العلم وراء النوم سلطان | Why Do We Sleep?
مرحبا
ع يوتيوب
من أول الفيديوهات اللي بتطلعلك عن موضوع النوم
هو إنه حجم خصيتي شخص بينام 5 ساعات باليوم
أصغر بكتير من المعدل الطبيعي لعمره
ياخي حبيته هالزلمة
لإنه الإنسان عشان تخوفه لازم تمسكه من لغاليغه
بدك تجذب انتباهه؟
قله ياخي عندك مستوى التستسترون بصير كإنك أكبر من عمرك بعشر سنين
جذبت انتباهك وانتباهك؟
جميل
هلأ سؤال ليش بننام قد يعتبر سؤال تافه لواحد ماله سالفة بشتغل في صناعة المحتوى زيي لكن إذا ركزت بالتفاصيل
رح تكتشف إنه سؤال مهم جدا
اه
التفاصيل
التفاصيل
إذا بدنا نتجاهل التطور الحالي اللي خلانا تقريبا خضروات
ونفترض إنا بشر البراري
بما إنه هيك النظام تبع مخنا بشتغل
ولنفترض إنك محظوظ جدا جدا
الله يعطيك الصحة
وعشت لل80
بدك تنام 7 ساعات باليوم
يعني
من بين كل حياتك
بدك تعيش
خمسة وعشرين لثلاثين سنة
انت عبارة عن مغيب
تقريبا ميت
هجم عليك ضبع
فح فيك ثعبان
أبدا
فكر فيها
خلال هذه الفترات أنت تقريبا ميت
لا بتسمع ولا بتشوف ولا بتشم
ولا بتتواصل ولا بتتفاعل مع الأحداث اللي حوليك
يعني لا عم تجمع أكل
ولا عم تتحركش بممز عشان تتكاثر
ولا عم تقدر تحمي عيلتك ومجموعتك من أي هجوم جاي من برا
مفيش أي فايدة من أمك حضرتك
طيب كيف زبطت مع الطبيعة
إنها تعمل شيء خطير جدا على بقاءك زي هيك
وتفقدك الوعي لساعات طويلة كل يوم؟
ثم إنه النوم لا يعتبر شغلة مهمة وبس
لكنه محفور في الحمض النووي تبع جميع الحيوانات من فترة طويلة جدا
تقريبا من بداية الحياة
شو هالفائدة التطورية العظيمة
لدرجة إنها أهم لنجاتك من الصحيان المتواصل؟
هلأ علماء التطور حيرهم هاد الموضوع كتير
لكن كل ما حاولو يدرسو الموضوع أكثر
بكتشفو إنه النوم مش بس فقدان وعي
لكنه عبارة عن دورة ثانية متكاملة من وظائفك الحيوية
والأحداث اللي بتصير فيها أساسية جدا
لدرجة إنها تطوريا أفيد من الصحيان
برضو كيف يعني؟
أول شيء خلينا نشوف النظريات اللي بتفسر ليش بننام
نظرية الخمول
أمنا الطبيعة: خد هذا الكائن مثلا
أمنا الطبيعة: هذا
أمنا الطبيعة: يعني
أمنا الطبيعة: إن ضربه القرد سرعته ما بتتجاوز 45 كيلومتر بالساعة
أمنا الطبيعة: وعيونه صغار يادوب بالنهار بشوف فيهم
أمنا الطبيعة: يعني بالليل ما رح يعرف يشوف قدامه
أمنا الطبيعة: وسنانه صغار كمان
أمنا الطبيعة: وبركض ع رجلتين
أمنا الطبيعة: يعني كل الكائنات اللي بتصطاد بالليل
أمنا الطبيعة: أقوى وأسرع منه
أمنا الطبيعة: يقعد يتصرمحلي بالأرجاء ويجيبلي مفترسين
أمنا الطبيعة: لا حبيبي
أمنا الطبيعة: نام
أمنا الطبيعة: نام
بمعنى آخر
هذه النظرية بترجح إنه النوم بالليل أفيد لبعض الكائنات في بيئتها وحسب قدراتها
نظرية ثانية
هي نظرية حفظ الطاقة
إذا الحياة لها شعار ف هو البقاء للأفضل
بس شو يعني البقاء للأفضل؟
