مصطفى عايز شغلانة جديدة.
هو مابيحبش شغله في المكتب.
و شايف إن شغله ممل جداً.
مصطفى عايز شغلانة ممتعة أكتر.
هو بيدور على وظيفة جديدة عالنت.
فيه وظايف كتير في المطاعم.
وبرضو وظايف كتير في المحلات.
مصطفى مابيعرفش يطبخ كويس.
بس بيحب يعمل شوبينج و يتكلم مع الناس.
مصطفى نفسه يلاقي شغل في محل.
ودي نفس القصة بيحكيها مصطفى بنفسه.
أنا عايز شغلانة جديدة.
مابحبش شغلي في المكتب.
و شايف إن شغلي ممل جداً.
انا عايز شغلانة ممتعة أكتر.
بدور على وظيفة جديدة عالنت.
فيه وظايف كتير في المطاعم.
وبرضو وظايف كتير في المحلات.
انا مابعرفش اطبخ كويس.
بس بحب اعمل شوبينج و اتكلم مع الناس.
نفسي الاقي شغل في محل.
الأسئلة:
و دلوقتي فيه شوية أسئلة، حاول تجاوب عليها أو اسمع الاجابات.
واحد: مصطفى عايز شغلانة جديدة.
هو مصطفى عايز شغلانة جديدة؟
أيوة، مصطفى عايز شغلانة جديدة.
اتنين: مصطفى شايف أن شغله ممل جدًا.
هو مصطفى بيحب شغله؟
لأ، هو مابيحبش شغله.
هو شايف انه ممل جدًا.
تلاتة: مصطفى عاوز شغلانة ممتعة أكتر.
هل مصطفى عاوز شغلانة مملة؟
لأ، مصطفى عاوز شغلانة ممتعة أكتر.
أربعة: مصطفى بيدور على وظيفة جديدة عالنت.
هل مصطفى بيدور على وظيفة جديدة عالنت؟
أيوة،مصطفى بيدور على وظيفة جديدة عالنت.
خمسة: فيه وظايف كتير في المطاعم.
هل فيه وظايف كتير في المطاعم؟
أيوة، فيه وظايف كتير في المطاعم.
ستة: مصطفى مابيعرفش يطبخ كويس.
هو مصطفى بيطبخ كويس؟
لأ, مصطفى مابيعرفش يطبخ كويس.
سبعة: مصطفى بيحب يعمل شوبينج و يتكلم مع الناس.
هو مصطفى بيحب يتكلم مع الناس؟
أيوة, مصطفى بيحب يعمل شوبينج و يتكلم مع الناس.
تمانية: مصطفى عاوز يلاقي شغل في محل.
هل مصطفى عاوز يلاقي شغل في مطعم؟
لأ, هو مش عايز يلاقي شغل في مطعم.. هو عايز يلاقي شغل في محل.
