Egyptian Kosherie - كشري مصري
كشري مصري
أماني: بتعملي إيه ياطنت؟
زينب: بعمل الغدا... أكلة إنتي بتحبيها!! أماني: تقصدي كشري مصري؟
زينب: طبعا.
أماني: علميني أطبخ كشري مصري.
زينب: سهلة أوي، هعملمك خطوة خطوة.
أماني: مرسي ياطنت.
زينب:العفو، يلا نحضر المقادير:
تلات بصلات مبشورة كوباية زيت نص كيلو مكرونة كوباية رز ناشفة ملح وفلفل كوباية عدس أسمر كوبايتين صلصة طماطم تلات فصوص توم مهروسة تلات ملاعق كبيرة خل
الطريقة
أماني: المقادير أهه، إيه الطريقة؟
زينب: قطعي البصل حلقات.
أماني: وبعدين ياطنت؟
زينب: سخني الزيت وبعدين حطي البصل
أماني: بس أصفر البصل؟
زينب: لأ، حمَّري لغاية ماتجيبي اللون البني.
زينب: نشَّفي البصل على ورق مناديل.
أماني: حاضر.
زينب: دلوقتي الزيت فيه طعم البصل، هنقسمم الزيت ، هنحط حبة في حلة الرز والعدس وحبة في حلة الصلطة وحبة في حلة المكرونة.
أماني: وبعد كده؟
زينب: دلوقتي هنطبخ العدس والرز.
إغلي كوبايتين ميه وبعدين حطي العدس وربع معلقة ملح، بعد خمس دقايق زودي الرز. إطبخيه على نار هادية.
أماني: وبعدين.
زينب: أسلقي المكرونة لغاية ماتستوي.
أماني: حاضر.
أماني: وإمتي هنطبخ الصلصة؟
زينب: في حلة تانية. سخني الزيت، وبعدين حطي الثوم المفروم لغاية اللون الأصفر بعدين حطي الصلصة والشطة والخل.
أماني: أنا بحب السبايسي.
يلا ياأماني علشان نحضر الكشري.
أماني: حاضر.
إزاي تقديم الطبق:
زينب: هاتي طبق كبير.
أماني: إتفضلي. زينب: خدي بالك ... حطي الطبقات بالترتيب.
الطبقة الأولى: حطي العدس والرز.
الطبقة التانية: مكرونة.
الطبقة التالتة : زودي صلصة حسب الطلب.
أخر طبقة رشِّي البصل والحمص.
أماني: مرسي ياطنت أنا هعمل الأكلة دي مفاجأة لماما.
زينب: وماتنسيش تعزميني، وبالهنا والشفا.