الحياة مهمتها الأساسية هي استخدام الطاقة المتوفرة
بأفضل كفاءة وفائدة للبقاء
نظرية حفظ الطاقة بتقولك
بنيم الكائن عشان أوفر باستهلاك الطاقة الموجودة عندي
ف بنيمه بأوقات خلال اليوم
ولما تيجي توفر طاقة أكيد بدك تختار الأوقات اللي ما بتستفيد منها
الأوقات اللي كفائتك فيها بتكون أقل
أقل للصيد أو تجميع الأكل
يعني البشري مثلا
أفيدله إنه يوفر طاقة بالليل
مع هيك فيه كتير حيوانات ليلية
بشكل عام البقاء للأصلح
سواء ليلي أو نهاري
ثلاثة
نظرية الترميم والتجديد
بتقولك هذه النظرية أنه لما تنام
بتتجدد الخلايا وبتترمم
وبتصير أقوى وأحسن
بتحس هذه النظرية تافهة
لبين ما تفوت بالتفاصيل
وطبعا أي شيء بدنا نعرفه
شو بنعمل؟
بنجيب كمشة حيوانات مساكين وبنشتغل فيهم
العلماء جابو حيوانات
وحرموهم من النوم تماما
خلال أسابيع
الحيوانات هذه فقدت وظائف جهازها المناعي تماما
وماتت
وفيه أدلة قوية جدا
أنه عمليات زي
نمو العضلات
وترميم الأنسجة
وإفراز هرمون النمو
هذه كلها عمليات بتكون بقمتها في وقت النوم
إلى الآن كلام جميل
بس لسا ما انشرح صدرنا
بدنا نظريات أعمق
والعمق يتناسب طرديا مع الدماغ
وبالتحديد مع قدرة الدماغ على تغيير نفسه
هلأ كل الحيوانات اللي عندها دماغ
فيه عندها نوعا ما قدرة إنها تغير من دماغها
بس عالأغلب هذا الحكي بكون وهم كتير صغار
أما احنا البشر
فالدراسات وجدت أنه عندنا مرونة دماغية رهيبة جدا
مقارنة بالحيوانات الأخرى
والمرونة مهمة جدا للتعلم
عشان هيك
مستحيل تقدر تعلم قطة تلعب تريكس مثلا
بس مع العمر بتقل المرونة
يعني تتعلم سويدي وانت طفل
أسهل بكتير من وانت قربت ع الثلاثينات
وويلك تعمل البراكتيك أحسن ما يطلعوك من السوسيال
يعني موضوع معقد
ف مع التقدم بالعمر مخك ببلد
زي كيف المعجونة أول ما تشتريها بتكون طرية ومحلاها بعدين بعد كم يوم بتخشب
بس مع هيك المرونة الدماغية هي شغلة مهمة جدا جدا
وبتصير في مخك طول الوقت
لكن كل الدراسات اللي انعملت وجدت علاقة قوية بين المرونة الدماغية وبين النوم
هلأ نحنا مش كتير فاهمين العلاقة بينهم
بس عنا معلومات كافية لنأخذ هذه النظرية بعين الاعتبار
وعشان نعرف أهمية النوم.. لازم نتخلى عنه
مش بقولك إذا أحببت أحدا أطلق سراحه؟
شو بيصير فيك اذا ما نمت؟
العلماء بعد ما خلصوا من الحيوانات
مسكوا البشر
وحطوهم بحديقة قصدي بمختبر
ممنوع يناموا طول الليل.. بدون أي مساعدة خارجية.. حتى قهوة ممنوع
بعد ما سهروهم طول الليل
عملوا عليهم اختبار انه فيه مهمة لازم يتعلموها
اللي بين معهم انه قدرتهم عالتعلم نزلت 40 بالمية
لانه وجدوا انه منطقة hippocampus المحطة المركزية للذاكرة
لاقوا انها تقريبا مش شغالة
يعني حرفيا انت غير قادر على تكوين ذكريات جديدة.. اذا ما نمت
نعتبر مخك كمبيوتر
الكمبيوتر شو بيعمل؟ بيستقبل المعلومات
بعدين بيعالج هذه المعلومات
