ندا على طول زهقانة.. في الشغل وفي البيت.
بتعمل نفس الحاجات كل يوم, ومفيش جديد
هي نفسها تعمل حاجة جديدة.
في الأول, حاولت انها تطبخ.
بس أكلها مكانش لذيذ خالص.
بعد كده, حاولت تتعلم سباحة.
بس هي بتخاف من المية.
في يوم وندا مروحة البيت, لقت محل لبيع الحيوانات الأليفة.
في المحل.. ندا شافت قطة وعجبتها جدا.
ندا قررت تشتري القطة وبقت مبسوطة جدا بيها.
ودي نفس القصة بتحكيها ندا بنفسها.
انا على طول زهقانة.. في الشغل وفي البيت.
بعمل نفس الحاجات كل يوم, ومفيش جديد.
انا نفسي اعمل حاجة جديدة.
في الأول, حاولت اطبخ.
بس أكلي مكانش لذيذ خالص.
بعد كده, حاولت اتعلم سباحة.
بس انا بخاف من المية.
في يوم وانا مروحة البيت, لقيت محل لبيع الحيوانات الأليفة.
في المحل.. شوفت قطة وعجبتني جدا.
قررت اشتري القطة وبقيت مبسوطة جدا بيها.
الأسئلة:
ودي شوية أسئلة حاول تجاوب عليها.. أو اسمع الأجابات.
السؤال الأول: ندا على طول زهقانة.. في الشغل وفي البيت.
هل ندا مبسوطة في الشغل وفي البيت؟
لأ.. هي زهقانة ومفيش جديد.
السؤال التاني: في الأول, حاولت انها تطبخ.. بس أكلها مكانش لذيذ خالص.
هي ندا بتطبخ كويس؟
لأ.. هي مش بتطبخ كويس وأكلها مكانش لذيذ خالص.
السؤال التالت: بعد كده, حاولت تتعلم سباحة بس هي بتخاف من المية.
هل ندا بتعوم كويس؟
لأ هي مش بتعوم كويس.. لأنها بتخاف من المية.
السؤال الرابع: في المحل.. شافت قطة وعجبتها جدا. قررت تشتري القطة وبقت مبسوطة جدا بيها.
ندا شافت القطة فين؟
في محل الحيوانات الأليفة.
السؤال الخامس: هل ندا قررت انها تشتري كلب؟
لأ.. ندا ماشترتش كلب.. هي اشترت قطة.
