حياة عيلتنا: مين السوبر هيرو؟
يسلموا ايديكي حبيبتي، الأكل بشهي كالعادة
صحتين و عافية
سالي عرفتي هالنشاط اللي عاملينه بالمدرسة؟
آه عرفت
بس مش عارفة إذا بدي أشترك
ما عندي بطل خارق
طبعاً لازم تشتركي!! انتي عارفة شو الجائزة
صحة بابا، عن شو عم تحكوا؟
بابا مش معقول
قال طلبوا من كل المرحلة إنو كل واحد
يحكي عن البطل الخارق تبعه قدام لجنة
و إحزر اللي بقنع اللجنة شو بفوز؟!
بصير مدير المدرسة ليوم واحد
ما أبردك سالي
أنا كنت بدي أحكي
واو فكرة كثير حلوة
و أنا إذا فزت و أكيد رح أفوز
رح أعطل كل المدرسة بهداك اليوم
ما أظن إنها فكرة منيحة سند
و ما أظن إنك رح تفوز
انتي أصلاً عارفة مين السوبر هيرو تبعي
مين يعني! أكيد إنو رونيسي
مية بالمية
يعني انتي إخترتي هاي المغنية تكون السوبر هيرو تاعك؟
أكيد و عملت البريزينتيشن كمان
سالي، صوتها مش معقول!
أحلى صوت بالعالم
شوفي شوفي شوفي أديه عندها معجبين
و أديش عندها فولورز و لايكس
مش بس هيك، كمان كثير متواضعة و بتحب تساعد الناس
تواضع و مساعدة لآخرين
صراحة صوتها... بجنن أنا كثير بحبه
كنت أعلم أنكي انتي الفاعلة
أين كنتي يوم الأربعاء مساءاً في الساعة السادسة و ٣ دقائق
يزن إطلع من غرفتي هلأ
شو الفكرة!
أتحداكي يا سالي أن ترينا ما داخل حقيبتك المدرسية
طب روح روح من هون
المحقق رونان
رجل شجاع و لن يستسلم إلى أن يظهر الحق
السوبر هيرو تبعه المحقق رونان
مجننا!! من وقت ما رجع من المدرسة
و هو بلم أدلة و بحقق مع الكل
إنني ذاهب الآن لكنك لن تفلتي من قبضتي
سأعود و ستظهر الحقيقة و سنقبض على الجاني
رهيييب
ايه شجاع
و انتي مين السوبر هيرو تبعك؟
أنا بحب........
لسا ما قررت... لازم أروح أشتغل عالموضوع
باي
ما هي صفات السوبر هيرو؟
داعم، صادق، متواضع
صبور، شجاع، مضحي
ماما انتي لسا صاحية؟
بستناكي تكملي واجباتك حبيبتي
بلكي احتجتي مني إشي
بتحبي أعملك شوكولاتة ساخنة؟
عنجد ماما.. بتقدري؟
أحلى شوكولاتة ساخنة لأشطر سلسولة
مين أختار السوبر هيرو تبعي؟
مش عارفة
شو لسا ما لقيتي السوبر هيرو تبعك
طب صُف على جنب
بعدين قلي حبيبي
رونيسي تبعك بتنطبق عليه صفات السوبرهيرو
داعم، صادق، متواضع، صبور، شجاع، مضحي
بشو فادك و فاد المجتمع بالزبط؟
انتي من وين بتجيبي هاد الكلام؟ أنا مش عارف
و آه طبعاً فاد المجتمع و دايماً بعمل أعمال خيرية
مرحبا يا اولاد
يلا غسلوا ايديكم و تعالوا تغدوا
بس بدي أنزل هالطبخة لأم خليل
هي شوي تعبانة حرام
و بعدين بس آجي بوصلكم
حبيبتي انتي تعبتي اليوم، أنا بودي سامر عالدكتور
و بوصل سند عتدريب القدم
هادي الدورة صعبة كثير
بس أنا متأكدة انها رح تفيدني بالشغل
انتي يا دينا مافي اشي صعب عليكي
ماشاء الله عنك
بابا ماما، احنا جهزنا حالنا لنشاط بكرا
و حابين نعرضها عليكم كلجنة
و يا رب تصوتولنا ههه قصدي تختارونا
يلا! و احنا جاهزين
اتفضلوا يا اولاد
أنا فكرت برونيسي يكون البطل الخارق تبعي
لأنه الوحيد اللي دخل جوال ب ١٣مباراة متتالية
و صار عمره ٤٣ سنة و لسا بلعب و ما اعتزل
بس هاد البطل هو السوبر هيرو تبعي بس بكرة القدم
و أنا فكرت بكثير أسماء ممثلين و مغنيين
بس ما قدرت ألاقي كل المعلومات عنهم
و ما قدرت أعرف إذا رح تنطبق عليهم صفات البطل الخارق ولا لأ
و بعد التفكير و المقابلات و البحوث
اللي عملتها سالي على النت كالعادة
اكتشفنا إنو البطل الخارق تبعنا كثير قريب منا
و بنطبق عليه كل الصفات
البطلة تبعتنا مضحية
لما منمرض أو منتعب أو حتى لما يكون عنا دراسة بالليل
ما بتنام و بتسهر معنا
دايماً همها سلامتنا و راحتنا
البطلة تبعتنا داعمة و بتعرف شو علينا أكثر منا
و دايماً هي و البابا بوصلونا و بجيبونا
و بهتموا بكل التفاصيل اللي بتصير معانا
البطلة تبعتنا شجاعة
بتتذكروا لما أنقذتنا من الصرصور
البطلة تبعتنا عندها قدرات خارقة و مميزة
بشغلها و ببيتها و بتربايتها و علاقاتها مع الكل
البطلة تبعتنا علمتنا كيف نكون صادقين بكلامنا
مهتمين بغيرنا و نفكر باللي حوالينا مش بس بحالنا
ماما..بما إنو عيد الأم قرب
اخترناكي انتي السوبر هيرو تبعتنا
ييي عنجد!!!
يا اله ما أحلاكم!!! أنا السوبر هيرو!
حبيبي وقفتك جمبي دايماً
و دعمك و مساعدتك بكل صغيرة و كبيرة
بتخليني أقوى و أحسن بكل إشي بعمله
أنا فخورة فيكم يا أولاد! إنتو أحلى هدية إلي
إحنا ما فزنا بالنشاط
بس بصراحة عجبنا على المدير الجديد
رائد من صف سابع "د"
يا حرام ما صدق ايمتى اليوم يخلص
كونوا انتو كمان السوبر هيرو تبعنا!
و وصلونا للمليون سبسكرايبر
ما تنسوا تعملولنا شير و لايك للفيديو
