A Tour in Syria
المراسلة: سيداتي وسادتي اهلا وسهلا فيكن مع برنامجنا الاسبوعي "رحلة في بلدنا سوريا". مشوارنا اليوم جولة في اللاذقية.
بلشت رحلتنا الى مدينة اللاذقية اللي بتقع شمال غرب سوريا واللي بتطل على الساحل الشرقي للبحر الأبيض المتوسط واللي فيها مينا كبير.
بتشتهر اللاذقية بجمال طبيعتها وفيها كتير غابات وبساتين. وفيها كمان كتير من المواقع التاريخية والقلعات. وكمان المنطئة معروفة بوجود عدد من الأنهار والبحيرات وينابيع المي الطبيعية والشلالات
ارتفاع درجات الحرارة ومعدلات الرطوبة خلا الناس تيجي عالبحر والبرك المحيطة فيه. شط اللاذقية معروف بمناخه المعتدل: ممطر في الشتا وجاف وحار في الصيف. وطقسه متل باقي المدن المطلة على المتوسط مثل لبنان واليونان وقبرص وتركيا اللي بتبعد من هون بس شي ساعة بالسيارة.
اليوم في كثير ناس عالشط. خلينا نحكي معهن. مرحبا كيفك؟
مواطنة: تمام. كتير مبسوطين. شكراً.
المراسلة: كيف شايفين البحر اليوم؟
مواطنة: والله البحر كثير حلو والجو كثير عائلي واجييت أنا وعيلتي واصحابنا. جينا لهون يومين تلاتة هربنا من الشوب من الشام.
المراسلة: كتير حلو.
مواطنة: جايين نقعد هون بالمنتجع، المنتجع كثير حلو والسياحة فيه حلوة كثير
المراسلة: ان شاءالله بتنبسطوا وشكراً اليك.
مواطنة: العفو
المراسلة: اوتيلات الخمس نجوم في اللاذقية محدودة واسعارها بتوصل الى اكثر من ميتين دولار في اليوم. وكمان بتئدر تستأجرشاليه على البحر مؤلف من غرفتين نوم وصالة بتسعين دورلا لليوم الواحد وشقة مفروشة في المدينة ممكن بأسعار أئل كتير
أعزائي ان شاء الله تكونوا استمتعتوا معنا في جولتنا في اللاذقية الحلوة. مع السلامة وبنشفكون الاسبوع الجاي برحلة جديدة في بلدنا الحبييب سوريا.
