حياة عيلتنا: عبر باحترام
بابا معلش توقع لي هاي الورقة بسرعة
وبس تخلص أرجوك تخلي ماما توقع كمان
أرجوك يا بابا
ألو، آه آه
شو هذا؟ ما دام أبو عمر وأبو جورج موقعين، هاي توقيعي
دينا دينا خذي وقعي
أهلاً أم مرام
شو؟! سالي!
بابا يقول يلا هنتأخر عالطابور الصباحي
أنا جاهزة شوف شوف ما أخف شنتتي اليوم
شو هذه فاضية
عشان اليوم عنا مهرجان عرض المواهب
نيالكم، بصير آجي أحضر؟
أكيد لا هذا مش للصغار
يا ولاد يلا تأخرنا، شو بتساوا؟
يلا يلا بابا هينا جايين
وهلا رحبوا بالموهبة التالية
الطالبة رنا نائل من الصف السابع ج
مثل هالبرج رح أوصل الغيوم
بضوي مثل نجوم السما
أساساتي بالأرض ما رح أهتز
شو ما عمل بي الهوا
عندي كثير أحلام وما في وقت للإستسلام
شو ما قالوا الناس عني كلام
مثل هالبرج رح أوصل الغيوم
بضوي مثل نجوم السما
أساساتي بالأرض ما رح أهتز
شو ما عمل بي الهوا
أحلى رنوش!
وهلا عنا أداء الشعر مع الطالب عمر سمير
صديقي بقلم عناء محادين
صديقي ألقاه وقت ضيقي
هو دوماً معي في طريقي
يسندني وينقذني من كل ضيقي
أدامك الله يا رفيقي
لتبقى لي نوراً ينير طريقي
وآخر موهبة عنا اليوم
فقرة كوميديا مع الطالبة مرام من الصف السابع د
اليوم بدنا نحكي عن شوية أشياء غريبة بتصير معنا بالمدرسة
بالنسبة للمس اللي بكون نشفان ريئي بالحصة تبعتها
وبترجاها مس لو سمحتي أطلع أشرب ماء
أنتوا ولاد صغار! شو أنا بالروضة! مش قادرة تمسكي حالك!
بس ناقص أفتحها كافتيريا بالحصة
وبعد ثلاث ثواني بتمد المس إيدها على جزدانها
وبطلع حبة شوكلاتة بالخفية وتأكلها
أكيد عرفتوها
مس ما أنت طول الوقت بتاكلي بالحصة
يعني وقفت على شرب الماء
وبالنسبة أن أساتذة اللغة العربية
مهتمين جداً بالقراءة واللفظ للكلمات
وفجأة بيدخل أستاذ العربي أول السنة ويقول
أماي أمي الأماياء بحفي بئيٍ في الصحياء
ليشيب منه الفقياء
كم ياء في ذلك
أكيد بتعرفوا أنه ولا ياء بكلمة ذلك
شكراً
شو هاي المسخرة؟ معقول اللي صار؟
إحنا ما تربينا هيك.. عيب اللي صار
أكيد ما إلها حق باللي عملته
كيف هيك بتتمسخر على الأساتذة والمعلمات؟
مزبوط بتحكي لازم نفهمها غلطها
أقول لك إحكي مع باقي الشلة
وفرجوني شطارتكم بالكومينتات على صفحتها
يعني أنت فخورة باللي قدمتيه؟
إحنا ما بدنا إياك بمدرستنا
تستاهلي خلي كل المدرسة تقوم ضدك
سالي!
شو في ماما؟
بقدر أفهم شو هاي الورقة؟
شو اللي عاملينه أنتوا؟
أم مرام كانت على الخط
وقالت لي أن مرام لها ثلاث أيام مش قادرة تطلع من البيت
بدهاش تروح على المدرسة عشان التنمر اللي عملتوه فيها
ماما اللي عملته غلط
هي اللي تمسخرت على الأساتذة بعرض المواهب
هي المتنمرة مش إحنا
يا سلام
يعني هيك منعمل مع الناس
اللي يعملوا إشي إحنا مو موافقين عليه؟
شو شعورك إذا كل صحابك بقوموا ضدك؟
وبكتبوا لك كومينتات مسيئة على أكاونتك
أنا مش فاهم، شو القصة؟
إقرأ الورقة بتعرف
لا وكمان تطالبوا تنطرد من المدرسة!
بس ماما هي أساءَت للمعلمات وإلنا كلنا
وهذا ضايقنا كلنا كثير
اللي أزعجك منها أنت عملتيه فيها بالضبط
هي حكت عن المعلمات قدام طلاب الصف
وأنتوا حكيتوا عنها قدام كل المدرسة وعالنت كمان
سند أنت ما لك دخل
سالي إحنا ما ربيناكم هيك
عبري عن رأيك باحترام بدون ما تأذي غيرك مين ما كان
هذا اسمه تنمر إلكتروني
وهذا النوع من التنمر مدمر
طيب بما أنه أبوك صار موقع على الورقة
وأهالي طلاب كثير كمان وقعوا المسؤولية عليكي
هلا أنت بدك ترجعي تصلحي الوضع
اللي عملتوه كثير أذاني ودايقني
وأنا كنت ماخدة إذن كل معلم ومعلمة وفرجيتهم النص كمان
قبل ما أحكي أي كلمة على المسرح
وهم وافقوا عليه
أنا أعتذر عاللي قلته عنك وأني أذيتك
أنا كنت مقهورة كثير عالمعلمين
كان لازم اجي أحكي معك مباشرة ومش أحكي عنك
أنا كثير آسفة
بالنيابة عني وعن أصدقائي
نحب نقدم إعتذارنا قدام المدرسة كلها
على الطريقة السيئة اللي عبرنا فيها عن رأينا
واللي سببت أذى كبير لصديقتنا مرام
وأنا قبلت الإعتذار
وقررنا أنا وسالي نعمل مبادرة تشجعنا نعبر فيها
عن آرائنا باحترام
مشان هيك أطلقنا #عبرـ باحترام
