حياة عيلتنا: جيران جداد

تعالوا شوفو شوفو هيهم وصلوا

مش قادرة أصدق أنه رنا رح تسكن فوقنا

إيه؟ شوف يزن الكرسي أثقل منه

شو رأيكم ننزل نساعدهم؟

يلا!

زيح يمين أيوة طالعة روح روح طالعة

مش فاهم كيف كنت بدك تحمله لحالك

ديري بالك هاي الكرتونة فيها قزاز

أعطيني عنك أم يزن

يسلموا كثير ما ضل غير هاي

يا حبيبي ما أحلاه هالسامر

حبيبي هاهاها

يسلمو كثير يا جماعة غلبناكم معنا

يا هلا يا هلا نورت الحارة

بابا وين نحط هاي؟

امم حطوها هون بابا

هذه ليش هون؟ حطوها هون

البابا هيك حكى

لا لا هون أحسن

يا شباب مش إحنا قولنا هون

ضل إشي هيك؟

لا بس ضل أجيب الكهربجي يوصّل التلفزيون

نفسي أغير هالتلفزيون وأجيب موديل أجدد

أبو يزن مش الأولى نجيب ثلاجة ثلاجتنا قديمة

مرحبا يا جماعة جبنا لكم سندويشات فلافل

تفضلوا

يعطيك العافيه أبو سند، غلبناكم معنا

بس الثلاجة شغالة ما مالها إشي

والتلفزيون كمان شغال بس بدو حدا يجي يشغله

على فكرة إذا بدكم كهربجي يساعدكم بالكهربائيات عندي واحد جدع بعجبكم

ليش تأخرتوا هالقد؟ مش قلنا بس نص ساعة، شو بدينا؟

ماما رنا عندها كثير أغراض كل الوقت منشتغل بغرفتها

وانتا سيد سند

بابا أبوهم وأمهم ما بيتفقوا على إشي كل ما نحط إشي محل بيغيروه

هو بيحكي يمين هي بتحكي شمال هو بدو الكرسي عند الشباك هي بدها الطاولة عند الشباك

كل الوقت بيتقاتلوا هلكونا

هاهاها الله يهديهم

هاها يا ريتو ألف مبروك يا جار إنشاء الله بتشوف هالوجوه خير

الله يبارك فيك صديقي، سهلة شغلته ولا بدها وقت؟

عيب إحنا اللي منعمل كل شي بسهولة بس الشغل النظيف بدو وقت

هاي هندسة عمي هندسة أبو يزن هندسة

غير تقلبها نكد أم يزن بس تشوف التلفزيون الجديد

ما هو بلا مؤاخذة ببلاش مش طلع لك هدية مع القرض

يا زلمة قبل ما أقدر أشرح لها أنه هدية رح تكون الدنيا ولعت

يا أخي يا أخي الواحد برجع من شغله تعبان، أقل ما فيها يقعد قدام تلفزيون مرتب

يحضر مباراة، هات المفك

بعدين ماشاء الله عليك واضح إنك مش مقصر فيهم وباين عليك زلمة تعيب

صح بيني وبينك بتعب وفيش تقدير

أقل ما فيها الواحد يرتاح ويرفه عن نفسه

جسمك إلو حق عليك يا رجل ولا شو

هات هات الزرادية

إيه هاي رنا ويزن

استنوا استنوا ممكن نيجي معكم؟

إنتوا ليش قاعدين هون أصلاً؟

ما فيش حدا يوصلنا أهلنا متخانقين وبابا بدهوش يروح على الشغل وماما بدهاش تعمل إشي في البيت

اركبوا اركبوا يا ولاد

وأنا قلت له الثلاجة قديمة بدها تغيير

آه آه بصراحة أنا شوفتها مش لابقة على المطبخ الجديد بالمرّة معك حق

يعني مش لهالدرجة مش شايفتها مالها إشي المهم تكون شغالة منيح

ما هو الكهربجي قال لي هاي بتصرف كهرباء كثير أحسن لكم تغيروها

وهو مستعد يشتريها

بس ديري بالك الكهربجي ممكن ي-

امم إيش بدخل على البيت بلاقي أبو يزن شاري تلفزيون خمسين بوصة آخر طرز

أما الثلاجة الجديدة ما إلها داعي

يعني واضحة زي عين الشمس

قصده إنه طبيخك مش زاكي وبيتحجج عشان ياكل من برة

مش فاهمة كيف يعني طلعتي بهالنتيجة؟

وقال إيش بيتهمني إني ما بقدّر تعبه وشغله يعني هو اللي بيقدّر شغلي وتعبي مع الولاد بالبيت

