خالد بيشتغل في مكتب .
وبيبقى مشغول جدا كل يوم .
عنده اجتماعات كتير اوي مع العملا بتوعه .
خالد مبيحبش الاجتماعات دي .
وهو شايف انها مملة جدا .
فيه شوية عملا لطاف مع خالد .
بس برضو فيه عملا مش لطاف خالص .
خالد بياخد إستراحة طويلة وقت الغدا .
و بيروح الساعة خمسة .
وكل يوم بيستنى الساعة خمسة بالعافية ..عشان يروح .
ودي نفس القصة بيحكيها خالد بنفسه .
أنا بشتغل في مكتب .
وببقى مشغول جدا كل يوم .
عندي اجتماعات كتير اوي مع العملا بتوعي .
وبصراحة ,مابحبش الاجتماعات دي .
لانها مملة جدا .
فيه شوية عملا لطاف معايا .
بس برضو فيه عملا مش لطاف خالص .
وقت الغدا باخد استراحة طويلة .
و بروح الساعة خمسة .
وكل يوم بستنى الساعة خمسة بالعافية ..عشان اروح .
الأسئلة :
و دلوقتي فيه شوية أسئلة ،حاول تجاوب عليها أو اسمع الإجابات .
السؤال الأول :خالد بيشتغل في مكتب .
هو خالد بيشتغل في مدرسة ؟
لأ ...خالد بيشتغل في مكتب .
السؤال التاني :خالد مشغول جدا كل يوم .
هل خالد بيبقى مشغول جدا كل يوم ؟
أيوة ..خالد مشغول جدا كل يوم .
السؤال التالت :خالد عنده اجتماعات كتير اوي مع العملا بتوعه .
هل خالد عنده اجتماعات قليلة ؟
لأ ..خالد عنده اجتماعات كتير اوي مع العملا بتوعه .
السؤال الرابع :خالد شايف أن الاجتماعات مملة .
هل خالد شايف أن الاجتماعات مملة ؟
أيوة ..خالد شايف أن الاجتماعات مملة .
السؤال الخامس :بعض العملا لطاف .
هل كل العملا لطاف ؟
لأ ..بعض العملا لطاف ,مش كلهم .
السؤال السادس :خالد بياخد استراحة طويلة للغدا .
هل خالد بياخد استراحة صغيرة للغدا ؟
لأ خالد مابيخدش استراحة صغيرة للغدا .
هو بياخد استراحة طويلة .
السؤال السابع :كل يوم خالد بيروح الساعة خمسة .
هل خالد بيروح الساعة اربعة ؟
لأ .. خالد بيروح الساعه خمسة.
