حياة عيلتنا: ابو سند متضايق ومش طايق
هيو قام بمشي باتجاه المطبخ
جوعان؟ مستحيل!
أنا عملت له ورق دوالي بإيدي وما أكل منه ولا إشي
ستني أشوف
هيو رجع لا لا لا ما مع ولا إشي
قعد على الكنباي، عم بحك شعره
رجع نام، أوكي أوكي، بحاول وبحكيلك شو بصير. باي
أبو سند قوم قوم بدي أحكي لك اشي
شو في؟
شو رأيك نزور حسام و رنا؟
زمان ما زرناهم
بلاش يعتبوا علينا والولاد كمان كثير بنبسطوا
سالي! سند! تروحوا تزوروا عمو حسام وآنتي رنا؟
جسمي مهدود ومش جاي عبالي
يا بابا بليز
خلص قلت لا يعني لا
افففتت كل الوقت معصب
طب خلص خلص هدي حالك
شو رأيك نطلع أنا وياك نوكل سندويشة فلافل؟
أكيد أكيد ما رح تقول لا
مش جاي عبالي آكل إشي
معلش تتركيني أنام؟
نام نام، نام تنام عليك حيطة
إيه شو هالعيشة هاي صار له كثير على هالحالة
أنا ما بقدر أتحمل أكثر من هيك
بصراحة صار أوفر يعني، أوفر أوفر
بقول لك يا حبيبتي عملنا له كل فحوصات الدنيا
ما ماله إشي الزلمة ما ماله إشي
يلا مش إنتي دكتورة تفضلي حلّيلي إياها
زلمة ما بوكل منيح، ما بنام بالليل، كل الوقت معصب
وما بدو يطلع ولا بدو يشوف حدا
وأنا صراحة مش عارفة كيف أتصرف معه
أعراض؟ أعراض شو؟
اكتئاب؟!
يا ولاد أدخلوا شوي بدي أحكي أنا والبابا
حبيبي إحنا زمان ما حكينا مع بعض
احكيلي قلّي، شو اللي مدايقك؟
ما في شي
بس حبيبي أنت صارلك شهر وأنت هيك
ما تخبي علي بترجاك
احكيلي شو مالك
طول عمري كنت متخيل حالي لما يصير عمري أربعين سنة
إنتي بتعرفي حلمي
كنت متخيل حالي عندي مطعمي الخاص
وقعدات حلوة وحديقة يقعدوا فيها الناس
بس معيش زفت بالبنك
حسابي صفر وديون وبيتنا بالإيجار
أبو سنودتي حبيبي بس أنا شايفة غير هيك
أنا فخورة فيك زي ما أنت
بعدين أهم شي عملناه وحققناه هو العيلة الحلوة
اللي أنت تاجها
وبعدين عندك شغلك الجديد
وصحتك تمام نشكر الله
أنا مسكرة معي مش قادر أفكر بأي شي منيح
يا زلمة طول عمرك حكيم ومثابر وشغيل
والكل بيحبك
فكر بالأشياء الحلوة، شو يعني أربعين؟
في ناس بيحققوا أحلامهم عالسبعين وعالثمانين
شو رأيك أعمل لك قلاية بندورة ونطلع ناكل مع بعض عالسطح
أبو سند؟
إذا ضليت حاسس حالك مكتئب يعني
شو رأيك يعني مش غلط إذا
نسأل حدا متخصص يساعدك
هيك رأيك؟