طولي بالك يا أم يزن

مني منك ما بسكت

لا لا لا مين قال لك إني سكتت

قلت له من يوم وطالع ما في طبيخ ما في تنظيف ما في غسيل ما في تدريس

وهو راح عمل لي إضراب وبطّل ينزل على الشغل

أم ساهر اللي ساكنة بالعمارة مش أول دخلة ثاني دخلة بعد الدوار

العمارة اللي عالشمال، عرفتوها؟

زوجها عمل معها نفس الإشي لما نقلوا قبل سبعة عشر سنة على الحارة

بس هي قد حالها أصرت على موقفها

أنا أكيد مصرة على موقفي

احكي لنا ليلى وشو صار معهم

هاها ما بعرف يا أم سند يعني البيوت أسرار

ممم أسرار قلتي لي

يا الله شو جوعان مش مصدق وأوصل على البيت

ممم غدانا اليوم مقلوبة

ابصر شو غدانا إحنا؟

هل جد بتسأل صرنا ثلاث أيام على هالحال

بابا ليش ما في غدا؟ اسألي أمك. ماما ليش ما في غدا؟ اسألي أبوكي

وبالآخر مننزل ناكل عندكم

إذاً خلص تعالوا اتغدوا عنا اليوم كمان

بس

بس شو؟ ما بتحبوا المقلوبة

كثير زاكية منحبها كثير

طب يلا أسرعوا علشان أنا كثير جوعانة

يلا سالي سند رنا يزن

شو؟ من أول ما نقلوا وهم ما بيتكنسوا من عنا

وصل على المدرسة وغدي وعشي، شو قصتهم؟

معلش حبيبي ما إحنا طابخين طابخين وهمه شو بوكلوا هدول الولاد

يلا أعطوني صحونكم، سند ويزن كيف عملتوا بالامتحان؟

سهل كثير عملت كثير منيح بدعت

هو سهل بس أنا ما زبطت

لأنه عادة أهلي بساعدوني

بس هالمرة زعلانين من بعض وما بدهمش يساعدوني

آه عشان هيك ما عندكم طبيخ

حتى رحلة بكرة مش رح أروح عليها

ليش؟ ما قبلوا أهلك؟

لا بس كل الوقت معصبين وأنا ما حكيت لهم عنها هم هيك

بس يزعلوا من بعض ببطلوا يسألوا فينا

ولا يهمكم حبايبي إحنا اليوم منطلع ومنشوف شو القصة يلا كملوا أكلكم

أصلاً أنا ما كان عندي مشكلة أني ما أجيب ثلاجة بس شو يعني قصده طبيخي مش زاكي آه

شو علاقة الثلاجة بطبيخك؟

هيك الكل بيقول

مين الكل؟

جارتنا ليلى وعتني وبعدين اسم الله عليك حردت وقعدت بالبيت

جسمي إلو علي حق ولازم أرتاح

سلامتك يعني الدكتور نصحك؟

لا الكهربجي

آه الكهربجي اللي اشتريت منه التلفزيون الجديد بدل ما نشتري الثلاجة

مين قال لك إني شريته؟ هذا إجانا هدية بدل المبلغ اللي استلفته عشان البيت

يعني ما دفعت عليه ولا تعريفة

إه؟ هدية؟

آه هدية بس إنتي ما أعطيتيني مجال أحكي

وأنا أصلاً ما كنت بدي أشتري ثلاجة

بس أنا فحصتها وقالوا لي أنه هي اللي مخلية فاتورة الكهرباء بالعلالي

بس أنت ما أعطيتني مجال أحكي الحق علي اللي بدي أوفر مصاريف

يا جماعة سوء التفاهم بصير

لما كل واحد يصر على موقفه بدون ما يتأكد من المعلومة كلنا بنخسر

بصراحة الولاد أكبر الخسرانين

بتعرفوا أن الولاد صار لهم أربع أيام بيتغدوا وبيتعشوا عنا واحنا اللي منوصلهم على المدرسة

هاهاها طبعاً أهلا وسهلا فيهم أي وقت

طيب منستأذن احنا نخليكم تحكوا مع بعض ولما تكونوا جاهزين هاي الولاد عنا

شكلنا الفترة الماضية كنا بس نفكر بحالنا

وخلينا الناس تعبي راسنا على بعض

وما أعطينا بعض فرصة أنه نحكي ونتواصل ونتفاهم

أبو سند هيني خلصت تزبيط الستالايت وتركيب نت الجيران كله تمام

يا جماعة ترى أنا ما قصدي أوقع بين أم يزن وأبو يزن آه

بس اللي أنا تعلمته أن الواحد لازم يعرف شو يحكي

ومتى يحكي وليش يحكي والأفضل إيش إنه يختصر آه

على كل حال سامحونا

احنا صار لنا خمسة عشر سنة متزوجين

وبالسنوات هاي اتزاعلنا واتصالحنا احزنا واضحكنا

بس تعلمنا أن المحبة والاحترام والتواصل أهم إشي

وتعلمنا كمان أنه كل خلاف منواجه لازم نقعد ونتواصل ونتفاهم مع بعض

وما نسمح للناس تبعدنا عن بعض

مش كل نصيحة منسمعها تبني بيتنا

بس النصائح اللي بتسمعوها منا أكيد مضمونة هاهاها

عشان هيك ما تنسوا تعملوا لنا سبسكرايب