عمر في الثانوية العامة وعنده مذاكرة كتير جدا.
رنا طالبة في الجامعة.
وعندها مذاكرة كتير برضو.
عمر مابيحبش المذاكرة.
هو بيحب يلعب على الكومبيوتر بتاعه.
ورنا بتحب القراية والكتابة.
رنا بتذاكر كل يوم.
رنا هي الأخت الكبيرة لعمر.
وهي دايما بتخليه يعمل الواجب ويذاكر.
ودي نفس القصة بيحكيها عمر بنفسه.
انا في الثانوية العامة.
وعندي مذاكرة كتير جدا.
رنا طالبة فى الجامعة.
وعندها مذاكرة كتير برضو.
انا مابحبش المذاكرة.
بس بحب العب على الكومبيوتر بتاعي.
ورنا بتحب القراية والكتابة.
رنا بتذاكر كل يوم.
رنا هي أختي الكبيرة.
وهي دايما بتخليني أعمل الواجب وأذاكر.
الأسئلة:
ودي شوية أسئلة حاول تجاوب عليها.. أو اسمع الأجابات.
السؤال الأول: عمر في الثانوية العامة وعنده مذاكرة كتير جدا.
عمر في سنة كام؟
عمر في الثانوية العامة.
السؤال التاني: رنا طالبة في الجامعة وعندها مذاكرة كتير برضو.
هل رنا في الثانوي؟
لأ.. رنا في الجامعة.
السؤال التالت: عمر مابيحبش المذاكرة هو بيحب يلعب على الكومبيوتر بتاعه.
هو عمر بيحب يذاكر؟
لأ.. عمر مابيحبش يذاكر.
هو بيحب يلعب على الكمبيوتر بتاعه.
السؤال الرابع: رنا هي الأخت الكبيرة لعمر.
رنا تقرب ايه لعمر؟
رنا هي اخت عمر الكبيرة.
السؤال الخامس: وهي دايما بتخليه يعمل الواجب ويذاكر.
هو عمر بيذاكر لوحده؟
لأ.. رنا بتساعد عمر في المذاكرة وبتخليه يعمل الواجب.
