رنا مؤخرًا بدأت شغل جديد.
هي مبسوطة بالشغل أوي, بالرغم من ان فيه شوية مشاكل بينها وبين المدير بتاعها.
في الاجتماعات, لو حاولت تقول حاجة.. المدير مش بيخليها تتكلم.
هي نفسها المدير يديها فرصة تتكلم, وبتتمنى يحسسها ان رأيها مهم.
هي نفسها تعرف تحل المشكلة دي.
هي ممكن تدور على شغل جديد تاني, بس عامة هي شايفة ان الأحسن انها تكمل في الشغلانة دي.
ودي نفس القصة بتحكيها رنا بنفسها.
أنا بدأت شغل جديد السنة اللي فاتت.
في الأول، كنت مبسوطة بالشغل أوي, بالرغم من ان كان فيه شوية مشاكل بيني وبين المدير بتاعي.
في الاجتماعات, لو حاولت اقول حاجة، المدير مكانش بيخليني اتكلم.
كان نفسي المدير يديني فرصة اتكلم, وكنت بتمنى يحسسني ان رأيي مهم.
كان نفسي اعرف أحل المشكلة دي.
كان ممكن ادور على شغل جديد تاني, بس عامة كنت شايفة ان الأحسن اني اكمل في الشغلانة دي.
ودلوقتي فيه شوية اسئلة، حاول تجاوب عليها, أو اسمع الاجابات.
واحد: رنا مؤخرًا بدأت شغل جديد.
رنا عملت ايه مؤخرًا؟
رنا مؤخرًا بدأت شغل جديد.
اتنين: هي مبسوطة بالشغل أوي.
هي رنا مبسوطة في الشغل؟
أيوة, هي مبسوطة بالشغل أوي.
تلاتة: فيه شوية مشاكل بينها وبين المدير بتاعها.
فيه مشاكل بينها وبين مين؟
فيه شوية مشاكل بينها وبين المدير بتاعها.
أربعة: في الاجتماعات, لو حاولت تقول حاجة، المدير مش بيخليها تتكلم.
ايه اللي بيحصل في الاجتماعات؟
في الاجتماعات, لو حاولت تقول حاجة، المدير مش بيخليها تتكلم.
خمسة: كان نفسي المدير يديني فرصة اتكلم.
كان نفسك في ايه؟
كان نفسي المدير يديني فرصة اتكلم.
ستة: وكنت بتمنى يحسسني ان رأيي مهم.
كنتي بتتمني ايه؟
وكنت بتمنى يحسسني ان رأيي مهم.
سبعة: كان نفسي اعرف أحل المشكلة دي.
كان نفسك في ايه؟
كان نفسي اعرف أحل المشكلة دي.
تمانية: كان ممكن ادور على شغل جديد تاني, بس عامة كنت شايفة ان الأحسن اني اكمل في الشغلانة دي.
مادورتيش على شغل جديد ليه؟
عشان عامة كنت شايفة ان الأحسن اني اكمل في الشغلانة دي.
