Flirting, Part 2: First Date - مغازلة: الجزء الثاني: أول مقابلة

مغازلة: الجزء الثاني: أول مقابلة

هالة: ألو، ممكن أتكلم مع محمود، من فضلك؟.

محمود: أهلا هالة، إيه المفاجأة الحلوة دي! وحشتنيي من إمبارح.

هالة: إزاي؟!!!. إحنا إتكلمنا مرة واحدة بس. بطل بكش.

محمود: إوعي تقولي إحنا مش هنتقابل بكره، عاوز أشوفك. بكره الصبح، ماشي؟.

هالة: لا يا محمود، بلاش بكره، بعد بكره الصبح، ماشي؟

محمود: مممم، الساعة كام؟!! هالة: الساعة حداشر الصبح.

محمود: أوكي، فين؟!! هالة: ستار باكس عند سان ستيفانو مول.

محمود: هروح من دلوقتي.

هالة: هههههه، سلام.

محمود مع هالة عند ستار باكس كافيه

محمود: أهلا هالة، إزيك؟

هالة: الحمد الله، محمود.

محمود: تحبي تقعدي جوه ولا بره أُدام البحر؟

هالة: الجو حلو أوي، ممكن نقعد بره، على الترابيظة اللي بتطل على البحر.

محمود: إتفضلي، مالك شكلك ملبوخة!! هالة: لأ، انا كويسة.

محمود: أوكي، عاجبني الأوت فيت بتاعك

هالة: مرسي.

محمود: برنامجك إيه في الصيف؟.

هالة: كل ويك إند بسافر الساحل الشمالي مع العيلة.

محمود: بتعرفي تركبي جيت سكي؟

هالة: طبعا، أخويا عنده جيت سكي وكمان بحب بنانا، وبحب أعوم.

محمود: بنانا صعب أوي!!! هالة: لئه، بس إنت عاوز تتمرن علشان تركبه. وإنت إيه هواياتك؟.

محمود: أنا بحب كرة قدم، وتنس.

هالة: بتروح نادي إيه؟

محمود: نادي سبورتنج. هالة: أنا كمان عضوة في نادي سبورتنج.

محمود: جميل، تحبي تتمرني تنس معايا؟.

هالة: ممم، هفكر فيها، بتشتغل إيه يامحمود؟

محمود: أنا مهندس في شركة المقاولون العرب. وإنتي ياهالة؟.

هالة: أنا طالبة في السنة التانية في كلية الحقوق.

محمود: عاوزة تشتغلي بعد التخرج؟

هالة: إن شاء الله لازم أشتغل والحمد الله كل سنة بجيب تقدير جيد جدا يعني ممكن أشتغل في الجامعة.

محمود: أحب البنت الطموحة.

هالة: مرسي، أنا كمان أحب الشاب الطموح اللي يقف ورا البنت ويدفعها لأدام.

محمود: إيه ده مش عزمتيني على حاجة باردة !! !.

هالة: ههههه بتهزر. إيه دمك الخفيف ده؟!! محمود: ههههههه، أوكي المرة الجاية، هههههه، تحبي تشربي إيه؟

هالة: خلاص المرة الجاية، هههه، عصير مانجة، وإنت؟!.

محمود: أنا هاخد شاي بالنعناع الفرش.

هالة: ماشي.