حياة عيلتنا: الغشاش
شو هذا كله !!
ماما بعتوا جدول امتحانات اخر السنة
كثير مضغوط والمواد كثيرة
معلش ماما طولي بالك لسى في وقت
اوف.. ما خبرتني رنا
هلا هلا بعتوه.. رح اروح اخبرها
دخلك كيف يزن ورنا مع التعليم عن بعد
أنا الولاد مستصعبين كثير وعلاماتهم عم تنزل
الولاد.. لا.. لا.. عادي علاماتهم منيحة
بس اظن لك المعلمات مش مركزين
لانهم ببيوتهم بطبخوا وبتسلوا مع ولادهم
وبطلعوا خلال الدوام هيك يعني
بس انا ولادي ماشي امورهم تمام
ابصر شو قصتهم ولادي
الله يستر على امتحانات اخر السنة
بتعرفي انا كل اليوم حاسة حالي تعبانة مش عارفة شو مالي
خليني اروح ارتاح شوي.. سلام
ماما زيد دير بالك على اخوك لحد ما اخلص الحصة
ما بدي اسمع صوته ببكي
ماما !! كمان حصص يوم الجمعة !!
معلش ماما الولاد حرام مش فاهمين والامتحانات قربت
قول لابوك يشيك على الطبخة احسن ما تنحرق
اوكيه
شو فصل النت؟ ولا لسى نايمين؟
بعرف انه اليوم الجمعة كلنا حابين نرتاح
بس رح اعيد شرح طريقة كتابة الرسالة على السريع
ورح اعطيكم واجب!
يلا افتحوا الكاميرات اشوف
راما.. تمارا.. سند.. يزن وين يزن ؟
ماما
ممكن تساعديني بالعربي
علي اكتب رسالة لصديق اشجعه انه يزورني
طيب يلا.. جيب ورقة وقلم
لا ماما على الكمبيوتر وانا اصلاً بطيئ بالعربي
تفضلي
يلا قول
اكتب لك هذه الرسالة
هيك يم خبط لزق
لازم اول تحط التاريخ والعنوان
مش هيك قالت المس
يعني اه قالت قالت
يا ماما حطي اي تاريخ واكتبي عندك
صاحبي ابو الزوز الغالي
ما بنقول صاحبي بنقول صديقي... صديقي
بعدين شو ابو الزوز
ماما هذا اسم الحركة تبعه
ارسل لك هذه الرسالة لأعزمك على بيتي عشان
شو اعزمك وعشان
ارسل لك هذه الرسالة لاشجعك ان تزورني هذا الصيف
اه اه اه هيك بالزبط
ماما اكتبي انني رح امشوره واطعميه كنافة ومقلوبة ورح نكيف
وهيك اوكيه.. اسمعي هلا باجي
يزن
سألت عن ابو يزن اليوم؟
اه برجع الأسبوع الجاي من السفر بس ام يزن لسى مريضة
يا حرام اليوم بدي ابعتلها عشا اكلتها بهالمرضة
جبت 6 من 10 بالتعبير
شو!!
ليش هيك صايرة علاماتكم انت واختك كل مالها عم تنزل
شو قصتكم
ليكون بتلعبوا في الحصص واحنا بندفع على الفاضي
لا بنركز بس الاون لاين اصعب بعتمد اكثر علينا
وفي مرات اشياء بتكون صعب نفهمها من اول مرة
اه.. طب احكيلي مين جاب اعلى علامة بالتعبير؟
عصام !!
طيب
شو كانت اعلى علامة بالصف؟
٩ من ١٠
شايف
بصراحة في كتير اهل بساعدوا اولادهم بالواجبات
وفي اهل بالامتحانات كمان
وانتو ما بتساعدونا
اكيد ما رح انغششكم ونغشكم ونغش حالنا
انا قايمة احضر الغداء
عمو شو؟ وين البابا؟
في اشي خربان على السطح ؟
لا لا يا عمو ما في اشي خربان
بس اهلي الاثنين مرضين وما فيش حدا يساعدني
انا بدي تحللي واجب الفيزياء
عن الكهربا!
