شقة ماجد صغيرة جدًا.
هو عاوز يعزل في شقة جديدة.
بيدور على شقق عالنت وبيشوف الصور.
لقى شقة سعرها رخيص جدا.
بس قديمة و فاضية.
ولقى شقة تانية فيها عفش, شقة مفروشة.
فيها سرير وتليفيزيون وبوتجاز.
بس الشقة دي غالية.
ماجد قرر يحوش فلوس أكتر.
ويعزل السنة الجاية.
و دي نفس القصة بيحكيها ماجد بنفسه.
شقتي صغيرة جدًا.
عاوز اعزل في شقة جديدة.
كنت بدور على شقق عالنت وبشوف الصور.
لقيت شقة سعرها رخيص جدا.
بس قديمة وفاضية.
ولقيت شقة تانية فيها عفش, شقة مفروشة.
فيها سرير وتليفيزيون وبوتجاز.
بس الشقة دي غالية.
قررت احوش فلوس أكتر.
واعزل السنة الجاية.
الأسئلة:
دلوقت فيه شوية أسئلة، حاول تجاوب عليها، أو اسمع الإجابات.
واحد: شقة ماجد صغيرة جدًا.
هل شقة ماجد كبيرة؟
لأ، شقته مش كبيرة، هي صغيرة جدًا.
اتنين: ماجد عاوز يعزل في شقة جديدة.
هل ماجد عاوز يعزل؟
أيوة، ماجد عاوز يعزل في شقة جديدة.
تلاتة: ماجد بيشوف صور الشقق عالنت.
هل ماجد بيشوف صور عالنت؟
أيوة، ماجد بيشوف صور الشقق عالنت.
أربعة: الشقة الأولى رخيصة جدًا.
هل الشقة الأولى غالية ؟
لأ, الشقة الأولى مش غالية.
هي رخيصة.
خمسة: الشقة الأولى قديمة وفاضية.
هل الشقة الأولى قديمة؟
أيوة، الشقة الأولى قديمة وفاضية.
ستة: الشقة التانية فيها سرير، وتليفزيون، وبوتجاز.
هل الشقة التانية فيها عفش؟
أيوة، الشقة التانية فيها سرير، وتليفزيون، وبوتجاز.
سبعة: الشقة التانية غالية.
هل الشقة التانية رخيصة؟
لأ، الشقة التانية مش رخيصة، هي غالية.
تمانية: ماجد قرر انه يحوش فلوس أكتر.
هل ماجد عاوز يحوش فلوس أكتر؟
أيوة، ماجد قرر يحوش فلوس أكتر.
تسعة: ماجد هيعرف يعزل السنة الجاية.
هل ماجد هيعرف يعزل السنة دي ؟
لأ، ماجد مش هيعرف يعزل السنة دي.
بس هيعرف يعزل السنة الجاية.
