Different Times in Egypt - أوقات مختلفة في مصر

أوقات مختلفة في مصر

ماما: صباح الخير يلا إصحي ياقمر.

هيا: صباح النور ياماما، إزاي الجو إنهارده؟

ماما: الجو برد ومطر.

هيا: طبعا، الجو برد، إحنا في يناير، هلبس جاكيت تقيل.

ماما: وكمان خدي شمسيتك والجوانتي.

هيا: حاضر ياماما.

سامح بيعيش في القاهرة وهيقضي الصيف في الإسكندرية

سامح: إزيك يا تامر؟

تامر: الحمد الله، أهلا بيك في إسكندرية؟

سامح: شكرا، يلا نروح البلاج، الجو حر أوي.

تامر: طبعا، في أغسطس الجو حر ورطوبة.

سامح: طيب وبليل الجو عامل إيه ؟

تامر: بليل الجو رطوبة.

سامح: في القاهرة الجو حر وجاف.

تامر: إنت قاعد أد إيه في إسكندرية؟

سامح: شهر وبعدين هرجع شغلي في القاهرة.

تامر: هتنبسط معانا الصيف ده، في سبتمبر الجو هيكون جميل الصبح دافي وبليل شوية بارد على البحر.

أمال ومنمن بيتمتعوا بفصل الربيع

أمال: الله على الربيع، شم النسيم إنهارده والجو حلو يامنمن.

منمن:طبعا، ده شهر مايو. الجو مشمس والسما صافية.

أمال: طيب يلا نروح رحلة لشرم الشيخ.

منمن: لا ياأمال، شرم الشيخ حر في إبريل، في الخريف أحسن.

أمال: ليه؟

منمن: علشان الجو في سبتمبر بيكون معتدل، الصبح هنتمتع بالشمس على البلاج وبليل الجو بيكون دافي وهنسهر للصبح.

النشاط الخامس

والأن توقعات الطقس اليوم :

ضباب في الصباح ، ورياح بعد الضهر. بارد في المساء.

الخميس، أمطار غزيرة طوال اليوم مع إنخفاض في درجات الحرارة بعد الضهر.

الجمعة، في الصباح مشمس وبعد الضهر الجو هيكون غائم وجاف.