يعني بقرأها.. بعرف شو فيها
شو لازم نعمل فيها.. وين نحطها
وهكذا
تمام؟ تمام
مخك عاد عامل نفس الشي بالضبط
خلال النوم العميق مخك بيكون مهبرج.. كرنفال من الاشارات الكهربائية
اللي بتنطلق بمناطق كتير بدماغك
هاي العملية بعتبروها العلماء information processing
يعني معالجة بيانات لكل الاحداث اللي صارت معك خلال اليوم
والاشياء اللي تعلمتها
الأدلة عم بتبين انه كأنه جسمك ومخك بيمارس حياته الطبيعية بالنهار كل شيء تمام
بعدين بينام ليش؟ لإنه خلص سكرنا اليوم
باي باي تعالوا بكرا
خليني اشوف شو فيه عندي عضلات
شو فيه عندي أنسجة بدها ترميم
شو فيه عندي أعداء بدهم انتبه لهم
شو فيه عندي ذكريات تعلمتها
شو أعمل فيها
وين أخزنها
وبكرا الصبح بنرجع بنفتح وكل شيء تمام
وضروري جدا جدا نسكر كل يوم
وإلا البيت هيتطربق على دماغ أهالينا
إذا خايف تضيع وقت بالنوم ف ضروري تفكر وتصحى ع حالك وتنام
لإنه النوم ساعة بس أقل من حاجتك.. برفع احتمالية إصابتك بأزمة قلبية أربعة وعشرين بالمية
إذا ما نمت كفاية.. بضعف جهازك المناعي
والعصبي
والتنفسي
والهرموني
والهضمي
والتناسلي
كمان بتزيد احتمالية إصابتك بالزهايمر
مش بحكوا بس تختير بتبطل تنام؟
بالتحديد بموضوع التقدم بالعمر والخرف والزهايمر
وجدوا ارتباط مباشر بينهم وبين فقدان القدرة عالنوم لفترات كافية عند الناس الكبار بالعمر
كمان.. بس ما تنام بتجوع أكثر
وبتاكل أكثر من حاجتك بكتير
هذا غير انك بتبلد وبتبطل تعرف لا تستقبل ولا ترسل
hippocampus بتكون مسكرة وفوق كل هاد.. ممكن تتوتر أو تكتئب أو تنجن أو تتدهور صحتك النفسية والجسدية
هاي ما بدها علماء يحكوا فيها
انت مو انت وانت نعسان
النوم محفور بحمضك النووي لدرجة أنه في 22 ألف خلية عصبية في مخك بشتغلوا ساعة
مسؤولين عن الحفاظ على إيقاع الساعة البيولوجية تبعتك
ومدة اليوم على هاي الساعة
هو 24 ساعة وشوي
يعني زابطين أكتر مع المريخ من الأرض
هاي الساعة متبعة مع البيئة وبتعدلها عالتكة
ها
عم توصلني إشارات من العين انه الضو خف
معناته الشمس غابت
وبرضو الضجة حوالينا خفت كتير
وبلش صوت الحيوانات الليلية يطلع
خليني ألحق أهديه وأروقه
ف بينزل ضغط الدم وببطء القلب
وبعد الغروب ببلش جسمك يفرز هرمون اسمه الميلاتونين الميلاتونين بيهديك بيخليك صاحي بس هادي مش زي الصبح مخدرات يعني.. من باب المكافأة
لما يكون روتينك منظم
الساعة البيولوجية عندك بتشتغل تمام
لدرجة انك بتصير تصحى قبل المنبه
طبعا قبل ما تصحى ببلش جسمك يصحصح فيك
برفعلك هرمون الكورتيزول
اللي هو هرمون القلق والتوتر
عشان يزيد النشاط والطاقة وتفز الصبح نشيط عشان تلحق تنسخ جينات حاجة غريبة ياخي
أعتقد واضح من الحياة انه النوم عندها خط أحمر
بس مش كتير ملتزمة بالمواعيد صراحة
يعني حتى بين البشر.. جينيا فيه نوعين من الناس
