حياة عيلتنا: الإساءة للأطفال
أنا مش فاهم، كيف يعني عليكي دراسة؟
وأمك بتقول امبارح إنك خلصتي امتحانات
بابا علي كثير واجبات ما بلحق
ما رح نطول بالزيارة، يلا بس نرجع بتكملي
آآخ آآخ بطني كثير عم بوجعني
بابا بصير ما أروح؟
أي قبل شوي كنت زي القردة ما مالك إشي
شو صارلك؟
يلا قومي بسرعة غيري أواعيكي
بلاش نتأخر على بيت عمك لطيف
بتتحجج، أكيد بدها تظل قاعدة عالموبايل
فكرك أنا مش فاهم عليها
بس هي بتحب تلعب مع أمل، غريب
أنا ملاحظة عليها آخر أكم مرة
عم ترجع مش مزبوطة من زيارتهم
طيب شو رأيك تأجلي تحليلاتك
وتروحي تستعجليها
طب شو رأيك أنت تخلي عنك، أنا داخلة أشوف شو مالها
إفففتتت، أنا جاهزة
ماما حبيبتي، مالك إشي؟
إيييي لا ما في إشي
سالي
إنتي ليش ما بدك تروحي عبيت عمو لطيف؟
كان، كان لما يلاقيني عمو لطيف لحالي بالغرفة
بيدخل بسرعة وبيسكر الباب
أنا يصير قلبي يدق يدق بسرعة
ويقرب مني بطريقة مش مريحة
وبعدين ماما، احكي ما تخافي
كان يحط إيده تحت فستاني
ما عرفت شو أعمل كنت كثير خايفة
شو؟!
شايفة؟ عشان هيك ما كنت بدي أقلِّك
لأني عارفة إنكم رح تزعلوا مني وما رح تصدقوني
أنا مش زعلانة منك
برافو عليكي إنك خبرتيني
كان لازم لما صار هذا الإشي إنك تحكيلي على طول
أنا بصدقك وإحنا دايماً منقلكم
خبرونا بكل شي بصير معكم
كنت خايفة تخرب صحبتكم معهم
لأنه هو صاحب بابا ومعاه بالشغل
أي شو هالصحبة
أنتي أهم من أي حدا مين ما كان يكون
وأكيد انتي ما عليكي حق باللي صار
أوعك تحسي بالذنب وما تخافي، احنا موجودين لحمايتك
هذه وظيفتنا
ما تخافي حبيبتي
هلأ رح أحكي للبابا ورح نتصرف
ما تقلقي من أي إشي
فكرك شو رح يحكي البابا؟
تعالي حبيبتي أمسح لك دموعك
إنتي مش متذكرة شو صار مع سند؟
سند!
بتحكوا عني؟ ناديتوني؟
أفففتتت أنت ما رح تبطل هالعادة؟
تعال تعال ما دامك سمعت
بدي تحكي لسالي شو صار معك لما نزلك بابا عالسوبرماركت
نزلني البابا أشتري علبة لبن
بس العمو اللي جوا فجأة لقيته شدني من بلوزتي
وقرصني من هون
وأنا تذكرت شو تعلمنا بالمدرسة
أنه ممنوع حدا يمسكني من الأماكن الخاصة
من هون ومن هون ومن هون أو من هون
وإذا حدا عمل هيك أقلُّه
وقف! ما تمسكني
وأركض أحكي لأهلي أو لأي حدا بثق فيه
فركضت وحكيت للبابا والبابا نزل صرخ عليه ونادى له الشرطة
وقالوا لي برافو عليك اللي خبرتنا عن هالمجرم
عشان كمان ما يأذي ولاد ثانيين
سامعة حبيبتي
وأنا متأكدة البابا رح يعمل معك مثل ما عمل مع سند بالظبط
حبيبتي ما تخافي إنتي ما عملتي شي غلط
هالمجرم أنا رح أدبره
مركز الشرطة، دائرة حماية الأسرة، نعم سيدي تفضل
اسمع العيلة ما رح تيجي معي
بس أنا جاي أشوفك ومعي ضيف