بس شو دخل الفيزياء عدم المواخذة
لا لا عمو وطي صوتك
مهو الدرس عن الواط والكيلو واط
يعني انت اكيد شاطر فيهم
اااااه قول هيك
انا الواط والكيلو واط لعبتي
هات هات حبيبي اشوف
٢٠٠ وط كم كيلو واط
اسمع حط أ حط أ
هذا السؤال
حط ب
هلا اكيد رح نحط ج ما بندنا نكسفه او يقول انه احنا بنغاوز مثلا
هههههه فاهم علي.. وهذه حطها د
شكرا عمو هيني سلمته
انا لازم انزل علي حصة
والفاتورة وين ابعتها؟ اهلين عمو
هذا الذكاء
كله ببلاش؟
قبل ما يخلص الوقت بدي اشكركم على التعبير
بصراحة في تطور كبير بين المرة الاولى وبعد ما عدنا الشرح
واعلى علامة ٩/١٠ زي ما بتعرفوا جابها يزن
يزن بدعت بالتعبير
بالترتيب بعلامات الترقيم
ياريت اذا بتقدر تقرأ لنا الرسالة حتى الكل يستفيد
يزن؟ يزن انت موجود صح؟
اه .. اه مس موجود
بس ما كنت سامع
شو اعمل مس
إقرأ الرسالة اللي كتبتها للصف عشان الكل يستفيد
اقرأ الرسالة اه .. اه .. اوكيه مس
صديقي العزيز علي
ارسل لك هذه الرسالة
وانا مش مش مشتاق لأراك وحها وجها وجهاً لوجه
واطلعك على اخباري وعاى تاريخ بلدي العليق العبيق العريق
الذي يعتبر محدا مهداً للعديد من الحصرات الحضرات الحضارات القديمة
التي نسبط نستبط
نستنبط يزن.. بتعرف شو يعني يستنبط ؟
مس طبعاً عارف يعني يقفز عاليا
طيب خلص وقت الحصة
يزن خليك بدي احكي معك شوي
خير مس شو في؟
يزن اذا المرة الجاي بدك مساعدة اطلب بنساعدك
بنشرحلك.. لما حدا يعمل واجبك انت ما رح تستفيد
ومس زينة هلا وصلها واجبك الفيزياء واخدت فيه صفر
معناته انت مش فاهم او حدا مش فاهم حللك اياه
يا مس مش عارف شو احكيلك يعني اسف مس
مس زينة حكتلي انه اليوم عندها حصص كتير ورا بعض
بس بعد الساعة ٨ المسا هي مستعدة تساعدك تحل التمرين
وتشرح لك على المنصة اللي مش فاهمه من الدرس
واذا بدك مساعدة بأي مادة تانية خبرنا
شكرا مس
.مس انا أمي مريضة وأبوي مسافر وما في حدا يساعدني
اذا ممكن تساعديني بكويز بكرا القواعد
طيب انا هلا خلصت حصصي
بدي اغدي اولادي وبعد الغدا ما عندي مشكلة اساعدك
واعيدلك شرح الدرس اللي مش فاهمه.
عشان تكون جاهز للامتحانات
وموضوع التعبير رح استنى انك تبعتلي اياه قبل نهاية الاسبوع
شكرا كثير مس.. عن جد شكرا
ماما مس تمارا اليوم بعد الغدا شرحتلي القواعد
وفهمت كل شئ وانا جاهز للامتحان بكرا
وعندي موعد اونلاين مع مس ينة اليوم المسا
عشان درس الفيزيا اللي مش فاهمه
الله يوفقهم يارب.. ما احسنهم
ماما ماما.. حكت معي مس نجوى
عرفت من المسات انك مريضة وبدها تجيبلنا مقلوبة للغدا
ييي عن جد .. شو قولتيلها
اكيد قولتلها ما تغلب حالها
بس احنا بنحبها بزهرة وبطاطا
ما احلاهم هالمعلمات
مين حكى انهم مش مهتمين
.من يوم وطالع يزن بدك تنتبه على دروسك وما في لعب بالحصة
وانا ما رح اساعدك قصدي اغششك!! مفهوم
شو فصل النت كمان مرة؟ ولا نايمين؟
يلا حبايبي اضو الكاميرا اشوف وجوهكم الحلوة
وهي مس زينة ومس زينة ومس نجوة واستاذ علاء موجودين زي ما طلبتوا
شكراً مس
شكراً لأنكم بتهتموا فينا
شكراً معلمتنا الغالية
شكرأ عشان تحملتونا
شكراً مس تمارا شكرا مس زينة
شكراً مس زينة شكرا ومس تمارا
شكرا مس نجوى
١ ٢ ٣ مس تمارا يا حياتي
٣ ٢ ١ صف مس زينة احلى واحد
بنحبك مس
شكرا انكم ساعدتونا كتير
شكرا استاذ
شكرا على كل شي
واحنا بنحبكم.. بنحبكم كثير
هذه الحلقة اهداء لكل معلمة ومعلم
بذلوا جهد مضاعف في التعليم عن بعد
ولكل اهل علموا اولادهم الصدق والامانة بدل التركيز على العلامة
صاحبي ابو الزوز الغالي
ما بنقول صاحبي بنقول صديقي صديقي
بعدين شو ابو الزوز
ماما هذا اسم الحركة تبعه