يا العصافير
اللي بصحوا الصبح نشيطين ومركزين.. وكل شيء تمام
يا الخفافيش
هدول اللي مخهم بس بنشط بالليل
وبصحوا كل يوم الصبح على وشك ارتكاب جريمة
لانه منطقة الفص الصدغي الأمامي
بتكون تقريبا مش شغالة عندهم الصبح
هلأ زمان كان لازم يضل كم من حد صاحي عشان يحرس المجموعة بالليل
هدول عاد بضلوا صاحيين بالليل ومتنشطين
عشان الباقيين يناموا
وبس يصحوا هدول بناموا هدول وهكذا
إذا انت وطواط
ف سلالتك تنحدر من هدول المسخمين
اللي خلوهم يسهروا بالليل
وهاد الشي كتير متعودين عليه بكل مكان في العالم
حتى لهلأ
لهلأ فيه نوبة ليلية
لأقلية من الناس
عشان يضل النظام الحضاري والعجلة شغالة
طيب.. أعتقد بكفي تنظير
حكينا كتير عن النوم خلينا ندخل في المفيد
بما إنه النوم هالقد جوهري
كيف بنقدر نحافظ على روتين نوم صحي
في ظل تداعيات عصر الانترنت
وتجاهل الدوام العالمي التام لهاي الاختلافات بين البشر
شو بدك تعمل؟
بدك تتبع شيء اسمه النظافة النومية
هلأ بشكل عام
الرياضة وتنظيم الأكل
هم أهم شي لكل شي قبل ما نبدأ بشي
بما انه إنتاج الميلاتونين مرتبط بالعتمة
خلي الاضاءة في الليل خافتة وضعيفة
وحاول لا تجيب الموبايل معك عالتخت
السرير يعني
بعرف الموضوع صعب.. بس ع الأقل حاول خصص نص ساعة قبل النوم بدون الكترونيات
شغلة ثانية مهمة جدا
واللي هي تحديد مواعيد النوم
كل يوم بدك تقوم من النوم بنفس الوقت
وتنام بالليل بنفس الوقت
حتى لو ما عرفت تنام.. فوت عالتخت عالموعد واقعد
بدون موبايل
أشوف شو بدك تعمل
كلها نص ساعة ساعة وإلا انت نايم
مع الوقت
ساعتك البيولوجية رح تنتظم
بس طول ما انت مش منتظم هي كمان رح تضل فايتة بالحيط زي حياتك
شيء ثاني
هو إنك تبعد عن المنبهات
المنبهات بتعطيك شعور وهمي بالنشاط
لانها حرفيا بتجمعلك التعب لفترة
وبتمنعه عنك
بس لما يروح مفعولها
بترمي عليك كل التعب فجأة
شخصيا
شيء ساعدني كتير
هو التأمل.. والالتزام بجدول ثابت
وبالنهاية
لازم نحكي عن السنووز
اوعى تكبس سنوز
هو ما حدا فينا رح يستفيد من هذه المعلومة
بس ما على الرسول إلا البلاغ
السنوز بيفوت جسمك بحالة اسمها القصور النومي
زي بالفيزياء
بدك جرافة تحركك
لانه السنوز بيخربط كتير إشارات الصحيان والنوم بجسمك
وبالنهاية
بتمنالكم نوم سعيد هني
مليء بالأحلام السعيدة
اذا بتحبوا المحتوى اللي بعمله وحابين تساعدوني
بتقدروا تدعموني على باتريون
كمان على باتريون كل شهر
رح نعمل جلسة مباشرة أونلاين
نتناقش فيها مع بعض نحنا الباترونز
بأشياء الها علاقة بالعلم.. بالحياة
يعني ندردش
اذا مهتمين بالموضوع
رابط الباتريون بتلاقوه بصندوق الوصف
سلام
طيب.. ما فيه داعي نحكي بموضوع القناة وإنه لازم تشترك بالقناة وتخلي الجرس يرن.. إلى آخره
بس صراحة لازم أذكرك أو أذكرك
إنك تشوف أو تشوفي
الفيديوهات التانية
يا اخي اسرح بخيالك
