكلنا هوا
بس مبادرتكم والمبلغ اللي دفعتولي إياه
مقدراً لتغطية أي عطل بالمستقبل مشة العجلة آه
شكراً إلكم كثير
بس نخلص من هالفيروس حدا يرن علي ويقول لي إشي عنده خربان
يا ويلكم هههههه
هههههههه
مبادرتكم يا أحلى عيلة شجعتنا كلنا
بما إنو يزن بيحلق شعر أبوه
قررنا ندفع للحلاق مبلغ اللي خسره هالشهر
وأنا الصبية اللي بتيجي بتساعدني بتنظيف البيت دفعتلها
بدل الشغل اللي خسرته هادا الشهر
شو أم إنصاف ما سمعنا صوتك
أنا عن نفسي أهم شي صار إني صرت أفلتر كل المسجات والأخبار
اللي بتوصلني وأتأكد من صحتها
وأفكر منيح قبل ما أبعتها لحد
مش معقول الناس كيف بتبعت أشكال وألوان ههههه
هاي أحلا أخبار يا جماعة إحنا كلنا قدها
يي صارت الساعة ثمنية هلأ رح يبدأ موجز الأخبار يا جماعة
أبو إنصاف إضوي التلفزيون بسرعة
يا رب إفرجها علينا وسمعنا الأخبار الطيبة
حماكم الله وحمى صحتكم
وأحبائكم وحفظ الوطن وقيادته والإنسانية جمعاء
من شر هذا الوباء نحن في خدمتكم
ونجاحنا بالتزامكم
الله يحفظكم جميعاً سالمين وبصحة وعافية
وأحلا تحية من حياة عيلتنا لكل مسؤول
كل طبيب وكل ممرض وكل جندي
وكل مواطن ملتزم في هذا الظرف اللي منمر فيه
وهاي الأغنية منا لكل واحد منكم
