حياة عيلتنا: مين صحابك؟
أهلين بالحلوين
شو كيف أول يوم مدرسة؟
زي ما توقعت
خربشوا كل الصفوف ورنا طلعت مش بِصفّي
واحنا كمان خلطونا
بس المهم انو نديم طلع معاي بالصف
صحابي معي وانتي لأ
ماما! شوفي سند
حبيبتي
أنا بعرف إنو مزعج إنو فصلوا الصحاب عن بعض
بس ممكن هاي فرصة تتعرفي على صحاب جداد
احنا ما أعطونا واجبات
أنا داخل العب
و مش بس هيك
قسمونا مجموعات عشوائية
و لازم نبدا نشتغل على مشروع الإنجليزي
طب شو رأيك بهاي الفكرة
تعزمي المجموعة عندك
منها بتشتغلوا عالمشروع ومنها بتتعرفي عليهم
وأنا بعملكم أشياء زاكية
اوك ماما ماشي
أنا بقول لبكرا
خلينا نقدم هدول الثلاث شخصيات
ونستنى نشوف شو بتحكي المس
اوك يلا نزبطها
لأنه بعد شوي بيوصلوا أهلي
لُبنى..يلا تعالي شو بتعملي؟
بتصور! بدي أنزل بوست جروب ورك (عمل جماعي)
بس ما عم تطلع معي الصورة زي ما بدي
تفضلوا يا صبايا
شكراً آنتي غلبتي حالك
شكراً ماما
دير بالك فراس!!!
هي في واحد طالع من ورا الشجرة
سند
مين هاد فراس؟
مش حكينا إنو ما منضيف حدا ما منعرفه
ماما..هاد ولد جديد بِصفّي
طب يلا.. خلص وقت اللعب
إنهي معه وروح إقرأ لك كتاب
ماما! بس ٥ دقايق
اوك ماشي
يلا فراس أنا لازم اروح
خلص وقتي
خلص وقتك!!
انتا بِترد عأهلك يا زلمة
أنا بلعب قد ما بدي
انسى انسى شوف شوف ششوف هالحركة
باي آنتي
يلا باي
سالي، ما تنسي تحطي اسمي عالمشروع آه
ماما! لبنى ما قبلت تشتغل معنا ولا إشي
ضلت تصور حالها زي كأنها بتشتغل معنا
آه لاحظت عليها لما فتت عندكم
بس هي ماما كثير منيحة وعندها كثير صحاب
وبتعرف أخبار الكل
بتصدقي انها بتقلّي
إنو رنا قالتلها
انّي أنا بغار منها لأنه صوتها حلو
وهي زعلانة من رنا كيف هيك بتقول عني
معقول؟!
رنا! رنا صديقة الطفولة!
ما أظن رنا بتحكي هيك اشي
أصلاً أنا هاي لبنى ما عجبتني أبداً
تصرفاتها بالمرة ما عجبتني
شكلو خلص... بعد ما تغيرت الصفوف تغير كل اشي
سند ايه شو حكينا!!
اوك اوك!!
ماما بابا، بصير حدا يوصلني عند لبنى بسرعة
مين لبنى؟
صاحبتي الجديدة
آه لبنى؟ خلص خلص أنا بوصلك
سالي..انتي أول مرة بتروحي عند لبنى
و احنا لا منعرفها ولا منعرف أهلها
بس أنا بثِق فيكي
ماما شو بدو يصير يعني؟
لأ لأ ولا اشي
بس للإحتياط للإحتياط
شو رأيك نعمل رسالة سرية بيني و بينك
إذا في أي اشي ما ارتحتيله
ابعتيلي ٣ قلوب خضر
هيك بفهم عليكي إنو قصدك
احكي معي هلأ، قوليلي لازم تروحيني
حاسّة حالي قاعدة مع المحقق كونان ههههه
أيوا برافو فراس!
اسمع استنوني شوي، بدي اروح عالحمام وهلأ برجع
وين سند الح*
يلا!! شو صارله هاد ال
مش عارف يلعب!!
شوف شوف هال
بابا! ايش عم تعمل؟
بابا.. مين هذا؟
و شو هالألفاظ السيئة اللي بحكيها؟
هاد ولد جديد بالصف
هو بِضَل يسبسب بس كتير شاطر بالألعاب
يعني..قلتله ألف مرة ما يضله يسبسب
ومايغلط بالحكي..بس بس بابا
بابا ما تسمح لحدا مين ما كان يغلط عليك
حتى لو بالمزح
وما بحب تصاحب أولاد بستخدموا ألفاظ سيئة
لأنه الناس اللي بتقضي معهم معظم وقتك
همه اللي بأثروا عليك
لبنى.. من أول ما إجيت وانتي بتحطي ميك أب
في حدا جاي غيري؟
حبيبتي احنا رح نطلع ما رح انضل بالبيت
ورح اعرفك على شلّة أكبر منّا
مش من مدرستنا
بس انتي ما قلتيلي هيك!
و أنا ما خبرت أهلي
ههه عنجد!! انتي لسا بتخبري أهلك
خلص ما همه بفكروكي عندي شو رح يفرق يعني
يلا رح اروح أجيب شنتتي بسرعة
ههه قال ما خبرت أهلي قال
مش عارفة متى آخر مرة سمعت هاي الجملة
مش معقول شو هاد!
ساكنة بآخر الدنيا
ألو ماما سالي؟
أنا لازم آجي آخدك هلأ!
حضري حالك
ماما.. شو صار؟
كانت بدها ايانا نروح معها عمَحل ما بعرفه
مع ناس ما بعرفهم
بدون ما احكيلكم
وأنا بصراحة بالمرة ما ارتحت
برافو حبيبتي إنك اخدتي القرار الصح
أنا فخورة فيكي كثير
شو رأيك هلأ تحكي مع رنا
وأوصلك عندها
أظن هيك رح أعمل
فكرة الماما إنو يكون بيناتنا رسالة سرية
لمّا أكون مش مرتاحة فكرة عبقرية!
وأنا بشجعكم تخترعوا رمز سرّي انتوا وأولادكم
يبعتولكم اياه لما يحسّوا حالهم بمواقف مش مريحة
وإذا بدكم أفكار أكثر عن الموضوع
اضغطوا هون
و ما تنسوا تشاركوا الفيديو مع أصحابكم
