9-علي وسارة صاحبته الجديدة

علي بقى عنده صاحبة جديدة .

صاحبته الجديدة اسمها سارة .

علي عايز يعمل عشا لسارة .

راح السوبر ماركت .

وخد معاه سلة وعربية المول .

وبيمشي في ممر الخضار .

وبيبص عالسمك في التلاجة .

ووقف جنب طاولة السلطات .

وأخيرا ,بيطلع من المحل .

علي بيروح البيت وبيتصل عشان يطلب بيتزا .

ودي نفس القصة بيحكيها علي بنفسه .

انا بقى عندي صاحبة جديدة .

اسمها سارة .

عايز أعمل عشا لسارة .

رحت السوبر ماركت.

و خدت سلة و عربية المول .

بمشي في ممر الخضار .

وببص عالسمك في التلاجة .

وبقف جنب طاولة السلطات .

واخيرا ,بطلع من المحل .

بروح البيت وبتصل عشان اطلب بيتزا.

الأسئلة :

و دلوقتي فيه شوية أسئلة ،حاول تجاوب عليها أو اسمع الإجابات .

السؤال الأول :علي بقى عنده صاحبة جديدة اسمها سارة .

هل علي عنده صاحبة جديدة ؟

أيوة ..علي عنده صاحبة جديدة واسمها سارة .

السؤال التاني :علي عايز يعمل عشا ل سارة .

هل علي عايز يعمل غدا لسارة ؟

لأ ..هو مش عايز يعمل غدا لسارة .

هو عايز يعمل عشا .

السؤال التالت :علي راح السوبر ماركت عشان يشتري اكل .

هل علي راح السوبر ماركت ؟

أيوة ..علي راح السوبر ماركت عشان يشتري اكل .

السؤال الرابع :علي بيمشي في ممر الخضار .

هل علي بيشتري الخضار ؟

لأ ..علي مابيشتريش خضار ,

هو بس بيمشي في ممر الخضار .

السؤال الخامس :.علي بيبص عالسمك في التلاجة ،بس مابيشتريش .

هل علي بيبص عالسمك ؟

أيوة ..علي بيبص عالسمك في التلاجة ،بس مابيشتريش .

السؤال السادس :وأخيرا ,بيطلع من المحل وبيروح البيت .

هل علي فضل جوه المحل ؟

لأ ..علي في الاخر بيطلع من المحل وبيروح البيت .

السؤال السابع :علي بيتصل عشان يطلب بيتزا .

هل علي بيعمل الاکل في البيت ؟

لأ ..علي مابيعملش العشا ..

هو بيطلب البيتزا .